وش تانى للنشيد

[سميح عزت]

وش تانى للنشيد


أنا مش هاقول الشعر ف عنيكى
وارسم لك الكحله .. ع العيون الحُمر
ولا هانقش الحنه على إيديكى
واعمل لك الزفه .. م المسا للفجر
آسف ياغزة أصلى ( واد خايب )
عودت نفسى .. تستسيغ الذل
آسف ياقدس القلب مش تايب
عن خوف فارشنى تحت رجل القهر
أنا مش هاقول الشعر فى عنيكى
أنا مش هاكحـل دمـعـتى بـيـكى
ولا راح اقول لك فيا شئ بيئن
عودت روحى ع الخرس شوفى
كام نقطة للتفتيش .. على لسانى
كام نقطة للتشويش على صوتى
على حنجرة يومى الكسير الضهر
****
أنا مش هاقول بالمره .. شئ خالص
جسمى من الكرابيج ياغزة .. مش خالص
لا الكحلة هاتدارى الجتت والدم ..
ولا تثبت انى فى الميدان فارس
ولا حد من كل اللى باعوا الحلم
بقوالتى ممكن يبكى .. يتوانس
الكل سايب تحت إسم السلم
أعدى عدو ف جتتى وارث
وانا البعيد ..!!! مأجور ..
على الباقى منى ..
لصالح عدوى ديدبان حارس !!!
****
أنا مش هاقول واوصف حصار روحك
واكتب رسايل تشبه حاجه من نوحك
واكدب بـ قُول باكى على جروحك
دى رساله من غزة الدموع ..
وازور خطِّك الدامى وتوقيعك
****
لاكنت حاضر فى عزا الأطفال
ولا كنت ساند كتفِك ساعة الدفنة
ولا خدت إيد والد شهيد ..
عجز وماشى يجر ف الدمعة
ولا شلت عنه شنطة الأحزان
لما انطرد من عمره بالقوة
ولا عينى صدفه جت ف عين
أم ( محمد الدره )
فلاقيتها بتفرق .. أسى وحنين
على قبور كل الولاد .. وتقول
( رحمه ونور ) .. على العِزَّة
............................
لا إيدى سدت جرح الصبى المفتوح
ولا لفت بالقميص ( القطن ) ده رجله
اللى ارتعاشها كان ( حلاوة روح )
لما اندبح ..
شـريان الأمل فيها انـكـب نيل دمـه
وفارق عضمها المبتور ...
عضميات فخده .................
ماكنتش حاضر هناك لما انفجر ..
لغم الآهات فى عيونه وف جسمه !!!
****
لاكنت ويَّا الولاد فى الضلمه بتخبَّط
ما بين حيطان الرعب وجنون الحصار
ولاكنت قاعد معاهم ع " الطبليه " مستنظر
يحن قلب الصمت ويجيب لى الفطار
ولا كنت واقف هناك .. بين الحطام
( زي الرجال ) بإيديا دى بحفر ..
واخرج بواقى الجتت حتت .. حزنان
وأعد أعضاء العجايز .. ... والصغار
وأرصها مترتبه جوا الكفن ..
وأرش فوقها الورد والأزهار
......................
.............................
****
ومن باب اكتمال الصورة قدامك
هاقول لك .. كنت حاضر فين
أنا كنت مشغول ف تجهيز المرايه
اللى هاتعكس صورتى للحاضرين
وبجهز سماعات ( صُنعت بأمريكا )
وبرصها أدوار ..
جوا الودان .. وفى الميادين
...............................
.......................
أنا كنت قاعد بزيد اشتباك الدنيا ويا النفس
تقول الدنيا فوازيرها .. ونفسى تحل ف الفوازير
وبشرب قهوتى السخنه ام وش مااتشوهش
على الريق اللى مااتشقش .. بملح العين
وارسم التكشيرة ع السِحنة اللى عاشقه الغش
وأتأكد .. إنها غامقه كفايه ( زي لون الطين )
واسلِّك زورى بالترديد .. فى الكلام القش
الملوي زى لسانى واللى مش مفهموم
أحبُك بيان شكلاً ............ ماهواش هش
مستوفى كل الشروط ..... من بديع لبيان
ساعة الرجال مايشيلوا ع الكتاف النعش
ويكبَّروا باكيين ....
أرشه جوا الوادن .. ووسط الزحمه ف الميادين
وارجع لبيتى والغبار ع الوش ......
قال يعنى شايل هم غزة وفلسطين !!!
فى فرشتى الدافيه الحرير .. أو ريش نعام
أدفن ملامحى جوا طين نفسى وطين
دنيا بتضحك علىَّ بحفنة م الفوزاير
****
أنا مش هاقول الشعر فى جراحك
ماعادش عندى وش تانى للنشيد
كل الكلام على ضفة نواحك
مش راح يفيدك .. أو يفيد
طيور عنيكى المدبوحين
بالرعب ف حصار م الحديد
ماعادش عندى وش أخضر للنشيد
كل الممرات اللى بتوَصَّل لبابك
كل المعابر اللى بين قلبى وبينك
مملوكة للأعداء ..
وعليها ألف ساتر .. م الجنود !!!
................ !!!!!

