تسجيل الدخول

مشاهدة النسخة كاملة : مبروك يادكتور


اسكندرية
08-12-2003, 07:01 PM
بسم الله الرحمن الرحيم

دكتور محمد صنديد...
ألف.. ألف ..ألف مبروك
و الله يادكتور بعد آخر اختبار نظر مش عارفه ايه اللى جرى لى؟؟

بس ايه الأخبار الجميلة دى؟؟؟و ازاى و امتى؟؟؟
و الله يادكتور ماعرفت الخبر الا اليوم ..

لانى بصراحة نظرى و صحتى زى الفل مش محتاجة زيارة طبية...

لولا بس شوية الزغللة..و الميه البيضاء و المياه الزرقاء..و ان قاع العين ما اصبحش واضح..و فيه خرم كبير و الرؤيا يعنى شوية ضايعة..

و الصحة الحمد لله كمان عال العال ...لولا ان الضغط شوية عالى قوى و شوية واطى قوى و الكلى مسلمة النمر..و القلب والله بيوقف لولا زقة من الجيران الله يكرمهم و المفاصل محتاجة 12 جالون زيت علشان تفك و تبقى تمام ..

و الحمد لله انا عال العال ..مش محتاجة زيارة طبية ..لولا قلت اعدى اليوم اشوف اخبار الحجامة فى عيادة الدكتور صنديد ..
و كمان شفت له خير اللهم اجعلة ان قدامة 3 نقط ..3 شهور ..او 3 سمين او 3 اسابيع الله اعلم !!
قلت لا خير اللهم اجعله خير لازم اروح العيادة و اطمئن بنفسى


فلقيت خير اللهم اجعله خير ان الدكتور صنديد ...اصبح مشرفا..
و الله يادكتور ألف ألف ألف مبروك..

و مبروك على الاشراف و المشرفين ..تشريفك فى واحتهم..
و مبروك على الكل وجودك و تشريفك..
مكان انت به جدير..و

بس كنت قلت لى ..اعمل اللازم
انشاء الله الحلم الجاى اكون عاملة حسابى...و اجيب حاجة كبيرة اخد فيها الحلوى


ألف مبروك يادكتور
من قلبى...
المقام الرفيع..لك ايها البيل

تحياتى
عبير عـــــرابى
08-12-2003, 10:00 PM
مش معقول

ايه الى بيحصل دا

ايه الى انا شيفاه دا

دكتور محمد الف الف مبروك

الرجل المناسب فىالمكان المناسب

مبروك يا دكتور :v1:

علينا وعلى الواحه اشرافك

وشكرا لك يا اسكندريه انك عرفتينى

بس ايه دا كله الحمد لله كنت عاوزة اطمن على صحتك والحمد لله

لقيتها بوووووووووووووووووووووووو ووم

بس اوعى تفرقعى فينا

:010: :010: D: D:
اميمة الشافعي
09-12-2003, 12:40 AM
د. محمد صنديد

والله يا دكتور باين عليا انا نظرى اقوى نظر فيهم

انا بالرغم انى بالنظارة الا انى شفتها قبلهما

وباركت لك فى اجتماع المشرفين الثانى

لكن مردتش علية :008: :008: :008:

عندى صديق طبيب عيون وكمان مشرف فى واحتنا الجميلة

طبيب عيون يفهم فى العين ......يفهم كمان فى رموش العين

تحب اكلمه لك يخفض لك الفيزيتا شوية

بس ما تقولش لعدوك عليه

شااااااااطر جدا

ومعرفته بس ترد النظر:v1: D: :v1:
د. محمد صنديد
09-12-2003, 03:27 AM
الأخت اسكندرية:

فيه إيه؟؟ هو حصل إيه علشان كل دة؟؟؟

ثم أن الدكتور سمير _مشكوراً_ وضع مشاركة خاصة يبارك لي فيها في هذه الواحة.....بس العتب على النظرD: D: D:

يبدو لي أن حكاية الأحلام دي مش نافعة معاك اليومين دول.... و عمالة تقوليلي ندي الجماعة دروس في الأحلام و مش عارف إيه كمان........أنا رأيي نشوفلنا حد تاني في حكاية الدروس دي.D: D: D:

عموماً الله يبارك فيك و لو إن مباركتك لي كانت متأخرة بس معلش رح أسامح أحلامك المرة دي. ثم نسيت أنك أنت مين دلني على هذه الواحة......يعني كان لازم تكوني أول واحدة تبارك.



