نزاع

[فدوى فكري]

تعالى اسمعني يا مسكين
تعالى بس رايح فين
وإيه جابك هنا الليلة
تعالى دي سكة الهالكين
حرام التوهة تندهلك وتسمعها
وتجري عليها بايع دنيتك والدين
تعاى بلاش بلاش متروحش
دا بحر التوهة مبيرحمش
تعالى بلاش بلاش هاتّوه

هاتوه ... ؟!
أنا ....
تايه من الأوِّل
هاتوه أكتر؟
مفيش أكتر
ومش ممكن هتتمرر
حياتي مُرّها مكرر
ومهما خسرت مش هخسر
أكتر من الصفر اللي مالي دنيتي ومادد
جذوره جوّا جوّا الروح


عليك عمرك وروحك والضمير هانو
وقبل الكل ضاعت فطرتك ضلّيت
حسبت الحسبة و الخسران
جعلته ف كفتك ورضيت
تكون هامش على الهامش
تعيش ميّت تموت عايش
لا متّ ولا انت برده حيييت

أنا ...... ميّت
فمتهددش
منيش هسمع فمتكملش
حدودي هيّا حد القبر
وبطّلته خلاص الصبر
دوام النوم وخدْر الغيبة والتوهان
قتل همّي
وداب ألمي
نسيت الحلم والفكرة
نسيت بُكره مفيش بُكره
لاعدت بحب ولا بَكْرَه
تقول توهة تقول سَكْرَه
خلاص أنا ضعت
ضعت خلاص
وضيعت المنى بإخلاص
فارقني و رُوح
بعيد وخلاص


طب اسمعني
دقيقة وبس
وجاوب لو دا كان يرضيك
لنفسك بس
لمست ف يوم خدود وردة
وطاب اللمس ؟
وعندك عين تشوف الشمس ؟
وقلبك دقّتو تملّي
بتمس الحقيقه مسّ
وروحك فيها عين بتشوف
وتحس الجمال
.
.
بتحسّ ؟
أنا اتعودت
أشوف الشمس متغطّية بالضلمة
واشوف الوردة دبلانة علي ..... عودها
وأرض بلادي مبتطرحش غير الشوك
نزفت آمالي على شوكها
ومبتشبعش
ومهما الجرح كان غاير
وعقلي من الألم طاير
تقوللي مهما تتألم
متتوجعش


وفين الصحبة فين الحب ؟
وفين صبرك وفين جَلَدَك
وفين أملك ف وجه الرّب ؟
مبعنا الحب ف الدكاكين
عرضنا الصبر ف الفتارين
وكداب اللي يقدر يوم
يقول ان احنا بني آدميين
يقول الشعرا إوعاك م الحياة تيأس
وأقول الشعر يا اخوانّا
مكانه بس ف الدواوين


خلاص اسكت !
تعبت معاك على الآخر
ومش قادر
أرمم فيك أمل مطحون
عبث وجنون
وعلقم ظنك الكدّاب
عليه روحك بتتغذى
بتتغافل عن المغزى
بتتغابى
بتتجاهل
ومبتسمعش غير موّالك الباطل
لأن انتا بتعشق موت
حياة الموت
لأنك عارف ان الحيّ
مش بيعيشها بالساهل
خلاص همشي ...... أنا الليلة
وراجع تاني يا ...... قدري
خسرت الجولة دي الليلة
وليل قلبك هزم فجري
مكنتش هقدر استنى
لحد ماشوفك الليلة
بتعزف يأسك المشؤوم على ..... وتري
خلاص همشي ..... ومش بهرب
لأنّي
مش يؤوس زيّك
أنا ...... عكسك
وصورة أصيلة من نفسك
وهرجعلك
وهنشوف يا " أنا " التاني
مين فينا هيبقى " انت "

[د. نجلاء طمان]

كان النزاع هنا قاتلًا

ذكر بمأساة نفس وجيل ووطن
.................

أنا اتعودت
أشوف الشمس متغطّية بالضلمة
واشوف الوردة دبلانة علي ..... عودها
وأرض بلادي مبتطرحش غير الشوك
نزفت آمالي على شوكها
ومبتشبعش
ومهما الجرح كان غاير
وعقلي من الألم طاير
تقوللي مهما تتألم
متتوجعش
...

