تسجيل الدخول

مشاهدة النسخة كاملة : بنات الحلم ...


محمد صادق .. اللورد
25-06-2007, 02:07 AM
بنات الحلم


وبافرد عالسرير جرحى
وافضح كل تعب اليوم
تبان تنهيدة فى ملامحى
واستنى ...
ياخدنى النوم على بكرة
وبين الوعى والغفلة
الاقيها
بتجرى جوة فى عروقى
وتندهلى
تدخلنى براح الروح
وتسألنى
حبيبى قولى نفسك ايه ؟؟
انا ملكك
ومخلوقة عشان نفسَك
ولو تبعد في يوم عنى هتبعتلى
انا عارفاك ..
بتشتاقلى
ومهما تلف عل الأوهام
مسيرك برده ترجعلى .. فمتصدقش
فمتصدقش اكون غيرك
ولا نِّي يوم اكون جرحك
دانا الساكنة تفاصيلك
وانا المجروحة فى ملامحك
وانا ال عارفاك
تشوفنى الناس على عيونك
تخبينى
وتخجل لو تلاقينى
ابان لحظة على شرودك
تخاف لو مرة تتكلم تجيب اسمى
ومهرى بعيد على ايدك
متستعجلش


بعيدة السكة يالعاشق
بنات الحلم
بعيدة الخطوة لو ركبت
فى قطر الوهم
ووحدك ماشى مع كِبرك
وشايل صوتك الـ .. مكسور
تنط السور على صوتى
ومتشوفنيش
وتبعد تانى اناديلك
متسمعنيش
ورغم الزحمة انا سامعاك
فى آهة جرحك الساكتة
وعزة نفسك الرافضة تبوح الهم


وخايفة عليك ...
اقابلك يوم متعرفنيش
ولما ابعد تناديلى ومتشوفنيش
تخاف لو بس هافضل اعيش
فى احلامك
اكون ذكرى لماضى.. ماكانش
واكونلك جرح متألمش _رغم الاهة_فـ سكاتك


انا ماشية صحيح لكن
فى نفس ميعادى هارجعلك
وهارسملك
تقاطيعى فى لون حِسك
وهتشوف طيفى وسط الناس
بيضحكلك
فيجرى ملامح الخطين على جبينك
وتضحكلى
وهاستناك .. تجينى لحد باب الحلم
وتدخل يوم ......
تفسرنى

محمد صادق .... 2007
نادية حسين
25-06-2007, 01:44 PM
يعطيك ربي العافيه ايها القدير محمد صادق

مشاركه جميله

ودمت بخير
محمد البدري محمد
29-06-2007, 10:08 AM
محمد صادق
شاعر مطبوع نجح في اقتحامنا بقلمه المدهش وصوت حبيبته الطاغي على صوته
أخذنا معه إلى فتاته الحالمه وجعلها (كل البنات) لم أشك لحظة برد الفعل الذي انتابني
منذ أول سطر قراءة فالتصفيق ليس مرتبطاً بنص سأسمعه بل ربما يكون تصفيقاً صامتاً دخل الروح لكنه الأعنف..بصدق أيها الشاعر مرحباً بك ..شعرك من ذلك النوع الذي يستقر في الوجدان ويأخذ وقته من التلقي الذاتي والتلقائي حتى يفرض نفسه على قارئه إما بحفظه أو ترديده
أقولك حلم محلمتوش
طريق مسحور وبير ميه
وشمس من الدهب والنور
لنص نهار
وساقيه مروّحه في الروح
منين ما بروح
باحس برعشة المشوار
مجرد مداخلة إعجابا بقصيدتك.. على فكرة حاول تخلى شغلك بخط مريح في القراءة
اسلام محروس
30-06-2007, 10:54 AM
حبيبى الشاعر الصادق / محمد صادق
ما أجمل ما قرأت هنا
امتعتنى حقا بتلك الكلمات الراقية
دمت كما انت فلا أجمل من ذلك لأرجوه لك
تقبل كل تقديرى
واحترا:0014: ماتى
محمد صادق .. اللورد
03-07-2007, 01:06 AM
يعطيك ربي العافيه ايها القدير محمد صادق
مشاركه جميله
ودمت بخير

