كان بجري فينا النيل

[غازى كلخ]

كان بجري فينا النيل
د.غازى كلخ
كان بجري فينا النيل .. ومراكب صيد
كان فيها ينط البلطي
وترقص على عزف الناي جوا قلوب
تغلي زي جرة فول على ناصية شارع
ف الموسكي
ونافورة روكسي .. تحكي عن سر قلوب
وعيون كحّلها العشق الباين ف نظرة " كليوبترا"
"وأنطونيو" بيتحسر على سحر الشرق
والفرق جدار .. يكبر ويزيد
مع طلّة أوتوبيس طلبة الأزهر
وفرس أبو زيد .. تتغندر
واللحظة .. ساعات
و ميعاد قبل ما ييجي يكون عدى وفات
ومات قبل ما يولد طفل الفرحه
واحتاس !!
وهات يا دموع القلب زخات رصاص
ويتوه الحلم ف بحر الصحرا
ف مدينة نصر وغمره
وف غمرة الاحزان
يبان في الحي الرابع ضي
ونجوم بتشاور على درب التبانة
يمكن فيها يكون متخبي وتايه
حظ الولد الشقيان
عريان غير من خوفه .. وأمله ف بكرة
والطب يرفع رايته البيضا
سودا يا ليالي الجوع والحرمان
ودموع تنهش ف ضلوع
ع مصير ليلى .. ومصير الولد المجنون
المسفوح حبه ع سفوح جبل التوباد
وسؤال!!!!!!!!!
ليش نهر النيل بيجري أحيانا عكس المعتاد؟؟؟

[نادية حسين]

الله ياشاعرنا الحساس غازي

ليه .. من غير ليه

النيل بيقولك

ظلموه

ربي معاك

[غازى كلخ]

عزيزتي الاستاذة نادية
كل حرف من ردك المميز يخليني اقولك شكرا

[جوتيار تمر]

العزيز غازي..

اهلا بك في الواحة..

استوقفتني كلماتك كثيرا..
وجاءت وكانها ثورة..

وهات يا دموع القلب زخات رصاص
ويتوه الحلم ف بحر الصحرا
ف مدينة نصر وغمره
وف غمرة الاحزان


دمت بالق
محبتي لك
جوتيار

[هبة الأغا]

ليش نهر النيل بيجري أحيانا عكس المعتاد؟؟؟


عشان الهوى مد !!

**

رائع يا د. غازي ..

يا ابن مدينتي .. :001:

[غازى كلخ]

بتلاقي القلوب في واحة الابداع
لا املك الا ان احييك من زرعت فيه كلماتك حبا وتقدير
ايها العزيز جوتيار

[غازى كلخ]

مبدعة خانيونس مدينتنا التى نحب...العزيزة هبة
كل الاحنرام والود وشكرا على عبير الورد الجوري
الفواح من مرورك الجميل على كلماتي
ودمت متألقه

[مروة عبدالله]

النيل بجماله هيفضل يروينا

أملنا في ربنا هيظل يحيينا

صلى يا غازى وقول يارب

أصرخ بيها وعالى الصوت

أوعى فى يوم تطاطى راسك

نصر الله قريب لينا

طول ما قلوبنا فيها إيمان

نصر الله قريب لينا


غازى كلــــــــــــــــخ

جميلة كالوردة التى تفوح

بأجمل الروائح

تقديرى واحترامى

[محمد البدري محمد]

أجمل شئ إنك تحس إن الحياة ملك أمرك بالكلمة البحر السما حتى المشاعر الخوف والفرح وبكرة
.........جميل يا شاعر

[غازى كلخ]

انا والنيل والوردة
شفنا ف ليل
القمر
روحنا عليه بتنده
رد من بعيد
ايوه..
انا من حلم سعيد
ومعايا
الحلوة مروة
.....

[غازى كلخ]

عزيزي الاستاذ محمد
لولا التحدي والامل ف بكرة والايمان بحتمية كسب الجولة في صراع الحق والباطل
ما كتب شاعر
تحياتي والاحترام

[أحمد حاتم]

ودموع تنهش ف ضلوع
ع مصير ليلى .. ومصير الولد المجنون
المسفوح حبه ع سفوح جبل التوباد
وسؤال!!!!!!!!!
ليش نهر النيل بيجري أحيانا عكس المعتاد؟؟؟
.................................................. .....

الشاعر الحبيب
الدكتور غازى الغالى
ليش نهر النيل بيجرى أحيانا عكس المعتاد ...

سؤال جميل .. مجاز أجمل ..
بس الرحله يادكتور غازى عمر طويل
وتاريخ أطول
حاله وقدره طيلة عمره
لما بيفرح يبكى سنين
وسنين تانيه فيها يتوجع
يرمى ف دمعه وعمره ما يشكى
ولا يوم همه
عمره ما همه
يفضل راكب ذاته بنفسه
يكتم ألمه جوه ف صدره
شايف طوله !!
أهو باله زيه
مضروب ألف فى طوله وعرضه
شايف عمره !!
أهو ده .. قلبه
أكبر قلب ف خلقة ربه
شايف صبره ..وعوده وصلبه !!
كل أبناءه مع أحبابه حافظين وده
وهوه لوحده يعرف إمتى
يوفى بوعده

عمره ما كان يا شاعرنا ياغالى
يقبل أبدا يمشى لعكسه
لا هوه .... ولا شعبه

أنا عارف إن انته حبيبه
وجوارحك بتميل على ميله
وعيونك بتغنى ليومه
وموالك سهران فى دروبه
وشطوطه سامعاك وبتوعد
عمرها ...... عنك ماهتبعد
ده حبايبه عيشين وبعزه
وبروحه ملهوف على غزه
وان كان مسترخى كده شويه
أبدا ما هيسكت واستنى
....................................
الغالى
قصيدتك رائعه بكل المقايس
تقبل مداخلتى البسيطه أيها الحبيب