امرأة غير صالحة للاستعمال الآدمى

[علاء عيسى]

إهداء
للست بتاعتى
.................
ست الستات
:003::002::003:
:002::003::002:

علاء عيسى

:003::002::003:
:002::003::002:

الست الجايَّة تنظم أفكارى
بتبعتر كل الأوراق
على بعض
عمّاَلة تخربش فى مشاعرى
وتقطَّع فى الأحاسيس الباقية
شغلتها تدمر أعصابى
لانا قادر أغيَّر فيها
ولا قادر ألاقى حد يخفف عنى
ويخلينى اتحمل
أو يجعلها يوم تتنازل
عن أفكارها
الغير مقبولة
ف شرع الناس
مابتسمعشى لحد
غير لدماغها الأوسخ
منه مافيش
الست بتاعتى
كيفها تدمَّر بيتها بإيدها
مابتعرفشى تضَّحى لحد
ولا حتى ولادها
الست بتاعتى
كائن صعب
التفسير
كائن صعب التغيير
الست بتاعتى أبرد منها مافيش
أتعب منها مافيش
أأدب منها مافيش
أطيب منها مافيش
لكن طيبة طفل
طفل بيهوى يدمَّر كل حاجاته
الست بتاعتى
من أول يوم
قرفانى
الست الجاّيَة تريَّح
تعبانى
الست بتاعتى
غير كل الستات
ملحوظة تؤخذ فى الحسبان
على فكرة
مش قاصدى بالست بتاعتى " بتاعتى "
دلأن الست بتاعتى مش عايشة فى طوعى
دايما ضدِّى
ولهذا
مايصحش أقول عليها الست بتاعتى
تنويه م الواجب أقوله
الست بتاعتى
اللى كلامى عليها
مش هى الست بتاعتى
أنا باقصد بيها
البطلة النايمة
فى قلب قصيدتى
دلأن الست بتاعتى ست الستات
وعشان الوضع العام علِّمنى
إن الستات مالهومش
" ست "
فلنترك هذا الموضوع لظروفه
ولا حتى نجيب أى كلام
ع الست بتاعتى
ولا حتى بتاعتك
ولا حتى بتاعة واحد
صاحبى وصاحبك
وانخللى كلامنا عن ست
موجودة فى وسط الستات
مع إنِّى أشك ف هذا الأمر
ما علينا
ملحوظة تؤخذ فى الحسبان
إتعودت
وانا باكتب أى قصيدة
أكتب بلسانى
وكأنِّى باكتب
حالى
أو بالمعنى الأحرى
بلسان الذات
الذات
التايهة عشانها
الذات
العايشة تدوَّر عن حاجة
يمكن يوم
تشفع ليها فى يوم واسامحها
فاانا باستسمح كل القراء
وانا باكتب
هابدأ قولى
" بالست بتاعتى "
عشان الشعر يكون أكثر صدقاً
وانا شاعر ممكن أفلت
لو
فرضا يعنى الست بتاعتى افتكرت
إن اقصدها
ودا طبعاً جايز بعد الشر هايحصل
ساعتها هاقول:
أنا باتقمص قصة جديدة
وانتى ...
المفروض ان انتى حبيبتى
وحبيبتى تتمنالى
إن أكون شاعر متجدد
وساعتها ممكن أو جايز يمكن
كدبة تعدِّى عليها
ما علينا
ملحوظة تؤخذ فى الحسبان
إلى كل رجال الدنيا
إياك تتجرأ وانت بتقرا قصيدتى
تقراها قدام الست بتاعتك
دلأنِّى خايف على مصلحتك
مش علشان ان سيادتك من الجنس بتاعى وبس
لأ
علشان متعود أخاف على قرائى
دا فْ حالة إن بفرض
الناس لساها بتقرى
جنب الألف قناة فى الدش
والشات والنت
ما علينا
هذا الموضوع مش وقته
نفتح له قصيدة المرة الجايَّة
نرجع للموضوع إياه
ها رجع تانى وافكر
كل رجال الدنيا
إوعاك تنسى وتقرى قصيدتى
قدام الست بتاعتك
مش راح تفلت
لو حصلت كبسة
أنا شاعر ممكن أفلت
وعموماً بالفرض خلاص حصلت كبسة
إياك ترمى قصيدتى فى قلب الأرض
أو تتسرع وتخبيها فى وسط هدومك
نفى النفى طبعاً عارف ..
إثبات .
كده ها تركب نفسك غلطة
والشك يزيد
وها يحصل بينكوا مشاكل
وانا عارف
مش ناقصة
تعرف أسلم حل
لو حصلت كبسة
ممكن تعمل إيه
1:ـ كشر وشك
واشتم فيَّا
قول :
الشاعر دا مجنون
كداب ..... معقول ؟!!
الست بتاعته بهذا الشكل
2:ـ ممكن تعمل نفسك متضايق
واتصعَّب واستغفر ربك
قول :
الشاعر دا غلبان
طب ليه مستنى وصابر
جايز علشان بينها وبينه عيال
ياه
إلى هذا الحد تكون الست بتاعته بهذا الشكل
أو ممكن
3:ـ اضحك .. قول :
ياه
طب ليه مش لأ
علشان مش شايف حد فى عينى
غيرك إنتى وبس ياروحى؟
