المساعد الشخصي الرقمي

مشاهدة النسخة كاملة : قصيدة مشتركة ... ارجو المشاركة


الهام احمد سعد
21-05-2008, 07:00 PM
السلام عليكم اولا اعضاء الواحة الكرام
هى فكرة جائت على بالى ان نقوم جميعا بعمل قصيدة مشتركة اكتب فيها بعض الابيات
واللى يرد يكمل بعدى والامر مفتوح للفرح للحزن للحب للوطن فى اى موضوع
القصيدة بالعامية
ارجو الشاركة
سابدا ببعض الابيات
............................
أمل ساكن قلوب الناس ينورها
يشيل منها سواد كاتم على روحها
ويزرع فيها ميت بكره
أمل ساكن قلوب لكن ....
ياريته بس يتحرك
قلوب الناس مهيش خايفة
مهيش عامية ولا شايفة
طريق النور
لكن حاسة بطاقة نور
ف ضحكة قلبها الراضى
.......................
؟؟؟؟؟
من يكمل بعدى؟؟؟؟؟؟؟؟؟؟؟
يارب الموضوع يعجبكم
وارجوا المشاركة
إكرامي قورة
21-05-2008, 08:15 PM
قلوب الناس ساكنها الحزن بالمجان
يبرتع زي ما يبرتع
ويوصل فيها أو يقطع
ويبدر دمع على الخدين بحرقة صبرها يوجع
ورغم اليأس والأحزان
في قلب القلب من جوه
مكان ساكنه الأمل وحده
هيكبر يوم مادام العزم في نفوسنا مالوش سجان
ورغم سدود من الجبروت
ورغم الفقر
رغم الموت
هيوصل بالأمل موجنا لشط الفرحة يتهادى
ونصبح لحظة م السادة
وتعلى الضحكة يا صاحبي في كل مكان


مشاركة مرتجلة
أحييك بها أختي الكريمة

للتثبيت

لزيادة التفاعل
د. مصطفى عراقي
21-05-2008, 08:31 PM
قلوب الناس ساكنها الحزن بالمجان
يبرتع زي ما يبرتع
ويوصل فيها أو يقطع
ويبدر دمع على الخدين بحرقة صبرها يوجع
ورغم اليأس والأحزان
في قلب القلب من جوه
مكان ساكنه الأمل وحده
هيكبر يوم مادام العزم في نفوسنا مالوش سجان
ورغم سدود من الجبروت
ورغم الفقر
رغم الموت
هيوصل بالأمل موجنا لشط الفرحة يتهادى
ونصبح لحظة م السادة
وتعلى الضحكة يا صاحبي في كل مكان



أمل مولود
برغم القهر
فجر جديد
ورغم الليل وأشباحه
هايزرع في قلوب الناس تباشيره وأفراحه

ومهما حاول الأعداء
ومهما حاول الجبناء


هايفضل في عيون الناس
أمل مولود
محمد الدسوقي
21-05-2008, 08:48 PM
برغم الحزن ورغم كأبة الأيام
ح نزرع فجر ، ونبدر فيه أمل بكره
نقول للضحكة متسافر إلي الأحزان
برغم النزف .. جوانا
يعدي اليوم تلقانا
برغم الصبح
مشيين على خوطى أمارح
نقول معلش
مهي الأيام دواره
ونزرع فجر من تاني
ويجي الليل تلقانا ، نقول موويل
ومن عاده
ونشرب قهوته الساده
نقول معلش ، مهي الأيام متعاده
ويمكن بكره تطلع شمس أمجاده
هي ليه الضحكة مخنوقه جوانا ..؟
بتتنفس وجع وآهات
على إللي فات
برغم كآبة الأيام
مهي الدنيا دواره
**