هنا وقفت كثيرًا

هذا القلم نجمٌ جديد يبزغ في واحة الخير

أهلًا ومرحبًا بكِ في الخضراء

يرعاكِ الله

[وائل محمد القويسنى]

الأخت الكريمة فدوى فكرى
هنا قلم متمكن يجيد الكثير من ألوان البلاغة
وشاعرة لها ثقافتها وقراءاتها
أجدت هنا تطويع المعنى
وملأت القصيدة بأساليب البلاغة
لغة الحوار أكسبت النص حسا جماليا
قصيدة أمتعتنى حقا
هممت بتثبيتها
فأوقفتنى هذه
وفين أملك ف وجه الرّب ؟
أرجو تعديلها
تقديرى
وائل القويسنى

[فدوى فكري]

أستاذة نجلاء
شاكرة جدا لترحيبك الودود
سعدت برأيك وتشجيعك أستاذتنا الكريمة
كوني بخير
وعيد مبارك
_______________
أستاذنا وائل محمد القويسني
شرفت بهذا المرور الواعي
وقولك أمتعتني , أمتعني أنا
نحب أن نعرف بين الحين والآخر أن ما نكتب يلاقي صدي ما عند غير أنفسنا
فشكرا لك
أهاب جدا أن يزلّ القول مني , ويوردني موارد المحظور
واعتراضك علي هذه :
وفين أملك ف وجه الرّب ؟
أخافني وأربكني
فهلا " من فضلك " بينت لي مأخذك بالضبط
فتلميذتكم لم تدرك المقصود وحدها
ورجاء إذا كان بالجملة ما يريب أن يتم حذفها , والمقطع كله إن لزم , بل وحتي النص
فالكلمة يقولها الرجل لا يلقي لها بالا تهوي به في النار سبعين خريفا
فكيف إذا ألقي لها ألف بال وخلدها في نص سيبقي بعد أن يفني هو ؟
في انتظار إيضاحكم أستاذنا

[وائل محمد القويسنى]

الأخت الكريمة فدوى فكرى
ألتمس العذر اولا لتأخير الرد لظروف أبعدتنى عن الواحة قليلا
أما هذه الجملة فما كان لى أن أعترض عليها أدبيا
ولكن لبعض الألفاظ فى اللغة معنى وإيحاء
وكلمة رب وإن كان لها معناها فى اللغة
إلا أن لها إيحاء لا يمكن أن نتجاهله
ثم أن كلمة فى وجه لها المعنى ولها الإيحاء
وهى قد توحى بالطلب وقد توحى بالتحدى
ولكن الألفاظ الدينية تحتاج إلى الكثير من الدقة فى التناول
وأعيذك بالله من زلة لسان فى كلمة تحسب عليك
أعلم ما كنت تقصدينه من الجملة
وهممت بتثبيت القصيدة
ولكنى لم أحب أن ينالنى شئ من إثم.
القصيدة جميلة كما ذكرت من قبل
ولا اعتراض لى على شئ فيها من الناحية الأدبية
إن أردت حذف الجملة فسوف أحذفها وإلا فالأمر لك.
تقديرى لحرفك الممتع الجميل
وائل القويسنى

[الطنطاوي الحسيني]

تعالى اسمعني يا مسكين
تعالى بس رايح فين
وإيه جابك هنا الليلة
تعالى دي سكة الهالكين
حرام التوهة تندهلك وتسمعها
وتجري عليها بايع دنيتك والدين
تعاى بلاش بلاش متروحش
دا بحر التوهة مبيرحمش
تعالى بلاش بلاش هاتّوه
هاتوه ... ؟!
أنا ....
تايه من الأوِّل
هاتوه أكتر؟
مفيش أكتر
ومش ممكن هتتمرر
حياتي مُرّها مكرر
ومهما خسرت مش هخسر
أكتر من الصفر اللي مالي دنيتي ومادد
جذوره جوّا جوّا الروح