[مروة عبدالله]

أنا مش هدعي انى جبان
أو واحد مليش امان
مقدرش أقول هعمل وأرجع في الآخر حيران
كل اللى هقدر أعمله يا غزة يا روح وكيان
انى ادعى ربنا يحفظك مع كل آدان

سميح عزت

وستبقي غزة في القلب
وسيبقي جرحها يمس قلوبنا جميعاً
دمتَ والتألق
محبتى

[ابراهيم خليل]

تحياتى لك
وننتظر جميل حرفك

[علاء عيسى]

سميح عزت
منذ البداية وهناك تميز
من أول العنوان

الدال على انك شخص
شاعر بحق
لن ابحث عن سطور كى اقتبسها
لأننى وجدت ان كل الكلمات تحتاج للاقتباس
تحياتى
للتثبيت مع الشكر

[هيثم محمد علي]

يراعك الرحمن
قصيدة قصيدة وشاعر شاعر
دمت بكل الخير

[إياد عاطف حياتله]

أنا مش هاقول الشعر فى جراحك
ماعادش عندى وش تانى للنشيد
كل الكلام على ضفة نواحك
مش راح يفيدك .. أو يفيد
طيور عنيكى المدبوحين
بالرعب ف حصار م الحديد
ماعادش عندى وش أخضر للنشيد
كل الممرات اللى بتوَصَّل لبابك
كل المعابر اللى بين قلبى وبينك
مملوكة للأعداء ..
وعليها ألف ساتر .. م الجنود !!!
................ !!!!!


صدقت
ويسلم لسانك أخي سميح

تحياتي

[الطنطاوي الحسيني]

شاعر عاش الهم بحق
دمت بألق
وننتظر منك الاستدامة والتميز ايها المملوء بالهم حتى لو مش هتقول حاجة
دمت اخي سميح عزت بكل همك مدافع ومنافح عن الحق وعن غزة

[خالد الهواري]

يا ههههههههههههههه
دا انت رائع
مش معقول تكون غير رائع
بدات احب العامية علي اديك
يا شاعر



خالد الهواري

[سعيدة الهاشمي]

السلام عليكم ورحمة الله وبركاته .

كأنك عبرت عنا كلنا أخي سميح،

ما قرأت كان واقعا أكبر مما شاهدت.

احترامي لقلمك المتمكن ولك.

[فتحى نجم]

كتر خيرك حزنتنا وكربتنا
وقربتنا من حزننا
وعريت نفوس لاحسة
فى عسل ارضنا
لك الله يا غزة
وللعرب اشياء اخرى

[آمال المصري]

وش تاني للنشيد ... والتميز أيضاً
تحتاج لأكثر من مرة قراءة
دمت أستاذي متألقاً
خالص التحايا

[سميح عزت]

أنا مش هدعي انى جبان
أو واحد مليش امان
مقدرش أقول هعمل وأرجع في الآخر حيران
كل اللى هقدر أعمله يا غزة يا روح وكيان
انى ادعى ربنا يحفظك مع كل آدان

