ينابيع السبيعي
10-04-2010, 04:54 PM
شرع الله وسنة رسوله
الشعر موقف بالمعاني والامثال = والصدق يبني بالقوافي مثوله
عزاه ياحلمٍ على مـَر الاجيال = الصبر طال وحلمنا من يطوله
عزاه يامجدٍ له العز مدهال = وقتٍ لنا بالعز صوله وجوله
عزاه يا عُودٍ رمى بشت وعقال =يرثي حياة الذل واللي سعوله
عزاه يادمعة طفل بين الاطفال = حارت بعينه دمعته من ذهوله
عزاه ياصرخه شكت ضيقة البال = تبكي على مافات بنت الحموله
شعبٍ فقد أرضه بلا حق وجْدال = والحاضر المجهول تاهت فصوله
شعبٍ فقد كل المهابه والامال = الجرح ينزف والقلوب مْعـَلوله
ضاعت حقوقه بين كاذب ومحتال = والحق من دونه ثمانين دوله
ياهل الكرامه مابقى شيء ينقال =احساس وصفه مايجي بالسّهوله
60عام وجرح الايام مازال = وين السلام اللي صعيبٍ حصوله
وين المواقف والشهامه والافعال = وين الحميّا والوفا والرجوله
إلى متى نبكي على ذيك الاطلال = نستعرض سنينٍ توارت عجوله
إلى متى نصفق يدينا على الحال = ونرسم من الاوهام أكذب مقوله
نسترجع التاريخ وانجاز الابطال = ونسرج من خيول المعاني بطوله
اللي بقى صوره من المجد تمثال = والمرحله ماهي نهاية وصوله
وشلون صرنا بالمواجيب نهتال = واخواننا في وضع ضاعت حلوله
وشلون مات الحلم ياطيب الفال = وشلون نستغرب بقايا فْعوله
لاصار قتل النفس في كل الاحوال = منهي بشرع الله وسنة رسوله
الفعل ماهو (ياعرب) كثر الاقوال = ولاهو بجمع الاسلحه والعموله
الفعل وقفه كنها اعصار زلزال = والحق فارس جامحاتٍ خيوله
أما نعيش بعـز وشموخ واجلال = والا نموت بعـز (موت البطوله)
ينابيع السبيعي
الشعر موقف بالمعاني والامثال = والصدق يبني بالقوافي مثوله
عزاه ياحلمٍ على مـَر الاجيال = الصبر طال وحلمنا من يطوله
عزاه يامجدٍ له العز مدهال = وقتٍ لنا بالعز صوله وجوله
عزاه يا عُودٍ رمى بشت وعقال =يرثي حياة الذل واللي سعوله
عزاه يادمعة طفل بين الاطفال = حارت بعينه دمعته من ذهوله
عزاه ياصرخه شكت ضيقة البال = تبكي على مافات بنت الحموله
شعبٍ فقد أرضه بلا حق وجْدال = والحاضر المجهول تاهت فصوله
شعبٍ فقد كل المهابه والامال = الجرح ينزف والقلوب مْعـَلوله
ضاعت حقوقه بين كاذب ومحتال = والحق من دونه ثمانين دوله
ياهل الكرامه مابقى شيء ينقال =احساس وصفه مايجي بالسّهوله
60عام وجرح الايام مازال = وين السلام اللي صعيبٍ حصوله
وين المواقف والشهامه والافعال = وين الحميّا والوفا والرجوله
إلى متى نبكي على ذيك الاطلال = نستعرض سنينٍ توارت عجوله
إلى متى نصفق يدينا على الحال = ونرسم من الاوهام أكذب مقوله
نسترجع التاريخ وانجاز الابطال = ونسرج من خيول المعاني بطوله
اللي بقى صوره من المجد تمثال = والمرحله ماهي نهاية وصوله
وشلون صرنا بالمواجيب نهتال = واخواننا في وضع ضاعت حلوله
وشلون مات الحلم ياطيب الفال = وشلون نستغرب بقايا فْعوله
لاصار قتل النفس في كل الاحوال = منهي بشرع الله وسنة رسوله
الفعل ماهو (ياعرب) كثر الاقوال = ولاهو بجمع الاسلحه والعموله
الفعل وقفه كنها اعصار زلزال = والحق فارس جامحاتٍ خيوله
أما نعيش بعـز وشموخ واجلال = والا نموت بعـز (موت البطوله)
ينابيع السبيعي