هتغير

[الشرقاوى المصرى]

هتغيــر
...........
ما دام الظللم فــاق الحد مادام القلــب مالهــوش حـــد
مادام الكل ناســى الــود خــلاص يا دنيــــــــــا هتغيــر
هشيل الطيبة من كاسى وادوس على قلبى واحساسى
وهبقى زيهـــم قاســــى مش هبكى فى يوم ولا اتحير
..................................
زمان الرحمــة مش بيفيــد فى وسط نفوس بقت ظالمة
ونــــور الحـب مـش هيقيد فى دنيـــا اصبحــــت ضلمـة
يئست خلاص من المشوار وكله فى نظرى ولا يســـوى
هسلـم نفســـى للتيـــــــــار واعـــــود قلبــى ع القســوة
................................
سنين عدت وطول عمـرى بسامح واجى على روحى
محدش همه يـــــوم امرى محـدش حـس بجروحــــى
سامحت كتير ومين يسمع ماعـــادش قلــوب بتتأثـــر
عملت الخير عشان يشفـع لقيتــه ضعيـــف بيتكســــر
.................................
حاولت اعيش واتصور بانى هلاقــــى احبــاب
فضلــت ألــــــف وأدور لقيتنى فى وهم كــداب
قلوب الناس بقت قادرة تدمر كل شـــئ طاهــر
ايدين الناس بقت غادرة بتطعن حتى فى الظاهر
..................................
........................
...........

[نبيل مصيلحى]

جميل ياشرقاوي
أغنية ذات موسيقي متناغمه
وكلمات واعيه لها معنى
تحياتي
نبيل مصيلحي

[الشرقاوى المصرى]

الشاعر الفاضل الاستاذ / نبيل مصيلحى
اسعدنى مرورك على كلماتى المتواضعة .. تقبل خالص تحياتى وعذرى الشديد على عدم تنسيق الكلمات بشكل جيد

[الشرقاوى المصرى]

بعد العمر



بعد العمـر ما عـدى وراح .. بعد الجـرح ما طاب وارتاح
بعد ما جف الدمع فى عينى .. راجعة تقولى لقلبـى سماح
قلبى خلاص مبقاش يهواكى .. وفرى من ع الخـد بكاكـى
انا مش هقدر انسى الامى .. ولا يوم هنسى عذابى معاكى
انتى بقيتـى مجــرد مــاضى .. بعـدك عندى اصبح عــادى
وانا دلوقــت بقلبى الفاضى .. هقدر اهـرب من دنيــاكــى

...........................

فاكـرة زمان لما انتى مشيتى .. يوم ما سألتك ع الأسباب
اترجيتك يومهــا تقولى .. ليــه عايزانى أعيش فى عذاب
قولتى انسانى وأنسى زمـانى .. أنــا دلوقت لواحــد تانى
والأحــلام اللــى رسمنـــاها .. صفحة اتقلبت جــوة كتاب

.....................

يومها عـرفت انك انســانة .. قلبهــا معــدوم م الأحساس
علشان وهم وحب مزيف .. قـادرة تضحى بأغلى النــاس
غدرك عمره ما تاه عن بالى .. وأحلف ليكى بحبى الغالى
زى مـا دقــت المر ليــالى .. لازم تشـربى نفــس الكـــاس

......................

انتى حكايـة فى عمــرى وعــدت .. قلبى اتعلــم منها كتير
كنت معاكى بكل مشاعرى .. وانتى مفيش جواكى ضميــر
ياما سامحت وكنتى بتقسى .. ياما زرعتــى بايدك يأســى
لكن بعد ما فوقت لنفسـى .. قلبى ارتـــاح من هــم كبيـــر

............................
..................
.........

[الشرقاوى المصرى]

بعد العمر
بعد العمـر ما عـدى وراح .. بعد الجـرح ما طاب وارتاح
بعد ما جف الدمع فى عينى .. راجعة تقولى لقلبـى سماح
قلبى خلاص مبقاش يهواكى .. وفرى من ع الخـد بكاكـى
انا مش هقدر انسى الامى .. ولا يوم هنسى عذابى معاكى
انتى بقيتـى مجــرد مــاضى .. بعـدك عندى اصبح عــادى
وانا دلوقــت بقلبى الفاضى .. هقدر اهـرب من دنيــاكــى
...........................
فاكـرة زمان لما انتى مشيتى .. يوم ما سألتك ع الأسباب
اترجيتك يومهــا تقولى .. ليــه عايزانى أعيش فى عذاب
قولتى انسانى وأنسى زمـانى .. أنــا دلوقت لواحــد تانى
والأحــلام اللــى رسمنـــاها .. صفحة اتقلبت جــوة كتاب
.....................
يومها عـرفت انك انســانة .. قلبهــا معــدوم م الأحساس
علشان وهم وحب مزيف .. قـادرة تضحى بأغلى النــاس
غدرك عمره ما تاه عن بالى .. وأحلف ليكى بحبى الغالى
زى مـا دقــت المر ليــالى .. لازم تشـربى نفــس الكـــاس
......................
انتى حكايـة فى عمــرى وعــدت .. قلبى اتعلــم منها كتير
كنت معاكى بكل مشاعرى .. وانتى مفيش جواكى ضميــر
ياما سامحت وكنتى بتقسى .. ياما زرعتــى بايدك يأســى
لكن بعد ما فوقت لنفسـى .. قلبى ارتـــاح من هــم كبيـــر
............................
..................
.........