خالص شكرى لمرورك ودعوتك الجميلة
تحياتى دائما
محمد صادق .. اللورد
03-07-2007, 01:11 AM
محمد صادق
شاعر مطبوع نجح في اقتحامنا بقلمه المدهش وصوت حبيبته الطاغي على صوته
أخذنا معه إلى فتاته الحالمه وجعلها (كل البنات) لم أشك لحظة برد الفعل الذي انتابني
منذ أول سطر قراءة فالتصفيق ليس مرتبطاً بنص سأسمعه بل ربما يكون تصفيقاً صامتاً دخل الروح لكنه الأعنف..بصدق أيها الشاعر مرحباً بك ..شعرك من ذلك النوع الذي يستقر في الوجدان ويأخذ وقته من التلقي الذاتي والتلقائي حتى يفرض نفسه على قارئه إما بحفظه أو ترديده
أقولك حلم محلمتوش
طريق مسحور وبير ميه
وشمس من الدهب والنور
لنص نهار
وساقيه مروّحه في الروح
منين ما بروح
باحس برعشة المشوار
مجرد مداخلة إعجابا بقصيدتك.. على فكرة حاول تخلى شغلك بخط مريح في القراءة

بحق ... اعجزت لسانى عن الرد
وفى كلماتك اقصى ما يتمناه الشاعر ان يصل من اى نص
ومداخلتك الصغيرة ...تتحدث عن شاعر كبير ساقرأ له باذن الله
تشرفنا جدا استاذ محمد
محمد صادق .. اللورد
03-07-2007, 01:14 AM
حبيبى الشاعر الصادق / محمد صادق
ما أجمل ما قرأت هنا
امتعتنى حقا بتلك الكلمات الراقية
دمت كما انت فلا أجمل من ذلك لأرجوه لك
تقبل كل تقديرى
واحترا:0014: ماتى
وزى ما يهمنى رأيك كصديق
يهمنى برده كشاعر جميل وله بصمة
منورنى يا صاحبى
محبتى دائما
الهام احمد سعد
06-07-2007, 04:47 AM
بنات الحلم
وبافرد عالسرير جرحى
وافضح كل تعب اليوم
تبان تنهيدة فى ملامحى
واستنى ...
ياخدنى النوم على بكرة
وبين الوعى والغفلة
الاقيها
بتجرى جوة فى عروقى
وتندهلى
تدخلنى براح الروح
وتسألنى
حبيبى قولى نفسك ايه ؟؟
انا ملكك
ومخلوقة عشان نفسَك
ولو تبعد في يوم عنى هتبعتلى
انا عارفاك ..
بتشتاقلى
ومهما تلف عل الأوهام
مسيرك برده ترجعلى .. فمتصدقش
فمتصدقش اكون غيرك
ولا نِّي يوم اكون جرحك
دانا الساكنة تفاصيلك
وانا المجروحة فى ملامحك
وانا ال عارفاك
تشوفنى الناس على عيونك
تخبينى
وتخجل لو تلاقينى
ابان لحظة على شرودك
تخاف لو مرة تتكلم تجيب اسمى
ومهرى بعيد على ايدك
متستعجلش
بعيدة السكة يالعاشق
بنات الحلم
بعيدة الخطوة لو ركبت
فى قطر الوهم
ووحدك ماشى مع كِبرك
وشايل صوتك الـ .. مكسور
تنط السور على صوتى
ومتشوفنيش
وتبعد تانى اناديلك
متسمعنيش
ورغم الزحمة انا سامعاك
فى آهة جرحك الساكتة
وعزة نفسك الرافضة تبوح الهم
وخايفة عليك ...
اقابلك يوم متعرفنيش
ولما ابعد تناديلى ومتشوفنيش
تخاف لو بس هافضل اعيش
فى احلامك
اكون ذكرى لماضى.. ماكانش
واكونلك جرح متألمش _رغم الاهة_فـ سكاتك
انا ماشية صحيح لكن
فى نفس ميعادى هارجعلك
وهارسملك
تقاطيعى فى لون حِسك
وهتشوف طيفى وسط الناس
بيضحكلك
فيجرى ملامح الخطين على جبينك
وتضحكلى
وهاستناك .. تجينى لحد باب الحلم
وتدخل يوم ......
تفسرنى

محمد صادق .... 2007





الله عليك يا شاعر
قصيدة رائعة بحق
اهلا بك وبقصاائد وروائعك هنا
قصيدة مليئة بالاحساس وعمق الفكرة
احييك على هذه القصيدة الجميلة
تقبل خالص تحياتى وتقديرى
محمد صادق .. اللورد
06-07-2007, 09:07 PM
الله عليك يا شاعر
قصيدة رائعة بحق
اهلا بك وبقصاائد وروائعك هنا
قصيدة مليئة بالاحساس وعمق الفكرة
احييك على هذه القصيدة الجميلة
تقبل خالص تحياتى وتقديرى

اسعد دائما بوجودك ورأيك يا الهام
وما اجمل ان يحس بالعمل شاعر جميل مثلك
مودتى دائما