تسجيل الدخول

مشاهدة النسخة كاملة : مليون قصيدة يا عرب.... قصيدة (مسموعة) باللهجة الصعيدية المصرية



مصطفى الجزار
11-06-2008, 02:37 PM
مليون قصيدة يا عرب

قصيدة باللهجة الصعيدية المصرية

لسماع القصيدة، اضغط على هذا الرابط:

http://www.youtube.com/watch?v=Q8GkPUi15q8




مفتتح:

أمريكا قالت:
"يا عرب...
العلم قال.. انّ السما من غير عمود"
احنا العرب..
قُلنا: "دى قُدرة ربّنا"
أمريكا قالت:
"يا عرب...
العلم قال.. الكون ما بتحدُّوش حدود"
احنا العرب..
قلنا: "دى حكمة.. ربّنا"
أمريكا قالت: "يا عرب، العلم قال...
القدس من حق اليهوووووووود"
احنا العرب...
قلنا: "يبارك ربنا"!!!

القصيدة:

مليون قصيده يا عرب
مليت خلاص من دى القصايد والخطب
مليون قصيده عفّنت
وريحتها فاحَت م العطب
مليون قصيده يا عرب
***
مليون قصيده ع الورق متستفه وْ...
متحنتفه وْ...
لسه الإيدين...
متكتفه وْ...
متلفلفه..
بقيود ولكن مش حديد
دى قيود يا ناس من نوع جديد
طب هيه إيه؟!!
جندى يهودى
جاب لبانته اللى في بقه
و شدها زى الخيوط
قاموا العرب مدوا إيديهم ناحيته
قام لفها حوالين إيديهم
أصبحت هيه القيود!!!
ميته إيديكم يا عرب
تقوى على الخيط الضعيف؟!!
و تقطعه بنفخة هوا
من صدر واحد منكم
قلبه صحى...
أو مستحى...
مليون قصيده يا عرب
كان نفسها
تتقال في يوم الإنتصار
كان نفسها
تهرب من الليل... للنهار
كان نفسها
تخرج عن السطر الضريح
و تسابق الريح اللى رايحه
تحرر الأقصى الجريح
كان نفسها وكان نفسها وكان نفسها...
لكن كسرتم نفسها...!!!
ميته تفوقوا يا عرب؟!!
و القدس اهه
محبوسه في أوضة يهودى بتغتصب
و انتم خواتها
و بكره ييجى الدور عليكم
و هتدخلوا أوضة اليهودى
اللى بناها بجبنكم من غير حيطان...
ما انتو اكتفيتم بال... قصايد والخطب
يادى القصايد والخطب
خلتنا نهزم إسرائيل...
جوا الكتب!!
ورق القصايد والخطب
بتقطعوه
و تلفلفوه
علشان تسدوا بيه ودانكم
لاجل ما تسمعش صرخة مستغييييث...
ندل وخسييييس
كل اللى عرضه راح هدر
ما مسحش عاره
كل اللى أرضه بتنسرق
و ما خدش تاره
مليون قصيده يا عرب
قالت لكم:
"قوموا نحاااااارب..."
ما سمعتوهاش
قالت لكم:
"قوموا نجرب نبقى رجاله
و اهى الدنيا تجاااااارب..."
قلتم:"بلاش"
قالت لكم:
"القدس بتنادى ( كفاااااايه!!
دايمًا عليه
حاولوا يوم تبقوا معاااايه!! )"
ما فهمتوهاش...
*****
لفيت على كل العرب
و باقول لهم:
"قوموا يا فرسان العرب للمعركه...
قوموا يا فرسان العرب للمعركه...
قوموا يا فرسان العرب للمعركه..."
اللى يقول لى:
"لو نحارب
مسكونى سيف ( عمر )
و احنا ضرورى ننتصر"
يا سيف ( عمر )...
ما تقول لى إيه السر فيك
حدادك اللى صنعك
ركب زرار النصر فيك؟!
خلاك تحارب تنتصر
حتى ولو في إيدين جبان؟!!!
و اللى يقول لى:
"لو نحارب
ركبونى حصان ( صلاح )
و تلاقوا عصر الظلم راح"
يا حصان ( صلاح )...
ما تقول لى إيه خلاك بطل؟!!
كات وكلتك
وكلة ميتين م الاحصنه؟!
ولا تلاقيك بعشر رجول!
ولا براسين!
بتخش أرض المعركه
و بتنتصر
حتى ولو كان اللى راكبك
ماسك الخمره وحاضنها بين شفايفه!!!
*****
المعجزه مش في الحصان...
و لا عمرها كانت في سيف...
عايزين نجمع يا عرب
من كل دوله ميت جنيه
و ننقى حتة أرض (( طاهره ))
نبنى عليها مصنعين
واحد يصنع لينا جيش مابينهزمش
يركب على ضهر الحصان
و التانى يعمل لينا كام دستة إيدين
علشان تحارب بالسيوف
لو مامعاكوش...
لو مامعاكوش حق المبانى يا عرب
أنى مستعد
أتباع في سوق النخاسين
و ادفع لكم
و لما تبقو أغنيا بين الأمم
ابقوا ساعتها ردوها لى
*****
و بالمناسبه...
قبل ما اخلص كلام...
أمريكا باعته لكم سلام...
بتقول لكم:
"متشكرين
لولاكم انتو يا عرب
ما كانتش ليا منزله بين الأمم
إنتو اللى وطيتم عشان
نركب على اكتافكم سنين
و عشان كده
بنقول لكم من قلبنا
متشكريييين...
و عشان كده
راح اوصى إسرائيل عليكم
علشان تبطل ضرب فيكم
... يا إسرائيل... يا بنيتى
اطمنى...
مافيش سلام...
لكن بلاش الضرب في بلاد العرب يا إسرائيل
دا مش عشان انتى رحيمه وطيبه يا بنيتى
لكن عشان...
( الضرب في الميت...
... حرام... )**********

