المساعد الشخصي الرقمي

مشاهدة النسخة كاملة : ناس و ناس


محمود النجار
05-06-2007, 07:32 PM
لسه فيه
ناس
عايشين الباطل
تسأل فيهم انتوا منين
ولا يا ناس ساكنين طب فين
يقولولك فى البلد إياها
ساكنين فى البيت اللى يمين
قهوة جدى العمده حسين
و سلالم و كراسى و هيسه
عركه كبيره
عصي و شوم
صفاره لغفير العمده
كله يخلي مكان العركه
كله يقوم
طوق كرسى القهوة بإيده
جاب أجنبى و إتصوره سيده
كان فرمانه الأول يقتل
كل أهالى العمده حسين
نط سؤال فى عنين العمده
عايز يسأل
طب كده ليه
بس الأجنبى ما اداش فرصه
بعته لمارى و لننيه
فرفش عمدتنا وطقيته
داسها بإيده و برجليه
و الأجنبى نفذ تهديده
مرت سنه على كده و اتنين
أمشى و اسيبهم ناس تانيين
تسألهم يقولولك فين
أحنا مكاننا فوق القمه
بيت الهمه
مركز أول
قوه و سيطره ع التانيين
أحنا منين
م البلد اللى بتحمى حقوقنا
م الشمس اللى بتيجى تدفى
لأ مش تحرق بنى أدميين
قول لنا انت تبقى منين
قلتلهم
انا بينكوا و بينهم
طوبه و تايه عنها البيت
شاهين أبوالفتوح
05-06-2007, 07:45 PM
وطوبة على طوبة يكتمل البناء يا محمود
إبداع آخر لك أسجل إعجابي به .. وبمثلك لا يخيب الظن
إلى الأمام
محبتي
شاهين
د. محمد حسن السمان
05-06-2007, 10:36 PM
سلام الـلـه عليكم
الأخ الفاضل الشعر محمود النجار

اعجبتني هذه الملامسات المخبوءة بين بوح الكلمات , والصور المرسومة بعفوية , والنبض الحر , ولقد شهد لك الشاعر الكبير الاستاذ شاهين أبو الفتوح , عندما كتب :
" إبداع آخر لك أسجل إعجابي به .. وبمثلك لا يخيب الظن
إلى الأمام "

تقبل احترامي وتقديري
نادية حسين
07-06-2007, 02:25 AM
أحنا منين
م البلد اللى بتحمى حقوقنا
م الشمس اللى بتيجى تدفى
لأ مش تحرق بنى أدميين
قول لنا انت تبقى منين


لله درك ايها الشاعر المبدع

غنيت معاك

ولمست الجرح

أحنا منين
م البلد اللى بتحمى حقوقنا
م الشمس اللى بتيجى تدفى
لأ مش تحرق بنى أدميين
قول لنا انت تبقى منين


دمت بخير اخي ودام عطاؤك
اسلام محروس
11-06-2007, 08:03 AM
الجميل محمود النجار
اسقاط جميل وتناول بسيط راقى
احييك عليه
بس ملاحظه على جنب يا شاعر :005:
اعطى فرصه اكبر لأعمالك تاخد حقها فى المشاهدات
انا ملاحظ انك بتطرح عدد من الاعمال فى اوقات متقاربه وده بيظلمها
تقبل كل تقديرى
واحترا:0014: ماتى
ينابيع السبيعي
11-06-2007, 02:49 PM
محمود النجار ورود متناثرة وعبق لا ينضب
دمت بهذه الاشراقة
تقديري
ينابيع السبيعي