المساعد الشخصي الرقمي

مشاهدة النسخة كاملة : علم حتى الموت !!


سيد الموجى
31-10-2008, 09:39 PM
علم حتى الموت !!
رباعيات سيد الموجى
...........
فى مدخل المدرسة مكتوب ببنط كبير
كلمة ما كنتش لاقيلها معنى أو تفسير
ومن خلال ابنى ( طور ) الله فى برسيمه
فهمت معناها ، معنى كلمة ( التطوير ) !!
الطفل إسلام شهيد ( العِلم ) فى بلادنا
جعل قضيتنا – بعد ما أدمى أكبادنا -
محصورة فى سؤال محدد ، هل مدارسنا
تقدر تعلّم صحيح وتربّى أولادنا ؟!
كُتب الدراسة من الفجالة هانجيبها
والامتحانات بقى من السهل تسريبها
والأنشطة فى الشوارع والدروس فى البيت
ومدارس الموت خلاص لصاحبها هانسيبها !
وائل محمد القويسنى
31-10-2008, 10:27 PM
يا عم سيد .. مدارس .. والطريق معروف=والعلم جوا الكتب قلبى عليه مخطوف
قلنا يا ناس مش كده دا العلم فرض ودين=قالوا دا زى العسل .. بس العتب عَ الشوف

*****
إبحارات قيمة ونقد واع وصور معبرة
تحياتى وتقديرى
وائل القويسنى
ضفاف أماني
31-10-2008, 10:37 PM
عجيب هو الشعر المصري الشعبي
وعجيب هي ابياتكم ايها الشاعر سيد الموجي
نتابع معكم
انا ذات جهل بالساحة الشعرية بشكل عام

ولم اعرف من شعراء مصر الشعبيين
الا فؤاد نجم وعبدالرحمن الابنودي كا أسماء وليس متابعة
لم اسمع الا القليل منهم
واعجبتني طريقة توليد الفكرة من اللغة او اللهجة الدارجة المصرية

وها نحن نتعرف على الشاعر سيد الموجي


وجميل هو حل القضايا التي تعاصرنا بهكذا تصاوير تصل للقلوب بكل طيوفها
دمتم متألقون في الحرف
وكذا في القضية
سيد الموجى
08-11-2008, 02:55 PM
الأديبة المتميزة / أماني حرب
أسعدنى وجودك هنا
وأعتز كثيرا بشهادتك
ولك منى خالص الود
سيد الموجى
08-11-2008, 03:02 PM
يا عم سيد .. مدارس .. والطريق معروف=والعلم جوا الكتب قلبى عليه مخطوف
قلنا يا ناس مش كده دا العلم فرض ودين=قالوا دا زى العسل .. بس العتب عَ الشوف

*****

وائل القويسنى

مدارسنا مبقاش بأمثالها الزمان بيجود
داخلها مفقود ومنها اللى خرج مولود
زى العسل بس عسل اسود بعيد عنك
زمن الأوائل يا وائل مستحيل هايعود!
مروة عبدالله
09-11-2008, 04:31 PM
مدارسنا هتفضل زى ما هيا
العيب مش فيها ولا فيا
العيب في عقول بقت مادية
تقوم وتنام على نقدية


الراقي سيد الموجى

قرأت الجمال مغلف في بياض من النقاء
كنتَ راقياً بحق فشكراً لكَ
طبتَ بسلام
محبتى
سيد الموجى
15-11-2008, 10:19 PM
مدارسنا هتفضل زى ما هيا
العيب مش فيها ولا فيا
العيب في عقول بقت مادية
تقوم وتنام على نقدية


الراقي سيد الموجى

قرأت الجمال مغلف في بياض من النقاء
كنتَ راقياً بحق فشكراً لكَ
طبتَ بسلام
محبتى


مدارسنا يا مروة قلب حالها
مسئول كان جىّ يكحّلها
على رأى المثل الشعبى اياه
وياريتنا ما شفناه ولا جالها !
0000000000
الغاتلية / مروة عبد الله
الجمال كل الجمال فى رقيق كلماتك التى تلقيتها بسعادة بالغة
دمت بخير ولك منى خالص الود