:0014: :0014: :0014:
د. محمد صنديد
09-12-2003, 03:41 AM
الأخت عبير:

و الله لو أني أعرف أن حكاية الإشراف ستجعلك تعودين عن قرار ماتش إعتزالك لكنت تمنيت أن أصبح مشرفاً منذ أمد بعيد.D: D: D:

بعدين همتك معانا في دوحة العلوم و الطب و التقنية و سيبك من دوحة الفنون. ماشي :v1:

و الا أقولك خليها بالتساوي علشان أميمة مع إني زعلان منها. :006:

بصراحة وحشتني حوارياتك مع اسكندرية :0014:

كل الشكر للأخوات عبير و أميمة و اسكندرية.
د. محمد صنديد
09-12-2003, 03:49 AM
الأخت أميمة:

للتوضيح أظني أنه فيه موضوع خاص في دوحة العلوم بيباركولي فيه و عنوانه "نبارك للدكتور محمد.....".

صحيح أني شفت مباركتك لي في مجلس إجتماع المشرفين بس كنت طماع شوية و ما حبتش تكون كدة مبروك عالهامش.......يعني طنشتD: :004:

و مع إني شفت التبريكات بس ياريت عنوان الدكتور ده اللي بتقولي عليه.....يمكن أحتاجه:003:


و لكن ماذا أفعل:(((((((((( جعلوني مشرفاً ))))))))))))))


عموماً الله يبارك فيك يا افندم.:0014:
اسكندرية
09-12-2003, 12:29 PM
بسم الله الرحمن الرحيم


و والله يادكتور ماشفت اى حاجة الا يوم ماكتبت لك التهنئة بس

هو ومعقول اتاخر برضه عليك ؟؟؟؟؟؟

:008: :008: :008:
اسكندرية
09-12-2003, 12:33 PM
بسم الله الرحمن الرحيم


عبير ...

أنا باطمنك انى صحتى زى الفل و الحمد لله

(العين صابتنى ,و ورب العرش نجانى)


و (ماشية على صامولة و مسمار و وربك هو والستار)

معلش أصل عين الحسود فيها عود


و امسكوا الخشب على حبى الصحة اللى عندى دول D:

تحياتى للجميع
مع امنياتى انكم
ماتبصوليش بعين رضية و شوفوا اللى اندفع فيهD:
د. محمد صنديد
11-12-2003, 01:21 AM
اسكندرية:

الله يبارك فيك يا افندم. و لي عندك رجاء تشاركينا دائماً في دوحة العلوم و انا أوعدكم بحاجات حلوة و مفيدة.

أصل أنا و أميمة بقينا بنتنافس دلوقت مين عنده زوار أكثرD:
اميمة الشافعي
11-12-2003, 02:10 AM
يا دكتور محمد

باين عليا انا العين صابتنى ورب العرش نجانى:v1:

يا سيدى الفاضل

بلاش تنافسنى علشان انا مشفقة عليك من المنافسة

مجرد نصيحة من صديق بخاف عليكD: D: D:
محمود مرعي
11-12-2003, 11:36 AM
ألف مبروك أخي د . محمد صنديد
فعلا أنت أهل لهذا وأكثر
دمت أخي منبرا للخير والجمال
د. محمد صنديد
11-12-2003, 10:36 PM
الأستاذ محمود المحترم:

لقد تشرفت يا سيدي بمرورك الكريم. و أرجوك أن لا تحرمنا إطلالتك. فأنا تلميذ دائم في مدرستك فأتمنى أن تتحفني بزيارة دوحة العلوم ما استطعت.

و إلى لقاء.
:os:
د. محمد صنديد
11-12-2003, 10:41 PM
يا أخت أميمة:

بلاش التحدي

دة إنت مش قدي

و خلينا ناخد وندّي

أحسن ما تخسري ودّي

D: :0014: D:


(((((إيه رأيك نعمل معركة زي اللي في دوحة القصيد بس على قدنا))))))

و انا رح أبدأ المعركة و أحط موضوع "الأيدي المبدعة" في دوحتك إشارة لتكشيري عن أنيابي.:006: :006: :006:
اميمة الشافعي
12-12-2003, 12:37 AM
يا دكتور محمد

انا موافقة على كل اقتراحاتك

هى فكرة جميلة يعنى انت وضعت الصورة الجميلة اللى مش عارفة اشوف باقيتها

اوكى ........... وانا اضع صورة تتكلم عن نفس الموضوع ........... وهكذا

وكل واحد يدخل يكمل ............. والله فكرة جميلة

تسلم افكارك يا دكتور

لكن تهددنى وتقول ........ (( تخسرى ودى ))

اهو دة اللى مش ممكن ابدا ولا ارضى بيه ابدا ابدا



لكن اتحداك ايوة اتحداك ..........

هه.......... بقا ......... يلا
د. محمد صنديد
12-12-2003, 12:49 PM
ماشي كلامك يا افندم........

نحن لها

:os:
اميمة الشافعي
13-12-2003, 09:47 PM
احرجتنى بهذا الادب الرفيع
د. محمد صنديد
14-12-2003, 09:33 PM
بعض مما عندكم يا أميمة.....