حال الشعب

[أحمد موسي]

شبابِك راح ودمِّك ساح
ولا هيرتاح ف يوم بالِك
وعيشتِك زُل ومالِك حل
وغاب الطل ونفسي يتصلح حالِك
بكيتى الهم وعيشتى الغم
وجرحي مَ لمْ وسكن الحزن موالِك
راضيكى الميل وضعف الحيل
وطفح الكيل ويبقى الزل لعيالِك؟!!
دا علشانِك كتمنا الصوت
عشقنا الموت
عشان نلاقي مرة القوت
ويتبدل ف يوم حالنا
نهد السُّور
نعدِّى بحور
نشوف النور
عشان منلقى اى كسور
وييجى زمنا يصفالنا
فلَحنا بس ف الموضه
ونلبس كاب وبرموضه
ونتحجج حجج سوده
بدل منداوى ف جروحنا
ونرجع نبكى على روحنا
ونحلم تانى ان احنا
راح يحي الامل فينا
ويصحى الحلم ف عنينا
وبتوه فيكى خطاوينا
وامتى هتصحي يا أملنا؟
رضيتى ليه بنار الويل
دفنتى الحلم ويا النيل
وتاج راسك بقى مِ الطين
وخزى العار صبح إكليل
وفالحه بس ف التهليل وف التطبيل
وبنصدق كلام مواويل
عشان مكتوب..وياريت كل الكتب إنجيل؟
وبنصدق كلام منقول. عشان معسول
ومش كل الى قال جبريل...!!!
حرام د الجرح شايفينه وعايشينه
وراضين ليه وسايبينه يهد القلب
ويموت النبض وحنينه
لعنت العمر وسنينه
علشان شعب ناسي جراحه وأنينه
علشان شعب داب ف الكدب
مات م الغلب عاش دنياه وساب دينه.
ياصحبى إصحى من نومك
لإمتى هتبقى ف همومَك
د كل الدنيا بتلومَك
ومش بتلاقى يوم تاكل
وبتبيع حتى ف هدومَك
وساكت مش بتتكلم
وراضي الهم مقسومَك؟؟!!!
ساكت ليه وبتقول إن حالك عال
وراضي الحسرة ويا الكسرة تبقى الحال
ومش عجبك خراب يحصل ولا طايق كلام يتقال
وشايف كل شئ يحصل دَ حبة وهم ويا هزال
وبتسيب الأمور تِمَشِّي بالبركة... وبالتُّكَّال
وعايز يتصلحلك حال؟؟؟!!!
قوم دوَّرْ على بكره الِّى فيك ضايع
وصحِّى قلبَك القاسي الِّى كان بايع
وسيبَك م الِّى قالك نام ...كلام مايع
ولو ناوي تهدِّ الكون عشان تحيا مفيش مانع
د مهما العتمه هتطوِّل أكيد بكرة النهار طالع
أكيد بكرة النهار طالع ..
للشاعر (أحمد سعيد موسي)

[مروة عبدالله]

أحمد موسي

تحكي عن حال الكثير من البشر الذين يعيشون لمجرد العيش, ونصيحة كامنة في عمق كلماتكَ, وحرف نوراني به الكثير من الأمل والتفاؤل, جميل ما كتبت ولكن الأجمل أن تكتب مفرداتكَ بطريقة عمودية وتحاول التنسيق مرة عن مرة وستكون رائعاً بكل معني الكلمة, واعذرني علي التعديل.

محبتي

[أحمد موسي]

الفخر ليا كل الفخر ان حضرتك تعدليلي يا أفندم إحنا نيجي اي جمب سيادتك
انا كنت عايز اقولك تعدليلي ف التنسيق والله كل مرة لانك بحق الكلمه زواقه فى كل شيء
خالص تحياتى لكي
أخوكى المخلص أحمد موسي

[عبد الرحمن أحمد عبد الحي]

لديك فلسفة عميقة ودقة في التعبير...
جميل ما كتبت ..
دمت أخًا وصديقًا ..
عبدالرحمن جلاب

[أحمد موسي]

تسلملي أخي عبد الرحمن
انا مجيش حاجه جمب منك يا شاعر يا عظيم
حفظك الله لى
تحياتى لك
المخلص / أحمد موسي

[أحمد موسي]

أتقدم بخالص الشكر لكل من تكرم بالتعليق والانتقاد لكلماتي البسيطه
وتحيه من شغاف قلبي لجميع أعضاء الواحه
وألتمس العذر لو تغيبت عن الواحه فى الفتره المقبله

المخلص : أحمد سعيد موسي

[ناريمان الشريف]

صغيري احمد
بعد السلام عليك
عشقت الشاعر بيرم التونسي من كلماته القريبة من القلب ..
وإني هنا لا أجامل .. أرى أنني أقرأ شعراً لشاعر حساس وعملاق .. عارفاً بأوجاع شعبه
فحال شعبك المسكين لا يختلف عن أحوال باقي الشعوب
لقد همست باسمنا جميعاً
لك ودي



....... الى هنا
مع تحياتي ... ناريمان الشريف

[أحمد موسي]

صغيري احمد
بعد السلام عليك
عشقت الشاعر بيرم التونسي من كلماته القريبة من القلب ..
وإني هنا لا أجامل .. أرى أنني أقرأ شعراً لشاعر حساس وعملاق .. عارفاً بأوجاع شعبه
فحال شعبك المسكين لا يختلف عن أحوال باقي الشعوب
لقد همست باسمنا جميعاً
لك ودي

....... الى هنا
مع تحياتي ... ناريمان الشريف

الفاضله / ناريمان الشريف
أشكرك علي المرور الكريم الذي أنار متصفحي المتواضع
ولكن عذرا سيدتي الفاضله فأنا لن أصل بشعري إلى أن أقارن بعملاق كبيرم التونسي
شاعرنا الكبير كي تذكري اسمه هنا فأنا حديث العهد في كتابتي للشعر ولا أقارن بهذا العملاق
أحد فحول كبار الشعراء
ولك خالص التحيه والشكر

ومن هنا............

المخلص / أحمد موسي

[محمد عبد القادر]

جميلة جداً يا حمادة
مش عارف حاسس ليه إنى رديت على القصيدة دى
قبل كده .. نرد تانى لأن القصيدة تستحق
عجبتنى جدا الموسيقى الخفيفة
والمعنى الجميل
إلى مزيد من التقدم
تحياتى
و
إلى لقاء

[أحمد موسي]

جميلة جداً يا حمادة
مش عارف حاسس ليه إنى رديت على القصيدة دى
قبل كده .. نرد تانى لأن القصيدة تستحق
عجبتنى جدا الموسيقى الخفيفة
والمعنى الجميل
إلى مزيد من التقدم
تحياتى
و
إلى لقاء

يا بو حميد احنا مش قدك
ولا احنا زي ما ف ردك
يدوب احنا ف بدايتنا
ولجل ما نعلى .. هات يدك
يخليك ربي يا صحبي
ويفضل ليا دوم ودك
عشان أوصل ف يوم وابقي
جايز أبقي ف يوم قدك


الحبيب الغالي دا ردك الاول ومش الأخير بردو
انت حبيبي وخلاص
والله انا قصايدي بتنور لما بلاقي تعليقك عليها
لاني بحس انى في عندي ولو بوادئ شعر
لما عملاق زيك بيعلقلي عليها
تقبل القلب وصاحبه
أحمد موسي

[الطنطاوي الحسيني]

اخي احمد موسى الحبيب الشاعر القادم بالادهاش
القصيدة للتثبيت للتشجيع والتقدير للنفس الشعري
جمال قصد وقصيد وابداع
بعض الهنات التي شابت النص قليلة جدا جدا
مثل نبض النبض ياريت تبقى نبض واحدة
و عشان منلاقي مرة القوت منلاقي هنا معناها نلاقي فياريت تحذف الميم او احذفهالك لان بعدها منلاقي تانية عكس معنى الاولى
ايضا القصيدة ف مطلعها تحدث مؤنث فياريت تضع كسرة تحت ما يدل على ذلك ثم انتقلت للمذكر الشعب مش مشكلة
اخي احمد ابشر بكل خير ايها الحبيب

[أحمد موسي]

اخي احمد موسى الحبيب الشاعر القادم بالادهاش
القصيدة للتثبيت للتشجيع والتقدير للنفس الشعري
جمال قصد وقصيد وابداع
بعض الهنات التي شابت النص قليلة جدا جدا
مثل نبض النبض ياريت تبقى نبض واحدة
و عشان منلاقي مرة القوت منلاقي هنا معناها نلاقي فياريت تحذف الميم او احذفهالك لان بعدها منلاقي تانية عكس معنى الاولى
ايضا القصيدة ف مطلعها تحدث مؤنث فياريت تضع كسرة تحت ما يدل على ذلك ثم انتقلت للمذكر الشعب مش مشكلة
اخي احمد ابشر بكل خير ايها الحبيب


أستاذي الفاضل / طنطاوي
فعلا حضرتك معاك حق ويا ريت تعدلها انت الخير والبركه بردو
ونبض النبض خليها نبض القلب لو حضرتك شايفها أفضل
وياعمي طنطاوي انا لسه بتعلم والله
انا بقول ياهادي
وانتظر مني ان شاء اللي يرضيك

تحياتي لمن سكن حياتي

[أميرة عمارة]

وامتى هتصحي يا أملنا؟
رضيتى ليه بنار الويل
دفنتى الحلم ويا النيل
وتاج راسك بقى مِ الطين
وخزى العار صبح إكليل
وفالحه بس ف التهليل وف التطبيل
وبنصدق كلام مواويل


الأخ الشاعر الأستاذ\أحمد
جميل ما كتبت, أعجبني هذا المقطع
دمت شاعرا مبدعا
تحيتي لطيب حرفك
أميرة عمارة

[أحمد موسي]

وامتى هتصحي يا أملنا؟
رضيتى ليه بنار الويل
دفنتى الحلم ويا النيل
وتاج راسك بقى مِ الطين
وخزى العار صبح إكليل
وفالحه بس ف التهليل وف التطبيل
وبنصدق كلام مواويل


الأخ الشاعر الأستاذ\أحمد
جميل ما كتبت, أعجبني هذا المقطع
دمت شاعرا مبدعا
تحيتي لطيب حرفك
أميرة عمارة

الأستاذه العظيمه / أميره عماره

الجمال اللي بتتكلمي عنه دا انا لقيته ف حروفك
ونصوصك وكتاباتك وان كان في فكتاباتي اى شيء منه
فانا اكيييييييييد اخدت الجمال دا منك

مرور كريم وطيب
تقبلي ودي