أعذروني مشاركة مرتجلة
تحياتي واحترامي
الهام احمد سعد
21-05-2008, 09:10 PM
امل ساكن تفاريحنا
ولوتهنا ولو روحنا
هيفضل برضه فى روحنا
عشان نفسه يفرحنا
ويوصل ضحكة مقطوعة
مابين قلبه وبين عينا
ولو طال الطريق منه
هيفضل ماشى سكتنا

.......
اشكر كل من ساهم فى القصيدة
واشكر د. اكرامى على التثبيت
ولنكمل القصيدة
........
.......
د. مصطفى عراقي
21-05-2008, 09:18 PM
امل ساكن تفاريحنا
ولوتهنا ولو روحنا
هيفضل برضه فى روحنا
عشان نفسه يفرحنا
ويوصل ضحكة مقطوعة
مابين قلبه وبين عينا
ولو طال الطريق منه
هيفضل ماشى سكتنا
.......
اشكر كل من ساهم فى القصيدة
واشكر د. اكرامى على التثبيت
ولنكمل القصيدة
........
.......

======

ولك أسمى آيات الشكر يا شاعرتنا المبدعة الأستاذة إلهام أحمد سعد

على هذه المساحة الإبداعية الشجية

ودمت بكل الخير والسعادة والفضل


مصطفى
جوتيار تمر
22-05-2008, 12:44 AM
وين الامل صار منا

في زمن كلشي فيه تغير

حتى الوطن بايامنا

صار للحزن يرتاح

_________

لي عودة اكيد
هشام عزاس
22-05-2008, 01:04 AM
[quote=جوتيار تمر;358510]وين الامل صار منا
في زمن كلشي فيه تغير
حتى الوطن بايامنا
صار للحزن يرتاح
_________


الأمل ما بيدور على غيرنا
و الزمن شو فيه ... ما اتغير
الوطن طول عمرو منكوب
لكن نكبة عن نكبة بتحير
كان الخنجر مغروس من جوا
و هلا الخنجر من برا عم بيحفر
الزمن ما بو عيب ...
لكن عيبنا احنا ... ما بنطور
عم بنبكي الجراح كل يوم
و كل يوم هي عم بتكبر
الأمل موجود ما راح يضيع
بس نفهم بس شو معناها الله اكبر

***************
أول محاولة لي و ليست بلهجتي كذلك ... أتمنى أن تكون عند حسن الظن .
محبتي للجميع .
احمد محمد جبر
22-05-2008, 01:46 PM
قلوبنا لو على الفطره
حنبقى كلنا أسره
بتجمعنا قيم واحده
وبنحقق أمل بكره
ونمحي من طريقنا الخوف
وأوطانا تكون حره
نرجع فخر أمجادنا
ولو نقبض على جمره
قلوبنا لو تخاف الله
ولا نحقد ولا نكره
محمود جابر
22-05-2008, 02:24 PM
صدقت القول أستاذي = فأزمتي أمتي الفطرة
قلوب ملأها زيف = وتملأ أرضها الحسرة
فلو تصفو ضمائرنا = لصار شتاتنا أسرة
معذرة إن كنت كتبت بالفصحي ولكن ليس لي في العامية نصيب
فكرة ممتازة لك الشكر عليها يا أستاذة الهام
أخوكم /
محمود جابر
الهام احمد سعد
22-05-2008, 02:55 PM
انا سعيدة جدا بكل الناس اللى شاركوا
واتمنى مشاركات اخرى
اشكرك د. مصطفى عراقى على تشجيعك
اشكركم جميعا
واشكر الاستاذ محمود جابر على مشاركته
ولا مانع من الفصحى مادامت القلوب واحدة
فصحى او عامية
الاهم هو ان نكتب ما فى قلوبنا
شكرا لمشاركتك استاذى محمود جابر
والمشاركة مفتوحة للجميع
فصحى عامى نبطى
انتظر اللابيات الجديدة
عبدالملك الخديدي
22-05-2008, 02:58 PM
رائعة .. رائعة

أنا عندي الأمل شمعه تنور في طريق الحب
أنا عندي الأمل دمعة نشيلْها من عيون الطفل
أنا عندي الأمل بسمة طويلة في شفاه الأم
أمل مزروع في قلبي على طول المدى والوقت
اشوف الناس في نعمة
واشوف الرغبة والقسمة
على الطاعات في همة
ونسأل ربنا الصحة
لكل الناس والأمة

ارتجالية ولا أدري قبلت أم لا ....

