أحمد حاتم
20-06-2009, 10:24 AM
باعتبارك
نايم فى العسل
لا مؤاخذه ..
أو
فى الهبل
سامحنى ..
تتبعتر روحك
والوجل يلف حبله
مع الزعل
على أعصابك
تمسك دوغرى إديك
منخارك
ودموعك تخنق أفكارك
أصلها شايفاك
حافظاك قرياك
مخالبها رقيقه
بتختارك
..................
تقوم من نومك مش عارف
تنده على حد من صحابك
وعنيك بتدور فى مرايتك
تحكى حكايتك
تقعد وتقول
من ساعة صفر لحد ما تقطع
أنفاسك
....................
أنا عارف إنك متحير
ودم عروقك متغير
والنبى لتهديها أعصابك
...................
ساعة ما بشوفك جنبى
كان لازم ادارى واخبى
.................
هوه إيه بعد صفر ؟
واحد !!
إيه رأيك ياعم التايه ؟!
إسأل جارك
يمكن نفهم منه المعنى
أصل الواد ده جاى يخدعنا
إبن أبو سالم ؟
ولا ابو مبارك ..
ارجع شوفها
عيد أفكارك
طيب ليه مش قبل الصفر
هيه هتفرق ؟!
لا والله
دا حتى العكس
يعمل معنى
خد دى كمان وخلى دماغك
تصحى وتعلا
أى حاجه بعد واحد
أو قبل واحد
صاحى معايا ياعبد الواحد ؟
وكل رقم
قول اللى قبله
واحكى كويس لما تقابله
علشان يفهم
إنه بيفهم
والسنيورة تقعد تتحسر
بس هتفهم ؟
إلّا هتفهم .،
لأ متخافش عليها دى واعيه
دى تنصح جدك
وكبير عيلتك
وتوديك للبحرالعاذب وتيجى سعادتك
محتاج تشرب
بتقول إنك محتاج تشرب ؟
طيب .. إشرب
......................
أنا مش عايزك كده تستغرب !!
نفض راسك بحلق إضرب
شايف عينك بتقول نهرب
أنا راح أقولك وابعد إيدك
إياك تضرب
..................
أصلها أمى كانت محتاجه
لخمسه جنيه
أو لدينار
كانت والعه ساعتها
ف بيتنا شعلة نار
العفاريت بتغنى وترقص
فرانكو آراب
أى والله
جوه الدار
رغم فى ذات الوقت دا هوه
عاملين معزى
وكان لازم يتعمل الزار
كات عاوزه بخور
وخمسه وخميسه
تعلقها ف رقبة تور
وأتر من نمله
ومنقار صقر
فى معدة معزه
وصفر مخروم
داير محروم
ناويه تلف
حوالين منه عاوزه تحوم
زعلت جريت نزلت حافيه
راحت تنده عالمرحوم
كنت ساعتها
واقف محتار
أجرى أجيبها .. وللا أسيبها
أسيب الدار ؟
.................
دور تانى معايا من فضلك
يمكن نلقى الخمسه جنيه
مد لى إيدك
وبرضه أنا سيدك
وانده عالسنيوره التايه
والصفر المخروم وحياتك
خليها ترميه
أو
تخفيه
ما هو عم التايه عامل تايه
علشان خاطرى..
لو انته فهمت إبأه تعالى
وقول أنا بنت
جوه هدومى
ومتنساش تجينى عالناصيه
من ناحية
الواجهه الآسيه
هناك
عند الدكانه اللى من غير جدار
دكانة عبده العطار
راح تعرف كل الأسرار
هتلاقى هناك
خمسة أصفار بالعين الدار
عاملين طابور واقف زنهار
صفر بعد صفر، صفر قبل صفر
صفر جنب صفر ، صفر فوق صفر
والصفر الخامس جواك انته
يا أجمل صفر
رتب فيهم شمال ويمين
وابعت نادى عالمجانين
والحلوين
الدايبين
فهمت يا عم التايه ؟!
وللا لساك نايم فى العسل
وبتلحس فى طين الهبل
والله ما انا عاوزك تحتار
بس اعمل لك إيه
إنته السبب
يا..........
