إحزن يا قلبى

[الشرقاوى المصرى]

إحزن يا قلبى
.....................
إحزن يا قلبى إحـزن ..... وزيـد فى أحزانـــك
إبكى على حــب ضاع ..... على قلب يـوم خانك
إبكى وقول يــاريتنى ماكنت حبيتهـا
ولا دوقت من كاسها ولا لحظة حسيتها
وياعينى عليك يــا قلبى ..... إزاى هتنساها
وأنت اللى عشت عمرك ..... هيمـان بدنيـاها
.........................
إبكى كمان وأتألم ..... يمكن بكــاك يفيدك
ويداوى أحزانـك ..... والجرح فى وريدك
ياما قولتلك يــاما ..... العشرة هتهون
وحبيبتك الشارية ..... هتبيـع وهتخون
وياعينى عليك يا قلبى ..... إزاى هتنساهــا
وأنت اللى عشت عمرك ..... هيمان بدنياهـا
.........................
إنت السبب يا قلبى ..... أنت اللى بتسيبنى
جريـت لأحضانها ..... وهربت من حضنى
إيه خدت من حبك ..... غير هجر وحرمان
والدمع على خــدك ..... وكــأنه بركان
ويـاعينى عليك يا قلبى ..... إزاى هتنساها
وأنت اللى عشت عمرك ..... هيمان بدنياها
.........................

[الشرقاوى المصرى]

الشرقاوى المصرى
.......................
:0014: شرفت جدا بإشتراكى فى هذا المنتدى الرائع ، ولا أخفى إعجابى الشديد بالكلمات الرائعة التى خرجت من أحساسيس شعراء هذا المنتدى ، وفى أول مشاركاتى لا أنسى التوجه بخالص شكرى وتقديرى لكل القائمين على ملتقى رابطة الواحة الثقافية عامة ، وملتقى أدب العامية العربية خاصة ..
وأرجو إرسال التعليقات التى سيشرفنى قرآءتها من أساتذتى الأجلاء وأخوتى وأخواتى الأفاضل المشتركين فى الملتقى . :0014:

[آمال المصري]

نص متخم بالروعة رغم مافيه من حزن وشجن
الفاضل الأستاذ / الشرقاوي
أنرت المكان وسماء الخضراء
بنص حزين متورط بالجمال
ودي وزهور الجوري

[الشرقاوى المصرى]

عذراً لى رنيم مصطفى فأنا لا أجد كلمة معبرة عن شكرى لك على كلماتك الرقيقة التى سأعتز بها لكونها صادرة من إحساسك الجميل ، ولأنها أول رد تلقيته فى هذا المنتدى الرائع . تقبل تحياتى وإعتزازى

[أحمد موسي]

الشرقاوى المصري
أهلا بك قلما جديدا فى واحتنا
كلامك جميل جدا ولكني انظر

إحزن يا قلبى كمان ..... وزيـد فى أحزانـــك
إبكى على حب ضاع ..... على قلب يوم خانك
إبكى وقــول يــاريت مــا كنت حبيتهـــا
ولا دوقت من كاسها ولا لحظة حسيتها
وياعينى عليك يــا قلبى ..... إزاى هتنساها
وأنت اللى عشت العمر ..... هيمان بدنياها
.........................
إبكى كمان واتألم ..... يمكن بكــاك هيفيدك
ويداوى أحزانك ..... والجرح فى وريدك
ياما قولتلك يــاما ..... العشرة هتهون
وحبيبتك الشارية ..... هتبيع وهتخون
وياعينى عليك يا قلبى ..... إزاى هتنساهــا
وأنت اللى عشت العمر ..... هيمان بدنياها
.........................
إنت السبب يا قلبى ..... إنت اللى بتسيبنى
جريـــت لأحضانها ..... وهربت من حضنى
إيه خدت من حبها ..... غير هجر آه وحرمان
والدمع على خدك ..... فايض كما البركـــــــان
ويــاعينى عليك يا قلبى ..... إزاى هتنساها
وأنت اللى عشت العمر..... هيمان بدنياها

هذا تعديل بسيط على حسب ذائقتي
ولك طبعا حريه الاختيار أري أن بهذا التعديل يكون الوزن أضبط بعض الشئ
عذرا للتدخل فنحن هنا كالأيدي يغسل بعضنا بعضا

ومرحبا بك للمره الثانيه وليست الاخيرة
أخوك المخلص / أحمد موسي

[الشرقاوى المصرى]

الأستاذ الغالى / أحمد موسى .. سعدت جداً لمرورك الكريم على كلماتى المتواضعة ، وزادنى سعادة تعليقك البناء الذى أعتز به وأخذه بحب وفخر .. لك منى جزيل الشكر والإحترام

[د. نجلاء طمان]

أهلًا بكَ أيها الفاضل في الخضراء

مرور للترحيب بكَ بيننا, نتمنى لكَ غاية الإفادة والاستفادة.

نص غنائي شفيف, معبر بعفوية, يغلب عليه الحزن. وقد رأيت الأستاذ أحمد موسى وقد عدل بالفعل تعديلات جوهرية خففت الوزن, وربما أنا لست بمستوى الكبار هنا في العامية, لكن حسب ذائقة أذني المتواضعة. أرى النص - بجانب إضافة الأديب أحمد- أيضًا يحتاج تعديلًا بسيطًا:

إبكى كمان واتألم ..... جايز البكا يفيدك
ويداوى أحزانك ..... والجرح فى وريدك

تقديري

[الشرقاوى المصرى]

الاخت الفاضلة / د. نجلاء طمان
تشرفت كثيراً بترحيبك بى فى الملتقى الذى شرفت أنا أولاً بإنضمامى له ، كما أشكر لكى إهتمامك بالرد على كلماتى المتواضعة وتعليقك عليها الذى سأخذه بكل تأكيد فى الإعتبار فى كل كتاباتى .. تقبلى خالص شكرى وتقديرى .

[علاء عيسى]

غنائية رائعة
كتبت باقتدار جميل
يا هلا بقلمك بين محبينك

[الشرقاوى المصرى]

أستاذى الفاضل / علاء عيسى
كم يشرفنى أن أقرأ رأيكم الجميل فى كلماتى البسيطة واتقدم لك بخالص شكرى وتقديرى لمرورك الكريم

[الشرقاوى المصرى]

أهدى إلى أعضاء المنتدى الأفاضل مشاركتى الثانية راجياً أن تحوز رضاكم .. وأن أتلقى ردودكم الكريمة


شئ وحيد
.....................
ليـه بتختــارى البعـــاد ليـه بيغويكى العنــاد
قلبـــى بيقولــك تعـالـى قلبى عايزك تسمعيه
مهمـا هتعـذب معاكـــى مهما حيـرنى هواكى
شئ وحيد فى الدنيا دىَ نفســى إنــك تفهميـه
قلبى مش ممكن هيقسـى أو هيبعـد يـوم وينسى
كـل أحــلام السنيـــن
قلبى شئ مخلوق عشانك مش هيهجر يوم مكانك
مهما شاف منك آنين
مهمــا يحلالــك عذابــى برضه فاتح ليكى بابى
كل يوم هخلص وأسامح حتى لـوهفضــل حزين
...........................
فاكرة أول يــوم قابلتك قولتلك ساعة ما شوفتك
إنى يامــا حلمــت بيكــى
وإبتديت أعشق زمانى وأبتســم للدنيــا تــــانى
وأرسم الحلم فى عينيكى
عمر قلبى يوم ما حس عمره يوم ما جه فى باله
إلا حبـــك إنتــى بـــس وســط كــل الكـون بحاله
.............................
نفسى أقولك إرحمينى ليه بإيدك تكسرينى
ليـه بيرضيكى العـذاب
صدقينــى مش هنقدر إننا ع البعد نصبـر
مهما طال بينا الغياب
مهما فكرنا وحاولنــا إننـــا نكتــم فــى شوقنـا
صدقينى مش باقيلنـا غيرهوانا اللى فى عروقنا
............................

[د. نجلاء طمان]

أعجبتني للغاية وأرجو نشرها كموضوع مستقل حتى ينتبه لها المشاركين, كما هو الحال المتبع في الواحة.

تقديري

[الطنطاوي الحسيني]

غنائية جميلة جدا رغم حزنها
الشرقاوي الشاعر
انت جميل وبوحك عطر وفل
اهلا بك بيننا ايها الحبيب
والموسيقى عندك رائعة وبها بعض الشيئ يأتي بالدربة التمرس ايها الحبيب
وما دام في القلب احساس صادق وشعر دافق الموسيقى ستسلس رغما عنها
دمت بابداعك

[أحمد موسي]

أهدى إلى أعضاء المنتدى الأفاضل مشاركتى الثانية راجياً أن تحوز رضاكم .. وأن أتلقى ردودكم الكريمة

شئ وحيد
.....................
ليـه بتختــارى البعـــاد ليـه بيغويكى العنــاد
قلبـــى بيقولــك تعـالـى قلبى عايزك تسمعيه
مهمـا هتعـذب معاكـــى مهما حيـرنى هواكى
شئ وحيد فى الدنيا دىَ نفســى إنــك تفهميـه
قلبى مش ممكن هيقسـى أو هيبعـد يـوم وينسى
كـل أحــلام السنيـــن
قلبى شئ مخلوق عشانك مش هيهجر يوم مكانك
مهما شاف منك آنين
مهمــا يحلالــك عذابــى برضه فاتح ليكى بابى
كل يوم هخلص وأسامح حتى لـوهفضــل حزين
...........................
فاكرة أول يــوم قابلتك قولتلك ساعة ما شوفتك
إنى يامــا حلمــت بيكــى
وإبتديت أعشق زمانى وأبتســم للدنيــا تــــانى
وأرسم الحلم فى عينيكى
عمر قلبى يوم ما حس عمره يوم ما جه فى باله
إلا حبـــك إنتــى بـــس وســط كــل الكـون بحاله
.............................
نفسى أقولك إرحمينى ليه بإيدك تكسرينى
ليـه بيرضيكى العـذاب
صدقينــى مش هنقدر إننا ع البعد نصبـر
مهما طال بينا الغياب
مهما فكرنا وحاولنــا إننـــا نكتــم فــى شوقنـا
صدقينى مش باقيلنـا غيرهوانا اللى فى عروقنا
............................

إيه ياعم شرقاوي الجمال دا والإبداع دا
بسم الله ما شاء الله والله قمه
الشيء الوحيد الى اقدر اقوله اني سعيد بمرورى عندك
بس ياريت ترفع شيء وحيد دي كموضوع مستقل له مكانه الخاص علشان الكل يقراه ويعلق عليه
ربنا يكرمك كمان ويزيد ف إبداعك

[الشرقاوى المصرى]

يسعدنى ويشرفنى ان اقدم عملى الثانى للمنتدى واعتذر لمن قرأ هذا العمل مرتبطاً بالعمل الأول الذى قدمته لأننى لم أكن أعلم بأنه قد كتب فى نفس صفحة العمل الأول ..كما يسعدنى التوجه بخالص تقديرى لكل الأخوة الأعضاء الذين تكرموا بالرد على أعمالى المتواضعة وفى إنتظار ردودهم الكريمة والإستفادة من خبراتهم الكبيرة .

[الشرقاوى المصرى]

هتغيــر
...........

ما دام الظللم فــاق الحد مادام القلــب مالهــوش حـــد
مادام الكل ناســى الــود خــلاص يا دنيــــــــــا هتغيــر
هشيل الطيبة من كاسى وادوس على قلبى واحساسى
وهبقى زيهـــم قاســــى مش هبكى فى يوم ولا اتحير

..................................

زمان الرحمــة مش بيفيــد فى وسط نفوس بقت ظالمة
ونــــور الحـب مـش هيقيد فى دنيـــا اصبحــــت ضلمـة
يئست خلاص من المشوار وكله فى نظرى ولا يســـوى
هسلـم نفســـى للتيـــــــــار واعـــــود قلبــى ع القســوة

................................

سنين عدت وطول عمـرى بسامح واجى على روحى
محدش همه يـــــوم امرى محـدش حـس بجروحــــى
سامحت كتير ومين يسمع ماعـــــدش قلــوب بتتأثـــر
عملت الخير عشان يشفـع لقيتــه ضعيـــف بيتكســــر

.................................

حاولت اعيش واتصور بانى هلاقــــى احبــاب
فضلــت ألــــــف وأدور لقيتنى فى وهم كــداب
قلوب الناس بقت قادرة تدمر كل شـــئ طاهــر
وحتــى ايديهــم الغادرة بقت تطعنى فى الظاهر

..................................
........................
...........