فاكر كل الستات تشبهلك !!
هاتلاقى الست بتاعتك مبسوطة وتضحك
وتقولك علشان بس تقدر
وتعدى الليلة
شفت ازاى إنى انا شاعر خايف على قرائى
كبسة
المرة دى الكبسة عليا
تعرف ليه
دلأنى القراء بتوعى مش من جنسى وبس
م الوارد طبعاً م الجنس التانى
فاانا لازم أصلَّح
كل كلامى
وأخاف
على كل القراء
ولهذ ها قول
إلى كل الستات فى الدنيا
أنتن حبايبى
وحياة الست بتاعتى
مقصدتش واحدة مابينكم
أنتو ملايكة
الست اللى انا باتكلم عنها
هى
" الست بتاعتى"
الماشية بمبدأ خالف تعرف
وانا خايف أعرف
إن انا راجل مش عايز اعيش
فاانا مضطر اتحمل
واستنى عليها شوية
شوية لإمتى ؟
شوية لحد ماكل الناس تمسكهالى وولع فيها
الماشية خلف خلاف
ماشية ضد الشرع
والشرع ادانى حقوق
مش عارف ليه؟!
مش راضى استعمل حقى
علشان لعيال
وانا كائن عاشق للطفل
عايش مع كائن عاشقة الصوت العالى
إيدها بتسبق كل كلامها
بتصوت زى الطفلة وتتبحلص ع الأرض
قدام الناس مش فارقة
الست بتاعتى مابتخزاش على عينها
بتسمع كل جيرانى
م الأول جار للسابع
لو مرة تفكر تسمعنى وتمشى ف طوعى
وتطلق صوتها العالى
تبقى خلاص مشاكلنا اتحلت
وعموماً سيبك من صوتها العالى
البيت كان دايماً هس
آهى جاية بتعمل حس لبيتى
علشان الناس فى الشارع
مايجوش يفتكروا البيت كان فاضى
أوف...
ماعلينا
نرجع للموضوع اياه
الست بتاعتى
مابتعرفشى
* كلمة حاضر..
*واللى تشوفه ..
*وانت الراجل واحنا معاك
والدفة ف ايدك نمشى وراك
الست بتاعتى ماشية معايا
بمبدأ
ند الند
قاموس الدنيا بتاعها
كان أول كلمة قارتها كلمة " لأ "
*أنا مش عاملة
*أنا مش رايحة
لأ وابتحلف
تصَّور
واتخيل الست بتاعتك مرة بتحلف
ولا مرة بترجع فى كلامها
مش بس بتحلف
لأ
دابتحلف واتنفذ
الست بتاعتى ياما وياما بيحصل
واتكسر كل كلامى
تعرف
الست بتاعتى
تنفع راجل
ممنوع الرقة
لو فرضا مرة من مليون مرة بتغلط
واتفكر مرة تصالح
ياه
تقعد وتعاتب روحها كتير
طبعا مش علشان الغلطة
لأ
علشان مرة تنازلت
إزاى الهانم تتأسف
وتعاقب روحها
ولهذا تفكر تانى ف غلطة وتتمسك
وبهذا تكون ثأرت لدماغها الناشف
واللى منشف كل حنان فى البيت
والله مابضحك
الست بتاعتى تنفع راجل
ياراجل؟
مش للدرجة دى !!
علشان كام مرة مسكت لك شبشب
باتهزر يابنى
ومافيش بين الراجل والست بتاعته
أى خلاف ع الشبشب
مايصحش تنطق كلمة " تنفع راجل "
علشان كام مرة تكلم فيها ورجليها ف وشك
وتنادى عليك من أى مكان فى البيت وبلهجة أمر
ولا تنادى عليها وماتردش
وبتستنى تروح تناديها هناك
خليك هادى
لو جت تتنرفز ابعد عنها وسيبها
روح على برة
لما تعدى الأزمة
وده طبعاً أحسن لك
لتهيج وتصوت وتلم عليك الناس
الست بتاعتك غلبانة
مش لاقية حد يعدُّل فيها
كل الناس حواليها ملهى ف روحه
والله حالها بيصعب
وبيتعب
الناس حواليها
واللى يعيش ياخد حقة
واللى مايعرف
ياكشى يولَّع
سيبها تكسر فى الحاجة
وترزع فى بيبان البيت
وتكسر فى إزازه
سيبها تفشى السر
سيبها تروح النار واتسلم تقارير يومية وتحكى كل التفاصيل عن بيتك
سيبها تولع
مشكلتك انك بتخاف م الناس
والوضع العام
بتخاف من أى فضايح
هى العكس
اللى يدور فى دماغها لازم يتنفز
لو حتى الناتج
أى فضايح
تعرف دايما بتقول
"ماعرفشى اعمل حاجة حد يقول لى عليها"
يعنى
ممنوع الطاعة
لو حتى رب الكون الفارض هذا الأمر
الست بتاعتى
عايزة تعيش على كيفها
وانا لازم أعيش على كيفى
لكن
أعيش بالشرع
ياه
تتصور
قربت أصدق
إن الست بتاعتى بهذا الشكل
على فكرة الست بتاعتى
ست الستات
لكن الست بتاعتى التانية
ست غير كل الستات