تحية للجميع.
حازم محمد البحيصي
22-05-2008, 05:12 PM
انا قلبى يحييكم
وجوه العين بخبيكم
في وقت الحزن أواسيكم
في وقت الفرح أهنيكم
الهى ربي يحميكم
ويحميكم ويحميكم
مشاركتى الاولى
فريد عبدالعزيز
22-05-2008, 06:15 PM
قلوبنا لو على الفطره
حنبقى كلنا أسره
بتجمعنا قيم واحده
وبنحقق أمل بكره
ونمحي من طريقنا الخوف
وأوطانا تكون حره
نرجع فخر أمجادنا
ولو نقبض على جمره
قلوبنا لو تخاف الله
ولا نحقد ولا نكره


الله ع الكلمة اللى بتوصل
والمعنى الطيب بتقول
الله ع القلب اللى منور
وبيحمد ربنا علطول
الله على كل الصافيين
وقلوبهم صافية وعايشين
دعوتهم تسعد ملايين
وطريقهم بالخير موصول
أنواره بتهدى الضالين
وتريح بال المشغول

سلم لله كل أمورك
الصعب ح يتسهل ليك
والشمس ح تاخد من نورك
والخير ح يلون لياليك
متخافش مدام فرجه قريب
خليك محبوب واعمل طيب
إيه أجمل من إنك تتحب
وتكون انسان حلو وطيب
الهام احمد سعد
22-05-2008, 07:53 PM
هموم الناس على قلوبهم
بتخنق فيهم ارواحهم
ينادوا باعلى ما فيهم
عشان يصحى الامل فيهم
ومين اللى يرجعهم
لقلب الفرحة يحضنهم
امل ساكن عيون بكره
ياريته بس يسمعهم
...........
انا مبسوطة جداااااااا بكل المشاركين
وطمعانه فى مشاركات اكتر
لكل من اراد ان يكتب
فليكتب
انتظر الابيات
محمد فكري
22-05-2008, 08:43 PM
قادني القدرُ إلى هنا..
......................
فاستعدتُ ذكرياتي مع العاميّة المصرية D:
فاسمحو لي..بنشرِ تلك الكُلَيماتِ التي مرّ عليها..ما مرّ..
.................................................. ...............
كل ما الأيام تفوت...ينشغل بالي عليك...
وافضل اعشق فيك واموت..بس إيه فكّرني بيك؟؟
الزمان وللا الأماكن...وللا جرح فـ قلبي ساكن؟
أيوه لسه بحب...لكن.....
بردوا لسه انا مش لاقيك
وافتكر ذكرى حزينة وافتكر يوم البعاد
عيد ميلاد افراح وزينة..كله راح وانا قلبي عاد...
ينشغل تاني عليك
يا حبيبي انا عند وعدي..لسه باعشق نور عينيك
ياترى إنت عشقت بَعدي؟؟
وللا بُعدي...
زود الشوق اللي فيك؟!
.................................................. ...............
شكراً لوقتِكم الثمين :)
سمو الكعبي
22-05-2008, 09:00 PM
أملنا بربنا الواحد
وبرحمه مالها آخر

سمحولي محاولة على استحياء

اختي الهام اشد على يديك
مصطفى سلام
22-05-2008, 10:08 PM
كلام الشعرا بيحير ..
مساحة الكذب فيه أكبر ..
يقولوا كتير و يتغنوا ..
و لا فيه شئ بيتغير ..
يقولوا الحب فى الدنيا ..
قمر فى الأرض بينور ..
و هـّوه حقيقته يا صاحبى ..
عذاب فى القلب بينخور ..
يقولوا فيه أمل بكره ..
و اشوف الضلمة فيه أكتر ..
مفيش يا صاحبى أمل إلا ..
بعلم و دين و شغل اغزر ..
أشوف أحوال العرب أبكى ..
و اقول يا ربنا استر .

