محمد الفهد
25-02-2009, 09:51 PM
حوار مع الهم
أسطرهن أهموم إلگلب ...هم وهم
وأعدلهن..وألمعهن..وأرتبهن
وأخاف بعدهن أتوهم ..
وأقارنهن أبهم الغير
وأموت من القهر...
لو هم غيري ينعد هم
أريد الحزن بس ليه
أريد افتخر بهمومي يولد العم
أهمومي أمطشرات
..وين ما أولي ..ألاگي الهم
يعاتبني إذا مريت من يمه
شعجب يفلان متسلم...
متكبر علينه بهمك الثاني
وانه العود..انه أول أهمومك ليش ما تفهم
أگله العام مريتك
لگيتك نايم ...أمسلهم
گال إياك تجريهه..بعد وتفوت متسلم
أسويهه عليك الدنيا نص أردان..
وللركبه...وأزيدك هم
اشو صاير نچر وتراوغ بحچيك
عبالك انه ما افهم
وحگ الله ألتعبده الناس..
امطرهه عليك بدون متغيم
امطرهه مرار..وقهر
واتونس عليك امنگع ادردم
آني اكبر أهمومك ليش ناسيني
الهموم الباقيات أخفاف متورم
آني الخله دكتور ألجراحه بيك يتعلم
يگص منك شنگ ويذب
وارد من جده وجديد أنوب اترهم
عساه آخر لقاء أوياك
يهمي بجاه كل مسلم
لان رب العرش رحمن..
ولان رب العرش رحمن لابد أن يرحم
لابد أن يرحم
الشاعر محمد الفهد
أسطرهن أهموم إلگلب ...هم وهم
وأعدلهن..وألمعهن..وأرتبهن
وأخاف بعدهن أتوهم ..
وأقارنهن أبهم الغير
وأموت من القهر...
لو هم غيري ينعد هم
أريد الحزن بس ليه
أريد افتخر بهمومي يولد العم
أهمومي أمطشرات
..وين ما أولي ..ألاگي الهم
يعاتبني إذا مريت من يمه
شعجب يفلان متسلم...
متكبر علينه بهمك الثاني
وانه العود..انه أول أهمومك ليش ما تفهم
أگله العام مريتك
لگيتك نايم ...أمسلهم
گال إياك تجريهه..بعد وتفوت متسلم
أسويهه عليك الدنيا نص أردان..
وللركبه...وأزيدك هم
اشو صاير نچر وتراوغ بحچيك
عبالك انه ما افهم
وحگ الله ألتعبده الناس..
امطرهه عليك بدون متغيم
امطرهه مرار..وقهر
واتونس عليك امنگع ادردم
آني اكبر أهمومك ليش ناسيني
الهموم الباقيات أخفاف متورم
آني الخله دكتور ألجراحه بيك يتعلم
يگص منك شنگ ويذب
وارد من جده وجديد أنوب اترهم
عساه آخر لقاء أوياك
يهمي بجاه كل مسلم
لان رب العرش رحمن..
ولان رب العرش رحمن لابد أن يرحم
لابد أن يرحم
الشاعر محمد الفهد