عليك عمرك وروحك والضمير هانو
وقبل الكل ضاعت فطرتك ضلّيت
حسبت الحسبة و الخسران
جعلته ف كفتك ورضيت
تكون هامش على الهامش
تعيش ميّت تموت عايش
لا متّ ولا انت برده حيييت
أنا ...... ميّت
فمتهددش
منيش هسمع فمتكملش
حدودي هيّا حد القبر
وبطّلته خلاص الصبر
دوام النوم وخدْر الغيبة والتوهان
قتل همّي
وداب ألمي
نسيت الحلم والفكرة
نسيت بُكره مفيش بُكره
لاعدت بحب ولا بَكْرَه
تقول توهة تقول سَكْرَه
خلاص أنا ضعت
ضعت خلاص
وضيعت المنى بإخلاص
فارقني و رُوح
بعيد وخلاص

طب اسمعني
دقيقة وبس
وجاوب لو دا كان يرضيك
لنفسك بس
لمست ف يوم خدود وردة
وطاب اللمس ؟
وعندك عين تشوف الشمس ؟
وقلبك دقّتو تملّي
بتمس الحقيقه مسّ
وروحك فيها عين بتشوف
وتحس الجمال
.
.
بتحسّ ؟
أنا اتعودت
أشوف الشمس متغطّية بالضلمة
واشوف الوردة دبلانة علي ..... عودها
وأرض بلادي مبتطرحش غير الشوك
نزفت آمالي على شوكها
ومبتشبعش
ومهما الجرح كان غاير
وعقلي من الألم طاير
تقوللي مهما تتألم
متتوجعش

وفين الصحبة فين الحب ؟
وفين صبرك وفين جَلَدَك
وفين أملك ف وجه الرّب ؟
مبعنا الحب ف الدكاكين
عرضنا الصبر ف الفتارين
وكداب اللي يقدر يوم
يقول ان احنا بني آدميين
يقول الشعرا إوعاك م الحياة تيأس
وأقول الشعر يا اخوانّا
مكانه بس ف الدواوين

خلاص اسكت !
تعبت معاك على الآخر
ومش قادر
أرمم فيك أمل مطحون
عبث وجنون
وعلقم ظنك الكدّاب
عليه روحك بتتغذى
بتتغافل عن المغزى
بتتغابى
بتتجاهل
ومبتسمعش غير موّالك الباطل
لأن انتا بتعشق موت
حياة الموت
لأنك عارف ان الحيّ
مش بيعيشها بالساهل
خلاص همشي ...... أنا الليلة
وراجع تاني يا ...... قدري
خسرت الجولة دي الليلة
وليل قلبك هزم فجري
مكنتش هقدر استنى
لحد ماشوفك الليلة
بتعزف يأسك المشؤوم على ..... وتري
خلاص همشي ..... ومش بهرب
لأنّي
مش يؤوس زيّك
أنا ...... عكسك
وصورة أصيلة من نفسك
وهرجعلك
وهنشوف يا " أنا " التاني
مين فينا هيبقى " انت "
متابعين هذا الجمال والروعة
مستنيين الجولة الجاية والليلة التانية
الله الله الله
فكرة رائعة
تنزيل اروع
مفردات جميلة في العامية
ولي همسة
هنا بعض الجمل تعتبر فصيحة جدا قريبة جدا من الفصحى
يعني لو غيرنا حرف ولا اتنين تبقى فصيحة
واحنا هنا بنقول عامية
طبعا في الواحة مش مشكلة الناس هاتفهم ولكن لو للالقاء
او الغنا مثلا هتغير شوية حروف وكلمات عشان تغرقها في العامية شوية
فتكون ابهى واجمل
طبعا انا لست ضد-والعياذ بالله- الفصحى فأنا تركت العامية ردحا من الزمن لاجيد الفصحى
ولكن لكل مقام مقال ولكل عقل حكمة وقول
القصيدة والحوار رائعان متماسكان السبك والصور والروح
دمت مبدعة وزي ماقلت منتظرين الليلة التانية وهنشوف بعدها نقول التالتة ولا لآ
أختنا المبدعة فدوي