لماذا نقل تمثال رمسيس؟؟؟

[مصطفى عمار]

كنت أقلب في دفاتر أشعاري فوجدت قصيدة عامية قد كتبتها قبل عام من نقل تمثال رمسيس من ميدان رمسيس إلى المتحف المصري في موكب هائل كان العالم كله يتابعه .
فهل تم نقله بسبب هذه القصيدة
لا أدري........ربما!!!!!!الاتوبيس
الاتوبيس دا حبيب الشعب
دايما يستحمل زحمتهم
دايما يتعب لجل راحتهم
بس الناش ما بترحمهوش
دايما فرك ودهس وحوش
يارب اصرف عنا و حوش
لم الشعب وعاش الدور
النشال ويا الدكتور
مرة ركبته مغرور فيه
كنت سعيد
إني تحت سماه وفـ أرضه
إني عرفته بطوله وعرضه
أصله تخين
يمشي حبة ويعطل حبة
بس وصلت بحمد الله
روحت أخش الجامعة بتاعتي
الحارس ع الباب مارضاش
قال: كارنيهك
قولت: معايا
:طلعهولي
حطيت ايدي ناحية جيبي
صرخ القلب ورفص جوا القفص الصدري
هرب الدم ولفت راسي من غير ما ادري
ع الاتوبيس
قولت هرن لواحد صاحبي في الكلية
لحسن خيبتي الوقتي قوية
حتى مبايلي مالقيتهوش
أعمل ايه دلوقتي يا ربي...؟
المحفظة ويا التليفون راحوا مني في الاتوبيس
روحت أطلع رقمي القومي
قالو قدم في الموديرية
روحت اقدم قالوا بكرة
أصل خلاص احنا الضهرية
روحتلهم تاني الصوبحية
واحد قالي: تعرف عم فؤاد مدبولي
قولتله: لاعرف لا مدبولك ولا مدبولي
انا طالب وبطاقتي اتنشلت
قالي : اتنشلت منك فين
قولتله: طبعا في الاتوبيس
قالي : خلاص قدم شكوة في الاتوبيس
قولتله: فين
قالي : عند مدان رمسيس
روحت الصبح ركبت القطر
علشان ألحق مكتب مصر
جوا القطر قابلني واحد لابس بدلة
قالي : ياشيخ وريني بطاقتك
قولتله : ضاعت
قالي : ضاعت؟
قولتله : أقسم
قالي : ابقى احلف جوا القسم
جوا القسم سألني واحد : إيه الاسم؟
قولت: الاسم ثلاث أنواع
فيه نوع ظاهر فيه نوع مضمر فيه نوع مبهم أما الظاهر....
بس اتنيل
احنا بنسأل : اسمك ايه؟
قولتله : اسمي؟ كان مكتوب في بطاقتي يا بيه
الظابط قال للي بيكتب: سيبك منه وابعت هولي
أيوا يا شيخ بتزعق ليه
قولتله : انا يا سعادة البيه
طالب واتنشلت محفظتي
وقمت حاكيله القصة بتاعتي في الاتوبيس
قالي : خلاص احنا هنسيبك
علشان خاطر سيدي وسيدك
الاتوبيس
قولتله يحيى العدل يا بيه
بس عشان اوصل رمسيس اركب ايه؟؟
قالي بقولك ايه يا خفيف
ضور واسأل مش فاضيين
وخرجت اضرب كف ف كف
زي ما اكون لفة بتتلف
لعبة ف إيدهم
أو شخشيخة
أو خاتم ملبوس في الكف
أسأل واحد قال مااعرفش
اسأل غيره يقولي ماعدش
واللي يقولي تعالى بكرة
واللي يقولي هات الاجرة
واللي يقولي شمين ف يمال
بس وصلت
واما وصلت ميدان رمسيس
شوفت بعيني ميت اتوبيس
دا بينادي بالتحرير
ودا بينادي بالحرية
والتمثال ما بيتكلمش
يبقى اكيد رمسيس دا رأيسهم
امال واقفين جنبه ليه
يبقى اكيد هم بيتقاسمم في النقدية آخر الليل
يبقى هلاقي المحفظه عنده
قمت مقرب حبه منه
وقمت قايله
يا رمسيس
يا رمسيس مالك كده واقف ؟
حاطت ايدك جنبك ليه؟
ميكرباصاتك مش طايقينك
قولي يا صخر بتعمل ايه؟
سادد حته فجنب الموقف؟
لامم جنبك كام اتوبيس؟
يا رمسيس
يا رمسيس انا عايزك تنطق
ليه الكوسة فشعبك منطق ؟
ليه الشعب وقف طوابير؟
علشان يهتف بالتغيير؟
أصلك واقف لقمة ف زورهم
لا بتتغير ولا بتغور
يا رمسيس يابو قلب حجارة
ناقصلك خوزة وصفارة
علشان تبقى شرطي مرور
ولا اقولك
ناقصلك بدلة وجرفتة
علشان تبق سعادة البيه
دايما ظالم يا فرعون
الظلم بتاعك ميت لون
هات المحفظة والتليفون
هات المحفظة والتليفون

[جوتيار تمر]

المبدع مصطفى...

اراك هنا تؤرخ لواقعة حركت الشارع العام سواء في مصر ام عند متابعي الاثار والمهتمين بها ...

جميل هذا النص بصوره ولغته

محبتي
جوتيار

[د. سمير العمري]

قرأت ما كتبت فوجدتني بين ضحك حينا وبين أسى على واقع الحال حينا آخر.