:hat::007::hat:
:hat::007::hat:


رقم الإيداع
9497/2008
ترقيم دولى
5- 384-374-977
:010::pr::002:

[وائل محمد القويسنى]

ربنا يسامحك يا علاء يا عيسى
هلِّكْتِنى م الضحك
على فكرة
يظهر إن الست بتاعتك
أخت الست بتاعتى
أو فيه تشابه واضح بينهم
أصل كلامك كله بيحصل
بينى وبين الست بتاعتى
إلا الحته بتاعة الشبشب
:v1:
مش عارف أشكرك ازاى على كمية الضحك اللى ضحكتها دلوقتى
بس عارف...
ربك هايعدلها بأمره
هاستنى معاك ماجدة ماجد صباح وأمينة أحمد سعد والحملة اللى هايشنوها ضدك
بس أنا معاك يا غالى ومش هاتخلى عنك
تحياتى
(سى السيد)
وائل القويسنى

[علاء عيسى]

ههههههههههههههههههه
صباح الفل وائل

لازم ياصاحبى يبقى فيه اختلاف

فلازم يحضر الشبشب لعمل هذا
هههههههههههه
فى انتظار الحرب
ونحن لها
لا تتركنى صديقى
سعدت بك

[هيثم محمد علي]

الاستاذ علاء
انا كمان الست بتعتي نفس الست بتعتك
فولة وانقسمت نصين
بس برضو من غير شبشب
هههههههههههه
شكراً لأمتاعنا وكلنا بجوارك
ههههههههههه

[علاء عيسى]

الجميل
هيثم

طالما كلكم بجوارى
يا محلى الجيرة
نحن لهن

[ضفاف أماني]

مخلاص ياعم

ما تسناش حرب من واحدة فينا بقصد حرب ماجدة واخواتها

دا الكلام في الشعر وفى وكفى المطلوب



وكمان شبشب دا ايه دا
دي حياة والا حرب داحس والغبراء

علعموم شد حيلك في حربك دي
اههههههههههههههههههههه


أضحك الله سنك لكن هو انت مبتخفش ان الست بتعاتك متكفوشي القصيدة دي وبعدها حتروح

في خبر كان .............اههههههههههههههههه

d:

[وائل محمد القويسنى]

مخلاص ياعم
ما تسناش حرب من واحدة فينا بقصد حرب ماجدة واخواتها
اههههههههههههههههههههه
أضحك الله سنك لكن هو انت مبتخفش ان الست بتعاتك متكفوشي القصيدة دي وبعدها حتروح
في خبر كان .............اههههههههههههههههه
d:

لأ
هانروح فى خبر ........
.........
ماجدة وأخواتها
هههههههه
ولا يهمك .... مستنيين احنا
ومعاكِ الوقت لتجميع بقية الأخوات.
*****
معاك يا علاء باشا ما تقلقش

[ضفاف أماني]

اذن اعانكم الله
وكدى دانتوا فتحتوا عليكم ابواب ......................
أول مرة بشوف عالم بتحب تجيب لنفسها القلق
اهههههههههههههههههه
حتيقي ماجدة وتشوف شغلها
دانا حتوصا معاها وحنوصلها للسما

دانا بمزح ماتسدأوش
مليش في الكلام دا خالص
على ادي أمشي جنب الحيطة
فبلاش تخلوني بجد أقوم حرب

[علاء عيسى]

مخلاص ياعم
ما تسناش حرب من واحدة فينا بقصد حرب ماجدة واخواتها
دا الكلام في الشعر وفى وكفى المطلوب
وكمان شبشب دا ايه دا
دي حياة والا حرب داحس والغبراء
علعموم شد حيلك في حربك دي
اههههههههههههههههههههه
أضحك الله سنك لكن هو انت مبتخفش ان الست بتعاتك متكفوشي القصيدة دي وبعدها حتروح
في خبر كان .............اههههههههههههههههه
d:
الفاضلة
أمانى
نورت قصيدتى بتواجدك
وسعدت بقراءتك للعمل
أتمنى ان يحوز على رضاكم
تحياتى

" طبعاً
انت ىجاية تهدى النفوس"
ههههههههههههههههههه

[علاء عيسى]

لأ
هانروح فى خبر ........
.........
ماجدة وأخواتها
هههههههه
ولا يهمك .... مستنيين احنا
ومعاكِ الوقت لتجميع بقية الأخوات.
*****
معاك يا علاء باشا ما تقلقش

هل تقصيد تجميع باقى الخوة؟
أم الأخوات
هناك فرق
ههههههههههه

[آمال المصري]

أستاذ علاء ..
فين الست بتاعتك .. شافت القصيدة وانت بتكتبها ولا الحكاية يكون فيها http://www.camfrogland.com/vb/images/icons/a4a.gif ؟؟
عموما استعدوا للحرب الضارية
لأن أكيد أكيد مش هتقدروا على الستات
صباحكم ورد جميعا

[شيماء وفا]

قريت كتير وفـ كل مرة بستمتع أكتر
أقول يمكن العيب فيا
أقرى تاني وأعيد وأزيد
ألاقيني تاني بَعيد
بستمتع أه لكن بتحسر أكتر
ماهي دي عيوبنا
إلـ فـ كل مره ألاقيها تزيد
من ست ناسيه إنها ست
والتانيه كل همها إزاي تقتل روحها
تقتل فيها الحب
تقتل فيها كل سعاده وبسمه
وعشان إيه !!!!!!!!!!
خوف من بكرا
خايفه البيه يقوى عليها
يقتل فيها كل جميل
لكن ياخساره كدا أو كدا مقتول
بايدها بايده هايموت هايموت

أستاذي العزيز

طبعا هاتقول رد غريب رد عجيب
إزاي وانا منهم "الستات"
لكن يابنات وسيدات الواحه
تعالو نعترف إن الكلام دا صحيح مع إني ليا عتاب بسيط
على أستاذنا الكريم
ياريت لو كنت تفتكر تقول
مع الإعتذار لكل ست تانيه غير "ست الستات"
الـ هي غير الست بتاعتك طبعا
لأني متأكده إن الست بتاعتك أفضل ست بين كل الستات
كفايه إنها سمحت بكل دا
ودا أكبر دليل إن لسه في ستات غير ست الستات

صح ولا أنا غلطانه

رد سريع وطويل إعذروني
وإسمحلي يا أستاذي بالعوده تاني

لان بجد قصيده تستاهل

تحياتي

[وفاء شوكت خضر]

الشاعر الألق علا ء عيسى ..