مصطفى سلام
جوتيار تمر
23-05-2008, 01:10 PM
[quote=جوتيار تمر;358510]وين الامل صار منا
في زمن كلشي فيه تغير
حتى الوطن بايامنا
صار للحزن يرتاح
_________
الأمل ما بيدور على غيرنا
و الزمن شو فيه ... ما اتغير
الوطن طول عمرو منكوب
لكن نكبة عن نكبة بتحير
كان الخنجر مغروس من جوا
و هلا الخنجر من برا عم بيحفر
الزمن ما بو عيب ...
لكن عيبنا احنا ... ما بنطور
عم بنبكي الجراح كل يوم
و كل يوم هي عم بتكبر
الأمل موجود ما راح يضيع
بس نفهم بس شو معناها الله اكبر
***************
أول محاولة لي و ليست بلهجتي كذلك ... أتمنى أن تكون عند حسن الظن .
محبتي للجميع .




راح تجي ايام وتروح

وراح نشوف ياما ناس بتموت

مو لانها تستحق الموت

بس لان الانسان في زمننا

غدار و مايهمه غير نفسه

والوطن بناسه وطن

شوف لما الناس ما تكون ناس

شلون يصير الوطن.
علاء عيسى
24-05-2008, 03:54 PM
فكرة رائعة
عزيزتنا الشاعرة
" الهام "
وانا متابع لها من البداية
ومنتظر
من روادها
الالتزام بما يكتب من الاعضاء
نهاية كل قطعة تكون بداية للقطعة الأخرى
تحياتى
ابو ضحي
26-05-2008, 11:54 PM
بحب البحر صدقني
وموجه لما يخطفني
وسمكه لما يهمس لي
وشطه وهو يحضني
والميه لو تلاعبني
توصل حدايا تلمسني
وأحس برعشة تسكني
وأغمض عنيا واغني
بحب البحر صدقني








**********************

تحياتي لابداعك الشاعره الرقيقه الهام
ابو ضحي
26-05-2008, 11:56 PM
ليه يا دنيا مخلياني
أحس بأنك ضالماني
بحبك وانتي جارحاني
بودك لكن هاجراني
وسايباني
اغرق في بحور الخوف
والكلام يصبح حروف
وكمان تتوه مني الحروف
ويضعف معاها الشوف
وابقي بسببك عجوز
مع اني لسه شباب
وضيعتي مني الاحباب
ورمتيني في حضن الاغراب
واتحملت منهم المر
وعرفت معني الصبر
واتحملت كل عذاب
وصبرت .. وقولت هاتتغيري
صحيح انتي تحيري
لكن احساسي بيقولي
اكيد منتيش كارهاني
لكنك بس ظالماني
**********************
تحياتي لابداعك الشاعره الرقيقه الهام
الهام احمد سعد
27-05-2008, 02:13 AM
امل ساكن لياليا
يحب البحر والماية
يحب الضحكة جواهم
وموجه وشطه يهواهم
عيون مرسومة بالماية
على قلبى معدية
تفرحنى
وتمسح دمعتى وجرحى
وتهمسلى
بكام كلمة
بحب البحر والماية
...........................
شكرا لكل من شارك
واطمع ف المزييييييييييد
من يكمل القصيدة
انتظر مشاركتكم
ابو ضحي
27-05-2008, 09:11 AM
امل ساكن لياليا
يحب البحر والماية
يحب الضحكة جواهم
وموجه وشطه يهواهم
عيون مرسومة بالماية
على قلبى معدية
تفرحنى
وتمسح دمعتى وجرحى
وتهمسلى
بكام كلمة
بحب البحر والماية
...........................
شكرا لكل من شارك
واطمع ف المزييييييييييد
من يكمل القصيدة
انتظر مشاركتكم

