العوار

[الشربينى خطاب]

العوار

الولد الطيب
ما يعيط
إلا إذاً جاع
كل الحريمات
وبناتا لحي
قالوا الواد ضاع
*****
ما هو نازل بكا
ودموعه بتسحْ
فاكرينه جعان
سدر أمه الناشف
ولبنها البح
سَبِّبْ نهجان
*****
أتاري العلَّة
وسبَبْ الأوجاع
الداية الجهلة
أم صباع
خرمت له عينيه
والنظرة متاع
حرمته م الضي
والضي مشاع
ببكي من حالنا
مش ع اللي ضاع
دا ع اللي جرالنا
مع إنه شايف
في الدنيا
نص الأوضاع

[حمدى ليلة]

ياهناه ويافرحه ابوعين واحدة
دى حياته متاع....:v1:
أريح له يشوف نص الدنيا,..,
ماهو مش طمّاع!!:020:
بيشوف اللى يريّح قلبه
وبشوف الصبّار
نعناع:os:
ولاشاغل نفسه بمشاكلنا
ولاعنده صداع:002:
بيعيّط حتى بعين واحدة..
شفت الإبداع!!:NJ:
وياريت الواحد كان أعور
ف زمن خدّاع:010:
وياريت الداية اللى جابتنى
كانت بصباع:020:

رائع أيها العم المبدع
تحياتى

[محمد الصاوي]

خرمت له عينيه
والنظرة متاع
حرمته م الضي
والضي مشاع
ببكي من حالنا
مش ع اللي ضاع
دا ع اللي جرالنا
مع إنه شايف
في الدنيا
نص الأوضاع


الله الله الله
لم اجد اجمل من لفظ الجلاله
حتى يكون اول كلمه ابداء بها كلامى
روعه بجد فى التعبير
وانسيابيه فى النص
ليس جديدا على شاعر مثلك
لك خالص تحياتي واكبارى
اخوك المحب
محمد

[اسلام محروس]

الحبيب / الشربينى خطاب
ما أجمل فكرتك وتناولها
وهو ما ليس بالغريب عليك
فدائما لك حسك الفطرى الخاص الذى يكسب كل عمل مصداقية لدى المتلقى ليصله بلا اى حواجز
دمت كما انت فلا اجمل من ذلك
ولك كل تقديرى
وفائق
احترا:0014:ماتى

[ريمة الخاني]

رغم انها خاصة ببيئتها
الا انها ابداع من ابداعاتك
دمت طيبا