أوباما

[سيد الموجى]

أوباما

سيد الموجى

شوف قد ايه كنا مابنحبوش
حاول ماتبقاش زى صاحبك بوش
واللى باقيلكم لسه من هيبة
أمريكا يا أوباما ماتلعبّوش !
****
اللعب بمصير الشعوب مكروه
والماشى فى سكك الحروب بيتوه
خد موعظة من صاحبك المعتوه
وبلاش تكون زيه بريش منفوش !
****
عمر الزعامة ما الاحتلال جابها
ولا فيه شعوب بتضّحى بترابها
ومارينزك اللايصين فى ميت جبهة
هيضيع تعبهم بكرة كله فاشوش !
****
اللغز بن لادن مأزمكم
والرعب من كوريا ملازمكم
وإيران هاتبقى جديد هزايمكم
والدنيا بصراحة مابتطقكوش !
****
من سوء فعالكم طهقت المخاليق
ومابتبانوش أبدا فى ساعة ضيق
ومافيش لكم فى الدنيا أى صديق
بغُترة أو بطاقية أو طربوش !
****
كان بوش بيتصرف كأنه إله
وبلغ عداءكم للعدالة مداه
عايزين تحاسبوا كل خلق الله
وعلى جرايمكم ما تتحاسبوش !
****
خليك فى صف الحق يا اوباما
الدنيا فيها مظلومين ياما
مابقتش أمريكا خلاص ماما
لأى حد ، عشان ماتتغشوش !
****
السُمرة فى جبينك وفى جبينى
والفقر زارك قبل ما يجينى
حاول تصحّى أصلك الكينى
الطيب اللى فى العداوة مالوش !

[روميه فهد]

والبقية في عمرنــــا ، نلحق على الخير والعدالة الحقيقية..

الفاضل سيد المـــوجي ...

المفردات المصرية خفيفة على الروح بالاصل فـ كيف وهي تحمل فكرة وتطرح الرأي بسلاسة..

دمتَ لمن تحب ...

روميه

[علاء عيسى]

عمر الزعامة ما الاحتلال جابها
ولا فيه شعوب بتضّحى بترابها
ومارينزك اللايصين فى ميت جبهة
هيضيع تعبهم بكرة كله فاشوش !
عم الشعر العامى
سيد بك الموجى

تحية وتقدير لاسمك
وأدبك
وقلمك

السُمرة فى جبينك وفى جبينى
والفقر زارك قبل ما يجينى
حاول تصحّى أصلك الكينى
الطيب اللى فى العداوة مالوش !

[وائل محمد القويسنى]

يا عم سيد .. أوباما زى بوش ؛ ملعون=تعبان شراقى غبى .. وطلبنا منه العون!
أمريكا مش معجزة .. والحق عَ الخاينين ="حق العرب" عَ العرب .. مين فَرْعَن الفرعون؟؟!!

تحياتى يا صديقى
:014:
وائل القويسنى

[مروة عبدالله]

يعينى علينا وعلى حظنا المنحوس
مرة بوش ومرة اوباما المسطول
نسيوا شارون واللي جراله
والحال باقي على حاله
وأدينا قاعدين نتفرج
نستنى غول ييجي وراه غول


أديبنا الراقي .. سيد الموجي


قرأتها أكثر من مرة كأنى أردد
أغنية بعزفٍ فريد
فاعذر خربشاتي بينكم أنتم العمالقة
محبتى واعجابي الشديد

[نبيل مصيلحى]

معلم والله يا أبو السيد
كلامك له معاني أكيد
أتمنى يفهمها أوباما وغيره
ويحط عينه ع الصواب ما يحيد
..............
تحياتي

نبيل مصيلحي

[الطنطاوي الحسيني]

أوباما

سيد الموجى

شوف قد ايه كنا مابنحبوش
حاول ماتبقاش زى صاحبك بوش
واللى باقيلكم لسه من هيبة
أمريكا يا أوباما ماتلعبّوش !
****
اللعب بمصير الشعوب مكروه
والماشى فى سكك الحروب بيتوه
خد موعظة من صاحبك المعتوه
وبلاش تكون زيه بريش منفوش !
****
عمر الزعامة ما الاحتلال جابها
ولا فيه شعوب بتضّحى بترابها
ومارينزك اللايصين فى ميت جبهة
هيضيع تعبهم بكرة كله فاشوش !
****
اللغز بن لادن مأزمكم
والرعب من كوريا ملازمكم
وإيران هاتبقى جديد هزايمكم
والدنيا بصراحة مابتطقكوش !
****
من سوء فعالكم طهقت المخاليق
ومابتبانوش أبدا فى ساعة ضيق
ومافيش لكم فى الدنيا أى صديق
بغُترة أو بطاقية أو طربوش !
****
كان بوش بيتصرف كأنه إله
وبلغ عداءكم للعدالة مداه
عايزين تحاسبوا كل خلق الله
وعلى جرايمكم ما تتحاسبوش !
****
خليك فى صف الحق يا اوباما
الدنيا فيها مظلومين ياما
مابقتش أمريكا خلاص ماما
لأى حد ، عشان ماتتغشوش !
****
السُمرة فى جبينك وفى جبينى
والفقر زارك قبل ما يجينى
حاول تصحّى أصلك الكينى
الطيب اللى فى العداوة مالوش !
اخي الموجي الكبير
اوباما زي بوش ريش الطاووس منفوش
لا تصدق اللي قالو ف الانتخاب د رتوش
هي موجة واحد الكل راكبينها
كم الف مرة نتخدع د حجة اللي ملوش
اصحى بقى يا شعبنا يا عشة المظاليم
مضى زمان الاقنعة الزايفة ويا وشوش
احنا املنا ف ربنا نصحى بقى م النوم
لما نقيم كلمته بالعدل هوا يحوش


ما شاااااااااااااااااااااء الله
قصيدة ولا اروع
روح وابداع ومعايشة مفيش بعد كده
والله لو يسمعو نصحي

اقول للتثبيييييييييييييييت بعد اذنكو طبعا

[سيد الموجى]

والبقية في عمرنــــا ، نلحق على الخير والعدالة الحقيقية..
الفاضل سيد المـــوجي ...
المفردات المصرية خفيفة على الروح بالاصل فـ كيف وهي تحمل فكرة وتطرح الرأي بسلاسة..
دمتَ لمن تحب ...
روميه
الغالية/ رومية
وجودك أسعدنى كثيرا ورأيك أسعدنى أكثر
دمت مبدعة وصاحبة مشاعر رقيقة

[سيد الموجى]

عمر الزعامة ما الاحتلال جابها
ولا فيه شعوب بتضّحى بترابها
ومارينزك اللايصين فى ميت جبهة
هيضيع تعبهم بكرة كله فاشوش !
عم الشعر العامى
سيد بك الموجى

تحية وتقدير لاسمك
وأدبك
وقلمك

السُمرة فى جبينك وفى جبينى
والفقر زارك قبل ما يجينى
حاول تصحّى أصلك الكينى
الطيب اللى فى العداوة مالوش !



الشاعر الجميل / علاء عيسى
واحشنى كلامك الحلو
حتى ولو كان الحديث عن بوش
اللى مابنحبوش
دمت مبدعا

[سيد الموجى]

يا عم سيد .. أوباما زى بوش ؛ ملعون=تعبان شراقى غبى .. وطلبنا منه العون!
أمريكا مش معجزة .. والحق عَ الخاينين ="حق العرب" عَ العرب .. مين فَرْعَن الفرعون؟؟!!

تحياتى يا صديقى
:014:
وائل القويسنى

فعلا يا وائل اوباما احتمال هايكون
من البتاع اللى قبله نسخة بالكربون
بس المؤكد بقى إن اللى متفرعن
علينا بيطاطى راسه قصاد ولاد صهيون !

[مصطفى الجزار]

الكُفْر مِلّه وحيدَه والهدف واحد
يقضوا على كل راكع فينا أو ساجد
أعداء لدين المحبه والسلام والنور
لو يمشي جاحد هييجي بعدُه مِيت جاحد

***
الشاعر الرائع المتميز/ سيد الموجي
دائماً تبهرني بأفكارك وتناولك الفريد للمواضيع.
تقبل خالص إعجابي بفكرك
تحياتي

[سيد الموجى]

يعينى علينا وعلى حظنا المنحوس
مرة بوش ومرة اوباما المسطول
نسيوا شارون واللي جراله
والحال باقي على حاله
وأدينا قاعدين نتفرج
نستنى غول ييجي وراه غول


أديبنا الراقي .. سيد الموجي


قرأتها أكثر من مرة كأنى أردد
أغنية بعزفٍ فريد
فاعذر خربشاتي بينكم أنتم العمالقة
محبتى واعجابي الشديد


طب والعمل ايه يا مروة ؟
سؤال برىء مطروح
على اللى دايما يقولوا
يا روح ما بعدك روح
هيفضلوا لحد امتى
عبيد كراسيهم
مش مكسوفين إنهم
حُكّام وطن مدبوح ؟!

[سيد الموجى]

معلم والله يا أبو السيد
كلامك له معاني أكيد
أتمنى يفهمها أوباما وغيره
ويحط عينه ع الصواب ما يحيد
..............
تحياتي
نبيل مصيلحي


أوباما يا نبيل يشبهنا
فى الشكل لكن فى المضمون
شىء مختلف واللى يراهن
عليه أكيد مش هايجيب جون !

[سيد الموجى]

اخي الموجي الكبير
اوباما زي بوش ريش الطاووس منفوش
لا تصدق اللي قالو ف الانتخاب د رتوش
هي موجة واحد الكل راكبينها
كم الف مرة نتخدع د حجة اللي ملوش
اصحى بقى يا شعبنا يا عشة المظاليم
مضى زمان الاقنعة الزايفة ويا وشوش
احنا املنا ف ربنا نصحى بقى م النوم
لما نقيم كلمته بالعدل هوا يحوش
ما شاااااااااااااااااااااء الله
قصيدة ولا اروع
روح وابداع ومعايشة مفيش بعد كده
والله لو يسمعو نصحي

اقول للتثبيييييييييييييييت بعد اذنكو طبعا

يسلم لسانك يا طنطاوى كلام معقول
لكن منين بس هانجيب ناس تودّى القول
لسكة الفعل ؟ والحُكّام بيتسابقوا
عشان ينولوا رضا ودعم (الطواويس) دول !

[سيد الموجى]

الكُفْر مِلّه وحيدَه والهدف واحد
يقضوا على كل راكع فينا أو ساجد
أعداء لدين المحبه والسلام والنور
لو يمشي جاحد هييجي بعدُه مِيت جاحد

***


العيب – ودا شىء أكيد- يا مصطفى فينا
احنا اللى بنروح لهم راكعين برجلينا
مع إنهم ( ريش على مافيش ) بس حُكّامنا
بيشوفوا فيهم حاجات مش باينة لعنينا !