البحر وقف جنبي
وقت ما الكل سابني
هو اللي سمعني
وهو اللي احتواني
فرحت لما احتضني
وقت ما حبيبي نساني
حتي وان كان غويط
حتب لو قالوا حويط
هافضل احبه
واتمني قربه
واسكن جنبه
ويفضل يهواني
لأني منه وهو مني
بحب البحر صدقني
أحمد محسن الحديدي
10-06-2008, 09:33 PM
منيش لاقي كلام عامية أرتجله
منيش شايف ،بعيد عني
ولو أني
أشوفه بسرعة هندهلو
طب اعمل ايه؟
قولولي عشان
يفضفض لي مافقلبه وفضفضلو.

معلش بقة ياجماعة.
عبد الحميد محمود
10-06-2008, 10:05 PM
في كل مكان
وكل زمان
هتلقي كتيبة م الأفراح
ونلقي كتيبة م الأحزان
وتلقي الخوف علي بكره

هتلقي دموع قلوب غرقت
رمها الليل
جمعها الوحدة والغربه
محمد الهضيب
10-06-2008, 10:36 PM
أرى قلمي تحاصره

أعاصيرٌ وأمواجٌ

ليغرق في جراحاتي

ومعه تموت أحلامي

وكل حروف قافيتي

لأن مدادها ذاتي

فهل يقفنّ أحبابي

على أطلال مأستي

أما قد قلتُ أن الحرف

تقتله يـد العاتي
أحمد عيسى
10-06-2008, 10:43 PM
محاولة متواضعة أتمنى أن تقبلوها مني ...

في كل مكان
وكل زمان
هتلقي كتيبة م الأفراح
ونلقي كتيبة م الأحزان
وتلقي الخوف علي بكره

هتلقي دموع قلوب غرقت
رمها الليل
جمعها الوحدة والغربه


وحتى الغربة مش عارفة ، لمين ترتاح
وحتى الغربة مش شايفة ولا فاهمة ولا بتخاف
ماهو أعداءنا من جوه
ومن بيننا
وما نقدرش نعرفهم
ولا نحفظ ملامحهم
بمليون لون تلاحظهم ، كما الأشباح

ووحدة مين ابن عمي ..
أصِل عمي ترك البلاد ..
وخالي ضيع الدنيا ، وقلنالو : نصيب أمي..
فبهدلنا ، وبالخنجر طعن أخته ..
وساب الدنيا للأولاد ..
وابن أمي ، على جاري عزم امره وشد رحال
وصارت الدنيا ما هيش دنيا
ومال الحال وهد رجال ..
معلش يا دنيا سامحينا
يمكن بكرة يتحسن ..
وربي يحقق الآمال
الهام احمد سعد
11-06-2008, 04:49 PM
الله الله على هذا الابداع
استمروااااااااااااا
اعذورنى على توقفنى ولكن هى الامتحانات تاخذنا الى حيث لا نشااااااء
ادعوا لى وقريباااااا اتواصل معكم
استمروا
امل ساكن قلوب الناس
عشان يبنى وما يهدم
...............
استمروااااااااااااااا
وائل محمد القويسنى
13-06-2008, 07:31 PM
امل ساكن لياليا
يحب البحر والماية
يحب الضحكة جواهم
وموجه وشطه يهواهم
عيون مرسومة بالماية
على قلبى معدية
تفرحنى
وتمسح دمعتى وجرحى
وتهمسلى
بكام كلمة
بحب البحر والماية
...........................
شكرا لكل من شارك
واطمع ف المزييييييييييد
من يكمل القصيدة
انتظر مشاركتكم

