حقا .. أنت أديب !!

[أحمد حاتم]

ليه تسبنى ؟
............
د انا كنت واقف جنب منك
من بعيد
عمال ادلك عالطريق
رايد خطاك
تصعد لأعلى المنحنى
ليه تسبنى ؟
.................
ليه
لما عقلك ساب جداره
سيبته ليه يركب ضلاله
كنت سيب قلبك يدله
يمنعه
ما هو برضه جاره
ياما شوفت ناره بتكوى
بدنك
تحرقه
إيه اللى صابه
يا مفترى
ليه تسبنى ؟
...............
أنا بس لو سيبت القلم
ياخدلى حقى
من عنيك
لو حتى كانت بين إيديك
كل الأمم
ما هو دا القلم
اللى نقل يومها الألم
زرع الأمل
لا عمره هاب
ولا هزه مره
المعتقل
إصحى لنفسك
بص شوفها خطوتك
رايحه لهلاك !
وللا تكمل رحلتك ؟
ليه تسبنى ؟
.................
ما هو أصله عيب
وانته الأديب
لما تعيب
على عمر ضحى
بزهوته
رايح تعايره بالسنين !!
يابنى اختشى
خللى الكلام ده
للعفين
إنأى بنفسك عن سباب
تلقى لقلبك ألف باب
راح ينفتح
بلاش تغامر بالضياع
إنزل
وسيبك م الغرور
اعمل مرور
إكتب بقلبك صفحتك
دون دموعك فى الكتاب
إرسم أمل
إفتح له باب
إبدى الندم على عملتك
نضف تيابك م السواد
إضربها مره وجنتك
يمكن تفوق وتحس
جرح كلمتك
كات سوط عذاب
ينشب مخالبه ف دنيتك
ليه تسبنى ؟
................
خللى الأدب يرجع
لبيته لسكته
دا انته الأديب
اللى الزمان شاهد
وعارف محنته
يمكن رجوعك
والندم
يداوى جرحى م الألم
وارجع أقابل صفحتى
يمكن تعود من تانى
ليا خطوتى
وامشى أكمل وحدتى
من غير غضب
من غير آلام
لأنى ناوى اكمله
عمرى الصغير
اللى هان
اللى انته كنت بتشتمه
أنا لسه ناوى اكمله
وهاكمله
لألف عام
هاكمله
..............
ليه تسبنى ؟

[أحمد موسي]

عُمرك مهانشِ ولو ليوم
إيه يعني كان مليان هموم ؟؟
لازم تقوم وتكمله
تمشي الطريق من أوله
واياك يهزك كلمه مُرَّه سمعتها
جراحنا بتروح بس تاخد وقتها
وهتنتهي .... وهتختفي
نار الألم راح تهدى بكره
وتنطفي
واياك تقول عليه أديب
أصل الأديب
عمره ما يطلع منه عيب

.........................

وسكت ليه سيبت القلم
يرضى بمرارك .. بالألم
خليه يقول كل الكلام
اياك تشيل جواك ألام
اياك تطاطي للعذاب
افتح لقلبك ألف باب
انسى اللي باعك فاكره ليه؟؟
منت اللي عمرك هان عليه

.......

بعد اما دليته الطريق
قام راح وزقك ف الغريق
خلّّاك تدوق طعم العذاب
وتبقى أعمى ف يوم ضباب
ودا كله كان علشان وفيت

.................

في القرآن...
اللي يعامل بالاحسان
مش بيلاقي الا الاحسان
بس الحسنى جزاتها اليوم
تبقى الضرب على القفيان
بس برغم القسوه يا حاتم
إوعى تقول انا عمري اتهان
أو الاقيك مجروح ندمان
اللي يبيعك مرَّه يا صحبي
أحلف إن دا مش انسان
إطلق قلمك .... يمسح ألمك
وارمي وراك كل الأحزان


المبدع الرائع الجميل أحمد حاتم
إي دا ....... ألق وإبداع

رائع مبدع وفنان
جميل يا حاتم كل يوم عن اللي قبله
طائر ونص وتلات اربع ... وان كان مش عجبك
نقول كبير جبابرة القلم وقادة الفكر وعمالقة الإبداع

تقبل المداخله الصغيره الارتجاليه
وتقبلها بخللها فهي بنت اللحظه


تحيتي لأخي الكبير
:v1::v1::nj::nj::001::001::0014::0014::0014:
أخوك الصغير /
أحمـــــــــــ مــــــوســـــى ــــــــــــــــــــد

