مجروح قوى** اول كاباتى فى المنتدى

[محمد صبحي]

** مجروووووووح قوى **
هو انت ليه سكتك .. جوه البلاد متحددة
وايدين بتنهش ف الحشا جواك .. قوى
منتاش سوى .. أحلامك التايهه ف خيالك
والفضا متبددة .. والخطوة بعد الخطوة ..
ترجع للورا وبتنحنى ..
للخلف دور وهس هس ..
ملعبك أصبح خراب ..
مع أول السطر ف كتابك تنحفر كلمة عذاب
مسنود على ضهر الزمن ..
وعنيك ضباب ..
مش شايفه سر لإنهزامك ..
منطوى..
مجرووووووووووووووح
قــــــــــــــــــوى
ف دماغك الحزن اللى هزك واعتلاك
عايز تجرب تندبح جواك ؟!!
طلع لسانك بره منك
دلدله ..
وارسم عليه معنى العبط
مص الزلط ..
واغزل من الريق المهاود
قنطارين م المرمطة
جوة العيون الدبلانين
فوق السكك متنطورين
أشلائك اللى اتبعترت
جوه السكك
إعمل خدودك قنطرة
لإبن السفير
وابن الوزير
وابن الــ..........
كل الخطط متدبرة
محتاج ترجع للزمن
حقه ف حياتك من سنين
وتخرج القلب اللى أصبح كالسجين
وتسد عين الشمس بكفوفك دهيه
وتبوس بقلبك خد محبوبتك بهيه
اتنفض قوم من سباتك مرتين
قبل ما تخسر حياتك
تبقى بره المسرحية
تبقى بره
المسرحية

[نادية حسين]

هلا اخوي محمد صبحي منور القسم
نص جميل ..يعطيك ربي العافيه
نعم

محتاج ترجع للزمن
حقه ف حياتك من سنين
وتخرج القلب اللى أصبح كالسجين
وتسد عين الشمس بكفوفك دهيه
وتبوس بقلبك خد محبوبتك بهيه
اتنفض قوم من سباتك مرتين
قبل ما تخسر حياتك
تبقى بره المسرحية
تبقى بره
المسرحية


صح السانك اخوي .. مشاعر متواجده في قلوب البلايين .. كل اللي قلته فينا

وغدا تشرق الشمس ....آآآآآآآمين

ودمت بخير

[مازن سلام]

ملعبك أصبح خراب ..
مع أول السطر ف كتابك تنحفر كلمة عذاب
مسنود على ضهر الزمن ..
وعنيك ضباب ..
مش شايفه سر لإنهزامك ..
منطوى..
مجرووووووووووووووح
قــــــــــــــــــوى


الأستاذ محمد صبحي المحترم
.....
تحية للحرف الموجع
تحية لك و لنبض يمينك
.....
مازن سلام

[الشربينى خطاب]

اقتباس :
كل الخطط متدبرة
محتاج ترجع للزمن
حقه ف حياتك من سنين
وتخرج القلب اللى أصبح كالسجين
وتسد عين الشمس بكفوفك دهيه
وتبوس بقلبك خد محبوبتك بهيه
اتنفض قوم من سباتك مرتين
قبل ما تخسر حياتك
تبقى بره المسرحية
تبقى بره
المسرحية
الأستاذ الفاضل / محمد صبحي
أهلاً بك :noc:عصفور مغرد في سرب الواحة
وتقبل مني هذه البيات الإرتجالية
:os::tree::0014::0014::tree::os:
قمت يا صبحي
من نومتي قلبي حزين
وفضلت أنفض عن جتتي
جبال الخوف ورعب السنين
ودخلت جوة المسرحية
أنصح وأقول كلمتين
لقيت الشخوص هي هي
بس العيون مش عيون بهية
عيون نانسي وهيفا
بس شابفه
كل الخونة اللي باعوا القضية
وعشان كده
خرجت بره المسرحية

[جوتيار تمر]

العزيز محمد...

لم اخرج انا خارج المسرحية / لاني وجدت القضية الاهم والاساس عي الان/ عيون بهية وهيفا ونانسي ونانا/ انما لاني وجدت عيون الرؤساء ورائي في كل مكان/ فخرجت خارج المسرحية/ لان هولاء هم من صنعوا الف هيفا وبهية ونانسي ونانا.


دمت بخير

محبتي لك
جوتيار