أمل ساكن لياليا
يخاف البحر والمية
يخاف الموجة تغدر به
ساعات الدنيا بتدور به
وجار الدور ودار الدور ودار دور به
وخاف ترميه على الشط اللى ما حلمبوش
ولا شافهوش فِ حلمه زمان
وخاف م الوحش والإنسان
وخاف م الزحمة والتوهان
ولا وصلشى لبر أمان
أمل عايش
لكن خايف ما يوصلشى
ومش عارف
هايوصل فين !!!
:002::002::002:
وائل القويسنى
جولييت بدر
14-07-2008, 05:29 PM
أمل ساكن حنايا الروح
وبابو عالوطن مفتوح
معرّش عالحيطان شموع
يضوّي العتمة قنديلو
حتى والقلب موجوع
أملنا إحنا نفتحلو
درب ضاوي يكون مسموع
لكل الناس
لكل شعور وكل احساس
ونتصدّى
ونتحدّى
لظلم الظالم المفجوع



مشاركة من جولييت بدر السورية باللهجة المصرية
انشالله أكون نجحت
تقبلوني كما أنا
حامد أبوطلعة
07-08-2008, 11:09 PM
ياطول ذا المشوار
فوق الطريق الصعب
الخطوة فوقه نار
واللحظة تمضي غصب
وين ما التفت قفار
وكل الجهات الغرب
حولي قلوب كثار
وكم قلب يتبع قلب
تحمل هواها شعار
وما فيها واحد حَبْ
رؤية الحياة .. من زاوية مظلمة ..
أميرة عمارة
18-09-2008, 04:05 PM
أختي العزيزة الهام

فكرتك رائعة , لم أرها سوي الان

" ياريت أقدر أقول زيك

ولو كلمة

أنا مش بعرف العامي

ولا كلمة

وحبيت احييك

واهنييك

واسيب علي صفحتك

ولو حتي صدي الكلمة"
الطنطاوي الحسيني
24-09-2008, 12:53 AM
مسيرنا نلملم الايام
مع جراحنا
ونزرع في اراضي الخير
ندى افراحنا
مدام احنا
مازلنا نحترم روحنا
و نبعتها ولو في الضلمة تنشر خير
فتسمعنا تهاودنا
برغم الجرح يدبحها ويدبحنا
تقول ربك قدير ومعين
تقوم تغزل ولو يفرتكو المغزل
تقوم تنده على العالم تقول اصحا
انا المجنونة لكن حكمتي عملي
اصحيكم من الغفلة
واصدمكم على غفلة
تلاقوني في كل مكان
يرن الصوت مدى الازمان
انا فارس من الفرسان
انا المعتوه بقالو زمان
يدور جوه في وشوشكم
على خالد و عن عتمان
او الصديق
او المغوار صلاح الدين
ومهما تتعبو مني
ومهما غيركو يسجني
ومهما قالوا دا جني
انا عمري يطول ويطول
لاحد ما شوفه بينور قصاد عيني
ابو الفرسان
يرجع فرحتي وتحلى غناوينا
وبكرة يا عزتي غزة
هتحضن عزتي سينا
وجامعنا واقصانا
هيرجع يفتخر بينا
يبيض سود ليالينا

ومهما يشمتو فينا

هانوصل شط احلامنا

ويزها الحلم ف عنينا

و نزرع ورد اجدادنا

ف بغدادنا

ونعصر تمرها حنة لاولادنا

ونملى نهرها دجلة

باجسادنا

نطهرها من الظلم اللي شتتنا

ويطلع عيد علينا سعيد

ويمكن دا ف احفادنا

نغير خارطة العالم نعلقها

على مادنة



عذرا مرتجلة ارجو ان تقبلوها وتقبلوني
أحمد موسي
21-03-2009, 10:27 AM
قلوب الناس ساكنها الحزن
ويا الخوف
ساكنها المر
مالي الجوف
ولو فيه يوم أمل مولود
يكون مكتوف!!