[الطنطاوي الحسيني]

السلام عليكم ورحمة الله وبركاته
قصيد جميل وهدف اجمل
اعجبتني جدا موسيقاها
وهي فعلا هادئة حتى يعقل صاحبك ويرجع كان لابد له من نصيحة
وهذه سليقة في الشاعر جميلة
همسة
ياما شوفت ناره بتكوى
بدنك
تحرقه
لو تدور البيت كالاتي يكون اجمل
ياما شوفت ناره بتكوي بدنك
تحرقه
لآن الوقفة بعد بتكوي وتبدأ مرة اخرى ب تحرقه ثقيلة بعض الشيئ
انت جميل ومبدع يا حاتم
ولو لم اثبت لك الرسالة لثبتها دمت بجمال روحك ومواضيعك القيمة الهادفة
اعجبني رد اخوك احمد موسى جدا ودخوله روح القصيدة ومضمونها
تقديري واعجابي
طنطاوي

[غازى كلخ]

الحبيب أخي .أحمد حاتم
الله ما أروعك !
وليسمح لي العزيز الشاعر أحمد موسى أن أقتبس حلاوة رده...
.

https://www.rabitat-alwaha.net/wahagr/icons/rose.gif حبيبي يا حاتم




عُمرك مهانشِ ولو ليوم
إيه يعني كان مليان هموم ؟؟
لازم تقوم وتكمله
تمشي الطريق من أوله
واياك يهزك كلمه مُرَّه سمعتها
جراحنا بتروح بس تاخد وقتها
وهتنتهي .... وهتختفي
نار الألم راح تهدى بكره
وتنطفي
واياك تقول عليه أديب
أصل الأديب
عمره ما يطلع منه عيب
........................................
الله ما أجمل الأحمدين!

[أحمد حاتم]

عُمرك مهانشِ ولو ليوم
إيه يعني كان مليان هموم ؟؟
لازم تقوم وتكمله
تمشي الطريق من أوله
واياك يهزك كلمه مُرَّه سمعتها
جراحنا بتروح بس تاخد وقتها
وهتنتهي .... وهتختفي
نار الألم راح تهدى بكره
وتنطفي
واياك تقول عليه أديب
أصل الأديب
عمره ما يطلع منه عيب
.........................

أحمد موسى الله عليك
لا أروع ولا أجمل من ذلك
عار ف ياأحمد
جعلتنى أرى أنفاسك بكلماتك هذه .. شعرت بها
تملكتك بقناعة منك قوية .. فصاغتها بشفافية روحك الطاهرة
وموهبتك الرائعة ....
إن كانت بنت اللحظة ......... فيدك ستصيغ قريبا كل اللحظات بنفس الروح وذات الموهبة الراقية .
..............................
أخى ....
يكفيه أنه سبنى
شتمنى ، وأوقع بى أضرارا بليغة ، لم يتخير إلا الأسوأ ليفعله .
وأنا على ثقة أنه لن يتمكن من كتابة شئ ذا قيمة منذ الآن ....
وهذا يكفيه كى يفخر بذاته الزجاجية . الذات الزجاجية دى موضوع جاى فى السكة ان شاء الله .
.................................................. .................................................. ...............
أبو حميد
دوما ترفع معنوياتى
أيها الطائر الجميل
تمنياتى لك بانهاء امتحاناتك مكلل بإذن الله بالتفوق والسداد.
حفظك الله أخى الحبيب
وبارك لك وأدام عليك موهبتك وروحك المبدعة .
.........................................

[أحمد موسي]

أنا يا حبيبي عشان حبيتك
مستحملش الاقيك مجروح
واوعى تفكر تكتب ليه
اقفل بابك.... ليه مفتوح ؟؟
إوعى يا حاتم تعتب يوم
علّي سقاك أحزان وهموم
هوا ف بعدك بكره يلاقي
كل الدنيا ضباب وغيوم
هوا أكيد ملهوش إحساس
ذاته يا صحبي دِ ذات زجاجيه
لكن ذاتك من ألماس
.........................
إوعى تفكر تكتب ليه
أو تندم لو لحظه عليه
هوا هيندم لما هيشبع
واوعى يهمك دمع عنيه
..........................
اللي يخونك مره يا حاتم
عادي إنه يخونك مليون
صاحب ربك واقرا كتابه
اطلب رحمته واخشى عذابه
وانسى اللي يبيعك ويخونك
شوف مين بيحبك ويصونك
شوف مين بيخفف أوجاعك
وانسى اللي يفنن ف خداعك
واللي يقولك عمرك هاين
سيبك منه دَ واحد خاين
لو كان فاكر لُقمه زمان
قسّّّمتوها بكل حنان
عمره ما فكر يخدع يوم
إنت مهنتش ..... هو اتهان
............................