وفاء شوكت خضر
11-06-2008, 02:55 PM
حين سمعتها أول مرة ..
بلا شعور وقفت وصفقت لك ..
والآن حين قرأتها أعاود التصفيق ..

أيها الأمير الشاعر ..
أبدعت ورب والبيت ..
أبدعت صياغة وإلقاء ..


بارك الله بك ولك ..
تحيتي ..

وائل محمد القويسنى
11-06-2008, 03:06 PM
الصديق الحبيب مصطفى
سمعتها منك
وحفظتها عن ظهر قلب
لك قلب يختلف عن قلوب الناس
لك فكر خاص
لك قلم شاعر شاعر بحال الأمة
قصيدة كالكرباج
تخط بكل سطر مكانه فى القلب خط
لك كل الود
ولقصيدك كل التقدير
وائل القويسنى

علاء عيسى
11-06-2008, 05:22 PM
يا سيف ( عمر )...
ما تقول لى إيه السر فيك
حدادك اللى صنعك
ركب زرار النصر فيك؟!
ياولد يالعييييييييييييب
شاعرررررررر
حقيقى
بجد شاعر
يا حصان ( صلاح )...
ما تقول لى إيه خلاك بطل؟!!
كات وكلتك
وكلة ميتين م الاحصنه؟!
ولا تلاقيك بعشر رجول!
ولا براسين!
بتخش أرض المعركه
و بتنتصر
ها
وبعدين معاك؟!!!
ياجزار
لو مامعاكوش حق المبانى يا عرب
أنى مستعد
أتباع في سوق النخاسين
و ادفع لكم
و لما تبقو أغنيا بين الأمم
ابقوا ساعتها ردوها لى
هاصبر عليك ماشوف آخرتها إيه؟
قبل ما اخلص كلام...
أمريكا باعته لكم سلام...
بتقول لكم:
"متشكرين
لولاكم انتو يا عرب
ما كانتش ليا منزله بين الأمم
إنتو اللى وطيتم عشان
نركب على اكتافكم سنين
و عشان كده
بنقول لكم من قلبنا
متشكريييين...
بص هاسكت أحسن يابو درش
يا إسرائيل... يا بنيتى
اطمنى...
مافيش سلام...
لكن بلاش الضرب في بلاد العرب يا إسرائيل
دا مش عشان انتى رحيمه وطيبه يا بنيتى
لكن عشان...
( الضرب في الميت...
... حرام... )**********
الله واسكت ليه
مصطفى
جزار
سامعنى .
روووووووووووح
الله
.....
..........
...........
ها
يعمر بيتك"
على فكرة كنت ناوى اسمع القصيدة دلوقتى
بس مش هاسمعها
عشان ماحسدكشى
ههههههههههههه
بورك قلمك
وحرفك

محمد الدسوقي
11-06-2008, 07:54 PM
يا نبض مُتفاعل مع ما تمر به الأمة
مصطفي ... أيها الشاعر بأحساس
متفرد ،،
وربي أنك أتقنت وأجدت

تحياتي واحترامي

جوتيار تمر
11-06-2008, 08:19 PM
الجزار........

