فلكلور شعبي - ربك كريم

[الطنطاوي الحسيني]

ربك كريم
موال من الفلكلور الشعبي
للتجديد
بس يارب تعرفو تقروه
/

ربك كريم وحليم= بيحن ع الغلبان
و الدنيا مالها ياناس = ماشية مع الخوان
*****=*****
الآخ واكل أخوه = قاسم لضهره كمان
لا يخاف ف يوم ربنا = لا حساب ولا ميزان
عينه على ماله = باين عليه طمعان
ويبات على شبعه = واخوه وجاره جعان
*******=*****
عيني على شعبنا = دَ ياما يقاسي الويل
قليل قوي الاغنيا = و الفقر مالي الجيل
حتى الغني المليان = غلبان قليل الحيل
مادد إديه لفقرنا = حالف ليملى الكيل
******=*****
د مرة واحد قال = يا شيخنا انا بَاكُل
في الطقة جبنة قريش= مع دودها بتشاكل
حامد لرب كريم = وانا مالي ومشاكل
واقول يارب تدوم=وأقل انا وَاكِل
قاله أقله (التبن )= إصحي لتتاكل
*****=******
عارف مشكالك ايه = يا إبننا الغلبان
كل مبيهتُّوك = تتدارى في الحيطان
شقاك وتعبك راح = ملا جيبهم العمران
مين قال تمكِّنهم = في الظلم يا شقيان
*****=*****
ربك كريم جابر = للي يقول الحق
و يراعي ويصابر = بدون ميكسر حق
لكن إذا حقه =هيضيع يقف ويدق
زي ما قال ال آي = يعرف يقول ال لَأْ
****=****
ولأمتى يا شعبنا =هنداري عجز بميل
ودا صبر يا شعبنا =ولاَّ دي قلة حيل؟
دا اللي قضاه ربنا =الحق لما يضيع
نقفله ونخلصه =من ايد جبان وعميل
****=****
منقلشي من عجزنا= وانا يعني هاعمل ايه
الكلمة ديَّا هروب =والجرح مين يداويه
هنحط ياللا الايد =ف ايد وايد ودا ليه
البحر اصله نقط =هيتاوي مين يعاديه
*****=****
ربك حليم وكريم = بيحن على الغلبان
والدنيا قالبة يا ناس = ماشية مع الخوان
وسكاتنا عن حقنا =راح يقلب الميزان
/
/
التبن : أكل المواشي أعزكم الله
الغلبان :بمعنى المسكين في اللهجة المصرية
الطقة :الاكلة الواحدة
دودها : يعني الدود اللي دايما بيخرج مع الجبنة القريش وهي الجبنة البيضا في (مش) مصري بطريقة معينة
كل عام وانتم بكل خير

[أحمد موسي]

السلام عليكم ورحمة الله وبركاته

كل سنه وانت طيب يا غالي

صوم مقبول بإذن الله ....

حلوة حتة ((الجبنة القديمه أو الحادقة)) - زي مبنسميها فـ الأرياف - عجبتني بجد

ربنا يديمها نعمة ويحفظها من الزوال يا رب

معلش يا عم طنطاوي مش عارف اكتب اليومين دول خالص والله

بس البركه فيك

محبتي

[الطنطاوي الحسيني]

السلام عليكم ورحمة الله وبركاته
كل سنه وانت طيب يا غالي
صوم مقبول بإذن الله ....
حلوة حتة ((الجبنة القديمه أو الحادقة)) - زي مبنسميها فـ الأرياف - عجبتني بجد
ربنا يديمها نعمة ويحفظها من الزوال يا رب
معلش يا عم طنطاوي مش عارف اكتب اليومين دول خالص والله
بس البركه فيك
محبتي
سلام الله عليكم اخي احمد موسى
كل عام وانت بكل خير ورحمة ايها الحبيب
وتقبل الله منا ومنكم اللهم امين
اخي الحبيب فينك وشعرك الهادر
مش عارف تكتب ليه د شهر جميل وعبادة وصفاء يعني حاجة تساعد ع الابداع
ربنا يسرهالك
واشكر لك دعواتك الصادقة وودمت بقلب اخيك يا احمد

[خالد الهواري]

هههههههههههههههههههه
يا عم طنطاوي مالو المش ومالو الدود
دول احسن حاجة في الوجود
ههههههههههههههههه

[أحمد موسي]

هههههههههههههههههههه
يا عم طنطاوي مالو المش ومالو الدود
دول احسن حاجة في الوجود
ههههههههههههههههه

الله ينور عليك يا خلوووووووود
وما يحرمك ....
لا من المش .. ولا مـِ الدووووووود

d: D: D: D:

[الطنطاوي الحسيني]

هههههههههههههههههههه
يا عم طنطاوي مالو المش ومالو الدود
دول احسن حاجة في الوجود
ههههههههههههههههه
السلام عليكم ورحمة الله وبركاته
كل عام وانت بكل خير ورحمة وبركة
رزقنا الله واياك فضل الشهر و ليلة القدر
حبيبي خالد انا بصراحة مستقلتشي الجبنة القريش والمش والدود
ولكن هذاالذي يدعي انه راضي اقل من كده وسايب حقه ونايم عنه يتاكل من الوحوش والغيلان
ومين بقى هيقفلهم اذ كنا اكتر من دود المش لو وقف نصنا بس لهم والله ليموتو من رعبهم قبل ما يتحاسبو
وكان لازم الشيخ يفوقو عشان يصحى من غفلته
يقول الله عز وجل (ولولا دفعُ اللهِ الناسَ بعضَهم ببعضٍ لهُدِّمَتْ صوامعٌ وبِيَعٌ ومساجدٌ يُذْكَرُ فيها اسمُ اللهِ كثيرا)صدق الله العظيم
فلابد من المواجهة لترحمنا وترحمهم ايضا من ظلمهم ولكن المختلف فيه الطريقة والاسلوب في تلك المواجهة للحق
رمضان كريم ياخالد يا حبيبي

[أحمد موسي]

يا عم طنطاوي ....

