تسجيل الدخول

مشاهدة النسخة كاملة : إيوة أنا عارفة إنك بتغير


الهام احمد سعد
24-05-2007, 07:57 PM
رد على قصيدة ( إيوة بغير) للشاعر/ هشام الجخ
إيوة أنا عارفه انك بتغير
وإن الغيرة دى حاجه ف طبعك
وإن الغيرة دى حاجه جميلة
لجل تحافظ علـّى تحبه
وتملك قلبـــه وان نيرانها
لجل تنوِر قلبى وقلبك مبتحرقش
انا مش عاوزه اشوف تغيير
ولا تلبسلى سلسله فيها خرزة وقلب
اصل انا عارفه ان انا ف القلب
صورتى واسمى فعينك درب
عاوزاك تعرف انى خلاص
مش راح اخلى الماسة مداس
راح اخبيها واحط عليها
خمسين قفل وميت ترباس
ولا هوقف قلبى وقلبك
يبقوا عليها اتنين حراس
لاجل ماتعرف انى بحبك
لجل ما يوصل حبى لقلبك
وانا بدعيلك قبل الفجر
يجمع ربنا بينى وبينك
ويخلينى القمرة ف عينك
ايوة انا عارفه انك مش قاصد
تحكم قيدى تكتف ايدى
او تحبسنى
وتخلينى اخاصم ناس
عارفة انا قاصدك
قاصدك انى...
إنى احافظ بس شويه
واعمل ليك حبة تقدير
واعرف انك
برده عليا تحب تغير
إيوة انا عارفه انك بتغير
جوتيار تمر
24-05-2007, 11:04 PM
الهام..
واغراق محموم في الآتي الجميل

نص رائع بكل مقاييس الروعة والجمال

محبتي لك
جوتيار
معتز الشربيني
25-05-2007, 08:11 AM
يمكن غيرتي دي بس عليكي
مش خوف منك ابدا ابدا
لكن خوف والله عليكي
وأسألي قلبي الدايب فيكي
لما بشوفك بلمح طيفك
بجري والف كتير حواليكي
خايف حد يقرب منك
و زي ما واهب روحي انا ليكي
و زي ما قلبي بينبض بيكي
خايف برضه وغصب عني
خايف يوم تهربي مني
وتموتيني بحسره عليكي



سلمت يداك يا شاعرتنا الرقيقه
نادية حسين
25-05-2007, 10:31 AM
الله يالهام كلمات جميله

صح السانك وعجبني رد الشاعر معتز الشربيني صح لسانه

الله الله

لما اغار .. واسهر واحتار .. يبقى خلاص .. استنى النار

ايوه خساره والف خساره .. كل حريق يبد أ بشراره

انا دلوقتي بقيت غياره




ودمتم بخير
اسلام محروس
26-05-2007, 01:00 PM
ازاى هاغير
وأنا عارف ان الكون بحالة
فيكى دايب
و القلوب مفروشه فوق الأرض ليكى
عشان تخطى
ازاى انا امنع عن ملايين البشر
نبض الحياه
ازاى هاقول للشمس
نورك ليه وحدى
وفوتى كل الناس تموت
ما اقدرش أغير
علشانى عارفك
أغلى من أنى انا لوحدى أحبك
ما انت حبك أقوى من طاقة البشر
حتى كلمة كلمة حب
مش كافيه عشانك
يا اللى نظره واحده منك
تملا كل الارض خير
يبقى بس ازاى هاغير
الهام العزيزة
كعادتك تناجى القلوب بكلماتك العذبه
وتهدهدى مشاعر القراء برقيق قولك
تقبلى كل التقدير والشكر
وفائق
احترا:0014: ماتى
مروة عبدالله
26-05-2007, 04:55 PM
أيوة انا عارفة ده غيرته عشانك
دايما تحلى فى أحلى عيون
لازم تعرفى غيرته دى هيه
اللى بتدى الحب اللون
اوعى فى يوم تزعلى منه
دى الغيرة دى هيه جمال الروح
عايزاكى تعذرى غيرته عليكى
علشان داب فى عروسة الكون
إلهـــــــــــــــــــــا م
رائعة احساس وكلمات
ورونقها الرقيق
أبدعتى هنا أختى أجمل إبداع
تقديرى واحترامى
علاء عيسى
27-05-2007, 03:08 AM
"ايوة انا عارفه انك مش قاصد
تحكم قيدى تكتف ايدى
او تحبسنى
وتخلينى اخاصم ناس
عارفة انا قاصدك
قاصدك انى...
إنى احافظ بس شويه
واعمل ليك حبة تقدير
واعرف انك
برده عليا تحب تغير
إيوة انا عارفه انك بتغير "
الهام
لو انتظرتى على القصيدة
لصارت كلها بنفس هذا الجمال
أعجبنى جداً رد
معتز
لأنه
أنضج
والنضوج هنا
هو اختمار الفكرة
والاهتمام بها
تحياتى
برغم كل الآراء فى العمل
الهام احمد سعد
27-05-2007, 11:58 AM
:NJ: أرق وأسمى ما قرأت لكِ بالواحة يا أخت إلهام !
:nj:
احترامي ومودتي
شاهين




