علل

[ابراهيم منصور]

:
مدخل:
...................
قلبى!!ياراجل
هىّ سابت حاجه فيه!!
.....................................
سكتة..
مقفولة العين,
والأنفاس..مش عارفه السكه!!
رجفة..
مكتومه الآه,
وأيادى الإحساس .. مقطوعة!!
شهقه..
مصلوب الحلم على عضامك,
وجوارحك..بتنادى عليه!!
صرخه..
وجعك بيشدّك من مخّك,
وبيدهس..ف كرات الدم!!
لقطة..
متهتّك قلبك ف إيديهم,
وعيونك مليانة دموع!!
كلمة..
أسيب قلبى!!,
واحس ازّاي؟؟
فكرة..
أسمع:
تيجى نحاول ننسى حقيقة,
ونسيب بعض بأى طريقة..
ممكن:
تسمح:
عايزارتاح مع روحى دقيقة..
سكّت دقاتك جوّايا..
سبنى أتنفّس من غير دمع!!
فكّرف اللى بقوله هتعرف/
إن الموت أسهل بكتيير!!!؟

كلمات/الصقر العاشق:hat:

[شاهين أبوالفتوح]

الشاعر الجميل الأستاذ / إبراهيم منصور
لقطات تنم عن مصور بارع وكاتب سيناريو قدير و .. شاعر رائع !
معذرة كان الخط صغير جدا فقمت بتكبيره وكان ذلك على حساب الإطار ، أرجو ألا أكون قد أزعجتك بذلك !
دمت مبدعا
محبتي واحترامي

[غازى كلخ]

العزيز ابراهيم منصور
رقيق عميق شعرك
عايز ارتاح مع روحي دقيقة
سكت دقاتك جوايا........الله ع الحلاوة!!!!!