النصيب

[الشرقاوى المصرى]

النصيب
بعد كـل الحب اللى احنا حبيناه
بعد كل العمر اللى احنا قضيناه
بعد عشـرة اتكلمـوا عنها البشر
بعد رحلة ياما قاست م القدر
بعد ما كنا خلاص وصلنا للأمان
بعد ما اتصالحنا خلاص مع الزمان
ليه فى اخر خطـوة بينا نفتـرق
ليه سنين الحب بالنار تتحـرق
ليه نضيع من ايدينا عمرنا
ليه بنكسـر روحنا ونبيع حلمنا
نفسى اعرف ياللى شفتـوا حبنا
،،،،،،،،،،،،،
نفسى اعرف ليه حبيبى قلبه خان
ليه بيقـدر يقسى ع الحب اللى كان
أى دمع أو فرح مابقاش يساوى
أى شئ فى الدنيا مش ممكن يداوى
جرح قلب ضاع ومش لاقى الحنان
...........................................
فين حبيبى فين سعادتى وفرحتى
اللى كـان بيملى كونى ودنيتى
مـش مصـدق أنه باعنى للألم
أنه سابنى وحدى أمشى سكتى
هـى دى نهاية الشـوق والحنين
هى دى أخرة حبيـب يوفى السنين
جوة منى نار بتحرق الأمل
جوة قلبى قلب تانى عاش حزين
...........................................
ليه يا عمرى ليه بتطفيلى الشمـوع
مش جزاء قلبى يموت بين الضلوع
كنت عارف انى فى بعادك هضيع
كنت عارف انى هغرق فى الدموع
رغم كل حبى وأحساسى الكبير
رغم انى صنت وأديتك كتير
رغم كل شئ زرعـت دمعتى
سبتنى وحدى فى نار أصعب مصير
.............................................
مستحيل مهما بكيـت من الألـم
مستحيل يقـدر يعوضنى الندم
عن حياتى وعن شبابى اللى انتهى
عن سنين عمرى وقلبى اللى اتظلم
مهما أوصف طعم وعذاب الجراح
مهما يعلى صوتى ويزيد النواح
لو هقضى باقى عمرى فى الندم
مش هرجع لحظة واحدة من اللى راح
.............................................
ياللى عشتوا عمركم من غير الام
جربوا وارموا قلوبكم فى الغـرام
شوفوا قلبى وأسألونى هتعرفوا
اللى يعشق فى الزمان ده يساوى كام
أصبح الجرح فى حياتنا من الطبيب
والخيانة بتيجى من أقرب حبيـب
والمشاعر الجميلة الحلوة تاهت
وسط بحر كلمة سموها النصيـب
..................................
.....................
........

[الطنطاوي الحسيني]

السلام عليكم ورحمة الله وبركاته
أخي الشرقاوي المصري
قصيدة تعتصر ألما وندما ومعاتبة وحرقة
يالك من شاعر قلبه في لسانه
قصيدة جميلة رقراقة دفاقة
ولكن الا تغير نظرة الآلم مرة
أحسنت أيها المبدع ولو التثبيت لاكثر من قصيدة ثبتها لك
تحياتي أخي لك ولآلمك وجرحك الذي اخرج لنا هذه التحفة الجميلة
نرجو التغيير لانه اشتهر عن الشعب المصري جمال التغني بالاحزان

[أحمد حاتم]

جميل يا شرقاوى يامصرى

وعلى رأى الريس طنطاوى
عاوزين احساسك الجميل ده يلون أشياء أخرى
لديك كل معطيات ذلك
فى انتظار جديدك
تقديرى

[الشرقاوى المصرى]

الاخ الغالى والشاعر الجميل الاستاذ الطنطاوى حسين
مرورك الكريم وتشجيعك المستمر دائما يشعل شرارة احساسى
ويلهب نيران كلمات جديدة كدت اقول انها انتهت بالكلمات السابقة لها
تأكد استاذى انى سأحاول التغيير والتنويع فى مواضيعى على قدر استطاعتى
تقبل منى خالص شكرى وتقديرى

[الشرقاوى المصرى]

الموهوب الاستاذ أحمد حاتم
سعيد جدا لمرورك الاول على كلماتى البسيطة
وسعيد اكثر لكونها اعجبتك وانت شاعر موهوب له عين ثافبة
اشكر لك مرورك واعدك بالتغيير ان شاء المولى
تقبل تحياتى واحترامى

[الطنطاوي الحسيني]

الاخ الغالى والشاعر الجميل الاستاذ الطنطاوى حسين
مرورك الكريم وتشجيعك المستمر دائما يشعل شرارة احساسى
ويلهب نيران كلمات جديدة كدت اقول انها انتهت بالكلمات السابقة لها
تأكد استاذى انى سأحاول التغيير والتنويع فى مواضيعى على قدر استطاعتى
تقبل منى خالص شكرى وتقديرى
السلام عليكم ورحمة الله وبركاته
اخي الشرقاوي المصري الحبيب
اخي الحبيب هذا واجبي نحوك فلا عليك
وانا ارى فيك خلاصة فن قلب واذن موسيقية واراهن انك حسن الصوت أيضا إن شاء الله
فنتمنى عليك أن تلون وتدخل انواع الفواكه الآدبية الآبداعية كلها
تقديري اخي لشخصك الكريم الطيب
دمت بقلب اخيك

[محاسن بيومي]

ياللى عشتوا عمركم من غير الام
جربوا وارموا قلوبكم فى الغـرام
شوفوا قلبى وأسألونى هتعرفوا
اللى يعشق فى الزمان ده يساوى كام

الله عليك الله الله فعلا على فكرة انا شرقاوية بالغقامة ولكن هل أنت شرقاوي الإقامة أم اللقب فقط للعائلة

[الشرقاوى المصرى]

الفنانة والشاعرة الجميلة / محاسن بيومى
يسعدنى كثيرا ان يرتبط لقبى ببلد جميل كريم مثل الشرقية
ويكفى فخرا ان تنجب الشرقية شاعرة جميلة مثل محاسن بيومى
تقبلى خالص شكرى على مرورك الكريم
وانتظر ردك ورأيك فى بقية موضوعاتى

[اكرم حسن احمد]

ليه بتمسك فى كلمه مابتسبهاش غير لما بتزهقنى منها بعد بعد بعد بعد بعد بعد ليه ليه ليه


احساسك جميل لكن ...................

[الشرقاوى المصرى]

الشاعر الجميل اكرم حسن احمد
لك شكرى وتقديرى على مرورك الكريم ونصيحتك الغالية
وليك على ان المرة الجاية هكتب حاجة مش هتزهقك انت ابدا وهتزهق باقى اعضاء المنتدى
ههههههههه
تقبل مداعبتى يا شاعر يا جميل
ارجو الرد على بقية موضوعاتى للتعلم من ارائك