الولد الصايع

[عبد الكريم العسولي]

الولد الصايع
صايع وعامل سنفره
وف صدره سنسال الغرام
وف إيده لابس إسوره
ناتف حواجبه زى مدام
ماشى يعاكس جوهره
وقفت تقولّو جوز كلام
******
يابن الشوارع ياعليل
الحب مش لعبة طنه
الحب عشره وبيت جميل
أسره سعيده مؤمنه
روّح لأمك ياهبيل
دوّر على غيرى أنا
******
فاتح لى صدرك للهوا
وعمللى شعرك مسخره
ومشيتك رقص ودلع
والليدنه اف تمك كره
وين الكرامه يا خِرِع
وين الشهامه يا مَرَه
******
سايب كتابك والقلم
تلهت ورا زبالة بنات
وتصاحب الوِلد الْلَمَم
يومك وليلك فى الحارات
عمرك ما تفهم يا بجم
حب العلم هو الحياة
******
ضيّعت عمرك فى الرخيص
عايز تعيش عايز تهيص
قمرك خسوف
شمسك كسوف
والدنيا حولك طلطميس
ما تدرى جمعه من خميس
******
بتموت فى تامر أو شرين
ومصطفى والعجرمه
واضّيع كنوز السنين
في حاجات رخيصه محرّمه
فكر يا خايب ياحزين
في الأخره يوم المندمة
******
دايما حياتك فى الخطر
وتقلّد اولاد البقر
تجرى ورا واحد رطن
وتنسى خالد او عمر
فكّر فى أهلك والوطن
وكون ربيع وكمان قمر
******
ابحث فى أمرك يا وَلا
وبلاش صياعه وبهدله
خلّيك نبيل زى النخيل
صاحب مروءه ومرجله
واحلم بجنه وسلسبيل
وزوجه طاهره محلّله
******
أنا بنت ناس آخر تمام
ما يهمنى حلو الكلام
بعشق كتابى والعلا
وكمان صلاتي والصيام
وأنا نجمه عاليه فى السما
ما يطولها غير الهمام

[الطنطاوي الحسيني]

السلام عليكم ورحمة الله وبركاته
أخي عبد الكريم العسولي
شوية كلام في العضم
لو حس بيهم ينتحر
واعطيت المثال في الآخر ولو متأخر شوية
ولكنها قصيدة جميلة على كل حال
تحياتي للأصالة وناسها
وأنت أصيل أخي عبد الكريم
تقديري وامتناني
ودمت رائعا مبدعا

[آمال المصري]

جميلة جدا سيدي الفاضل
ورغم البهدلة إلا أنني كنت أتمنى أقرأ المزيد
عساه يكون عبرة
أبدعت هنا حد البسمة الساخرة
تقديري لحرفك الهادف
ودمت رائعا

[عبد الكريم العسولي]

أخي الفاضل الطنطاوي النبيل

تحياتي القلبية لك وكل الشكر لمرورك الكريم

دمت بكل خير .

[عبد الكريم العسولي]

الأخت الفاضلة رنيم مصطفى

كلمات جميلة ورأي أعتز به جدا

شكرا لمرورك العذب الفواح

وتقديري للقوارير وللنصف الجميل في حياتنا

وهناك امرأة ربما تكون أفضل من ألف رجل

لك تحياتي وتقديري .

[علاءالحكيم]

الاخ الفاضل الكريم000000عبد الكريم العسولي

000000000000000السلام عليكم ورحمة الله وبركاته

مااروع ان تقراء وانت تبتسم من قلم حكيم

وفي داخلك تبكي علي ما هوي اليه حال معظم شبابنا

احضرت الداء000000000000وايضا احضرت الدواء

واظهرت ما في بناتنا من عفه

ابدعت سيدي

ادامك الله وادام قلمك الثائر

ودمت مبدعا

تحياتي

علاء الحكيم

[عبد الكريم العسولي]

الأخ الفاضل علاء الحكيم

يسعدني مرورك الجميل وكلماتك الوفية النبيلة

رأي يشعل وقود الشعر ويغري بالمزيد من الشعر الهادف والمفيد

هدى الله الأمة وشبابها لما فيه خير الأهل والأوطان

كل الشكر والتقدير وتقبل تحياتي .

[محاسن بيومي]

شفت منام
شفت منام واحترت انا فيه
شفت وطنا بكل ما فيه
خلق بتبني وخلق بتهدم
خلق بتغلط ولا تتعلم
خلق بتكره يوم تتقدم
شفت منام واحترت أنا فيه
كل الدنيا آهي بتتقدم
والمبروك عقله ف رجليه
شفت الغرب وعقله الساطع
علمه النافع هو الدافع
سبق العقل لسانه في إيديه
شفت منام واحترت أنا فيه
شفت حضارة مينا وخوفو
تنادي الدنيا تعالوا وشوفوا
شفت هرمنا بكل كسوفه
بيدعي لرب الكون بكفوفه
تبكي المر الحلوه عنيه
شفت منام واحترت أنا فيه
شفت الحلوه دي ماشية بتشكي
شفت تراب الأرض بيبكي
حتى الدين وتجارتم بيه
رغم المولى لرسله ف كتبه
شرع الحب ما بين أديانه
شرع العدل في كل أراضيه
شفت منام واحترت أنا فيه
شفت الغرب بلاده نضيفة
شفت بلادنا عقولها خفيفة
شفت قمامه وأبصر إيه
شوشو وتوتو وطنط شريفة
يحكوا لبعض ف قعدة لطيفة
ده بيتجوز أو هيطلق
شفت منام واحترت أنا فيه
أنقل أشرف وشريف بيه
مسكوا الطاولة وهات يا مساءلة
وفيلم السينما راح يكون إيه
بكرة القهوة وبعده في ندوة
ومجد بلادنا الرحمه عليه
بعد السينيما وزوم أو موليدي
من الدنيا دي هنطلب إيه
شفت منام واحترت أنا فيه
شفت السينما وزوم مع موليدي
دايرة تدمر في شباب بلدي
حاطه نقطها لكل حروفها
خيارها عنبها وضاربة كفوفها
حتى حمارنا يا روحي عليه
سعدوا زمانه وغنم ليه شفت منام واحترت أنا

[عبد الكريم العسولي]

الأخت الكريمة محاسن بيومي

ما أجمله من مرور

هذا هو حالنا نهتم بما يؤخرنا ويدمرنا

ونحلم بما هو تافه وحقير ونترك ما يعلي قدرنا ويصلح حالنا

كل الشكر والتقدير وأدام الله قلمك العطور .

[ربيحة الرفاعي]

نص حرّ أصيل
وحرف عرفناه صورة للإبداع
ورسالة شعرية سامية

أهلا بك شاعرنا في واحتك

تحاياي