سميح عزت

وستبقي غزة في القلب
وسيبقي جرحها يمس قلوبنا جميعاً
دمتَ والتألق
محبتى


الأخت الفاضلة الفنانة المبدعة / مرورة عبدالله
أشكرك لمرور وتنويعك الجميل على وتر الجرح والذى يحمل الوجع النبيل
وكما قلتِ أختى الكريمة
ستبقى القدس وغزة فى القلب والروح
وسيبقى الجرح فى القلب ولن نرضى بغير الأرض كاملة
ونسأل الله يجعل خراب الكيان الصهيونى ودماره الحتمى قريباً إن شاء الله .
أسعدنى وشرفنى جداً تواصلك .
لك محبتى فى الله

[سميح عزت]

تحياتى لك
وننتظر جميل حرفك


أخى الشاعر الجميل / إبراهيم خليل
أسعدنى تواصلك ولعلنا نلتقى على أرض الواقع قريباً إن شاء الله .
محبتى

[سميح عزت]

سميح عزت
منذ البداية وهناك تميز
من أول العنوان
الدال على انك شخص
شاعر بحق
لن ابحث عن سطور كى اقتبسها
لأننى وجدت ان كل الكلمات تحتاج للاقتباس
تحياتى
للتثبيت مع الشكر


أخى الفاضل الشاعر الجميل المبدع / علاء عيسى
دام تواصلك الطازج الذى توج صفحتى بالود وروح الشاعر الأصيل .
ولك خالص محبتى أيها الشاعر المتألق دائماً .
محبتى

[سميح عزت]

يراعك الرحمن
قصيدة قصيدة وشاعر شاعر
دمت بكل الخير

أخى الشاعر الجميل / هيثم محمد على
شكراً لمرور العطر المعبر كأجمل مايكون يكون التعبير
دمت بكل خير ودام الود
محبتى

[سميح عزت]

صدقت
ويسلم لسانك أخي سميح

تحياتي

أخى الشاعر الفلسطينى المبدع / إياد عاطف حياتله
تحياتى ومحبتى لك لكل قلوب فلسطين
تتساقط التواريخ ويبقى الوطن الذى سيعود قريباً إن شاء الله .
سلمت أخى الكريم ودام تواصلك العطر
محبتى

[سميح عزت]

شاعر عاش الهم بحق
دمت بألق
وننتظر منك الاستدامة والتميز ايها المملوء بالهم حتى لو مش هتقول حاجة
دمت اخي سميح عزت بكل همك مدافع ومنافح عن الحق وعن غزة



أخى الفاضل الشاعر المبدع دائماً / الطنطاوى الحسينى
تشاطرنا الهم معاً
وسنظل نتشاطرة إن شاء الله حتى يأتى أمر الله
ونسأل الله أن يكون أمره قريباً بإنه تعالى
ومن ينأى عن القدس
عن غزة
عن فلسطين
ماذا يقول لله ورسوله صلى الله عليه عليه وسلم يوم القيامة وهى القدس ؟
لا أدرى هل سأسأل عن دم الضحايا وهل سيكون علىَّ كفل من دمهم أم لا
كثير هو الوجع .. وبات الكلام كالعلقم والله يحبسه الحزن فى الوجدان .
لك خاص تحياتى ومحبتى أيها الشاعر الأصيل .

[سميح عزت]

يا ههههههههههههههه
دا انت رائع
مش معقول تكون غير رائع
بدات احب العامية علي اديك
يا شاعر
خالد الهواري

أخى الشاعر الجميل / خالد الهوارى
رائع أنت فى أشعارك ورائع فى تلقيك
وروحك الجميلة تحمل عطر خصوبة أرض الصعيد الجميل الذى أعشقه .
لك خالص تحياتى ومحبتى .

[سميح عزت]

السلام عليكم ورحمة الله وبركاته .

كأنك عبرت عنا كلنا أخي سميح،

ما قرأت كان واقعا أكبر مما شاهدت.

احترامي لقلمك المتمكن ولك.


