يا وطن [الأرشيف] - ملتقى رابطة الواحة الثقافية

مشاهدة النسخة كاملة : يا وطن

أحمد موسي

22-07-2009, 08:02 PM

مش ذنبي إنّي يدوب ولد بيحبها
رافض أكون حبة تراب فوق أرضها
متبعترين .. متنتورين
حبّه فـِ طولها
وحبّه تانيه فـ عرضها
مش ذنبي إني بحبها
وعشان كدا هكتب لها
واوصف لها
كل الحقيقه فـ كلمتين
وهقولها مين ابنها
أصلي ابنها
رافض أطاطي فـ يوم جبين
أصلي ابنها .. من أرضها
عايش فـ وسط المطحونين
اللي الهموم ليهم فطار
والغدا جرعة مرار
والعشى مش بيلاقوه
اكمنّهم مـ الغلبانين

مش راح امدح يا وطن
بعد اما خدت الحلم منّي
ولسا مدتش التمن
مش ههادي بعقد لولي
ولّا هندم فوق طلولي
ولّا هلعن فـ الزمن
هلعن ترابك
لما سبته للغريب
والعن مديحك
مش هقولك يا حبيب
وانت اللي جايب نعش ليا
وقبلُه جايبلي الكفن
حتى يوم ما بقول يا شعري
بلقى شعري
لسا مليان بالشجن
يا وطن !!!!
سهل جدا إنّي أمدح
الكلام مش مشكله
والقصايد لعبه سهله
مش معادله ومعضله
بس لمّا امدح واداري
غصب عني لما بكتب
ببقى حاسس ليه بصوره
فـي القصايد مخجله ؟؟
عارف ليه ؟؟
عشان الحب يا وطني
مهش غنوه وكام موّال
ولا سطرين على ورقه
ولاهو خطاب عشان يتقال
د رمله واحده من أرضك
مَ تتاقل ولو بالمال
وبعت الرمله والطينه
وبعت الكيله والكيال !!
فقلت الحال هيتبدّل
ولسا الحال د هوا الحال
خلاص يا وطني انا هسكت
معادشي فيّا حيل لجْدال
مدام الآيه معكوسه
وشمّامك كما الكوسه
فهنساك وانت تنساني
لا انا أحمد ولا موسى
ولو عايز أمدّح فيك
هتلقى كلامي بسبوسه
لكن بسكت ولما اسكت
بلاقي سكوتي يتكلم
عشان م الجرح بتألم
عشان انا كل أحلامي
فـ وسط الزحمه مهروسه

يا وطن

يا وطن ريحني لو بتحبني
ياوطن ببني فـِ حلمك
وانت ليه بتهدّني ؟؟
يا وطن عايز ترابك
يبقى ماس
يا وطن راضي أكونلك
لو مداس
بسّ حسّ بحالنا مرّه
ليه شبابنا يضيعوا برّه ؟؟
واحنى خيرنا كتير ويامه
ألف ميت مليون ندامه
إللي جايّ نقوله إرجع
واللي رايح بالسلامه !!

يبقى إيه معنى الوطن ؟؟
يعني الشجن ؟؟
ولّا السكن ؟؟
ولّا حته مننا ؟؟
ولّا اللي قال كلمة وطن
"واكل حلاوه بعقلنا" ؟؟
إحنا ليه نحب الوطن !!
كان الوطن بيحبنا ؟؟
د اديناه م الحب يامه
مدناش غير زلّنا
ليه بنوفي للوطن
واحنا الوطن بيخمّنا ؟؟
واحنا الحزانا من سنين
عالم غريبه فـ أرضنا
ليه رِضينا نعيش غلابه
وحقنا تاكله الديابه
ألف ليه وليه فـ قلبي
بس مش لاقي الإجابه
يا وطن ريحني جاوب
ع السؤال
بكره حالك ينعدل ؟؟
ولّا مش ناوي انعدال
هقول شعري لمين تاني
وانا شعري هزال فـِ هزال ؟؟
أدام مش لاقي مين يسمع
ولا يعقِل
وانا أصلاً منش قوّال
فريحني انت يا وطني
وقولّي إجابه للي اتقال
وشكل إجابتك الجايه
هتبقى سؤال
فجاوب بردو يا وطني
وحطّ نهايه للموّال
أنا تعب الكلام منّي
وغاب عنّي
مفيّاش قدره يا وطني
مفيش احتمال