الاب الغالى والاستاذ والمبدع / شاهين ابو الفتوح
سعدت كثيرا بتواجدك هنا فى عملى المتواضع
لك جزيل الشكر والتقدير
وادعوا اللع ان اكون دائما عند حسن ظنكم بى
الهام احمد سعد
27-05-2007, 12:00 PM
الهام..
واغراق محموم في الآتي الجميل
نص رائع بكل مقاييس الروعة والجمال
محبتي لك
جوتيار



جوتيار اشكرك كثيرا لتواجدك هنا
وادعوا الله ان يديم التواصل بيننا
لك الشكر على هذا المرور الكريم
الهام احمد سعد
27-05-2007, 12:03 PM
يمكن غيرتي دي بس عليكي
مش خوف منك ابدا ابدا
لكن خوف والله عليكي
وأسألي قلبي الدايب فيكي
لما بشوفك بلمح طيفك
بجري والف كتير حواليكي
خايف حد يقرب منك
و زي ما واهب روحي انا ليكي
و زي ما قلبي بينبض بيكي
خايف برضه وغصب عني
خايف يوم تهربي مني
وتموتيني بحسره عليكي
سلمت يداك يا شاعرتنا الرقيقه


الشاعر الرائع / متعز الشربينى
لك جزيل الشكر لما خطت يداك
وعلى هذه المداخله الجميلة
التى سعدت كثيرا بها
لك كل الشكر والتقدير
غازى كلخ
27-05-2007, 12:25 PM
الهام الجميلة ...تحية فلسطينية فيها طعم الزعتر والصمود
مبدعة انت ورائع ما تكتبين
وفي شوق للمزيد
محمد البدري محمد
27-05-2007, 11:36 PM
إلهام لو تملكين لهجة جنوبية لجاء نصك مفعماً بحرارة القلوب قبل حرارة الشمس أكاد أرى معابد الأقصر والفتى يبحث بين الأعمدة عمن تاهت لكن هناك صوتاً يتردد لم أقتحم نداءه لكِ وبالرغم من ذلك أراكِ صدى جميلاً .. تعود به تماثيل الخوف فيقترب أكثر وخلف الصدى يبقى الظل وحيداً حاولى الخروج إما إليه وإما منه!
احمد علم الدين
31-05-2007, 11:49 PM
جميلة جداً ياالهام
مع دوام التقدم
وتقبلي تحياتي
الهام احمد سعد
23-06-2007, 02:32 AM
الله يالهام كلمات جميله
صح السانك وعجبني رد الشاعر معتز الشربيني صح لسانه
الله الله
لما اغار .. واسهر واحتار .. يبقى خلاص .. استنى النار
ايوه خساره والف خساره .. كل حريق يبد أ بشراره
انا دلوقتي بقيت غياره
ودمتم بخير