وعليكم السلام ورحمة الله وبركاته
الأخت الفاضلة الأديبة المبدعة / سعيدة الهاشمى
قد تخلتف طريقة التعبير ولكن قلوبنا جميعاً يجمعها هدف واحد وشعور واحد نحو أهلنا فى غزة والقدس وفلسطين كاملة .
شرفنى ممروك العطر ولك احترامى وتقديرى ومودتى

[سميح عزت]

كتر خيرك حزنتنا وكربتنا
وقربتنا من حزننا
وعريت نفوس لاحسة
فى عسل ارضنا
لك الله يا غزة
وللعرب اشياء اخرى

أخى الشاعر المتألق الأصيل / فتحى نجم
ما أجمل تواصلك الحميم الموجع البليغ
دائماً شاعر أنت .
دام تواصلك العطر
لك خالص تحياتى ومحبتى

[سميح عزت]

وش تاني للنشيد ... والتميز أيضاً
تحتاج لأكثر من مرة قراءة
دمت أستاذي متألقاً
خالص التحايا

الأخت الفاضلة الرائعة فى كل ماتقدم / رنيم مصطفى
أشكرك لتواصلك ومرورك العطر ولك خالص احترامى وتقديرى ومودتى
وأسأل الله أن يبهج قلوبنا بعودة قدسنا وأن أكون عند حسن ظنكم دائماً .
خاص تحياتى ومودتى

[فدوى فكري]

شعر ممتاز
استغرقتني دقائقه حتي آخر علامة تعجب في آخر سطر
شكرا علي تلك المساحة التي أتحتها لنا للاستمتاع بالألم !

[ايهاب وفا]

وش تانى للنشيد
أنا مش هاقول الشعر ف عنيكى
وارسم لك الكحله .. ع العيون الحُمر
ولا هانقش الحنه على إيديكى
واعمل لك الزفه .. م المسا للفجر
آسف ياغزة أصلى ( واد خايب )
عودت نفسى .. تستسيغ الذل
آسف ياقدس القلب مش تايب
عن خوف فارشنى تحت رجل القهر
أنا مش هاقول الشعر فى عنيكى
أنا مش هاكحـل دمـعـتى بـيـكى
ولا راح اقول لك فيا شئ بيئن
عودت روحى ع الخرس شوفى
كام نقطة للتفتيش .. على لسانى
كام نقطة للتشويش على صوتى
على حنجرة يومى الكسير الضهر
****
أنا مش هاقول بالمره .. شئ خالص
جسمى من الكرابيج ياغزة .. مش خالص
لا الكحلة هاتدارى الجتت والدم ..
ولا تثبت انى فى الميدان فارس
ولا حد من كل اللى باعوا الحلم
بقوالتى ممكن يبكى .. يتوانس
الكل سايب تحت إسم السلم
أعدى عدو ف جتتى وارث
وانا البعيد ..!!! مأجور ..
على الباقى منى ..
لصالح عدوى ديدبان حارس !!!
****
أنا مش هاقول واوصف حصار روحك
واكتب رسايل تشبه حاجه من نوحك
واكدب بـ قُول باكى على جروحك
دى رساله من غزة الدموع ..
وازور خطِّك الدامى وتوقيعك
****
لاكنت حاضر فى عزا الأطفال
ولا كنت ساند كتفِك ساعة الدفنة
ولا خدت إيد والد شهيد ..
عجز وماشى يجر ف الدمعة
ولا شلت عنه شنطة الأحزان
لما انطرد من عمره بالقوة
ولا عينى صدفه جت ف عين
أم ( محمد الدره )
فلاقيتها بتفرق .. أسى وحنين
على قبور كل الولاد .. وتقول
( رحمه ونور ) .. على العِزَّة
............................
لا إيدى سدت جرح الصبى المفتوح
ولا لفت بالقميص ( القطن ) ده رجله
اللى ارتعاشها كان ( حلاوة روح )
لما اندبح ..
شـريان الأمل فيها انـكـب نيل دمـه
وفارق عضمها المبتور ...
عضميات فخده .................
ماكنتش حاضر هناك لما انفجر ..
لغم الآهات فى عيونه وف جسمه !!!
****
لاكنت ويَّا الولاد فى الضلمه بتخبَّط
ما بين حيطان الرعب وجنون الحصار
ولاكنت قاعد معاهم ع " الطبليه " مستنظر
يحن قلب الصمت ويجيب لى الفطار
ولا كنت واقف هناك .. بين الحطام
( زي الرجال ) بإيديا دى بحفر ..
واخرج بواقى الجتت حتت .. حزنان
وأعد أعضاء العجايز .. ... والصغار
وأرصها مترتبه جوا الكفن ..
وأرش فوقها الورد والأزهار
......................
.............................
****
ومن باب اكتمال الصورة قدامك
هاقول لك .. كنت حاضر فين
أنا كنت مشغول ف تجهيز المرايه
اللى هاتعكس صورتى للحاضرين
وبجهز سماعات ( صُنعت بأمريكا )
وبرصها أدوار ..
جوا الودان .. وفى الميادين
...............................
.......................
أنا كنت قاعد بزيد اشتباك الدنيا ويا النفس
تقول الدنيا فوازيرها .. ونفسى تحل ف الفوازير
وبشرب قهوتى السخنه ام وش مااتشوهش
على الريق اللى مااتشقش .. بملح العين
وارسم التكشيرة ع السِحنة اللى عاشقه الغش
وأتأكد .. إنها غامقه كفايه ( زي لون الطين )
واسلِّك زورى بالترديد .. فى الكلام القش
الملوي زى لسانى واللى مش مفهموم
أحبُك بيان شكلاً ............ ماهواش هش
مستوفى كل الشروط ..... من بديع لبيان
ساعة الرجال مايشيلوا ع الكتاف النعش
ويكبَّروا باكيين ....
أرشه جوا الوادن .. ووسط الزحمه ف الميادين
وارجع لبيتى والغبار ع الوش ......
قال يعنى شايل هم غزة وفلسطين !!!
فى فرشتى الدافيه الحرير .. أو ريش نعام
أدفن ملامحى جوا طين نفسى وطين
دنيا بتضحك علىَّ بحفنة م الفوزاير
****
أنا مش هاقول الشعر فى جراحك
ماعادش عندى وش تانى للنشيد
كل الكلام على ضفة نواحك
مش راح يفيدك .. أو يفيد
طيور عنيكى المدبوحين
بالرعب ف حصار م الحديد
ماعادش عندى وش أخضر للنشيد
كل الممرات اللى بتوَصَّل لبابك
كل المعابر اللى بين قلبى وبينك
مملوكة للأعداء ..
وعليها ألف ساتر .. م الجنود !!!
................ !!!!!