تبقى سامقا بروحك وفكرك وحرفك...........

دم بخير
محبتي
جوتيار

ماجدة ماجد صبّاح
11-06-2008, 08:54 PM
الله...قصيدة أخرى لكَ تأسرني يا شاعرنا الكريم
اواهٍ من حالنا!

تقديري

سيلفا حنا حنا
11-06-2008, 09:41 PM
الله الله
يحق لك كل هذا الدلال أيها المفضال
لأنك أمير الشعراء
ومن يكون أميرا لا يكتب إلا جمال الجمال
وبجوده يكون كل الألق والوفاء
يا لحبك الوطني أيها الأغر .
قصيدة جميلة ,,بارك الله فيك يا عزيزي
حماك الخالق وبارك بأسرتك الكريمة

ليوفقنا الله

الهام احمد سعد
12-06-2008, 03:30 PM
المبدع الاستاذ والشاعر / مصطفى الجزار
اولا اشكرك انك اتحت لى ان ارى واسمع هذه القصيدة الرااااااائعة سمعتها منك مرة واحدة وكنت اتمنى ان اقراها فشكرا جزيلا
قصيدة فى قمة الابداع وليس هذا جديد على امير الشعراء / مصطفى الجزار
نتمنى لك نجاح دائم وحياة موفقة دائما
لك كل التحية والتقدير
تلميذتك
الهام احمد سعد

مصطفى الجزار
13-06-2008, 03:42 PM
حين سمعتها أول مرة ..
بلا شعور وقفت وصفقت لك ..
والآن حين قرأتها أعاود التصفيق ..
أيها الأمير الشاعر ..
أبدعت ورب والبيت ..
أبدعت صياغة وإلقاء ..
بارك الله بك ولك ..
تحيتي ..

أديبتنا الراقية، الأستاذة / وفاء

بارك الله فيك وشكراً على هذا المرور العذب وعلى حسن ثنائك الذي أرجو أن أستحقه.

تقبلي كل التقدير والتحية.

أنس إبراهيم
13-06-2008, 06:34 PM
أخــي

أثــرت مـا أثـرت في القلب
وأدمعت ما أدمـعت في العـين

مـاذا أقول ؟!

تحية بحجم السماء إلـيك ولك

دمــت شـاعرَ الأمة فذا
رائعاً
متـألقاًُ

تحيتي وتقديري لك

مصطفى الجزار
07-07-2008, 04:58 PM
الصديق الحبيب مصطفى
سمعتها منك
وحفظتها عن ظهر قلب
لك قلب يختلف عن قلوب الناس
لك فكر خاص
لك قلم شاعر شاعر بحال الأمة
قصيدة كالكرباج
تخط بكل سطر مكانه فى القلب خط
لك كل الود
ولقصيدك كل التقدير
وائل القويسنى

أخي وصديقي/ وائل القويسني

شكراً لك على هذا المرور الحميم، الذي أسعدني حقاً.

تحياتي وتقديري لقلبك الوارف الظلال.

خالد الهواري
03-03-2009, 04:09 PM
جلست ابحث عن تراث الواحة بعدما قرات كل ما هو مكتوب من الشعر
حتي عثرت علي تلك الهدية
انها بحق كما قال كل من مر عليها
وانا جئت لكي اشرف اسمي بكتابته في متصفحك الغالي


خالد الهواري

هانيال محمد
22-07-2009, 02:09 AM
قصيدة رائعة لشاعر متألق دائماً بأشعارة
تحياااااتى لجمــــــــــــــال حرفك
دمت بإبداعك وتألقك
واسمحلي بإعادة رفعها
تقديراً لشاعرها الجليل
وتكريماً لجمال القصيدة
تقبل المرور

أحمد موسي
22-07-2009, 02:20 AM
بسم الله ما شاء الله

قصيدة ولا أروع منها ولا أجمل

ولكن

لقد أسمعت من ناديت حيا ..........