وانا دلوقت بقيييييت مشتاقة
انى اجاريكى ف اشعارك
يا اللى الكلمة الحلوة بتعاتك
بتخلينى اكون مبسوطة
شكرا ليك يا وردة قلبى
وانا عايزاكى تكونى غيارة


العزيزة والحبيبة / نادية
شكرا لك على هذا المرور الكريم والجميل
تحياااااااتى لتعليقك
وشكرا لك
الهام احمد سعد
23-06-2007, 02:36 AM
ازاى هاغير
وأنا عارف ان الكون بحالة
فيكى دايب
و القلوب مفروشه فوق الأرض ليكى
عشان تخطى
ازاى انا امنع عن ملايين البشر
نبض الحياه
ازاى هاقول للشمس
نورك ليه وحدى
وفوتى كل الناس تموت
ما اقدرش أغير
علشانى عارفك
أغلى من أنى انا لوحدى أحبك
ما انت حبك أقوى من طاقة البشر
حتى كلمة كلمة حب
مش كافيه عشانك
يا اللى نظره واحده منك
تملا كل الارض خير
يبقى بس ازاى هاغير
الهام العزيزة
كعادتك تناجى القلوب بكلماتك العذبه
وتهدهدى مشاعر القراء برقيق قولك
تقبلى كل التقدير والشكر
وفائق
احترا:0014: ماتى


الشاعر والمبدع / اسلام محروس
اشكر لك هذا الكلمات الرقيقة
والتعليق الجميل
دائما تفرحنى بتعليقك
واتمنى من الله ان يديم التواصل
شكرا على مرورك الكريم
الهام احمد سعد
23-06-2007, 02:38 AM
أيوة انا عارفة ده غيرته عشانك
دايما تحلى فى أحلى عيون
لازم تعرفى غيرته دى هيه
اللى بتدى الحب اللون
اوعى فى يوم تزعلى منه
دى الغيرة دى هيه جمال الروح
عايزاكى تعذرى غيرته عليكى
علشان داب فى عروسة الكون
إلهـــــــــــــــــــــا م
رائعة احساس وكلمات
ورونقها الرقيق
أبدعتى هنا أختى أجمل إبداع
تقديرى واحترامى



الرااااااائعة دائما / مروة عبد الله
دائما تفرحينى بتعليقاتك الرقيقة
لك جزيييييييل الشكر والتقدير
شكرا على مرورك الكريم
الهام احمد سعد
23-06-2007, 02:42 AM
"ايوة انا عارفه انك مش قاصد
تحكم قيدى تكتف ايدى
او تحبسنى
وتخلينى اخاصم ناس
عارفة انا قاصدك
قاصدك انى...
إنى احافظ بس شويه
واعمل ليك حبة تقدير
واعرف انك
برده عليا تحب تغير
إيوة انا عارفه انك بتغير "
الهام
لو انتظرتى على القصيدة
لصارت كلها بنفس هذا الجمال
أعجبنى جداً رد
معتز
لأنه
أنضج
والنضوج هنا
هو اختمار الفكرة
والاهتمام بها
تحياتى
برغم كل الآراء فى العمل


ابى الغالى واستاذى العزيز والشاعر الرائع / علاء عيسى
انت دائما على حق
فالقصيدة خرجت دون انتظار ولعلها لهفتى فى خروجها هى التى دفعتنى الى ذلك
ولكن اوعدك انى سانتظر على القصائد حتى تصبح جيدة وتنال اعجابكم
اتمنى من الله ان يحفظك لنا ابا ومبدعا واستاذا
واشكرك على هذا المرور الكريم
ابنتك / الهام احمد سعد
الهام احمد سعد
23-06-2007, 02:49 AM
الهام الجميلة ...تحية فلسطينية فيها طعم الزعتر والصمود
مبدعة انت ورائع ما تكتبين
وفي شوق للمزيد


