ماكنش لازم

[محمد الصاوي]

ماكنش لازم لليالي ف يوم تأمن او تسلم
ولا تحلم
ان بكره مش هتغدر بيك نجومك
كان ضرورى تحط ديمن ف اعتبارك
ان موج البحر مهما خد بأيدك
ووجه المركب لمرسي
جايه منه ضربه قاضيه
بيها هيكسر ضلوعك
وفضلت وحدك تسهر الليل الطويل
عمال تفك رموز النظره اللى بعتاها
وضحكه سيباها ف عنيك
واشاره مخلوطه بسؤال
بيشد عقلك للجنون
مجنون لو اصدق حبك ليها
او ان عنيها اتشغلت بيك
من يوم الشمس ما خطت فيها سهام الليل
وانا شايف فيك
احلام بتحاول تخرج قبل الموت
مايصبها بعجز الحزن عليك
حدفت نفسك ع الرمال
لاقيت حبيبتك حلم عايش جوه منك
صوره مخفيه الملامح
قلب جامح ف الغموض
وعايزنى اصدق ان حبك كان حقيقه
مجنون لو اصدق تانى غناك
او اصدق شوق باين ف عنيك

[فاطمة جرارعة]

تحفة يا باشا

صدقا ً راائعة

دمت بود

[نادية حسين]

اهلا بك اخي الشاعر محمد الصاوي

متصفح جميل وشعر رائع صح السانك ويعطيك ربي العافيه لاعدمناك

[جوتيار تمر]

الصاوي المبدع..

وفضلت وحدك تسهر الليل الطويل
عمال تفك رموز النظره اللى بعتاها
وضحكه سيباها ف عنيك
واشاره مخلوطه بسؤال
بيشد عقلك للجنون
مجنون لو اصدق حبك ليها
او ان عنيها اتشغلت بيك


هذه الصور الشعرية وهذا التكثيف هنا رائع رائع رائع

محبتي لك
جوتيار

[الهام احمد سعد]

ماكنش لازم لليالي ف يوم تأمن او تسلم
ولا تحلم
ان بكره مش هتغدر بيك نجومك
كان ضرورى تحط ديمن ف اعتبارك
ان موج البحر مهما خد بأيدك
ووجه المركب لمرسي
جايه منه ضربه قاضيه
بيها هيكسر ضلوعك
وفضلت وحدك تسهر الليل الطويل
عمال تفك رموز النظره اللى بعتاها
وضحكه سيباها ف عنيك
واشاره مخلوطه بسؤال
بيشد عقلك للجنون
مجنون لو اصدق حبك ليها
او ان عنيها اتشغلت بيك
من يوم الشمس ما خطت فيها سهام الليل
وانا شايف فيك
احلام بتحاول تخرج قبل الموت
مايصبها بعجز الحزن عليك
حدفت نفسك ع الرمال
لاقيت حبيبتك حلم عايش جوه منك
صوره مخفيه الملامح
قلب جامح ف الغموض
وعايزنى اصدق ان حبك كان حقيقه
مجنون لو اصدق تانى غناك
او اصدق شوق باين ف عنيك



مكنش لازم يوم تسلم
للهوى يدخل ف قلبك يجرحك
او يوم تسلم للهموميوم تدبحك
لو للظنون
لو شك قلبك يوم ف حبك
يقتله
الحب مش لازم يكون جو الظنون
مكنش لازم تعشقه
الكدب عاش جو القلوب
طب قولى ليه بتصدقه
وملوش لزوم حتى الندم



الشاعر والمبدع / محمد الصاوى
دائما تمتعنا بقصائدك الجميلة
هنا نجد الاحساس العالى
والصدق الاكيد
والمشاعر الرقيقة
تحياتى وتقديرى لهذا النص
ودمت لنا مبدعا

[قلب الشمس ام حبيبة]

من يوم الشمس ما خطت فيها سهام الليل
............
وازاي الشمس تقرب منها سهام الليل
وازاي الحب ف يوم
هيقابل أي بديل
جواك أحلام بتحاول تخرج
قبل الموت
بتفك رموز النظرة اللي سابتها
منك فيك
ما تصدقش بإن الحلم الباين
جوة عنيها
سراب مكبوت
لازم تعرف
أن الحب ف أيدها وأيدك
وأنه كمان ف القلب
وعينك
دا إذا مكانش بيسكن جوة
ف قلب وريدك
أستاذي "محمد الصاوى"
قصيدتك راااااااااااااااائعة
وما سبق
مجرد مداخلة بسيطة

تقبل مودتي"قلب الشمس "
أم حبيبة

[محمد الصاوي]

تحفة يا باشا
صدقا ً راائعة
دمت بود


الاخت الفاضلة فاطمة جرارعه

تحيه طيبه لمرورك الكريم
وقلمك الذى اثنى على كثيرا
تقبلي تحياتي
اخوكى المحب
محمد

[غازى كلخ]

العزيز محمد الصاوي
نغم واحساس وفن رفبع...كنت كما شعرك
محبتي والاحترام

[د. سمير العمري]

رقيق شعرك أيها الشاعر.

قصيدة أعجبتني.



تحياتي

[لكل عاشق وطن]

بسم الله الرحمن الرحيم
الرفيق محمد الصاوى
تقبل تحياتى على تلك القصيدة التى تحمل موسيقا خاصه لم تتغير طوال القصيده
استوقفتنى كثيرا ابيات كثيره منها
رائعه حقاً
تحياتى

[محمد الصاوي]

اهلا بك اخي الشاعر محمد الصاوي
متصفح جميل وشعر رائع صح السانك ويعطيك ربي العافيه لاعدمناك


الاخت الفاضلة ناديه حسين
كم اشكرك على مرورك الكريم
واتمنى من الله ان اظل عند حسن الظن بي
تقبلي تحياتي
اخوكى المحب
محمد الصاوي