فيتجاوب
يـ هيجاوب
أكيد شاعر
همومه جبال
فجاوب يا وطن غالي
يا ابن الحلال
وخلّي الفرح يتمكن
من الموال

الشاعر / أحمد موسى

ارتجال في

22/7/2009

الطنطاوي الحسيني

22-07-2009, 10:36 PM

نادية بوغرارة

23-07-2009, 01:57 AM

أحمد موسي

24-07-2009, 01:55 PM

السلام عليكم ورحمة الله وبركاته
اخي احمد موسى الشاعر المدرار كما قالها لي اخ فاضل قبل
مناجاة وبوح خاص للوطن
و لا نحب ان يزايد احد علينا باننا لا نحب الوطن ولكنه عتاب وتصحيح البيت من الداخل
الشاعر هنا حاسس بالوطن الحقيقي ولمسه فلذلك يعتب عليه في صورة حسية جميلة وان كان المشكلة مش في الوطن
نفسه ولكن اسمعي يا جارة والجارة لن تسمع الا بضرب الناي ودق الطبول والحدق يفهم
اخي الحبيب القصيدة جميل ولكن كلمة حدود لحتمال تقيلة ايه رايك لو حد احتما او حمل جمال اي شيئ خفيف بذائقتك
وايضا القفلة ليست في محلها فالوطن ابن حلال مصفي دائما ولكن من يأكل الحقوق باسمه ويدوس على الضعفاء ويضيع العدالة باسمه هو ذاك ما قصدت فرجاء تغيير القفلة لشيئ اخر
لاني القصيدة للتثبيت تشجيعا واستحسانا لموضوعها وجمال الطرق
تحياتي اخي احمد ودمت مبدعا

الحبيب الغالي وأستاذي الجليل / الطنطاوي الحسيني
ربما لا يكتمل النص عندي إلا بمرور الكبار أمثالك وإن كان لمرورك بالذات مذاق خاص
أولاً أشكر لك التحليل الموجز الذي أصابت حروفه كبد الحقيقة

ثانياً اعذرني فقد رفعت النص بعد إرتجاله مباشرة دون أدنى مراجعة
وأظن أنه إختلاف طريقة النطق هي التي تحدث الخلل في الوزن
ولكن لأنني أحبك في الله سأضع تعديلا بسيطاً لما أشرت إليه

بالنسبة للإشارة الأولى لو عدلناها لتصبح من ..

وفاق الشعر جوايا
حدود لِحتمال

إلى

مفيّاش قدره يا وطني
مفيش احتمال

والإشارة الثانية لأنني مقتنع برأيك لأنه الأصوب دون جدال
وإن كان لي وجهة نظر أخرى في قولتي هذه -وأنت تدركها-
ولكنني سأعدلها أيضا لتصبح...

فجاوب يا وطن غالي
وابن حلال
وخلّي الفرح يتمكن
من الموال

علك ترضى عن أخيك الصغير الآن

وأخيرا أرد عليك في كلمة" الشاعر المدرار" ..فهذه الكلمة للكبار فقط
أما أنا فلا زلت تلميذ غرير أقف في آخر الصف على ضفاف الشعر
قالها لك أحد الأصدقاء وأصاب في قوله فلا تخطئ أنت في قولك
واجعلها لمن يستحقها وكفاني تشريفك لي فهو أكبر تشجيع لي

