منجاة صياد عجوز

[فتحى نجم]

ما تهزنيش يا بحر
من تمتمات الشراع
وصلتنى مفاهميك
انذار ...بيعلن ان الوفاق اهتز
وانك نويت الحصار
رغم انى عارف مخرجك
الريح بتضرب ..سكتى وبتوه
وكأنى مركب ورق
بتهز فيها
طوبة من ايد الصغار
فتضل المسار
ما تهزنيش يا بحر
قلبى اتنفض واتنطر
ايه اللى حادك..خير
طالب وفاقك ..رافضنى
وكأنى نورس..غريب
منبوز فى سرب الطير
ايه اللى باقى يا بحر؟
60 سنة دولا..
ولاّ دقيقة خوف
يبقى عليه العوض
لو كنت ناسى يابحر..
حدوتة الفجرية
لحظة ما كان الرزق
حاضن خيوط الشبك
وانت بتحضن ف السمك
بتلعب معايا
لعبة الأم الحنون
والعب معاك...
لعبة المكتوب
يا بحر بكفاية
جتلك وغاوى الضل
فكشفتنى .....للصيد
ورضيت بخنق الخشب
فدهستنى بالموج
معووووووج
ميزان الحياه
ولآانت بتهرج معايا
يا بحر بكفاية
يا بحر جوايا
صرخة...
بتطلع من بين صوابعى
اللى كانوا
بيشدوا حيل المراكب
حين انكسار القلوع
وانتمائك للشغب
يابحر بكفايه
مافضلش غير الااااااه
والأهة تعبانى
يابحر بكفايه
اهرب لفين تانى
عكر ملامحى الشقى
واللى بقى صوره
متهزنيش يابحر
دالمركبه سيعانى

[خالد الهواري]

سلم الله مركبتك
والله كاني اسمعك تقراها وتان عندما تمر علي بيوت الانين
وتستجدي البحر
انت بارع يا ايها الملاح الكبير
خالد الهواري

[فتحى نجم]

اشكرك اخى خالد على تشجيعك لى

[فتحى نجم]

شكرا للتواصل

[نبيل مصيلحى]

المبدع / الإسماعلاوي النجم

تحياتي

القصيدة حافلة بالصور . معبرة عن مكنون الوجدان المشحون بالعواطف الشاعرة
ويسعدني تواصلك ..
خالص تحياتي
نبيل مصيلحي

[فتحى نجم]

تحياتى للاستاذ الكبير
نبيل مصيلحى

[علاءالحكيم]

المبدع..........الرائع ...........فتحي نجم

لا يجوز ان امر علي هذه الروائع

دون ان ابدي اعجابي بها........

فاعذرني علي هذا


دومت مبدعا متالق............يا نجم الواحه

لك كل الود والتحيه




علاء الحكيم

[فتحى نجم]

شكرا اخى علاء

تحياتى لك