الشاعر الرائع والاخ الفلسطينى
من مصر الحبيبة نحيك بتحيه بها رائحة الخضرة والنيل
وشكرا على مرورك الكريم
وانا اشكرك على تمنياتك بالمزيد
شكرا لك على هذا المرور الكرييييييييم
الهام احمد سعد
23-06-2007, 03:09 AM
إلهام لو تملكين لهجة جنوبية لجاء نصك مفعماً بحرارة القلوب قبل حرارة الشمس أكاد أرى معابد الأقصر والفتى يبحث بين الأعمدة عمن تاهت لكن هناك صوتاً يتردد لم أقتحم نداءه لكِ وبالرغم من ذلك أراكِ صدى جميلاً .. تعود به تماثيل الخوف فيقترب أكثر وخلف الصدى يبقى الظل وحيداً حاولى الخروج إما إليه وإما منه!


الشاعر الرائع / محمد البدرى
كنت اتمنى ان امتلك هذه اللهجة الجنوبية الاصيلة والجميلة
ولكن كتبت ما شعرت به من غيرة الصعيدى واصالته
وتقدير الجنوبية لها الغيرة واحترامها له
كل الشكر والتقدير لمرورك الكريم
دمت اخا ومبدعا واستاذا وشاعرا
تحياتى وتقديرى
الهام احمد سعد
23-06-2007, 03:11 AM
جميلة جداً ياالهام
مع دوام التقدم
وتقبلي تحياتي


الشاعر الرائع / احمد علم الدين
جميييييل جدا مرورك الكريم
واشكرك على هذه الكلمات
كل الشكر والتقدير لك ولكلماتك
ودمت لنا مبدعا
هشام الجخ
14-08-2007, 12:56 PM
جميلة يا الهام
انا سجلت في الموقع مخصوص علشانك
واحد صاحبي بعتلي اللينك وحكالي على القصيدة بتاعتك
بجد حلوة - رغم بعض التحفظات -
رجعتيني لايام الكلية
كنا واحد يكتب والتاني يرد عليه
لو كنتي لسة في الكلية ابقى عدي علينا في المركز احنا لسة بنجتمع كل سبت واتنين واربع
تحياتي لابداعك الجميل
هشام الجخ
الهام احمد سعد
14-08-2007, 02:24 PM
جميلة يا الهام
انا سجلت في الموقع مخصوص علشانك
واحد صاحبي بعتلي اللينك وحكالي على القصيدة بتاعتك
بجد حلوة - رغم بعض التحفظات -
رجعتيني لايام الكلية
كنا واحد يكتب والتاني يرد عليه
لو كنتي لسة في الكلية ابقى عدي علينا في المركز احنا لسة بنجتمع كل سبت واتنين واربع
تحياتي لابداعك الجميل
هشام الجخ


الشاعر الكبير والاستاذ / هشام الجخ
شكرا جزيلا لك
اولا ارحب بك هنا
اما عن القصيدة
فانا سمعت قصيدتك (أيوة بغير) فى نادى ادب كلية الأداب ولم اكن اعرفك
ولكن اعجبتنى هذا القصيدة بشده
فكتبت ردا عليها
وانا اعلم انه لا يرقى الى مستوى قصيدتك
وهذه القصيدة كانت فى بداية ما كتبت
واعرف ان عندك بعض التحفظات
اولها كثرة الكلمات التى اقتبستها من قصيدتك
ولكن اعذرنى لان هذه القصيدة كانت فى بداية ما كتبت
وادعوك لتقرا بعض من اعمالى المتواضعة
شكرا جزيلا لك
واهلا ومرحبا بشاعر عظيم
تلميذتك / إلهام أحمد سعد
كلية الأداب الفرقة الثانية قسم التاريخ جامعة المنصورة
هشام الجخ
14-08-2007, 04:01 PM
هاااااااااااااااااااااااا اااي
مين قالك ان القصيدة لا ترتقي ولا مش عارف ايه !!!!
ايه الكلام ده ؟؟؟!!!
القصيدة حلوة جدا
انا تعليقاتي او تحفظاتي مجرد كلام عن الكتابة النسائية وارتباطها برد الفتاة على شعور الرجل بيها
حاجات كدة ملهاش دعوة بتقنيات الكتابة نفسها
مكنش قصدي خالص اقول انها فيها عيوب
محمدعثمان جبريل
15-08-2007, 12:49 AM
الشاعرة إلهام أحمد
قصيدة .. فيها من الطرافة و العفوية ما يجعلها عملا مميزا
أغبط قدرتك على التعبير عن وعى أنثوى جاء بلا تكلف ..
أحيانا تكون الكتابة بلا تتدقيق لها طعم مختلف .. وإذا حاولنا التجويد ... أفسدنا طزاجتها
تقديرى و مودتى
الهام احمد سعد
16-08-2007, 04:45 AM
الشاعرة إلهام أحمد
قصيدة .. فيها من الطرافة و العفوية ما يجعلها عملا مميزا
أغبط قدرتك على التعبير عن وعى أنثوى جاء بلا تكلف ..
أحيانا تكون الكتابة بلا تتدقيق لها طعم مختلف .. وإذا حاولنا التجويد ... أفسدنا طزاجتها
تقديرى و مودتى