الشاعر الحبيب وأستاذي الجليل / مصطفى الجذار
كلما قرأت لك نصا- جديدا كان أم قديما- كلما ازداد انبهاري
بقلمك البارع أيها الماتع الباهر

واسمح لي بالإرتجال السريع للرد عليك رغم ضعف قلمي
أمامك أو إن شئت فاسمح لي بقول" إنعدام قلمي"


مليون قصيده ولسا جاي
مليون ديوان
مليون قصيده بالمراره
وبالهوان
القدس ضاعت والعراق
شوف مين كمان
جذار يا شاعر
ليه بتوجع قلبنا ؟؟
نام وانت ساكت
ارضى واحمد ربنا
أمريكا قالت قدسنا
حق اسرائيل
أما دجله والفرات من حقها
وباقيلنا نيييييل
شوف الكرم بالله عليك !!
إيه يعني لما نسيبوا ليها أرضنا
ما احنا اللي سيبنا قبل منها عِرضنا
فزنت كتير
واما حاضت أختنا
كان ابنها مولود حرام
فاسكت وقفّل ع الكلام
وبلاش فضيحه
الشعب مش عايز حِكَم
ولا حتى محتاج للنصيحه
أبوه ماعمروش كان عمر
ولا عمره يوم هيكون صلاح
جايز "باراك" أو "جورج بوش"
جايز نكون معرفناهوش !!
جايز وجايز ألف جايز
والأكيده إننا
مبنفهموش
القيود على حدّ قولك
كات لبان
يعني مش ساهل نلاقي
الصلد لان
هوا يعني كان لبان ؟!!
عاذرك يا صحبي
والله حاسس باللي بيك
عاذرك وشايف دمعتك
فـ جفون عنيك
عايز تبيع نفسك فـ
سوق النخاسين !!
علشان يعيش غيرك
رفيع عالي الجبين !!
تمنك يا صحبي هيعملوه
مصنع لبان
في لسا يامه إدين مهش متكتفين
نادي يا صحبي انا صوتي راح
وانده بشوقك فين صلاح
خليه يجيب الجيش وييجي
لو جه لوحده هيدبحوه
ويقيدوه
بقيود لبان ماهش لبان
دي قيود حديد
دي قيود كتير من نوع جديد
نبّه عليه ييجي بجيشه
ويجيب عمر وكتير معاه
ليدمروا حلمه ومناه
جايز بإيدهم يرفعوا
كتافنا اللي طاطت
ونعلى تاني بوضعنا
بين الأمم
ويكون لنا هيئه نضيفه
ونمحي هيئة الرمم
جايز يا صحبي بس قول
واصرخ على جدود العرب
زوّد على المليون كمان
جايز فـ يوم راجل يبان
هات القصايد والخطب


هذا ما جادت به قريحتي وما أسعفتني به بلاغتي
فأرجو أن تنال إعجابك واستحسانك

ونشكر أختنا الجميلة " هانيال محمد" لرفعها لهذه الجوهرة الدفينة

وأين أنت يا عم الغلابة لتثبت لنا هذه الخريدة؟؟

محبتي

تلميذك / أحمد موسى

خالد الهواري
22-07-2009, 04:03 PM
اجدت يا احمد والله
كم انت رائع في الارتجال


وسيب الخطب.. تخدر عقول المطحنين
يمكن تجيب.. حبة نعس للسهرانين

الطنطاوي الحسيني
24-07-2009, 10:51 PM
السلام عليكم ورحمة الله وبركاته
اخي مصطفى اعذرني ايها الحبيب فلقد سمعتها مقطعة فمعرفتش افهمها
لكن لما قرأتها لقيت حاجة تانية وتالتة وعاشرة كمان
القصيدة للتثبيت استحقاقا وتقديرا لشاعرها ورحه الجميلة
هذا هو الشعر العامي العربي الصحيح
وجزاك الله خيرا لاحياء احدى لكناتنا الجميلة الكنة الصعيدية
تقديري ايها السامق شعر وبوحا ونخوة
الشكر موصول لاخي احمد موسى على تنبيهه وطلبه الجميل بالتثبيت

محاسن بيومي
14-11-2009, 05:15 AM
فعلا الله الله الله عليك إلى ما لا نهاية كم شعرت بالشجن ممزوجا الإبداع بالإلهام بالحزن بالتعبير شكرا لك فعلا على هذا الإبداع الاكثر من راقي

نبيل مصيلحى
16-11-2009, 11:49 PM
الله عليك يا مصطفي القصيدة رائعة
وقلت فيها إللي انت عايزه
ووصلت لنا زي مانت عايز
دمت بخير
تحياتي
نبيل مصيلحي