حبيبي الغالي / أحمد حاتم
أنا لا موهوب ولا حاجه والله الموهبه بعينها يعني أحمد حاتم
ياريت متكتبلوش أي حاجه تاني لان بصراحه ميستاهلش
وياريت متتأثرش بكلامه وشتايمه وإهانته وكل دا
الكلام دا والله ما يطلع من أديب أبدا

لإن لفظ أديب أصله الأدب واللي يشتمك يبقى عديم الأدب والله
إنت إنسان محترم وشخص أنا فخور اني عرفته واتمنى والله لو نتقابل قريب
أنا فعلا محتاج اقعد معاك ولو ساعه

ان شاء الله يا أحمد احنا داخليين الجنه مع بعض وف ظل الرحمن
بإذن الله

(رجلان تحابا في الله اجتمعا عليه وتفرقا عليه) وصدق رسول الله
صلى الله عليه وسلم

وطبعا معانا ان شاء الله عمنا طنطاوي والدكتور غازي وخالد الهواري ومحمد عبد القادر
إحنا مجموعه أو فريق اتجمع مش علشان الشعر والكتابه وبس لاء إحنا هنا روح واحده
ودا اللي انا ملاحظه وانا فرحان والله بكده بنعلم بعض ونتعلم من بعض وننصح بعض ونرشد بعض
وربنا ياخي مايحرمنا من بعض

معلش اني برجع على صفحتك أكتر من مره بس دا لاني بحبك في الله
وان شاء الله لي أكتر من رجعه لو أراد الله وكان في العمر باقي

تقبل ارتجالي الآن فهو بردو ابن اللحظه

أخوك الصغير الفخور بيك

أحمد موسى

[أحمد حاتم]

أخى الجميل الشاعر والأديب الحبيب / الريس طنطاوى ...............
عله سيدى ، يعود عن التجريح ، كانت له مكانة ، أخشى أن يكون قد أزالها بإصراره على بقاء فعلته .
........................................
البيت الذى أشرتم إليه ، أشارككم رأيكم فالصواب ما قلت أخى الكريم .
والله أنا أكون سعيد حين أجدك وقد أعجبك نص لى .
وجودك وتعليقك أعلى وأهم من تثبيت النص ، لا تبخل على به .
...........
أحمد موسى بحق دخل مود النص قلبا وقالبا موهبة تستحق الرعاية .
.................
أخى الجميل
إجعلها دائما متألقة
تحيتى وشكرى العميق

[أحمد حاتم]

العزيز الغالى
الدكتور غازى
شاعر الأرض والدار
.....................................
روعة حضورك وروائحك العطرة تبهجنى
مداخلة أخونا أحمد موسى والنص وصاحب النص ينتظرونك دوما
أنت من الفريق
فلا تغب أيها الحبيب .

[أحمد حاتم]

داخلنى شك للحظة ....
تساؤلى المتكرر فى النص ( ليه تسبنى ؟ )
المقصود به وما أعنيه ( ليه تشتمنى ؟ ) .... إذ قد يعتقد البعض غير ذلك ويفهم التساؤل بشكل مغاير .. على أنه ( ليه تتركنى ؟ )
المقصد واضح من النص ... وهو بمعنى ( ليه تشتمنى ؟ )
رجاء لمن بيده الأمر إضافة ذلك أسفل النص .
تقديرى

[أحمد موسي]

يا حبيبي يا غالي

احنا طبعا فاهمين قصدك من كلام القصيده
يا بو الذات الألماسيه الجميله

يلا ياعم ورينا إبداعاتك

عشان اللي بالي بالك يعرف مين الأديب اللي بحق

(والنبي لنكيد العزال... ونقول اللي معمره اتقال)

هههههههههههههههههه

هشتغلك محرم فؤاد أهو

ومع ذلك عمنا مصراوي هيعملك اللي انت عايزه

انت تؤمر يا بو حميد والكل ينفذ

دعواتك بقى امتحاني بكره

سلام

[أحمد حاتم]