الشاعر الرائع / محمد عثمان جبريل
اشكر لك تلك الكلمات الرقيقة واتمنى ان اكون دائما عند حسن ظنكم
تقبل خالص تحياتى وتقديرى
تلميذتك / الهام احمد سعد
هيثم منتصر
19-08-2007, 11:55 AM
:nj::nj:يابخته بيكي
ياشاعره:nj::nj::nj:
:nj::nj:
غازى كلخ
21-08-2007, 07:26 AM
العزيزة راقية الأحساس رائعة التعبير إلهام
منعش..مدهش شعرك
الله ما اجملك من شاعرة!!!
الهام احمد سعد
22-08-2007, 02:42 PM
:nj::nj:يابخته بيكي
ياشاعره:nj::nj::nj:
:nj::nj:


الشاعر / هيثم منتصر
شكرا جزيلا لك على مروك الكريم
وعلى تعليقك الجميل
تحياتى وتقدرى
نجوي أبو ليله
21-10-2008, 10:15 AM
من حبي فيكي بغير عليكي
اصل بصراحه بدوب أنا فيكي
وبموت بنظرة عنيكي ومرهم اديكي
ياللي اغلي مالماس
بحبك صدقني بجد
وحبك عندي جد
وعشان انتي حبيبتي بغير عليكي


كلام سريع كده في ثواني
وتسلمي ياقمر
وائل محمد القويسنى
01-11-2008, 12:41 AM
رائع حسك يا إلهام
أهم ما يميز أعمالك الحس المرهف الذى يبلغ اللحن بسهولة للقلوب
لذا فإن كلامك بالغ التأثير على المتلقى لأنه يخرج بحس بسيط جميل غير متكلف
إنسيابية فى المشاعر وألفاظ معبرة تستقى حرارتها من حرارة الشوق
وتأخذ تأثيرها من تأثير العاطفة الجياشة الغير متكلفة
جميلة يا إلهام
تقديرى
وائل القويسنى
ايمان عبد الله
07-11-2008, 09:31 AM
الرائعة الهام
سعيدة بالمرور على شعرك الرائع
صباحك شعر
أحمد محسن الحديدي
11-11-2008, 10:43 PM
الشاعرة إلهام : ماأجمل فن الرد حينما يكون بأسلوبك أنت
لقد رددت عليه بأسلوبه هو ليس بأسلوبك ؛ إذ استخدمت نفس الصور والتعابير والتشبيهات التي استخدم .
" ايوه انا عارفه اننا ف القلب " ما أجمل الثقة في النفس . تحيتي لك .
محمود صلاح بدوى
27-11-2008, 05:08 AM
ماشاء الله لا قوة الا بالله .. ما أروع كلماتك وما أجمل إحساسك وما أرق مشاعرك ،جميل جدا ما كتبتى :nj:
أحمد موسي
14-03-2009, 07:16 PM
غيرته عليكي
د عشان هو متيم بيكي