تركت السياسة ومسكت في خناق أرق الناس ..
وإيه يعني لما صوتها بيعلا وترفض الاستبداد ..
وإيه يعني لما تثور والضغط عليها من كل الحكومات ..
ماله الشبشب سلاح ما يعورش يدوبك يمكن خدش ..
مش احسن ما تردعليك بالقافيه وتكتبلك شعر ..


الست بتاعتك غير كل الستات كفاية انها مستحمله شاعر ..

دائما متألق وقد اشتقت لجديدك ..
عذرا إن تأخرت .

[هنا حسين]

هههههههههههههههههههه
يعني على كدة مش خايفين
لحظة فيها تلاقوا
طوابير ستات جايين
يطلعوا روحكم
واحد واحد
لا شكلكوا دايماً ناسيين
أصل الست بمليون راجل
مش تقصدوا كدة وعارفين
صوتها العالي
وصراخها الجاااي
والسكاكييييييين
آآل الست بتاعته آآل
بس كفاية
الستات دول مش وحشين
آآه ياربي
ياعيني عليهم
دايما صابرين
مستحملين
ويبقى الراجل وياه ست
ذي الفله
نور منور شمال ويمين
ويجي يقول آآآآه ألحقوني
تعبت
وهوه يتعب ملايين
ههههههههههههههه
آآآآآآآآآسفين
وراااجعين
وأن جيتوا تضربونا
مستعدين
ههههههههههههه
بس الكلمات رائعة
تسلم أستاذنا الرائع بجد:0014:
أجبرت قلمي على الكتابة
برغم متابعتي
الروائع في صمت لأستزيد علم ومعرفة
من أروع اساتذة
ارق تحياتي

[علاء عيسى]

أستاذ علاء ..
فين الست بتاعتك .. شافت القصيدة وانت بتكتبها ولا الحكاية يكون فيها http://www.camfrogland.com/vb/images/icons/a4a.gif ؟؟
عموما استعدوا للحرب الضارية
لأن أكيد أكيد مش هتقدروا على الستات
صباحكم ورد جميعا
:0014:
:0014::0014:
:0014::0014::0014:

الفاضلة /
رنيم
الست بتاعتى ست الستات
يعنى هاتسامحنى
هههههههههههه
وبالنسبة للحرب
فالنقل نحن معشر الرجال
" قل لن يصيبنا الا ماكتبه الله لنا "
تحياتى لكى
ولاسمك الراق " رنيم"
:0014::0014::0014:
:0014::0014:
:0014:

[حازم محمد البحيصي]

الحبيب علاء عيسى
حلووووووووووة كثير
واحلى ما فيها انك وضعت الحلول النا
فى النهاية
اما نكشر او ندعى عليك او ندعيلك
احبك فى الله يا رجل
تقبل مروى واعجابى

[الهام احمد سعد]

الله الله الله
بقه كده
ماااااااااااااااشى
استاذى وابى( سى السيد رقم 2) علاء عيسى
بصرااااااااااحة انت اللى جيبته لنفسك

.............
الست بتاعتك ست الستات
بتروح من روحها عشان خاطرك
بتدوق المر ولا بتشكى
ولا كتبت مرة قصيدة طويلة ولا قالت
ان كتيييييييير جدا
دخانك كان بخنق روحها
الست بتاعتك
جابت عمرها كله ف لفه اديتهولك
وانت رميته مابين الدبلة وبين بنتك
بتبص لغيرها مادامت جو البيت راضية
واما بتهرب من زنزانتك
ما بتقدرش تعيش من غيرها
هى الست بتاعتك كانت
ولا مازالت
ست بكل نساء الكون
ست الستات؟
اعوى تجاوب
خلى ضميرك
هو يجاوب
........
فين الولاء والوفاء يا ناكرين الجميل
ده جزاء امينة انها بتحارب عشان تبقى سعداء
اعتقد ان الحرب اشتعلت
والبادى اظلم
لا تنسى نصيبك يا ( سى السيد الاول ) وائل القويسنى
انتظرواااااا .....
امينة

[سعيدة الهاشمي]

السلام عليكم ورحمة الله وبركاته .

