سأل الفقر وقالي يا صاحبي

[خالد الهواري]

سادد بيك الريح
زي ماتقول يعني غفير
حلم حقيقي مش تفاريح
اهي حاجة تشد ضلوع الزير
........
(2)
قوم نط الفقر وقال
يا صاحب عمري ليا سؤال
....
طيب قول من غير تجريح
اهو كدة يعني معاك تصريح
مانا متسمر جمب الزير
دايما مغلوب مالناس منبوذ
انا هخسر ايه ..دنا حيلتي الكوز
يعني شيفني (جوزيه)........ مدرب النادي الاهلي

خايف للخطة تبوظ
ولا انا باشا بنيلي عمارة
دا حنة كوز مش يعني خسارة
(3)
سأل الفقر سؤاله صريح
دالكتكوت في البيضة بيصيح
وانتا منيل ساكت هس
يعني منيش سمعلك حس
سؤاله تعبني
غيرلي الحال
لا كان في الخاطر ولا عالبال
بلعت لساني
المر كواني
أجاوب كيـــــــــــــف
اقول ايه تاني
داحنا يا فقر بقينا حبايب
انتا كارهني .......؟؟
اما عجايب
دنا طول عمري بحب الجوع
واما اتعشة ببات موجوع
عوزني اتكلمواقول ايه تاني
سبني ف حالي حزين وحداني
عاوزني اليوم احط قراري
د انا سكني ف عشة وبقول داري
فاكرني مدردح قط براري
لسة ياصاحبي بحاري واداري
واصب في كاسي عجزي وناري
واسقي ولادي مرارة عاري
(4)
وبعلمهم يوم الجد
لما الدمعة تهد الخد
وصوت الحق يكون مكتوم
اوقف وصط الدار واحوم
واقول لولادي كلام محزوم
...... يا بخت من بات مظلـــــووووووووووووووووو وووووم


خالـــــــــــد الهــــــــــــــــــــــ ـواري:hat::hat::os::os:

[أحمد موسي]

ليييييييييييييييييييييييي يييييييييي عوووووووووووووووووووووووو ووووووده
بعد تعديل الهنات الكيبورديه
خالد حبيبي لا تتعجل وتمهل على نصك
وراجعه قبل رفعه هنا

سأعود

[أحمد موسي]

سادد بيك الريح
زي ماتقول يعني غفير
حلم حقيقي مش تفاريح
اهي حاجة تشد ضلوع الزير
........
(2)
قام نطق الفقر وقال
يا صاحب عمري ليا سؤال
....
طيب قول من غير تجريح
اهو كدة يعني معاك تصريح
مانا متسمر جمب الزير
دايما مغلوب مِ الناس منبوذ
انا هخسر ايه ..دنا حيلتي الكوز
يعني شيفني العم (جوزيه)........ مدرب النادي الاهلي
خايف يوم للخطة تبوظ
ولا انا باشا بنيلي عمارة
دا حتة كوز مش يعني خسارة
(3)
سأل الفقر سؤاله صريح
دالكتكوت في البيضة بيصيح
وانتا منيل ساكت هس
أخرص مش طالعلك حس
سؤاله تعبني
قلب الحال
لا كان في الخاطر ولا عالبال
بلعت لساني
المر كواني
أجاوب ازاي
اقول ايه تاني
داحنا يا فقر بقينا حبايب
انتا كارهني .......؟؟
اما عجايب
دنا طول عمري بحب الجوع
واما اتعشى ببات موجوع
عوزني اتكلم ..اقول ايه تاني؟؟
سبني ف حالي حزين وحداني
عاوزني اليوم ليه احط قراري
انا سكني ف عشه وبقول داري
فاكرني مدردح قط براري
لسة ياصاحبي بحاري واداري
واصب في كاسي عجزي وناري
واسقي ولادي مرارة عاري
(4)
وبعلمهم يوم الجد
لما الدمعة تهد الخد
وصوت الحق يكون مكتوم
واقف وسط الدار واحوم
واقول لولادي كلام محزوم
أما يا ويله اللي يبات ظالم
...... ويا بخته اللي يبات مظلـــــووووووووووووووووو وووووم
خالـــــــــــد الهــــــــــــــــــــــ ـواري:hat::hat::os::os:


حبيب قلبي / خالد

طبعاً أنا على قدي
ومش زيك ولا ربعك ولا حتي واحد على مليون جمبك

بس الكيبورد أظنها خانتك في بعض الهنات

أنا عدلت تعديل بسيط على النص انت مش تايه انا متطفل على نصوصك
بحكم الصداقه واني فاهم نفسي شويعر
ما علينا

دا على حسب ذائقتي الصغيره

دمت أخ وصديق وحبيب

تحياتي يا مبدع

أخوك الصغير / أحمد

[خالد الهواري]

حبيب قلبي / خالد
طبعاً أنا على قدي
ومش زيك ولا ربعك ولا حتي واحد على مليون جمبك
بس الكيبورد أظنها خانتك في بعض الهنات
أنا عدلت تعديل بسيط على النص انت مش تايه انا متطفل على نصوصك
بحكم الصداقه واني فاهم نفسي شويعر
ما علينا
دا على حسب ذائقتي الصغيره
دمت أخ وصديق وحبيب
تحياتي يا مبدع
أخوك الصغير / أحمد


شوف يا حمدادة انا فرحان بيك خالص دانتا اخدت مكان عمك طنطاوي يا واد

وطبعا انا لازم في الاصل اشكرك علي الي انته عملتة ده
بس فيه طلب صغير لي عندك


ايه رايك لو قريتها باللهجة الصعيدي حتلاقي مفيش هنات فيها

.....
وبالنسبة للنهاية من ينفعش فيها الاضافة
علشان نهاية اخر بيت هي التي تشرح مدلول القصيدة يا عم احمد


حاول تقراها باللهجة الصعيدي ورد عليا تاني ولو علي الخاص

واعتبر اننا بنتناقش في موضوع بتاعك انته
طبعا بالنسبة لي انا احب مثل هذه النقاشات التي تفيد وكل ما اكتبه لا اعده مقدسا انما هي خواطر ينقصها الوزن والسبك الجيد وانا اكتب لك ولمن يقراء فحق علي ان استمع اليك ايها الهمام
ناهيك عن الصداقة واحكامها دي ممكن تخليك تشاركني في هدومي هههههههههههههههههه



اخوك خالد الهواري

[أحمد موسي]

قرأتها بالصعيديه وممتازه

ولكن يا راجل كنت قولي م الأول انها صعيدي
وبالصعيدي

بدل مانت سايبني اخبط اكده

كت قولي اكتم خاشمي .. واه عاد يا ولد هواري

سلام يا بوي

[محمد عبد القادر]

اللهجة الصعيدية
بيكون ليها مذاق خاص فى الشعر العامى
بتفكرنا بعمنا عبد الرحمن الأبنودى
المعنى هنا جميل أخى خالد
والتعبيرات
سلمت يمينك

[خالد الهواري]

اللهجة الصعيدية
بيكون ليها مذاق خاص فى الشعر العامى
بتفكرنا بعمنا عبد الرحمن الأبنودى
المعنى هنا جميل أخى خالد
والتعبيرات
سلمت يمينك
انها فقط محاولة ايها الرقيق

نحب ان نكون بجواركم
تحية من القلب
ولكمني باقة ورد وهدية
هههههههههههههه
:0014::0014::0014::pr::pr:

خالد الهواري

[الطنطاوي الحسيني]

عاوزني اليوم احط قراري
د انا سكني ف عشة وبقول داري
فاكرني مدردح قط براري
لسة ياصاحبي بحاري واداري
واصب في كاسي عجزي وناري
واسقي ولادي مرارة عاري
السلام عليكم ورحمة الله وبركاته
اخي خالد الهواري
عفاك الله مما كتبت فيه
انا هاقراها صعيدي وارجع
احسن اخد الدرس قبل م لخبط
تقبل تقدير وحبي

[خالد الهواري]

عاوزني اليوم احط قراري
د انا سكني ف عشة وبقول داري
فاكرني مدردح قط براري
لسة ياصاحبي بحاري واداري
واصب في كاسي عجزي وناري
واسقي ولادي مرارة عاري
السلام عليكم ورحمة الله وبركاته
اخي خالد الهواري
عفاك الله مما كتبت فيه
انا هاقراها صعيدي وارجع
احسن اخد الدرس قبل م لخبط
تقبل تقدير وحبي




يا عم طنطاوي دي خربشات كده يعني

انت العلم واحنا فراش حواليك
بنستمتع بنورك الشفاف يا غالي

ربنا يعزك


وطبعا انا مستنيك تاني


خالد الهواري