أصل الحب أساسه الغيره
وإنتي أكيد ف عيونه أميره

وأكيد عارفه

إن أساس الحب عذابه
والغيره اسم أهم ابوابه

خالص تحياتي يا إلهام
سلمت يداك
أخوكي المخلص/ أحمد موسي
الهام احمد سعد
20-03-2009, 07:08 PM
من حبي فيكي بغير عليكي
اصل بصراحه بدوب أنا فيكي
وبموت بنظرة عنيكي ومرهم اديكي
ياللي اغلي مالماس
بحبك صدقني بجد
وحبك عندي جد
وعشان انتي حبيبتي بغير عليكي


كلام سريع كده في ثواني
وتسلمي ياقمر




الرقيقة / نجوى ابوليلة
شكرا جزيلا على مرورك الكريم
تحية لقلبك الجميل ولقلمك المبدع
مع خالص حبى وتقديرى
دمت مبدعة
الهام احمد سعد
20-03-2009, 07:12 PM
رائع حسك يا إلهام
أهم ما يميز أعمالك الحس المرهف الذى يبلغ اللحن بسهولة للقلوب
لذا فإن كلامك بالغ التأثير على المتلقى لأنه يخرج بحس بسيط جميل غير متكلف
إنسيابية فى المشاعر وألفاظ معبرة تستقى حرارتها من حرارة الشوق
وتأخذ تأثيرها من تأثير العاطفة الجياشة الغير متكلفة
جميلة يا إلهام
تقديرى
وائل القويسنى


استاذى واخى المبدع / وائل القويسنى
يسرنى جدا ما كتبت
واتمنى ان يكون لى فعلا تاثيرا على الواحة
شكرا لرقة وجمال حرفك
وما عندى الا بفضل الله وفضلكم
تقبل خالص تحياتى وتقديرى
تلميذتك واختك
إلهام أحمد سعد
الهام احمد سعد
20-03-2009, 07:14 PM
الرائعة الهام
سعيدة بالمرور على شعرك الرائع
صباحك شعر


المبدعة الرقيقة / إيمان عبد الله
صباااحك سكر
وأنا أكثر سعادة بمرورك الكريم
دام ابداعك وتواصلك
تقبلى خالص تحياتى وتقديرى
إلهام أحمد سعد
الهام احمد سعد
20-03-2009, 07:17 PM
الشاعرة إلهام : ماأجمل فن الرد حينما يكون بأسلوبك أنت
لقد رددت عليه بأسلوبه هو ليس بأسلوبك ؛ إذ استخدمت نفس الصور والتعابير والتشبيهات التي استخدم .
" ايوه انا عارفه اننا ف القلب " ما أجمل الثقة في النفس . تحيتي لك .


اخى واستاذى المبدع / أحمد الحديدى
اشكرك كثيرا على مرورك الكريم
وشكرا جزيلا لرايك
مع خالص تحياتى وتقديرى
اختك
إلهام أحمد سعد
الهام احمد سعد
20-03-2009, 07:19 PM
ماشاء الله لا قوة الا بالله .. ما أروع كلماتك وما أجمل إحساسك وما أرق مشاعرك ،جميل جدا ما كتبتى :nj:


المبدع/ محمود صلاح
والاجمل منه مرورك الكريم وما كتبته انت
تحياتى لك ولرقة حرفك
دام ابداعك وتواصلك
الهام احمد سعد
20-03-2009, 07:22 PM
غيرته عليكي
د عشان هو متيم بيكي
أصل الحب أساسه الغيره
وإنتي أكيد ف عيونه أميره
وأكيد عارفه
إن أساس الحب عذابه
والغيره اسم أهم ابوابه
خالص تحياتي يا إلهام
سلمت يداك
أخوكي المخلص/ أحمد موسي


المبدع / احمد موسى
شكرا لمداخلتك الرقيقة ومورك الكريم
دام ابداعك واتواصلك
سلم قلبك وقلمك
مع خالص تحياتى وتقديرى
إلهام أحمد سعد