أخي أحمد عيسى أضحك الله سنك كما ضحكت اليوم، رائع في الحكي والوصف

الله يغفر لبعض الستات وأيضا بعض الرجال، هناك من ينسين أنهن ستات فيقفون للرجل ندا بند

وهناك من ينسى أن لديه امرأة فيعاملها كأنها شيء ثانوي أو كأنها آلة منعدمة الإحساس

هناك مشاكل لدى الجنسين معا.

أتمنى لك مزيدا من التألق. تحيتي لك.

[مروة عبدالله]

من وجهة نظري يا سيد الناس
الست دى آية من الأخلاق
تتحمل بيت وراجل وهم عيال
أصيلة والأصل دا نابع من الإحساس
جواها حنان ورقة يا ناس
قولوا كلمة حق وبلاش تنداس


علاء عيسي النقي

ضحكت هنا ملئ قلبي
وتعلمت منكَ فنون الكتابة
محبتى لرقيكَ وخفة دمكَ

[ماجدة ماجد صبّاح]

ههههههههههههههههههههههههه ههههههههههههههههههههههههه ههههه

بستتنوني؟

طب مش بس بالأول أفهم الكلام اللي ورد!!!

مشكلتي لا أفهم الا لهجتي وبسسسسسسسسسسس

والله انا ما فهمت المطلوب كلووووووووووووو


شكرا يا مستر وائل على الدعوة للمشاركة

لي عودة مع محاولة للترجمه
ههههههههه

تسلمووو وخصوصي ربانة قدها

اكملي حبيبتي ......وياريت لو بتفهمي كل اللهجة المصرية ترجميلي شوية

***************************

لكن ملحوظة لا حظتها

الست بتاعتى أبرد منها مافيش


قالتلي اياها اختي مرة.."قالتلي: ابتعرفي انك باردة؟ فقولتلها: بديهي..طالما انك واقفة جنبي!!!!!"

الزعل مرفوض والعتب مرفوع


ههه
لي عودة

[ضفاف أماني]

ههههههههههههههههههههههههه ههههههههههههههههههههههههه ههههه

بستتنوني؟

طب مش بس بالأول أفهم الكلام اللي ورد!!!

مشكلتي لا أفهم الا لهجتي وبسسسسسسسسسسس

والله انا ما فهمت المطلوب كلووووووووووووو


شكرا يا مستر وائل على الدعوة للمشاركة

لي عودة مع محاولة للترجمه
ههههههههه

تسلمووو وخصوصي ربانة قدها

اكملي حبيبتي ......وياريت لو بتفهمي كل اللهجة المصرية ترجميلي شوية

***************************

لكن ملحوظة لا حظتها

الست بتاعتى أبرد منها مافيش


قالتلي اياها اختي مرة.."قالتلي: ابتعرفي انك باردة؟ فقولتلها: بديهي..طالما انك واقفة جنبي!!!!!"

الزعل مرفوض والعتب مرفوع


ههه
لي عودة







مرة اخرى استاذ علاء اتمنى ان تعذر لنا فلقد حمسنا قصيدكم في رائعتكم هذه التي والله ادخلتنا علينا السرور بحكم انها مبنية على دماء خفيفة بمعنى شربات ...
بصراحة الشعر المصري الشعبي عجيب وجميل قريب الى جميع النفوس بحكم وضوح اللهجة المصرية بجميع الوانها من مصرية قاهرية او الاسكندرانية او الريفية الصعيدية او الأسوانية بكل طقوسها جميلة اه لا انسى امرسى مطروح بها لون شبيه بلون لدينا نسميه الينبعاوي اي رمز لمدينة ينبع على البحر الاحمر قبالة منطقة شرم الشيخ وهو المسمى بالسمسمية عموما كثير من سكانه اصلهم مصريين قدامى
كذا في رابغ وهي اصغر من المدن بها كذلك اناس اصولهم مصرية
لذى تجد هناك في المدن في جدة خصوصا في السعودية طبعا كلامي هناك لهجات مشكلة بين المصري واللبناني بحكم ان بعضهم اصلهم لبناني فأصبحت اللهجة الجداوية بها الكثير من المسات اللبنانية على المصري على المكاوي الشهير لكن ابسط من المكاوية فهي لايتقنها الا سكانها
وهذا سببه اقامة الحجيج منذ ازمنة قديمة وتعايشهم في هذه البقعة قبل الحكم السعودي
تجد والله من كل الاجناس هندي وحتى الياباني والبخاري والصيني وطبعا كلهم سعوديين بحكم المعيشة
لإصبح هناك نموذج عجيب في المناطق الثلاث مكة جدة المدينة وبعضهم انتشر في مناطق المملكة بحكم الاعمال وغيره
لكن فعا تركيبة عجيبة حتى الاكلات غرائبية من كل بلاد العالم الجاوي البخاري الخ الخ ومن يزور المملكة سيلمس هذا
عموما اكثرنا ............