ما دمنا رضينا بالأحزان
وبالحرمان
فهنشوف العذاب ألوان
هتفضل صرختي ف القلب
مكتومه
ومهش هتبان
ولو بانت هيسمعها
من الناس دي
يدوب إنسان

ياريت نصحي نشوف
بكره
نشوف إيه إلي راح
يجري
ولو كان حلمنا.. فكره
متيجوا نحقق الأحلام
متيجوا نرسم البسمه
علي الأيام
تعالوا نبص لو مره
نشوف قدام

عيونا مالها مكسوره؟!!
تعالوا نعدل الصوره
نخلي الدنيا بلوره
نداوي الجرح ف قلوبنا
نخلي الفرحه منصوره

خلاص ملينا من الأحزان
وم المواويل
تعالو نرسم الفرحه
ف حضن النيل
يا أفضل أمه ف التاريخ
يا شعب أصيل
تعالوا نحط إيد ف الإيد
تعالوا نبني عزم جديد
هتبقي الوحده أجمل عيد
ويبقي النصر لينا أكيد
هيطلع فجر بكره جديد
وهنشوف نوره ف بلادنا
وفرحه ف قلب أولادنا
فووووقى يا أمه التوحيد

جرحي م إلي هيألمه
د انا حلتي حلم وبحلمه
بنام وبصحي وبرسمه
وعزمي شديد
وناوي إبني من بعدي
يكمل قسمتي ووعدي
يا دنيا إمتي هتساعدي
وتاخدي بصوتي وبساعدي
وتكتبي قبل أسمي " شهيد"


عذرا إن كان هناك أى أخطاء ف القصيده لانها ارتاجل فى هذه اللحظه
وشكرا يا إلهام على انك اديتي الفرصه لكل اخواتك واحبابك ف الواحه انهم
يكتبوا ف اى مجال ووالله دا المجال الى جه ف بالي ساعه مقريت كلامك وحاولت اكمل
يارب تعجبكم ويارب اكون منكم و أموت بينكم

ابن الواحه / أحمد موسي
خالد الهواري
21-03-2009, 03:06 PM
باب الامل مفتوح
مستني حزين الروح
لو يدخل
........
باب الامل واسع
سما صفية
فيها الضيا ناصع
لو تقبل
....
باب الاملة فرحة
عَ القلوب طارحة
للشباب بساتين
والبنات طرحة
......
باب الامل مانسد
لو نروحلو بجد
نلاقي الامان يتعد
تزرع ضروب الصد
بستان فرح عالقد
باب الامل مستني
جية حبيب بيغني
عوده قوي ما نهد
باب الامل مفتوح
امتي يا خلي نروح

تسمحلي ابداء عد



.............
...........
ارتجالية
لم اري الموضع الجميل هذا الا الانعذرا لجهل وقلة حيلتي في الشعر
خالد الهواري
:sb::sb::sb::sb::sb::sb::sb::sb::sb::sb::sb::sb::0 014::001::pr:
علاءالحكيم
03-03-2010, 02:47 AM
وتعبنا من الكتابه

وتعبنا من الكلام

داحنا عايشين فغابه

واتفرج..ياسلام

لما خيال الماته

يحرس برج الحمام

ولا جهلنا الغشيم

يخطب ف الناس امام

حتي الاعمي يسوق

عربيه ف حته زحمه

كفايه ماترحمونا

معدش ياخلق رحمه

يابكره فين الاقيك

عدي عليا سنين

سهران اليل افكر

ف حال البني ادمين
.......................
.........................

عذرا ايها الافاضل

الفكره رائعه وكانت في بالي

والحمد لله اني وجدتها مع المبدعين

واعذروني للتاخير

وتحياتي لصاحبة الفكره الرائعه

وتحيه لكل المشاركين

من مزيد من الحب والاحترام


علاء الحكيم