صديد ... أحمد سعيد موسى

[أحمد موسي]

صديد
..
.
الفرح تايه والألم
عمّال يزيد
والحزن عشش ف الحشا
جوه الوريد
والمُر سرسب بالنقط
يكتب نشيد
سمِّم عروق الفرح مات
والسندباد
أصبح غريق بحر الدموع
مع كل عيد
حلم الورود
مصلوب في حضنك يالربيع
حتى الندى وقت السحر
ميّت شهيد
بحرك غريق
والشط مش باين مداه
حلمك كابوس
والليل عبوس
تمسك فانوس
وتروح تدوّر ع النهار
تلقى النهار في العتمه تاه
الشط مش باين مداه
واما اختفى طوق النجاه
نزفت عيون عمرك
صديد
قوم انتفض
ما تسيبش عمرك ينسحل
تحت الجليد
لو صدرك العريان ضعف
إضرب جبال التلج بالكف الحديد
وان يوم يزورك إنكسار
إكتب على خد النهار
آخر سؤال
ليه كل يوم الحزن يكتب
فوق جبين الشوق نشيد
ليه بلقى زهرة دنيتي
طارحه الشجن من لون جديد
والقى الأماني اتيتِّمت
والفرح دبلت زهرته
جوه الوريد
ليه ألف ليه جوايا ساكنه
والجواب سافر بعيد
واقلب كتاب العمر
في الهامش تشوف
انّ الحقيقه الواضحه من عمر التاريخ
مكتوب لحلمك يتوِأِد
وان يوم يفكر ينتفِض
بيموت شهيد
...........

شعر / أحمد سعيد موسى

[محمد عبد القادر]

مختلف المرة دى يا أحمد
الروح ضعيفة
و الطبعة مش واضحة أوى زى بقية أشعارك
خير اللهم اجعله خير
!!!

[الطنطاوي الحسيني]

السلام عليكم ورحمة الله وبركاته
القصيدة رائعة يا أحمد موسى الحبيب
وهي للتثبيت تقديرا وابداعا
على عكس اخي محمد عبدالقادر انت امسكت بالرمز وهو الحلم واشتغلت كويس
ولم يفلت منك ولا حتى شيئ من الموسيقى ابدا لكن هناك ثقل خفيف جدا في
وإن يوم يزورك إنكسار
ايه رأيك لو كانت
وإن يوم يزورك لانكسار سهل مش كدة
ليتك فقط غيرت العنوان لمثلا (بيموت شهيد)
اخي احمد تقب تحياتي لصمودك و وجود الأمل رغم العتمة وايضا وجود الفاعلية رغم الصعوبة
تحياتي

[خالد الهواري]

العنوان تمااااااااااااااااااااااا ااااااااااااااااام
والقصيدة غرااااااااااااااااااااااا ااااااااااااام
يا شاعر يا همااااااااااااااااااااااا اااااااااااام
خالــــــــــــــــــــــ ـــــــــــــــــــــــــ ــــــــــــــــد

[الشرقاوى المصرى]

الله عليك يا احمد يا موسى
من اقتدار الى اقتدار
بخطوات ثابتة
لك كل تقديرى على ابداعك

[أحمد موسي]

مختلف المرة دى يا أحمد
الروح ضعيفة
و الطبعة مش واضحة أوى زى بقية أشعارك
خير اللهم اجعله خير
!!!


يعني الطبعة كانت واضحة في الباقي
عشان توضح في دي يا عم محمد ؟؟
أديك جبته لنفسك وعمك طنطاوي مااتفقش معاك

على فكره ليا عتاب عليك جامد
لإنك واحشني جدااااااا
تقديري

[غازى كلخ]

ونا السعيد..
لما بقرالك يابن موسى أحمد سعيد
أحِسّ إن الحرف بيتوِلِد تاني من جديد
والفن اللي كان تايه يعود ..للعاميّه ويّا الورود

[علاءالحكيم]