أنا يا حبيبي عشان حبيتك
مستحملش الاقيك مجروح
واوعى تفكر تكتب ليه
اقفل بابك.... ليه مفتوح ؟؟
إوعى يا حاتم تعتب يوم
علّي سقاك أحزان وهموم
هوا ف بعدك بكره يلاقي
كل الدنيا ضباب وغيوم
هوا أكيد ملهوش إحساس
ذاته يا صحبي دِ ذات زجاجيه
لكن ذاتك من ألماس
.........................
إوعى تفكر تكتب ليه
أو تندم لو لحظه عليه
هوا هيندم لما هيشبع
واوعى يهمك دمع عنيه
..........................
اللي يخونك مره يا حاتم
عادي إنه يخونك مليون
صاحب ربك واقرا كتابه
اطلب رحمته واخشى عذابه
وانسى اللي يبيعك ويخونك
شوف مين بيحبك ويصونك
شوف مين بيخفف أوجاعك
وانسى اللي يفنن ف خداعك
واللي يقولك عمرك هاين
سيبك منه دَ واحد خاين
لو كان فاكر لُقمه زمان
قسّّّمتوها بكل حنان
عمره ما فكر يخدع يوم
إنت مهنتش ..... هو اتهان
............................
حبيبي الغالي / أحمد حاتم
أنا لا موهوب ولا حاجه والله الموهبه بعينها يعني أحمد حاتم
ياريت متكتبلوش أي حاجه تاني لان بصراحه ميستاهلش
وياريت متتأثرش بكلامه وشتايمه وإهانته وكل دا
الكلام دا والله ما يطلع من أديب أبدا
لإن لفظ أديب أصله الأدب واللي يشتمك يبقى عديم الأدب والله
إنت إنسان محترم وشخص أنا فخور اني عرفته واتمنى والله لو نتقابل قريب
أنا فعلا محتاج اقعد معاك ولو ساعه
ان شاء الله يا أحمد احنا داخليين الجنه مع بعض وف ظل الرحمن
بإذن الله
(رجلان تحابا في الله اجتمعا عليه وتفرقا عليه) وصدق رسول الله
صلى الله عليه وسلم
وطبعا معانا ان شاء الله عمنا طنطاوي والدكتور غازي وخالد الهواري ومحمد عبد القادر
إحنا مجموعه أو فريق اتجمع مش علشان الشعر والكتابه وبس لاء إحنا هنا روح واحده
ودا اللي انا ملاحظه وانا فرحان والله بكده بنعلم بعض ونتعلم من بعض وننصح بعض ونرشد بعض
وربنا ياخي مايحرمنا من بعض
معلش اني برجع على صفحتك أكتر من مره بس دا لاني بحبك في الله
وان شاء الله لي أكتر من رجعه لو أراد الله وكان في العمر باقي
تقبل ارتجالي الآن فهو بردو ابن اللحظه
أخوك الصغير الفخور بيك
أحمد موسى
الحبيب الغالى أحمد موسى
هذا هو المكسب الحقيقى .. ونعم الأخ الحبيب والصديق الغائب عنى الحاضر فى القلب والروح .
ولهذه المكانة الكبيره
أنا راح اقولك
ماشى يااحمد مش راح أكتب
عارف ليه ؟
أصل أنا شايفه
خابزه وعارفه
واهو ادامى بدمع عنيه
قاعد يضحك
ماسك ورقة فيها بيشخبط
كل ما يكتب كلمة
يهلفت
مش لاقى حرف فى جملة مفيدة
ولا لاقى نفسه
ولا قادر يكتبها هواجسه
متقطع جواه نصين
نص بيكتب ... والتانى يمسح
وهوه بيكذب عالاتنين
نور ونارين
فيه قايدين
ومرايته عاكساله شخصين
واحد اسمه يشبه إسمه
وواحد متغطى بتعابين
وبرأيك أنا يااحمد هاعمل
مش هاكتب فيه السطرين
هوه عارفهم
لأ دا حافظهم
ما هو قلمه بيكتب براسين
...........................
الحبيب أحمد
دمت بجمال روحك هذه ودمت مشع ضياء مع ذلك الفريق البديع
ما أجمل أن يكون فريقك وربعك من الفنانين
الريس طنطاوى
الدكتور غازى
والمهندس محمد عبد القادر
وخالد الهوارى
والعبد الفقير
وكل من كان صافى القلب والروح من الإخوة والأخوات جميعا
جمعنا الله فى ظله .
...........................................
أشكرك يا احمد على تفاعلك الرائع وانشغال قلبك بألمى
ياراجل انته عملت قصيدة تستحق تكون توبك مستقل .
أحمد .. أنت فى القلب .......... فابقى

