لا ياوله

[أحمد محسن الحديدي]

مش راضي يعرف
أن ضحكة قلبها
بسمة جمال روحها
ورقة لون شفايفها
وخفة ظل طيفها
مش عشان خاطر
عيونه لما باالأشواق يهلوا
أو عشان بيه معجبة
لكنهم كانوا عشان
الكون ده كله
أصله برضه حبها
بيغير عليها
أنها تكون
مصدر الماء للحياة
وكتير بيسأل نفسه: ياه!
إزاي بتقدر ترسم
الفرحة على جبين المكان
من كل ناحية واتجاه
قاللي : هروح لها جوه
مرسمها واكون صورة
البطل في اللوحة
أكبر دور عليه فيها
واكون انا ربها
أنا قلت له:
لا ياوله
مش برضه
شكل اللوحة بايخ
وانت واقف جنبها؟!
الجمعة 1 - 1 - 2010
الثانية ظهرا

[خالد الهواري]

موفق بإذن الله ... لك مني أجمل تحية . هذه المشاركة تحتوي على محتوى مخفي