اقتباس كامل النص


الشاعر العبقري الجميل........
احمد موسي

تحية طيبة عطره
اعذرني حبيت اقتبس احلي ما كتبت

لم اجد اي شيئ يمكن تركه

انت بحق شاعر اكثر من رائع

اسجل اعجابي لك ولقلمك

لك مني كل الحب والتقدير:0014:

ودمت مبدعا

علاء الحكيم

[أحمد موسي]

السلام عليكم ورحمة الله وبركاته
القصيدة رائعة يا أحمد موسى الحبيب
وهي للتثبيت تقديرا وابداعا
على عكس اخي محمد عبدالقادر انت امسكت بالرمز وهو الحلم واشتغلت كويس
ولم يفلت منك ولا حتى شيئ من الموسيقى ابدا لكن هناك ثقل خفيف جدا في
وإن يوم يزورك إنكسار
ايه رأيك لو كانت
وإن يوم يزورك لانكسار سهل مش كدة
ليتك فقط غيرت العنوان لمثلا (بيموت شهيد)
اخي احمد تقب تحياتي لصمودك و وجود الأمل رغم العتمة وايضا وجود الفاعلية رغم الصعوبة
تحياتي


أخي الحبيب / الطنطاوي الحسيني
مرورك على القصيدة يعني لي الكثير والكثير
ويضع على كتف حرفي نجمة الإبداع
وأنا ابعد تماما عن دائرة المبدعين
وإعجابك بالقصيدة وصياغتها لهو فخر وشرف لمثلي
ولكن اسمح لي أخي الحبيب في أمر العنوان
فالشعر لكل الاحول
فكما أنه يوجد هناك الوردة الجميلة يوجد في المقابل الطين الذي ينجب الوردة
وما دام العمل يتحدث عن شئ معين أردت ألا يخرج الإسم عن بيئة هذا الشئ
فحين أتحدث مع الحبيبة دائما أذكر الورود والقمر وما إلى ذلك
وحين أتحدث عن العدو أستخدم مفردات الأسلحة من الصاروخ إلى الحجارة
وحين أتحدث عن معاناة أستخدم مفرداتها
أرجو أن أكون على صوابٍ من الأمر وأن تتقبل ردي
وأهلا بكِ أخي في كل نص

محبتي وتقديري

[أحمد موسي]

العنوان تمااااااااااااااااااااااا ااااااااااااااااام
والقصيدة غرااااااااااااااااااااااا ااااااااااااام
يا شاعر يا همااااااااااااااااااااااا اااااااااااام
خالــــــــــــــــــــــ ـــــــــــــــــــــــــ ــــــــــــــــد


حبيبي انت والله يابو هواري
بس هو فين الغرام في القصيدة ياراجل ؟؟
هههههههه
دا لو الغرام بالشكل دا يغور ف داهية قلته أحسن
هههههههههه

تسلم لي يا غالي

[ربيحة الرفاعي]

حتى الندى وقت السحر
ميّت شهيد
بحرك غريق
والشط مش باين مداه
حلمك كابوس
والليل عبوس
تمسك فانوس
وتروح تدوّر ع النهار
تلقى النهار في العتمه تاه
الشط مش باين مداه
واما اختفى طوق النجاه
نزفت عيون عمرك
صديد

جميلة يا أحمد
جميلة المبنى والمعنى
أنت تتألق في هذا الميدان بشكل خلاب

دمت مشرقا

[أحمد موسي]

الله عليك يا احمد يا موسى
من اقتدار الى اقتدار
بخطوات ثابتة
لك كل تقديرى على ابداعك


الحبيب الحاضر الغائب / شرقاوي بيه
تلميييييييييييييذك يا حبيب
محبتي ووافر مودتي
أحمد

[أحمد موسي]

ونا السعيد..
لما بقرالك يابن موسى أحمد سعيد
أحِسّ إن الحرف بيتوِلِد تاني من جديد
والفن اللي كان تايه يعود ..للعاميّه ويّا الورود
وجودك انت يا عمنا هو السعاده
ربنا ما يحرمنيش منك ابدا
شكرا لمرورك الغالي
ولشهادتك العزيزة
أخوك الصغير