عاشق روح

[محمد صبحي]

انفد بجلدك
تحت أى ظروف!!
لو لسه عايش
جوة منك خوف
ارسم لنفسك دنيا م الأحلام
هتعيش يدوبك ..
كام سنة لقدام !!
قطع شواشى الهم من بدرى
ابدر بداله فدانين فرحة..
طرحة حبيبك
يلا جيب هاله
فى ايديه ثمارالخير أكيد طارحة
اكبح جماح نفسك
قبل يوم ما تدور
هتدوخ وتلقاك
خارج كمان م الدور
تدبل وتتبدل ملامح
وجهك البنور
وتدور .. وتجرى
بين الخلايق لف
فى الصف وقفالك ..
وانت طريدالصف ..
لو جفت اقلامك ...
عمر الكلام ما يجف
دى الدنيا مارثون طويل ..
وانت فيها أسير
حلمك خسارة ..
ليه رموه ف البير ؟
يا غفير وحارس
ع الكفاح والشقا
كسر قيودك مرة وأصرخ بقى
قطع بايدك انت دى الشرنقة
هو انت حلمك تراب ؟...
وللا الجراب مسحور ؟...
عشقاك جميع الصبايا..
منهم بنات الحور ..
وللا انت تايه ف ألمك ؟..
قلبك كمان مكسور؟
لكن حبيبك ف بعدك ..
بيدوق
تملى المر ..
وانت اللى فاكر بانك
مسجون وقلمك حر..
محبوس ف قمقم وخايف
العمر بيك ليمر
عمرك قصير
بس إنت مش دارى
ف عنيك تملىالفرح متدارى
ساكناك مشاعر قوية ..
لكن لمين هتبوح؟
إن انت عايش لخلك ...
تفديه ولو بالروح..
غرقان ف همك وقلبك
ع الطريق مدبوح
كاتب بدمك قصيدة ..
عنوانها عاشق روح ..
عنوانها
عاشق
روح

[جوتيار تمر]

ابو مهند الرائع..........

لو جفت اقلامك ...
عمر الكلام ما يجف


هذه تختزل الكثير/ وتوحي بالكثير......................


محبتي لك
جوتيار

[غازى كلخ]

العزيز محمد صبحي
كل عام وانت رائع
...................
إن انت عايش لخلك ...
تفديه ولو بالروح..
غرقان ف همك وقلبك
ع الطريق مدبوح
كاتب بدمك قصيدة ..
عنوانها عاشق روح ..
عنوانها
عاشق
روح
..................
عنوانها عاشق وطن
والوطن هو الروح

[حسام القاضي]

قصيدة متميزة مبنى ومعنى
جميلة هي روح التفاؤل الموجودة
هنا والتي تدعو إليها ..
موسيقى واضحة تتخطى حدود الأذن
وتتسرب إلى أبعد من ذلك..

ولتسمح لي أخي بإقتباس هذه المقطوعة :
حلمك خسارة ..
ليه رموه ف البير ؟
يا غفير وحارس
ع الكفاح والشقا
كسر قيودك مرة وأصرخ بقى
قطع بايدك انت دى الشرنقة
هو انت حلمك تراب ؟...
وللا الجراب مسحور ؟...
عشقاك جميع الصبايا..
منهم بنات الحور ..

أتمنى أن أقرأ لك المزيد من هذا الابداع
الحقيقي الذي نفتقده.

[سحر الليالي]

الفاضل "محمد صبحي "

نبض ممطر وقصيدة كتبت بــ روعة..!!

سلمت ودمت بــ بهء

لك تقديري وقوافل ورد