عيني عليكي يا بنت الريف

[علاءالحكيم]

عيني عليكي يا بنت الريف
عارك شاع وبدون تكليف
امك طهره ابوكي نظيف
وانتي جريئه بشكل مخيف
عيني عليكي يابنت الريف
انتي رزيه وعمله عفيفه
شرفك ضاع وبدون تعريفه
جيتي لحدي عملتي شريفه
قصة حبي كانت تخريفه
عيني عليكي
قالوا كتير عنك ياما
قلت ياناس هاتوا علامه
الف علامه يالف ندامه
صدقوا وضعتي في الدوامه
عيني عليكي
شفت اصحابي شوروا عليكي
قلت ياناس اتشرف بيكي
قالوا ياصحبي مكر عنيكي
وعيوب الدنيا كلها فيكي
عيني عليكي
بعتي نفسك بيعه رخيصه
وكلاب حوليكي عملين هيصه
فاكره نفسك نونه وصوصه
اصحي ياشابه مصيبه عويصه
عيني عليكي
لمي نفسك وصحي ياشابه
عمرك ضاع وفاضل حبه
حبة ايه والله ده هبه
هب عصايه كسرها اللبه
عيني عليكي
اللي شالوكي دول خداعوكي
كسبوا كتير لجل يزفوكي
زفه رخيصه وطيه عليكي
ندهوا كتير وتمدي ايديكي
عيني عليكي
كنت الشاري وبعت فساعه
وقلتي كتير وعملتي اشاعه
عمله ضحيه وعمله شجاعه
موتك ارحم من دي دلاعه
عيني عليكي
موتك قرب والله بايدك
ولايوم فرحك ولايوم عيدك
شفتي النار صعبه عليكي
والله جهنم فرحانه بيكي
عيني عليكي
حتي عيوني رحت اهنهم
اللي شافوكي نايمه مكنهم
شفتك بيعا والله عشانهم
واللي باعوكي قبضوا تمنهم
عيني عليكي يا بنت الريف




بقلم علاء الحكيم

[غازى كلخ]

علاء ياحكيم ..
بنت الريف عَصّيه عليهم
رغم الغدر البايّن في عينيهم
بكره ولادها يصحو يقومو ..
وبنت الريف في النيل ترميهم

[علاءالحكيم]

الاستاذ الفاضل.. د غازي

بارك الله فيك

اشكر مرورك الكريم

واشكر التعلق الرائع

وفي انتظار صحوة صحوة بهيه

تقبل مني مزيد من الود والاحترام

[الطنطاوي الحسيني]

اخي علاء الحكيم
قصيدة خفيفة رقراقة جميلة
و تعالج موضوع اصبحنا نعايشة كثيرا اذ انني ريفي الهوى والسكن
اخي علاء همسة صغيرة كنت قد كتبت تعليق تحليلي جميل بيد ان النت لم يكمل المعادلة
عموما همستي هي في الشطرة
جيتي لحدي عملتي شريفة
صعبة شوية وبها تجريح ولو انها في محلها ولكن قد تفهم بمنطق غلط فياريتك تعالجها بما تحب
تقبل فائق تقديري لفنك وابداعك

[علاءالحكيم]

الاستاذ الفاضل....... الطنطاوي

اسمح لي ان اشكرك وبشده
لانك شاعر حساس وتغوص في ما تقرائه
ولا تمر عليك القصيده للقرائه فقط
واشكر الاعضاء علي وضعك في المكان المناسب
فانت جدير بكل الثقه والاحترام

اما بالنسبه للشطره
جيتي لحدي عملتي شريفة

ما قصدته انها صورة نفسها امامي ملاك
جايه لحدي وعملت انها ملتزمه وبها كل المزايا
الحميده وهذا ما قصدته ليس الا
واشكر مرورك الكريم والتعليق علي عملي المتواضع
وبارك الله فيك وجعلك حارس امين
علي هذا الباب
وتقبل مني مزيد من الود والاحترام

[محمد عبد القادر]

الشاعر الجميل علاء
بداية أحب أن أشيد بلغتك الجميلة
و التى تنم على شاعرية جميلة فى إنتقاء الكلمات
قراتُ النص و لى تعليق بسيط ،،
أختلف معك هنا فى فكرة النص
كانت المعاتبة موجهة بشكل كبير إلى ( بنت الريف )
و هو ما لا أراه صحيحاً ، حيث أن العتاب جاء قاسياً
و هذا نلاحظه فى :
عارك شاع و بدون تكليف ، انتي رزيه وعمله عفيفه
غير أن استخدامك لـ ( بنت الريف ) كرمز قد لا يتقبله القارىء
حيث من المتعارف عليه أن بنت الريف رمزاً للعفاف لا رمزاً للخداع
...
فى النهاية أرجو أن تتقبل مرورى المختصر
خالص الحب و المودة
و
إلى لقاء

[علاءالحكيم]

الفاضل الكريم...الاخ الكريم محمد عبد القادر

اشكر مرورك الكريم
والتعليق الرائع
محق انت في ذلك
ولكن فيه حاجه
الشاكي هنا مثلا ابن المدينه وهي بنت الريف

هل لو قلت يا ابن الاسكندريه ذبحتني وهو شخص ما هل اصيب الاسكندريه

المقصود ببنت الريف هي فتاه ضلت عن القاعده

مع احترامي لاخواتي الريفيات فهم اخواتي وانا ريفي

تقبل مني كل الحب والتقدير