سجاد سيد محسن
29-11-2008, 09:45 AM
قصيدة ( مشاهد من الوكت ) للشاعر سجاد سيد محسن
في كل بيت مشهد تقريباً
الوكت ماله اسم بس غني عن تعريف
خله الشمس جن قرص والارض جن شاقول
هاذي مشاهد وكت واتجاوب ابلا سين
بحروره تنكَع كَصص مو يعني بان الحيا
المعنى واضح زين
نفسه اليسهر الصبح واليمسح اسم الليل
تلكَة اليموّت الفرح وايعيره ابعمره
ونفسه اليضوّكَ الدمع الذله عالوجنـــات
وتلكه اليكحل الجفن ما يعمي بس اعمى
ومثل الحيايه الوكت
ينزع ابنفس الطبع
وميكَول أغيّـر الطبع ما تكفي غير اطباع
النجم يبجي شهب وادموعه عالشيطان
والنار لون الهوى ابلوّحه بدون ائطار
الدنيا تنزف مطر الغيم وذّر غيـــم
والكَاع مو ساكته نامت وبلكي الحلم
عدهه رجل واتكَوم
ظله وكَف هالوكت وهو رسم جسمه
الوكت معجم لجن بس فهرس اتكَلبه
ما ثبت جدم الوكت ومغلوكَ باب الاذن
واليطرق النسيان
مل منه حتى الزرع يتعب وتالي اصفر
فضّــل تراب الهوه ولا تربة الصحراء
الورد ذنبه حـــــلو ابظهره ايطعن عاكَول
وشوكَ مامش بعد بس للحقيقة الشوكَ
ما خله حاجة الوكت ومن تعتب اعله الوكت
اعتابك يصير اوكات
سجاد سيد محسن
في كل بيت مشهد تقريباً
الوكت ماله اسم بس غني عن تعريف
خله الشمس جن قرص والارض جن شاقول
هاذي مشاهد وكت واتجاوب ابلا سين
بحروره تنكَع كَصص مو يعني بان الحيا
المعنى واضح زين
نفسه اليسهر الصبح واليمسح اسم الليل
تلكَة اليموّت الفرح وايعيره ابعمره
ونفسه اليضوّكَ الدمع الذله عالوجنـــات
وتلكه اليكحل الجفن ما يعمي بس اعمى
ومثل الحيايه الوكت
ينزع ابنفس الطبع
وميكَول أغيّـر الطبع ما تكفي غير اطباع
النجم يبجي شهب وادموعه عالشيطان
والنار لون الهوى ابلوّحه بدون ائطار
الدنيا تنزف مطر الغيم وذّر غيـــم
والكَاع مو ساكته نامت وبلكي الحلم
عدهه رجل واتكَوم
ظله وكَف هالوكت وهو رسم جسمه
الوكت معجم لجن بس فهرس اتكَلبه
ما ثبت جدم الوكت ومغلوكَ باب الاذن
واليطرق النسيان
مل منه حتى الزرع يتعب وتالي اصفر
فضّــل تراب الهوه ولا تربة الصحراء
الورد ذنبه حـــــلو ابظهره ايطعن عاكَول
وشوكَ مامش بعد بس للحقيقة الشوكَ
ما خله حاجة الوكت ومن تعتب اعله الوكت
اعتابك يصير اوكات
سجاد سيد محسن