هدمت إيه ؟؟؟ مش تكمل عشان لو حد من أعداء الدين
قرا التعليق ميقولش حاجه كدا ولا كدا

ع العموم آهي

((وَلَوْلَا دَفْعُ اللَّهِ النَّاسَ بَعْضَهُمْ بِبَعْضٍ لَهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيرًا وَلَيَنْصُرَنَّ اللَّهُ مَنْ يَنْصُرُهُ إِنَّ اللَّهَ لَقَوِيٌّ عَزِيزٌ))

وشكرا

[الطنطاوي الحسيني]

يا عم طنطاوي ....
هدمت إيه ؟؟؟ مش تكمل عشان لو حد من أعداء الدين
قرا التعليق ميقولش حاجه كدا ولا كدا
ع العموم آهي
((وَلَوْلَا دَفْعُ اللَّهِ النَّاسَ بَعْضَهُمْ بِبَعْضٍ لَهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيرًا وَلَيَنْصُرَنَّ اللَّهُ مَنْ يَنْصُرُهُ إِنَّ اللَّهَ لَقَوِيٌّ عَزِيزٌ))
وشكرا
جزاك الله خيرا اخي احمد لإكمال الآية وتشكيلها
تقديري وكل عام وانتم بكل خير

[سيد الموجى]

عارف مشكالك ايه = يا إبننا الغلبان
كل مبيهتُّوك = تتدارى في الحيطان
شقاك وتعبك راح = ملا جيبهم العمران
مين قال تمكِّنهم = في الظلم يا شقيان
*****=*****


قال إيه رماك ع المُر قال اللى منه أمرّ
ولو اتداريت فى الحيط باعمل كدا مضطر
زى النخيل لما وقت الرياح بيميل
ويعود يشب لفوق ، الحرب كرّ وفرّ !
....................
شاعرنا الجميل / الطنطاوى الحسينى
مداخلة سريعة مع مقطع من قصيدتك الجميلة
وإن كانت مداخلتى لا ترقى لمستوى كلماتك
دمت مبدعا

[الطنطاوي الحسيني]

قال إيه رماك ع المُر قال اللى منه أمرّ
ولو اتداريت فى الحيط باعمل كدا مضطر
زى النخيل لما وقت الرياح بيميل
ويعود يشب لفوق ، الحرب كرّ وفرّ !
....................
شاعرنا الجميل / الطنطاوى الحسينى
مداخلة سريعة مع مقطع من قصيدتك الجميلة
وإن كانت مداخلتى لا ترقى لمستوى كلماتك
دمت مبدعا

سلام الله عليك اخي الحبيب سيد الموجي
شاعرنا الاصيل احب شعرك جدا ويعجبني فيك اخي وثوقك من نفسك
وانت اهل لهذه الثقة ان شاء الله
اما عن مداخلتك فهي اجمل من الاصل
لكن لي رد عليها
ولأمتى يا شعبنا هنداري عجز بميل
ودا صبر يا شعبنا ولاَّ دي قلة حيل؟
دا اللي قضاه ربنا الحق لما يضيع
نقفله ونخلصه من ايد جبان وعميل
****
منقلشي من عجزنا وانا يعني هاعمل ايه
الكلمة ديَّا هروب والجرح مين يداويه
هنحط ياللا الايد ف ايد وايد ودا ليه
البحر اصله نقط هيتاوي مين يعاديه
****
اخي سيد مال النخيل كتير نفسنا يتعدل بقى لينكسر
تقديري ايها الحبيب
وكل عام وانت بكل خير ورحمة وبركة
شرفتني بمرورك الجميل المبدع

[غازى كلخ]

الحبيب أخي ..الطنطاوي

تدخل القلب بسرعة صاروخ كلماتك المضيئه كرامة وعزة وحيوية مقاتل عنيد ضد الباطل

أحييك أخي الكريم

...............يقول الله عز وجل (ولولا دفع الله الناس بعضهم ببعض لهدمت)صدق الله العظيم...........
.................................جعلنا الله وإياكم جندا للحق ندفع الباطل

وكل عام وأنتم بخير أخي العزيز

[الطنطاوي الحسيني]

الحبيب أخي ..الطنطاوي

تدخل القلب بسرعة صاروخ كلماتك المضيئه كرامة وعزة وحيوية مقاتل عنيد ضد الباطل

أحييك أخي الكريم

...............يقول الله عز وجل (ولولا دفع الله الناس بعضهم ببعض لهدمت)صدق الله العظيم...........
.................................جعلنا الله وإياكم جندا للحق ندفع الباطل

وكل عام وأنتم بخير أخي العزيز
اخي الكريم د غازي كلخ
كل عام وانتم بخير ورحمة وبركة
صوم مقبول وشهر مقبول
تقبل مني صادق الدعاء
وجزاك الله خيرا ايها لفاضل العزيز