أنتظر رأيك لو أعجبك التعديل... وإن لم يعجبك أخبرني
وسأعيد المحاولة مرّة ثانية

تلميذكم / أحمد موسى

الطنطاوي الحسيني

24-07-2009, 06:24 PM

الحبيب الغالي وأستاذي الجليل / الطنطاوي الحسيني
ربما لا يكتمل النص عندي إلا بمرور الكبار أمثالك وإن كان لمرورك بالذات مذاق خاص
أولاً أشكر لك التحليل الموجز الذي أصابت حروفه كبد الحقيقة
ثانياً اعذرني فقد رفعت النص بعد إرتجاله مباشرة دون أدنى مراجعة
وأظن أنه إختلاف طريقة النطق هي التي تحدث الخلل في الوزن
ولكن لأنني أحبك في الله سأضع تعديلا بسيطاً لما أشرت إليه
بالنسبة للإشارة الأولى لو عدلناها لتصبح من ..
وفاق الشعر جوايا
حدود لِحتمال
إلى
مفيّاش قدره يا وطني
مفيش احتمال
والإشارة الثانية لأنني مقتنع برأيك لأنه الأصوب دون جدال
وإن كان لي وجهة نظر أخرى في قولتي هذه -وأنت تدركها-
ولكنني سأعدلها أيضا لتصبح...
فجاوب يا وطن غالي
وابن حلال
وخلّي الفرح يتمكن
من الموال
علك ترضى عن أخيك الصغير الآن
وأخيرا أرد عليك في كلمة" الشاعر المدرار" ..فهذه الكلمة للكبار فقط
أما أنا فلا زلت تلميذ غرير أقف في آخر الصف على ضفاف الشعر
قالها لك أحد الأصدقاء وأصاب في قوله فلا تخطئ أنت في قولك
واجعلها لمن يستحقها وكفاني تشريفك لي فهو أكبر تشجيع لي
أنتظر رأيك لو أعجبك التعديل... وإن لم يعجبك أخبرني
وسأعيد المحاولة مرّة ثانية
تلميذكم / أحمد موسى
اخي الحبيب احمد موسى
جزاك الله خيرا على الاستجابة وفهم مقصد اخيك
واشكرك للتعديل الجميل
وانا لا ارى اخيك محمد عبدالقادر منذ زمن والاخ محمود موسى
لو تراسلهم على الخاص وتعرفلي ايه الحكاية
تحياتي ايها المبدع الجميل والجمال جمال النفوس قد يفوق فيه التلميذ استاذه يا احمد
تقديري اخي لشاعريتك وجمال بوحك

عمر زيادة

26-07-2009, 04:09 PM

جميلٌ ... راقي ... ثائرْ

...

كعبُكَ عالٍ هنا ...

بوركتَ أيها الحبيبْ .. بوركتَ

محبتي الكبيرة ...

أحمد موسي

27-07-2009, 10:06 PM

أخي الكريم أحمد موسى ،
لا أخفيك انني لا أقرا كثيرا بالعامية المصرية ،
غير أن عنوان موضوعك استوقفني، فوجدته نصا سلسا عذبا زلالا ،
يمر إلى شغاف القلب بموسيقاه الجميلة.
تقبل مروري و هنيئا لنصك التثبيت .

الأخت الغالية والكبيرة مقاما ومقالا / نادية

لمرورك هنا مذاق خاص وطعم بهيّ

أشكر لكِ هذا للمرور وهذا الحضور

أما موضوع التثبيت فوالله لا يفرق عندي
في شئ سوى بعض الفرح ولكنني أرى
مواضيع أكثر إستحقاقية للتثبيت من نصوصي

أعود ثانية للشكر

محبتي

غازى كلخ

28-07-2009, 07:58 AM

أخي الحبيب الشاعر الأصيل ....أحمد موسى

حياك الله وأسعد ك.................ومش ذنبي إني بحبك وبحبها !!!
.....................مش ذنبي إنّي يدوب ولد بيحبها
رافض أكون حبة تراب فوق أرضها
متبعترين .. متنتورين
حبّه فـِ طولها
وحبّه تانيه فـ عرضها
مش ذنبي إني بحبها
وعشان كدا هكتب لها
واوصف لها
كل الحقيقه فـ كلمتين
وهقولها مين ابنها
أصلي ابنها
رافض أطاطي فـ يوم جبين
أصلي ابنها .. من أرضها
عايش فـ وسط المطحونين.................الله عليك ما أجملك شاعرنا الحبيب!