نايم فى العسل
لا مؤاخذه ..
أو
فى الهبل
سامحنى ..
تتبعتر روحك
والوجل يلف حبله
مع الزعل
على أعصابك
تمسك دوغرى إديك
منخارك
ودموعك تخنق أفكارك
أصلها شايفاك
حافظاك قرياك
مخالبها رقيقه
بتختارك
..................
تقوم من نومك مش عارف
تنده على حد من صحابك
وعنيك بتدور فى مرايتك
تحكى حكايتك
تقعد وتقول
من ساعة صفر لحد ما تقطع
أنفاسك
....................
أنا عارف إنك متحير
ودم عروقك متغير
والنبى لتهديها أعصابك
...................
ساعة ما بشوفك جنبى
كان لازم ادارى واخبى
.................
هوه إيه بعد صفر ؟
واحد !!
إيه رأيك ياعم التايه ؟!
إسأل جارك
يمكن نفهم منه المعنى
أصل الواد ده جاى يخدعنا
إبن أبو سالم ؟
ولا ابو مبارك ..
ارجع شوفها
عيد أفكارك
طيب ليه مش قبل الصفر
هيه هتفرق ؟!
لا والله
دا حتى العكس
يعمل معنى
خد دى كمان وخلى دماغك
تصحى وتعلا
أى حاجه بعد واحد
أو قبل واحد
صاحى معايا ياعبد الواحد ؟
وكل رقم
قول اللى قبله
واحكى كويس لما تقابله
علشان يفهم
إنه بيفهم
والسنيورة تقعد تتحسر
بس هتفهم ؟
إلّا هتفهم .،
لأ متخافش عليها دى واعيه
دى تنصح جدك
وكبير عيلتك
وتوديك للبحرالعاذب وتيجى سعادتك
محتاج تشرب
بتقول إنك محتاج تشرب ؟
طيب .. إشرب
......................
أنا مش عايزك كده تستغرب !!
نفض راسك بحلق إضرب
شايف عينك بتقول نهرب
أنا راح أقولك وابعد إيدك
إياك تضرب
..................
أصلها أمى كانت محتاجه
لخمسه جنيه
أو لدينار
كانت والعه ساعتها
ف بيتنا شعلة نار
العفاريت بتغنى وترقص
فرانكو آراب
أى والله
جوه الدار
رغم فى ذات الوقت دا هوه
عاملين معزى
وكان لازم يتعمل الزار
كات عاوزه بخور
وخمسه وخميسه
تعلقها ف رقبة تور
وأتر من نمله
ومنقار صقر
فى معدة معزه
وصفر مخروم
داير محروم
ناويه تلف
حوالين منه عاوزه تحوم
زعلت جريت نزلت حافيه
راحت تنده عالمرحوم
كنت ساعتها
واقف محتار
أجرى أجيبها .. وللا أسيبها
أسيب الدار ؟
.................
دور تانى معايا من فضلك
يمكن نلقى الخمسه جنيه
مد لى إيدك
وبرضه أنا سيدك
وانده عالسنيوره التايه
والصفر المخروم وحياتك
خليها ترميه
أو
تخفيه
ما هو عم التايه عامل تايه
علشان خاطرى..
لو انته فهمت إبأه تعالى
وقول أنا بنت
جوه هدومى
ومتنساش تجينى عالناصيه
من ناحية
الواجهه الآسيه
هناك
عند الدكانه اللى من غير جدار
دكانة عبده العطار
راح تعرف كل الأسرار
هتلاقى هناك
خمسة أصفار بالعين الدار
عاملين طابور واقف زنهار
صفر بعد صفر، صفر قبل صفر
صفر جنب صفر ، صفر فوق صفر
والصفر الخامس جواك انته
يا أجمل صفر
رتب فيهم شمال ويمين
وابعت نادى عالمجانين
والحلوين
الدايبين
فهمت يا عم التايه ؟!
وللا لساك نايم فى العسل
وبتلحس فى طين الهبل
والله ما انا عاوزك تحتار
بس اعمل لك إيه
إنته السبب
يا..........