احلف

[ابراهيم خليل]

احلف بحبات العرق

اللى سالت ع الجبين

واحلف باسمك دنيتى

إنك حياتى وجنتى

وبتبقي نبضى فى غربتى

وفى البعد بيحيينى الحنين

احلف بفاس الفلاحين

التعبانين الشقيانين

فداكى عمرى وفرحتى

وتعيشى على طول السنين

احلف بترتيل الآدان

وصمود ولادك فى الميدان

اللى خطوا فوق جمر النيران

اللى فى أكتوبر عبورهم

للعرب أكبر نيشان

[مروة عبدالله]

باحلف يا مصر يا نبضي وطهري
باحلف انك دائما بتسري بدمى
بصرخ واقول يا حتة منى
يا أصيلة يا طاهرة يا كلي يا همى
بانك أميرة ودائما كبيرة
في عيوني يا أمي

ابراهيم خليل

رائع وأكثر
طبتَ ببياض
محبتى

[ابراهيم خليل]

شـكــ وبارك الله فيك ـــرا لك ... لك مني أجمل تحية .

[الطنطاوي الحسيني]

باحلف بإسمك يا بلد
والبدر م الضلمة اتولد
وابطال فداكي بدون عدد
جايين وجايبين المدد
يا مصر يا احلى بلد
يا مصر يا أغلى بلد
يا مصر يا أعلى بلد
النور على جبيني اترسم
والحب في عنيا ابتسم
والنصر جايلك م الهمم
والشبل فيكي كالأسد
يا مصر يا احلى بلد
يامصر يا اغلى بلد
يا مصر يا أعلى بلد

اخي ابراهيم خليل كل عام وانت بخير
وكل ابداع وانت طيب
عيدكم عيد سعادة وابداع
مبروك عليكم العيد حبيبي

[ابراهيم خليل]

باحلف بإسمك يا بلد
والبدر م الضلمة اتولد
وابطال فداكي بدون عدد
جايين وجايبين المدد
يا مصر يا احلى بلد
يا مصر يا أغلى بلد
يا مصر يا أعلى بلد
النور على جبيني اترسم
والحب في عنيا ابتسم
والنصر جايلك م الهمم
والشبل فيكي كالأسد
يا مصر يا احلى بلد
يامصر يا اغلى بلد
يا مصر يا أعلى بلد

اخي ابراهيم خليل كل عام وانت بخير
وكل ابداع وانت طيب
عيدكم عيد سعادة وابداع
مبروك عليكم العيد حبيبي

___

شكرا لك
كل عام وأنت بخير