والآن اوجه خطابي الى ماجدة بالنسبة لي اللهجة المصرية جدا سهلة لأسباب كثيرة منها ان كثير من صديقات اللتي زاملتنهن في دراستي من المصريات وكذا هناك صديقات سعوديات امهاتهن مصريات واخر من المغرب العربي والخ الخ واحدة كانت لا تعرف تكلم الا باللهجة المصرية وطبعا انا وهي صرنا لا نتكلم مع بعض الا بها
في المنزل كذلك اصبحت المصرية تسعفني ببعض المقولات
عموما لا ارى فيها صعوبة الا اسكندرانية صعبة عليه بسبب جمعها للضمير



شكرا لك استاذ علاء على القصيدة الرائعة

[هنا حسين]

عموما لا ارى فيها صعوبة الا اسكندرانية صعبة عليه بسبب جمعها للضمير
على فكرة اللهجة الأسكندرانيه
مش كلها جمع ضمير
يعني بتختلف من شخص لآخر ومن مكان لمكان
يعني ممكن بتلاقي ناس تجمع الضمير كدة وناس
تتكلم المصري العادي
أنا كمان بأعرف سعودي حلو
ههههههههه
تحياتي لك

[ضفاف أماني]

على فكرة اللهجة الأسكندرانيه
مش كلها جمع ضمير
يعني بتختلف من شخص لآخر ومن مكان لمكان
يعني ممكن بتلاقي ناس تجمع الضمير كدة وناس
تتكلم المصري العادي
أنا كمان بأعرف سعودي حلو
ههههههههه
تحياتي لك
بكل تأكيد أعرف ذلك لكن اقصد اهلها الاصليين فهناك من هم من اصول يونانية على ما اعتقد فهؤلاء لهم لهجة مختلفة
مثلنا تماما لدينا لهجات متعددة بين الشمال والجنوب
هناك في الجنوب لهجة لو ايش تسوين ما راح يفهمها الا اهلها
نسميها اللهجة الفيفية في جبال السراة في جنوب المملكة استخدمت لهجتهم كشفرة ايام اظن حرب 48
اخخخخخخخخخخ لم يفهم شفراتهم احد
وكذا لهجة تهامية في الجنوب كذلك تقلب حرفا ال الى ام
يعني مثلا
البيت يصبح امبيت
المدينة تصبح امدينة
وغيرها
هناك بون شاسع بين لهجة نجد والحساوية والحجاز بون كبير جدا
وكذا الشمالية
وكذا بين الحاضرة والبدو فكل له لهجته ...........عذرا استاذ علاء قلبناه حصص في الحياة الاجتماعية

[هنا حسين]

بكل تأكيد أعرف ذلك لكن اقصد اهلها الاصليين فهناك من هم من اصول يونانية على ما اعتقد فهؤلاء لهم لهجة مختلفة
مثلنا تماما لدينا لهجات متعددة بين الشمال والجنوب
هناك في الجنوب لهجة لو ايش تسوين ما راح يفهمها الا اهلها
نسميها اللهجة الفيفية في جبال السراة في جنوب المملكة استخدمت لهجتهم كشفرة ايام اظن حرب 48
اخخخخخخخخخخ لم يفهم شفراتهم احد
وكذا لهجة تهامية في الجنوب كذلك تقلب حرفا ال الى ام
يعني مثلا
البيت يصبح امبيت
المدينة تصبح امدينة
وغيرها
هناك بون شاسع بين لهجة نجد والحساوية والحجاز بون كبير جدا
وكذا الشمالية
وكذا بين الحاضرة والبدو فكل له لهجته ...........عذرا استاذ علاء قلبناه حصص في الحياة الاجتماعية
أكيد طبعاًكلامك مظبوط
بتعرفي مش بس أسكندرية دة كثير من المحافظات
وخصوصاً اللي بالوجة البحري تلاقيلهم
لهجة مختلفة ويمكن تكون مصطلحاتها غريبة شوية
عن العادي
حتى فى الوجة القبلي وكمان في الريف
لما بيتكلموا بجد بلهجتهم بتبقى صعبة علينا
بأحسها
بس للنااس اللي تحسيهم اصليين أوي
بس بصراحة بنحبوه وأيوووه والكلام الواو دة
يجنن هههههههههه
سوري استاذ علاء على شرح اللهجات