[أحمد حاتم]

يا حبيبي يا غالي
احنا طبعا فاهمين قصدك من كلام القصيده
يا بو الذات الألماسيه الجميله
يلا ياعم ورينا إبداعاتك
عشان اللي بالي بالك يعرف مين الأديب اللي بحق
(والنبي لنكيد العزال... ونقول اللي معمره اتقال)
هههههههههههههههههه
هشتغلك محرم فؤاد أهو
ومع ذلك عمنا مصراوي هيعملك اللي انت عايزه
انت تؤمر يا بو حميد والكل ينفذ
دعواتك بقى امتحاني بكره
سلام

ستبقى جميلا وعزيزا وحبيبا ولولا منفاى لكنت أتيتك ووقفت بباب خيمة الامتحان
بالبيبسى والساندوتشات

بالتوفيق بإذن الله
وطمنى أول بأول

[أحمد موسي]

الحبيب الغالى أحمد موسى
هذا هو المكسب الحقيقى .. ونعم الأخ الحبيب والصديق الغائب عنى الحاضر فى القلب والروح .
ولهذه المكانة الكبيره
أنا راح اقولك
ماشى يااحمد مش راح أكتب
عارف ليه ؟
أصل أنا شايفه
خابزه وعارفه
واهو ادامى بدمع عنيه
قاعد يضحك
ماسك ورقة فيها بيشخبط
كل ما يكتب كلمة
يهلفت
مش لاقى حرف فى جملة مفيدة
ولا لاقى نفسه
ولا قادر يكتبها هواجسه
متقطع جواه نصين
نص بيكتب ... والتانى يمسح
وهوه بيكذب عالاتنين
نور ونارين
فيه قايدين
ومرايته عاكساله شخصين
واحد اسمه يشبه إسمه
وواحد متغطى بتعابين
وبرأيك أنا يااحمد هاعمل
مش هاكتب فيه السطرين
هو عارفهم
لأ دا حافظهم
ما هو قلمه بيكتب براسين
...........................
الحبيب أحمد
دمت بجمال روحك هذه ودمت مشع ضياء مع ذلك الفريق البديع
ما أجمل أن يكون فريقك وربعك من الفنانين
الريس طنطاوى
الدكتور غازى
والمهندس محمد عبد القادر
وخالد الهوارى
والعبد الفقير
وكل من كان صافى القلب والروح من الإخوة والأخوات جميعا
جمعنا الله فى ظله .
...........................................
أشكرك يا احمد على تفاعلك الرائع وانشغال قلبك بألمى
ياراجل انته عملت قصيدة تستحق تكون توبك مستقل .
أحمد .. أنت فى القلب .......... فابقى


خليه يضحك
خليي يشخبط
خليه يتنطط م الفرحه

مهما هيكتب
قلمه هيغلط
انا لو منه هألبس طرحه

مرّه أبويا
قالي زمان
أكتر فرح اللي يبكيك


ردت أمي
وقالت بردو
أكتر هم اللي يخليك

ترسم ضحكه
عشان تتدارى
فجأه تضَحَك مِن حواليك

ضحكته ضحكه
يادوب مرسومه
ميهزكش....
و
شوف البومه
تهرب منها الصيده تقوم
ترسم ضحكه لكن مهمومه

اوعى يهمك رقصه كمان
سيبه يدوق المُر الوان
سيبه يحس بقيمة حاتم
بكره هيعرف مين اتهان

الحبيب الغالي / أحمد حاتم

قلبي يعني لو مش هينشغل بألمك يا صحبي يبقى لزومه إيه ؟؟
متقولش كدا لازعل منك ومعلش الارتجال قصير لان الوقت اقصر
وهقوم أذاكر ولي عوده ان شاء الله

بحبك في الله وعارف انك بتحبني والله

سلام يا غالي

[أحمد حاتم]

الحبيب أحمد موسى
كلامك جميل يابو حميد ، ويدلل على تلك العاطفة الربانية
ادامها الله ..
وأدام عليك فطرتك الباهجة
تمنياتى لك بالتوفيق والتفوق .

[الهام احمد سعد]

المبدع / أحمد حاتم
ابداع جيد ومعاتبة قاسية
وقلم يعلم ما يكتب
تحياتى وتقديرى لك ولنصك