محمد عبد القادر

28-07-2009, 10:59 PM

احمد موسى الشاعر المدرار

أحمد موسى
ياريت تاخد بالك اوى من الكلمة دى
لأنها بداية إحترافك
النص قريته 4 مرات
و مش لاقى تعليق
غير أنا مستنى منك قصيدة مفاجأة
و مش إرتجال
عايز قصيدة مكتوبة بمزاج
إرتجالك أدهشنى أيها الشاعر
تحياتى
و
إلى لقاء

خليل ابراهيم عليوي

28-07-2009, 11:11 PM

عزيزي الشاعر احمد موسى الكريم

لك مني كل الاعجاب و التقدير

شاعر ووطن و ارض و افكار خلاقة مبروك من كل القلب

د خليل

هانيال محمد

29-07-2009, 01:13 AM

جميلة رائعة واكثر ..........
لا تعليق يعبر عن جمال القصيدة
واعذرنى فكلماتى لن توفيك حققــــــــك

تحياااااااتى
وتقبل مرورى

مصطفى السنجاري

29-07-2009, 01:28 AM

** الحبيب أبو شهاب
بوح جميل ومقدس
ويتسلل الى شغاف القلب
وجميل أن نقرأ لك في كل مجال
لك تحياتي المخلصة أيها الغالي

أحمد حاتم

30-07-2009, 01:56 PM

مش ذنبي إنّي يدوب ولد بيحبها
رافض أكون حبة تراب فوق أرضها
متبعترين .. متنتورين
حبّه فـِ طولها
وحبّه تانيه فـ عرضها
.......................

يا متعب !
عاوز إيه بالضبط ؟
الوطن بقه شخص واحد
هوه لوحده إسمها
أبوها هوه وأمها
هاتك شرفها وعرضها
زارع مغوله ف أرضها
وعيلته همه ورثها
وعشان خاطرى ياريت تبلغ سلامى لجدها
.............
هه عاوز حاجه تانيه
أبو حميد خليك حلو وخلى الأيام تعدى
ياإما تيجينى زياره

أحمد موسي

02-08-2009, 07:09 PM

اخي الحبيب احمد موسى
جزاك الله خيرا على الاستجابة وفهم مقصد اخيك
واشكرك للتعديل الجميل
وانا لا ارى اخيك محمد عبدالقادر منذ زمن والاخ محمود موسى
لو تراسلهم على الخاص وتعرفلي ايه الحكاية
تحياتي ايها المبدع الجميل والجمال جمال النفوس قد يفوق فيه التلميذ استاذه يا احمد
تقديري اخي لشاعريتك وجمال بوحك

جميل هو حضورك والأجمل هي عودتك

لا حرمني الله منك وكنت اتمناها( وابن حلال) وليست بالياء
ولكن هي قصيدتك فافعل بها ما شئت

تحيتي وتقديري

حنين الفيروز

18-11-2009, 09:22 PM

ثورتك
مد وجذر
الوطن ربما نفيقه يوما
وحتما استمرار قلمك بهذا التألق
سيلملم ذرات الوطن فى خلايا التفاؤل
والعيش السعيد
دمت شاعرا مبدعا
تحية وتقدير
حنين

عبد الكريم العسولي

25-11-2009, 05:54 PM

ما أجمل أن يعاتب الإنسان وطنه هذا العتاب الرقيق

والذي يدل على الحب الكبير للوطن

ومن يجامل وينافق ويكذب أحيانا ويداري على الوجع والمرض

فإنه يضيع الوطن ويتركه يغرق وهو يتفرج عليه

شعر راق رقراق

تحياتي للأخ العزيز والشاعر النبيل أمد موسى .