[علاء عيسى]

لأ
هانروح فى خبر ........
.........
ماجدة وأخواتها
هههههههه
ولا يهمك .... مستنيين احنا
ومعاكِ الوقت لتجميع بقية الأخوات.
*****
معاك يا علاء باشا ما تقلقش

طالما انت معايا يا وائل
خلاص
على الله العوض
ههههههههههههههههه
:nj:

[علاء عيسى]

قريت كتير وفـ كل مرة بستمتع أكتر
أقول يمكن العيب فيا
أقرى تاني وأعيد وأزيد
ألاقيني تاني بَعيد
بستمتع أه لكن بتحسر أكتر
ماهي دي عيوبنا
إلـ فـ كل مره ألاقيها تزيد
من ست ناسيه إنها ست
والتانيه كل همها إزاي تقتل روحها
تقتل فيها الحب
تقتل فيها كل سعاده وبسمه
وعشان إيه !!!!!!!!!!
خوف من بكرا
خايفه البيه يقوى عليها
يقتل فيها كل جميل
لكن ياخساره كدا أو كدا مقتول
بايدها بايده هايموت هايموت

أستاذي العزيز

طبعا هاتقول رد غريب رد عجيب
إزاي وانا منهم "الستات"
لكن يابنات وسيدات الواحه
تعالو نعترف إن الكلام دا صحيح مع إني ليا عتاب بسيط
على أستاذنا الكريم
ياريت لو كنت تفتكر تقول
مع الإعتذار لكل ست تانيه غير "ست الستات"
الـ هي غير الست بتاعتك طبعا
لأني متأكده إن الست بتاعتك أفضل ست بين كل الستات
كفايه إنها سمحت بكل دا
ودا أكبر دليل إن لسه في ستات غير ست الستات

صح ولا أنا غلطانه

رد سريع وطويل إعذروني
وإسمحلي يا أستاذي بالعوده تاني

لان بجد قصيده تستاهل

تحياتي

الأديبة الرقيقة
شيماء وفا
اشكر لكى صراحتك
والصراحة هى قوة فى حد ذاتها
وأشكر لكى رأيك على عملى
وأشكر لكى تواجدك
فكما تسعديننا بنصوصك
نسعد بتعليقك
تحياتى
:hat:

[علاء عيسى]

الشاعر الألق علا ء عيسى ..

تركت السياسة ومسكت في خناق أرق الناس ..
وإيه يعني لما صوتها بيعلا وترفض الاستبداد ..
وإيه يعني لما تثور والضغط عليها من كل الحكومات ..
ماله الشبشب سلاح ما يعورش يدوبك يمكن خدش ..
مش احسن ما تردعليك بالقافيه وتكتبلك شعر ..


الست بتاعتك غير كل الستات كفاية انها مستحمله شاعر ..

دائما متألق وقد اشتقت لجديدك ..
عذرا إن تأخرت .
ماما دخون
دائما
انتظرك
خلف حروفى
كى تزهر لى طريقى للسير
تحياتى
لرقتك

[ناديه محمد الجابي]

ههههههههههههههههههههه
ضحكت اليوم من كل قلبي على قصيدة جميلة خفيفة الدم
والله يكون في عون الست بتاعتك اللي شوهت ملامحها وشهرت بها
وقلت فيها اللي ما ينقال ـ وكل ذنبها إنها تزوجت شاعر.
تحياتي وتقديري.
:005::cup::005:
:cup::007::cup:
D::nj:D: