سُوس حُبّنا

[محمود موسى]

لما تكرهنى الحياة ،
و تلاقينى اسمع كلام الست وانزل
بيها برة البيت و نتمشى ف مطاف القاهرة ،،
هى م النوع الرهيّف ..
لو هتخرج برة باب البيت تتوه ..
لو تخَطّى ف وسط زحمة ،
عمر ما لسانها اللطيف
ما يتوب يمطّر أسئلة تاكل دماغى بْحسها الفافى
الرُّقَيَّق حبتين
مرة شافت فى المحطة جلاّبية و فيها هيكل
منقَرِض يصعب على جدود الأبالسة
منكسر قاعد يقول "لله"
فقالت "أوه جنان!" ، مين اللى قاعد ؟
قمت قلت لها ان "ده شحّات"
قالت لى : أيوة "شحات حبنا"!
قلت لها آه فعلا "ده شحات حبنا"
طول مانتى جنبى مسيره ييجى اليوم
ويتّاخر عشان يحجز لنا..
عند الرصيف التانى باتنين أمكنة ..
لما راح نزعق نقول "لله"
يا مصدر نايبتى
يا حنيّنة !

خطوتين ، شافت طريق مزحوم
و من واقف مابين الناس يصب
ف حاجة بتطلع رغاوى
- تبقى إيه ؟
- دا "العرق سوس"
- "زاتس ووندر فُلّ" ، "يس" ، "سوس حبنا"
- آه كنت فعلا هنسى ده "سوس حبنا"
من غيره مين يحفر بنا !
أو مين هيقصف عمرنا !
آآآه .. يا حنينة !

خطوتين شافت دماغ أوتوبيس
على الناحية المقابلة
ما شية بتبخ ف جواكت بُنّى ماشية تشُرّ جاز

-ممممم "وات" ؟
- ده يا عين سِتُّو أنا "موظف حكومة"
"إتس فانتاستيك"
" حكومة حبنا"
- طبعا حكومة حبنا
منديل ينشفْ دمّنا
خرشوف يرطب عضمنا نُصين ييجى لك من هنا
أو من هنا
.
.
.
يا حنينة !



محمود موسى
5/9/2008

[آمال المصري]

الفاضل الأستاذ / محمود موسى
أهنئك على هذا الإبداع
بحق دخلت قلبي عنوة واقتدارا بجميل الكلمات وروعة الفكرة
جعلتني أبتسم في امتنان
تحيتي والجوري

[محمد عبد القادر]

الشاعر وأستاذى الجميل
محمود موسى
حقيقى النص خلانى مبلم ومش عارف أرد وأقول إيه
اعذرنى
والله النص أذهلنى
راجعلك بإذن واحد أحد
سلام مؤقت

[خالد الهواري]

يا موسي

انت مبدع والله او تقدر تقول انت شاعر وشاعر حبنا كمان
ربنا يخليلك السنيورة

وتنور في سما الشعر شعر حبنا

خالد الهواري

[محمود موسى]

الفاضل الأستاذ / محمود موسى
أهنئك على هذا الإبداع
بحق دخلت قلبي عنوة واقتدارا بجميل الكلمات وروعة الفكرة
جعلتني أبتسم في امتنان
تحيتي والجوري
الكريمة الأستاذة / رنيم مصطفى
جعلنا الله سببًا فى ابتسامتك دومًا ..
وجزاكِ الله على حسن ثنائك كل الخير :)

[محمود موسى]

الشاعر وأستاذى الجميل

محمود موسى
حقيقى النص خلانى مبلم ومش عارف أرد وأقول إيه
اعذرنى
والله النص أذهلنى
راجعلك بإذن واحد أحد

سلام مؤقت

حبيب قلبي أبو عبد القادر
أنا اللي سعيد لأني قادر اتواصل معاك بأكبر وسائل ممكنة يا بو حميد
منتظرك وقتما تعود يا شاعر

[محمود موسى]

يا موسي

انت مبدع والله او تقدر تقول انت شاعر وشاعر حبنا كمان
ربنا يخليلك السنيورة

وتنور في سما الشعر شعر حبنا

خالد الهواري
هههههههههههههههههههههههه
سنيورة مين يا عم خالد احنا لينا فى الجو ده برضو ؟
ده زجل يا عم الحج
مجرد مرآة اجتماعية بتعكس


تسلم لي
ويسلم شعر حبنا

[خالد الهواري]

هههههههههههههههههههههههه
سنيورة مين يا عم خالد احنا لينا فى الجو ده برضو ؟
ده زجل يا عم الحج
مجرد مرآة اجتماعية بتعكس


تسلم لي
ويسلم شعر حبنا


.................
انا عارف طبعا ولكن الشيء بالشيء يذكر ونحن في رحاب قصيدة بكائية ضاحكة فلا بد من بعض الضحك الممل كي تكتمل الصورة ........... صورة حبنا

خالد الهواري

[أحمد موسي]

ابن عمي الغالي
حبيب قلبي
بقولك اي
شوفلي عروسه زي عروستك
أو السنيوره على رأي ابو هواري
تقولي بطيخة عمرنا وكرنبه حبنا
وهكذااااااااااااااااااااا اا
ههههههههههههههههههه

والله فكره فوق الرائعه وفوق الممتازه

تقبل مروري

أحمد موسى

[وفاء شوكت خضر]

الحمدلله إنها ما شافتش القبقاب يا استاذي الكريم ..
اصفق بحرارة لهذا النص الجميل الجميل ..
هي السخرية من واقع مر لكن قمنا برش قليل من السكر عليه ..

أحسن أخي الكريم ..
بارك الله بك .

كنت هنا فاقبل مروري .

[محمد عبد القادر]

الشاعر المبدع
النص دا جميل جدااً
بيحكى كتيييير عن مشاهد من الحياة المصرية
نوع من الواقع المؤلم
والمعاناة اللى بنشوفها فى الشارع المصرى
فى قالب رومانسى ساخر
عجبنى النص إلى أقصى حد
يدل على قدرتك الرائعة يا شاعر
حقيقى سعيد بوجودى الثانى على صفحتك
وليس الأخير بالطيع
تحياتى

[الطنطاوي الحسيني]

والله انت اللي حنين يا محمود
مش بقولك انت بتكتب وانت فوق الشعور فبيجيلك الشعر والشعور ممزوجين
فعلا حكومة حبنا
الله عليك يا محمود
مرة اخرى للتثبيت لجمال القصد والقصيد
دمت بكل ابداعك ايها الحبيب محمود
اخوك طنطاوي

[محمود موسى]

.................
انا عارف طبعا ولكن الشيء بالشيء يذكر ونحن في رحاب قصيدة بكائية ضاحكة فلا بد من بعض الضحك الممل كي تكتمل الصورة ........... صورة حبنا

خالد الهواري
عندك حق يا خلود

منورني يا صديق

[محمود موسى]

ابن عمي الغالي
حبيب قلبي
بقولك اي
شوفلي عروسه زي عروستك
أو السنيوره على رأي ابو هواري
تقولي بطيخة عمرنا وكرنبه حبنا
وهكذااااااااااااااااااااا اا
ههههههههههههههههههه

والله فكره فوق الرائعه وفوق الممتازه

تقبل مروري

أحمد موسى
قوام منحتنى شرف بني العم كده يابو حميد ؟ :)

أهلا بيك في متصفحي يا جميل
وتسلم لي خفة دمك
وسعيد بتشابه اسمينا :)

[محمود موسى]

الحمدلله إنها ما شافتش القبقاب يا استاذي الكريم ..
اصفق بحرارة لهذا النص الجميل الجميل ..
هي السخرية من واقع مر لكن قمنا برش قليل من السكر عليه ..

أحسن أخي الكريم ..
بارك الله بك .

كنت هنا فاقبل مروري .
لا القبقاب ده له عواقف غير مأمونة أخت وفاء فقلنا ننحيه لحد إشعار آخر

نعم هي السخرية التى تفرض نفسها كلما قلّت حيلتنا فى التغيير إلي أن يحين أو نكون سببًا ضئيل فيه

بوركتِ وبوركَ منكِ المرور الطيب دائمًا

[محمود موسى]

الشاعر المبدع

النص دا جميل جدااً
بيحكى كتيييير عن مشاهد من الحياة المصرية
نوع من الواقع المؤلم
والمعاناة اللى بنشوفها فى الشارع المصرى
فى قالب رومانسى ساخر
عجبنى النص إلى أقصى حد
يدل على قدرتك الرائعة يا شاعر
حقيقى سعيد بوجودى الثانى على صفحتك
وليس الأخير بالطيع

تحياتى

ويسعدني ألاّ يكون الأخير حتى لا أحرَم جمال وجودك هنا

كل الشكر يابو حميد
و دُم بكل خير

[محمود موسى]

والله انت اللي حنين يا محمود
مش بقولك انت بتكتب وانت فوق الشعور فبيجيلك الشعر والشعور ممزوجين
فعلا حكومة حبنا
الله عليك يا محمود
مرة اخرى للتثبيت لجمال القصد والقصيد
دمت بكل ابداعك ايها الحبيب محمود
اخوك طنطاوي
عمنا الطنطاوي
دانت اللي أبو الحنية كلها

ولكن إذا دخلت بالمقارنة حنية حكومة حبنا .. فاسمح لي أستندل و أنحّي كل المقاييس علشان ماكونش ظالم ههههههه

دمت كروحك جميلاً

[غازى كلخ]

أخي العزيز..........................محمود موسى
الله ما أجمل رائعتك!
تقبل حبي وحب أهل غزة المحاصرين الصابرين المحتسبين
...................دمت رائعا

[الهام احمد سعد]

سوس حبنا
نخور ف عمر كبير مابينا
سوس حبنا
ضيع كلام العشق فينا وتاه طريق الحب منا
سوس حبنا
كان ناوى يخرب من زمان
فات الزمان ان الاوان
خرم ف دايرة حبنا
ويامين يطيب جرحنا
يقفل جراح سببها جو قلبنا
سوس حبنا


المبدع / محمود موسى
قصيدة راااائعة ولا جديد على قلمك ان يأتى لنا بمثل هذه الروائع
لك كل التقدير والاحترام
تقبل مداخلتى البسيطة على عملك الراقى
دمت مبدعا واستاذا

[فتحى نجم]

الله ينور
وده مش زجل
دا قصيدة عامية مكتملة
اه والله

[علاء عيسى]

جميل
الى الامام دائما
ننتظر جديدك

[محمود موسى]

أخي العزيز..........................محمود موسى
الله ما أجمل رائعتك!
تقبل حبي وحب أهل غزة المحاصرين الصابرين المحتسبين
...................دمت رائعا
أخي الجميل غازي

مودتي كاملة لك ولكل الأحبة
ثبتكم الله وجعلكم على الدوام خط الدفاع الأول لأمتنا أجمع

[محمود موسى]

سوس حبنا
نخور ف عمر كبير مابينا
سوس حبنا
ضيع كلام العشق فينا وتاه طريق الحب منا
سوس حبنا
كان ناوى يخرب من زمان
فات الزمان ان الاوان
خرم ف دايرة حبنا
ويامين يطيب جرحنا
يقفل جراح سببها جو قلبنا
سوس حبنا


المبدع / محمود موسى
قصيدة راااائعة ولا جديد على قلمك ان يأتى لنا بمثل هذه الروائع
لك كل التقدير والاحترام
تقبل مداخلتى البسيطة على عملك الراقى
دمت مبدعا واستاذا
بل أعتز بها من مداخلة ياشاعرة
مرحبا بك في صفحتي
وجزيل الشكر للذوق فى ثنائك