[الطنطاوي الحسيني]

السلام عليكم ورحمة الله وبركاته
أخي الشرقاوي المصري
والله انت جميل قصيدة رقراقة دفاقة
وزنا وصورة وتراكيب
ولكن نظرة اليأس دي صعبة جدا
ولكن رغم ذلك هتصور انك هتتغير للأحسن أن شاء الله وتقديرا القصيدة للتثبيت
بصراحة مش عارف اثبتلك الاولى ولا الثانية فياريت تخلي المشاركة بالقصايد واحدة حتى نتمعن فيها ونستشرف معانيها
تحياتي ايها المتألق ولكن دع للأمل فرجة

[الشرقاوى المصرى]

الأستاذ الشاعر الجميل / الطنطاوى حسين
قدمت لى الشرف مرتان الأولى عندما سمحت لكلماتى المتواضعة أن تمر أمام عيونك الواعية
والثانية عندما شرفتنى بتثبيت هذه الكلمات
فلا يسعنى سوى تقديم الشكر الجزيل والامتنان الشديد على هذا الشرف
ولكن اعذرنى وقدم لى النصيحة لاننى الى هذا الوقت لا اعلم قواعد كيفية تقديم الموضوع كمشاركة جديدة فأنا أكتب الموضوع وأنسقه جيدا على برنامج الكتابة ولكن عند نقله كمشاركة جديدة لا أعلم كيف أقدم هذه المشاركة بشكل صحيح
أرجو تقديم النصيحة

[خالد الهواري]

كيف النصيح
نصيحة ايه
يا شاعر
دا انته ان شاء الله حتكسر الدنيا
ايه ااحلاوة دي
اكتب كما تشاء ايها الشاعر اللماح
..........
قافية جميلة ومتماسكة ومتفرقة الالون ثابتة المعني
قصة شعرية شعورية
رائعة
نغمة وجرس رائع لا يقل روعة عن صدق الاخساس وعفوزية الكتابة مما جعل القصيدة في مصاف الكمال الشعوري
شكرا لك الاف المرات
خالد الهواري سيكون من اشد المعجبين بك ان شاء الله
خالد الهواري

[الشرقاوى المصرى]

"وللجمال عنوان"
الشاعر الجميل الاستاذ / خالد الهوارى
لا استطيع الرد على كلماتك الرقيقة سوى بهاتان الكلمتان .. للجمال عنوان..
وانت بالفعل عنوان هذا الجمال فى اسلوبك فى ذوقك فى أختيارك لمعانى تفوق بكثير الكلمات التى تخرج من شفاهك
انا لا استحق كل هذا الثناء لانى فقط تلميذ بسيط فى مدرسة كبيرة اسمها مدرسة رابطة الواحة
تمتلئ بأساتذة عظماء من أولهم الاستاذ خالد الهوارى
فأرجو ان تتقبل خالص تحياتى وأمتنانى

[أحمد موسي]

حبيبي الغالي
أهلا بعودتك بعد طول غياب
الأولى قريتها من زمان وعجبتني جدا
التانيه عجبتني جدا جدا لإنها جديده عليا
هستنى الكتير يا غالي
محبتي

[الشرقاوى المصرى]

حبيبى الغالى احمد موسى
انتظرت مرورك انت تحديدا لانى بجد حاسس ان هناك صلة فكرية شديدة بينا
كم اتمنى ان تمتد هذه الصلة لتصبح صداقة اعتز بها
اسعدنى كثيرا اهتمامك ومرورك
واتمنى ان يكون هناك وسيلة اتصال مباشر بيننا
لو امكن ان ترسل لى ايميلك سيسعدنى ذلك كثيرا
تقبل خالص تحياتى

[الشرقاوى المصرى]

الشاعر الجميل احمد موسى
وصلتنى رسالتك الخاصة ولكن للاسف لا اعلم محتواها لانها لم تفتح عندى
وظهرت لى رسالة محتواها انه يتطلب وجود برنامج معين لفتح الرسالة
وهذا لحظى السئ
اتمنى ان ترشدنى لطريقة فتحها او البرنامج المطلوب لذلك

[أحمد موسي]

أرسلت البريد الإلكتروني بالرسالة أيها الصديق الحبيب
ولكن خذه هنا لا عليك

alkawser_2000@yahoo.com

هذا هو البريد

أنتظرك هناك

[الشرقاوى المصرى]

اشكرك بشدة ايها الصديق الغالى الاستاذ/ احمد موسى
قد قمت بتسجيل ايميلك
واتمنى من المولى ان يكون لنا لقاء قريب

[محاسن بيومي]

يا شرقاوي أول مرة اقرأ لك أعمال شعرية ولكنها تستفز القارئ وتحرضه على المتابعة والإعجاب وتقدير حرفك الجميل الموسيقي الرائع