مشكلة بالفعل أن يكون الأوتوبيس ساحة للنشل ولغيره ولكنه ضرورة لا يمكن الإستغناء عنها لشعب مصر كما أعرف.

أعانكم الله ولا تنشغل برمسيس دعه يقف حيث يشاء.


تحياتي

[ربيحة الرفاعي]

مذهلة ...
سأعود لقراءتها مرة أخرى
وأخرى
****
مش معقعول ...
وصحيح لخبطني
"أيوه يا شخ ... بتزعق ليه"
لازم تعرف قيمة نفسك
لما تكون ... قدام البيه
لازم تعرف تمشي فحالك
ولا حيبقى العالي واطيه
وساعتها الدنيا حتتلخبط
زيّي تمام ...
وانا مالي يا عمّ
أنا جيت هنا ليه؟
دَنا غلبان
ويدوب مريت بقصيدة وقلت ..
يا ريتني خرست
عشان مادخلش فإيه ولا ليه
***
الشاعر مصطفى عمار
دمت مبدعا

[مصطفى عمار]

قرأت ما كتبت فوجدتني بين ضحك حينا وبين أسى على واقع الحال حينا آخر.

مشكلة بالفعل أن يكون الأوتوبيس ساحة للنشل ولغيره ولكنه ضرورة لا يمكن الإستغناء عنها لشعب مصر كما أعرف.

أعانكم الله ولا تنشغل برمسيس دعه يقف حيث يشاء.


تحياتي

من دواعي سروري أن تمرعينان احبهما في الله على نص كنت قد عددته في عداد قصائدي اللتي ماتت ومت معها ، لكن مرور حضراتكم أحيا في النص روحًا أخرى


وألف شكر على النصيحة د/ سمير

[إسلام شعله]

السلام عليكم و رحمة الله و بركاتة

أسمحى لى بالمرور المتواضع على صفحتك الكريمه

تسلم يدك الذى خطت هذة الكلمات العاميه المصرية التى تنبض بنض الشارع المصرى بل العربى

[مصطفى عمار]

مش معقعول ...
وصحيح لخبطني
"أيوه يا شخ ... بتزعق ليه"
لازم تعرف قيمة نفسك
لما تكون ... قدام البيه


شكرأم مرورك الكريم أيتها الشاعرة وقد صدرت لي قصيدتي الجديده
وبرضوا مع البييييييييييه

دمتي بخير

[مصطفى عمار]

السلام عليكم و رحمة الله و بركاتة

أسمحى لى بالمرور المتواضع على صفحتك الكريمه

تسلم يدك الذى خطت هذة الكلمات العاميه المصرية التى تنبض بنض الشارع المصرى بل العربى



شكرا مرورك الكريم أخوي
وعسى أن يحس العالم كله بما نحس به في شارعنا المعاصر

دمت بخير

[الطنطاوي الحسيني]

استوحشنا ابداعاتك اخي مصطفى عمار
سلام عليك والإبداع والإمتاع
قصيدة للتثبيت موضوعا وإبداعا وتشجيعا
نريد من هذا كثير
همسة لو تغير العنوان او تكثفه يكون أفضل
احييك على سلاسة الموسيقى وعدم التكرار
والآفكار الرائعة التصويرية في القصيدة
دمت مبدعا رائعا

[مصطفى عمار]

استوحشنا ابداعاتك اخي مصطفى عمار
سلام عليك والإبداع والإمتاع
قصيدة للتثبيت موضوعا وإبداعا وتشجيعا
نريد من هذا كثير
همسة لو تغير العنوان او تكثفه يكون أفضل
احييك على سلاسة الموسيقى وعدم التكرار
والآفكار الرائعة التصويرية في القصيدة
دمت مبدعا رائعا


شكرا أخي وحبيبي في الله على التثبيت
وهذه القصيدة قديمة كانت أيام الجامعة
رحم الله أيامها

وأنا الآن حبيبي في الله في المملكة العربية السعودية
كنت انشغلت بتجهيزات السفر إلى أن استقر بي الحال والحمد لله
ولن أبعد عنكم مرة ثانية إن شاء الله

دمتم جميعًا بخير وتقبل الله منكم

[عبد الكريم العسولي]

الأخ الجميل مصطفى عمار

لغة سلسة رقيقة معبرة عن الهم والغم بحدوته شعرية لطيفة

دمت ودام إبداعك

تقبل تحياتي ومودتي

[مصطفى عمار]

الأخ الجميل مصطفى عمار

لغة سلسة رقيقة معبرة عن الهم والغم بحدوته شعرية لطيفة

دمت ودام إبداعك

تقبل تحياتي ومودتي


أشكر مرورك أستاذنا الكريم ودمت بخير ولا تحرمنا من كلماتك الجميلة

[الطنطاوي الحسيني]

شكرا أخي وحبيبي في الله على التثبيت
وهذه القصيدة قديمة كانت أيام الجامعة
رحم الله أيامها

وأنا الآن حبيبي في الله في المملكة العربية السعودية
كنت انشغلت بتجهيزات السفر إلى أن استقر بي الحال والحمد لله
ولن أبعد عنكم مرة ثانية إن شاء الله

دمتم جميعًا بخير وتقبل الله منكم
اخي الحبيب مصطفى عمار
سلام عليك ورحمة الله وبركاته
أعانك الله أخي و ثبتك ونسأل الله أن ييسر حالك بكل خير
اللهم أمين
وندعو لك بالصبر والثبات ونسألك الدعاء
تقبل تقديري وحبي