غنوة للمسافات والبكا

[فتحى نجم]

وانا بينى وبينك مسافات
ومراكب دمع معبيه..
ياللي انتى شرودك يبكينى
وسكوتك بيأسر فيا ..
ايه هى حكيتك دليينى
مزعتى الضحكه ف تكوينى
متاخر فرحك للأخر
والاخر طافى الفوانيس
متاريس بتقابل متاريس
وانا تايه منك ف هويس
متشعبط قلبى ف ديل توبك
ليه توبك يتباع برخيص
كان املى أقرب لعنيكى
واستطعم حضنك والضمه
مررتى لسانى وهجيتى
ونويتى تضمى المتاهات
وانا بينى وبينك مسافات
مش فهمك
ولا قادر ادافع عن تهمك
ولا قادر ابجل ف عنيكى
متلخبط ف شعورى اليكى
وبقول لك ايه
الحاجه الدايمن شغلانى
انى هاموت فيكى
وترابك راح ياكل جسمى
من قبل ما يعرف حكاويكى
واتأمنى بأيه ..
انا لولآ ان بحب البطن الللى جابتنى
ما كنت اتنطط فى مشاعرك
ولا العب لعبة ليه ؟
ولا اسأل عن اصل سكوتك
ولا سيل الموت اللى بيجرف
فولادك واحد ورا واحد
والله بحبك مش جاحد
ولا خايف ابدا م الموت
ما الخوف جواكى ده موت
والصمت اللى ملازمك
موت ..
واحنا الاموات لو تكسرنا
حبة زنقات
وانا بينى وبينك مسافات
انا شغلى الشاغل
هو انتى
وسرورك ازاى ألقاه
لو سهمك يوم هيموتنى
انا راضى بموتى على اديكى
بس اعرف مين اللى كويكى
بالبكا والأه
ومباعد بينا المسافات

[خالد الهواري]

موفق بإذن الله ... لك مني أجمل تحية . موفق بإذن الله ... لك مني أجمل تحية . موفق بإذن الله ... لك مني أجمل تحية . موفق بإذن الله ... لك مني أجمل تحية . موفق بإذن الله ... لك مني أجمل تحية . موفق بإذن الله ... لك مني أجمل تحية . موفق بإذن الله ... لك مني أجمل تحية . موفق بإذن الله ... لك مني أجمل تحية . موفق بإذن الله ... لك مني أجمل تحية . موفق بإذن الله ... لك مني أجمل تحية . موفق بإذن الله ... لك مني أجمل تحية .

[نبيل مصيلحى]

المبدع / فتحي نجم

تحياتي

أنت شاعر لديك موهبة رائعة
فلا تتعجل في طرح أعمالك
إلا بعد المراجعة والمراجعة والمراجعة ..
فإذا نشر لك أي عمل فهو أصبح للناقد والمتذوق ..
ولهم الحق في مدحك أو قدحك ..
فأرجو ألا تتعجل بطرح أعمالك بمجرد الانتهاء منها ..
أرجو أن تتقبل كلامي بصدر رحب , ولولا أنني أرى فيك الشاعر الموهوب ما قلت لك هذا .
خالص تحياتي
نبيل مصيلحي

[فتحى نجم]

مش فاهم يا عم نبيل
ولا هو كلاو وخلاص
انقد القصيدة من فضلك

[فتحى نجم]

يعنى ماسمعتش رد
يااستاذ نبيل

[الطنطاوي الحسيني]

السلام عليكم ورحمة الله وبركاته
أخي الحبيب النجم فتحي نجم
صراحة اخي نجم ليس بيننا كثيرا مثلك
ولكن اضع يديك على بعض الخلل العروضي البسيط جدا في القصيدة
وان كنت لا احب ان اسميه خللا فهو كله موضوع تدوير الأسطر لا غير
كن معي واصبر علي
القصيدة من بحر المتدارك او الخبب
كلها جميلة وصحيحة الي البيت
الحاجة الدايمن شاغلاني
صحيحة عروضا وتدويرا اي رسم السطر الشعري او الشطرة الشعرية
نبدأ بعض الخلل في إني هاموت فيكي مكسورة عروضيا
أن همو تفي كي
فاعلن وليست فعلن والتفعيلة الاخيرة فعلن صحيحة
اذن تكون
فاعلن فعلن
فول صححناها مثلا نقول
دَ ف يوم إني راح اموت فيكي

أيضا في
أنا لولا انْ بحب البطن اللي جابتني
هنا التدوير فقط
يعني لو وقفت في سطر على
أنا لولا انِ أو إني للأشباع افضل
بحب البطن اللي جابتني في سطر اخر
هكذا تكون مضبوطة على المتدارك
و ايضا
ولاَّ العب لعبة ليه
هناك عدم اشباع في الحركة الآخيرة ايضا
قد يفرق طريقة النطق اخي نجم هنا ولكن المتلقي يريد الشيئ السلس السهل
فلو حركناها شوية مثلا نقول
ولاَّ العب لعباتي عليكي مثلا وات انت بذائقتك ما تريد المهم يكون على المتدارك صحيح
وايضا لعبات ستكون التاء مكسورة فقط وليست مشبعة بالياء
الخوف جواكي ده موت
لو زدنا
مثلا
الخوف جواكي ودا موتي اضبط على نفس البحر على الآربع تفعيلات
أما الباقي فقد وفقت فيه عروضيا و رسما بصورك الرائعة المعهودة
عذر للتغيب
وتقبل حب اخيك و اعجابه بجمال ابداعك
دمت مبدعا رائعا كعادتك

[فتحى نجم]

شكرا استاذ طنطاوى
انا اتعامل بروح التفعيلة
مادامت الصورة جميلة
ولها دلالة

[فتحى نجم]

شكر يا اكرم

[فتحى نجم]

متشعبط قلبى فى ديل توبك....................ليه توبك ينباع برخيص ايه رايكم نختار اجمل بيت فى اى قصيدة وناخد عليه اراء

[فتحى نجم]

ما حدش رد عليا فى اقتراحى ؟

[سماح عبد اللاوى]

اولا قصيدتك جميلة وموفق فى اختيار الكلمات
واحساسك وصل للقلب بجد
يسلم ابداعك استاذى
ثانيا انا عجبتنى فكرتك ويارب تعجب الجميع
خالص تحياتى
:nj::nj::nj::nj:

[فتحى نجم]

اشكرك سماح
واتمنى ان تصل الفكرة للمسئولين

[ربيحة الرفاعي]

اقتراحك هنا غائب عن العيون
والأفضل أن تضعه في موضوع مستقل وتباشر به أو في قسم التواصل
والأسلم طبعا ان يكون في موضوع مستقل بعد مشاورة مشرفي القسم على الخاص

دمت مبدعا