سجاد سيد محسن
02-12-2008, 05:22 PM
قصيدة (مو بُعد) للشاعر سجاد سيد محسن 6/8/2008
اعله وياي ماكو لا تعيل وياي
مو بالكيف اشيلن ظلي عن كًاعك
صرت انا حبل وانت علّي مشرور
وبس اهلك اصيرن مسبب أوجاعك
اكًلن لك صراحة وما اضم اعليك
الكرامه عاليه وصح خاطري طاعك
صعب بيده النهر يحفرلك الابار
صعب يحجي الهروب يفسر ضياعك
طبع منجل تظل حجة عبد مامور
وابحجة حصاد اتكّصهه صنّاعك
من طاح الحمل مو يعني حيل اثكًيل
لأن ظهري نهر وايبوّرة باعك
صح كلش جبيرة وعالية الاجبال
شما يعرض جبل يعرض تره الوادي
راسك ما عله يل ما تحب رجليك
شفايدته العلو اعله الغير اسنادي
صرت انا ارض وانت جذع صفصاف
لومه اتدوس بطني الحال مترادي
واذا انت محصّن جيد اعترفيت
عضيم انت سياجك بوبه مفتوحه
واذا انت المئمن عندك جناحات
تطير لحد بعد العيون متلوحه
لو هب العصف يتطاير اكبر طير
وايطيره الهوه وما تنــــفع جنوحه
وصدكَ مو بعد غرك رحت ليغاد
صدكَ هل بعد دفعة المرجوحه
الشاعر سجاد سيد محسن
اعله وياي ماكو لا تعيل وياي
مو بالكيف اشيلن ظلي عن كًاعك
صرت انا حبل وانت علّي مشرور
وبس اهلك اصيرن مسبب أوجاعك
اكًلن لك صراحة وما اضم اعليك
الكرامه عاليه وصح خاطري طاعك
صعب بيده النهر يحفرلك الابار
صعب يحجي الهروب يفسر ضياعك
طبع منجل تظل حجة عبد مامور
وابحجة حصاد اتكّصهه صنّاعك
من طاح الحمل مو يعني حيل اثكًيل
لأن ظهري نهر وايبوّرة باعك
صح كلش جبيرة وعالية الاجبال
شما يعرض جبل يعرض تره الوادي
راسك ما عله يل ما تحب رجليك
شفايدته العلو اعله الغير اسنادي
صرت انا ارض وانت جذع صفصاف
لومه اتدوس بطني الحال مترادي
واذا انت محصّن جيد اعترفيت
عضيم انت سياجك بوبه مفتوحه
واذا انت المئمن عندك جناحات
تطير لحد بعد العيون متلوحه
لو هب العصف يتطاير اكبر طير
وايطيره الهوه وما تنــــفع جنوحه
وصدكَ مو بعد غرك رحت ليغاد
صدكَ هل بعد دفعة المرجوحه
الشاعر سجاد سيد محسن