أكيــد هتقدر تبتســــم !!

[أحمد حاتم]

تقدر تبتسم !!
......................

تقدر تخلّى بسمتك
فوق دمعتك
زاينه الجبين
شايله الحنين هوه الحنين
مش فارقه أبدا دقته
قلبك زمان مهما اللى كان
ضيّع في لحظه بهجته

......................


تقدر تغنى من جديد
وتطير بعيد
تطلع لفوق لأعلى فرع م الألم
وبقش عمرك من جديد
تبنى السكن
الباب آهات
والريح تجرّح ف الغصون
تملاك هموم
تصرخ بصوت قايد شرار
تبرق ف حلقك الغيوم
حزمة شجون غرقانه نار
ويوم ما تسمعها القلوب
ترجع تدوب جوه الحزون
تلقى نفسك والضباب
هوه الصدى
راجع بصوتك يهديهولك
من سكات

........................


تقدر تشوفها وقتها
روحك بتاكل نفسها
والسور حديد
جواه وحيد
قاسمها نفسك حتتين
نصك بيهرى م الوجع
والتاني بيداوى الأنين
بكريم هلع
وانته قاعد من بعيد
عمال تشاهد غلبهم
ونبض قلبك الغريق
جوه منك
يبتسم !!

...........

أكيد هتقدر تبتسم

[آمال المصري]

أكيد هقدر ابتسم ...........
رائعة أستاذ / أحمد
جعلتني ابتسم في دهشة أنيقة بنكهة الدموع
سعدت بأن أكون أول من عانق نصك الجميل
دمت مبدعا
تقديري واحترامي

[راضي الضميري]

نص يدعو للتفاؤل وتجاوز العقبات والمحن التي تعترض طريق الإنسان.

أجمل ما قرأت لك على الإطلاق .

ودعوتك الكريمة هذه تنم عن إرادتك الصلبة وروحك القوية أيها الشاعر الجميل.

تقبل تقديري واحترامي

[خالد الهواري]

تقدر تغنى من جديد
وتطير بعيد
تطلع لفوق لأعلى فرع م الألم
وبقش عمرك من جديد
تبنى السكن
الباب آهات
والريح تجرّح ف الغصون
تملاك هموم
تصرخ بصوت قايد شرار
تبرق ف حلقك الغيوم
حزمة شجون غرقانه نار
ويوم ما تسمعها القلوب
ترجع تدوب جوه الحزون
تلقى نفسك والضباب
هوه الصدى
راجع بصوتك يهديهولك
من سكات





.............


ها ......... وبعدين يا حاتم
كدا مش حيبقي فيه منافسة خالص
ايه الجمال دة حبكة فنية درامية مبتسمة انتهت بنصيحة للفرح

ابتدت بتوجيه الكلام لمين يا حاتم
مين الي حيقدر يبتسم
..........؟؟؟؟؟؟؟؟؟؟؟
معجون بالشعر حاتم والله
انت شاعر يفوق تصور للشعر قخليني امر من هنا بسكات علشان .علشان ما احسش بالفارق الرهيب بيني وبينك في الشعر
انت شاعر عامية مجاش من زمان
ربنا يحميك
صديقك خالد الهواري

[محمد عبد القادر]

قصيدة عزفت على وتر الإبداع
أوحشتنا سيدى
و كلماتك
كل التحية أيها الشاعر
و
إلى لقاء

[أحمد حاتم]

أكيد هقدر ابتسم ...........
رائعة أستاذ / أحمد
جعلتني ابتسم في دهشة أنيقة بنكهة الدموع
سعدت بأن أكون أول من عانق نصك الجميل
دمت مبدعا
تقديري واحترامي


رنيم العزيزه
يسعدنى جدا أن تكونين أول من تواجد ويسعدنى أكثر دوام مرورك الرائع
تلفها البهجة صفحتى حين تعقبين على عمل متواضع لى
دامت اطلالتك الجميلة
بابتسامة غير مصحوبة بنكهة الدموع .
شكرا لك

[غازى كلخ]

وح تقدر تبتسم أكيد ياأحمد

وتحلم من جديد بالعيد وترسم

وردتين ع الخدين بدل الدمعتين

وتحمد رب العالمين ..ياأحمد

[الطنطاوي الحسيني]

أخي الفاضل أحمد حاتم المبدع
سلام عليك والإبداع والإمتاع أبدا
قصيدة رائعة المضمون والسبك والصور
وهي للتثبيت تقديرا واحتفاءً بصاحبها المبدع الجميل
صورك خاصتك لا يملكها غيرك ايها الحبيب
أمتعنا بهذا الشعر العذب الغائر للجوهر والنادر إن حضر

[عبد الكريم العسولي]

الأخ الفاضل أحمد حاتم

ما أجمل هذا الشعر النابض بالهموم والأوجاع

رقة وعذوبة لفظا وموسيقا ومعان عميقة

دمت مبدعا ومعبرا عن هموم الناس بكل صدق وإحساس

لك تحياتي ومودتي .

[ربيحة الرفاعي]

قاسمها نفسك حتتين
نصك بيهرى م الوجع
والتاني بيداوى الأنين
بكريم هلع
وانته قاعد من بعيد
عمال تشاهد غلبهم
ونبض قلبك الغريق
جوه منك
يبتسم !!



قرأتها بشكل آخر غير ذلك الذي جاء في التعليقات
وأحببتها أكثر بالمعنى الذي قرأتها به
مبدع أنت حين تُقرأ بأكثر من اتجاه في نص يبدو واضحا
المبدع أحمد حاتم
دمت متألقا

[علاءالحكيم]

الشاعر الجميل احمد حاتم


تقدر تشوفها وقتها

روحك بتاكل نفسها

والسور حديد

جوه وحيد

قاسمها نفسك حتتين

نصك بيهري م الوجع

والتاني بيداوي الانين

بكريم هلع

وانت قاعد من بعيد

عمال تشاهد غلبهم

ونبض قلبك الغريق

جوه منك

يبتسم


احيك علي هذا الشعر الرائع

الذي سقط علي اكثر من جرح

وما اكثر جروحنا


ادامك الله مبدعا

ولك مني كل الود والتحيه


علاء الحكيم