المبدع عزت
صورت فأجملت الجرح
فى لوحه على قدر ألمها رائعه
تحياتى

[الهام احمد سعد]

المبدع الفنان / سميح عزت
رااااااائع ما كتبت مؤسف ما شعرنا جميعا به مؤلم شعورك هنا
كلمات تنتفض على بعضها
ولكن اين نحن
هل سنردد النشيد فقط ؟!!!
تحياتى لك ولابداعك ولاحساسك الراقى
دمت مبدعا
لك كل التحية والتقدير

[مهند حجازي]

ومين فينا أيها الشاعر بقي عنده " وش للنشيد"...

صرت أخجل أن امشي في الشارع.

تحية ومحبة برغم عمق الألم..

قصيدة موجعة...ومحبكة


تحاياي

[أحمد موسي]

كتر خيرك حزنتنا
وكربتنا
وقربتنا من حزننا
وعريت نفوس لاحسة
فى عسل ارضنا
عايشين زمان
الله عليه
واكل حلاوه بعقلنا
حِلِمنا لو هتعود
إلينا قدسنا
ونمنا ونام فينا
الضمير مع قلبنا
فرضينا ندبحها
ونكسرها
وندبح حلمنا
وفرحنا والله بالاهانه
وعشقنا جدا زُلنا
ورضينا نبقى رزيه
ونسيب حقنا
بقى دي الأمانه
ودي هدية ربنا !!
نبيع شرفنا والكرامه
ونخلّي وغد حقير
بيسرق عرضنا
يا زلنا يا همنا
الله ياخدنا كلنا
علشان رضينا نعيش
كلاب
زي الكلاب اللي بتنهش
لحمنا

ضيعنا ليه معني النشيد!!
ورضينا نحيا كالعبيد!
وننام وفينا النار تقيد!!

حراااااااااااااااااااااام
دا ميرضيش ربنا



لك الله يا غزة
وللعرب اشياء اخرى


تسلم لنا بنبض قلمك زين ماكتبت لغزه الحبيبه
تقبل مروري وتكملتي الصغيره لحبيبي فتحي نجم

تقبلني بقلبك

أخوك / أحمد موسى

[ينابيع السبيعي]

الله عليك
كلمات مؤثرة جداً
الله ينصر اهل غزة
وبالله حسبنا
تقديري
أختك
ينابيع السبيعي