ممسوك في خانة اليك

[خالد الهواري]

ممسووك ف خانة اليك


والطولة حايرة.. مربعة

ومضلعة

و مكلبشة بانفاسك

وعلشان تحل المعضلة

لازم تبيع اهلك

تبيع أرضك.... تبيع ناسك

وخصمك واقفلك غول

مستني يهد الدور علي راسك

وانت مش لاقي

ولا فكرك .. ولا ارضك

ولا فاسك

واللعب عايز حرفنة

وانتا اللي مش حريف

والخطة ..........

....... متهلهلة...

.... ومتخبلة.........

زي الشجر لما يهزه خريف

__ ___ ___

يا عم يا قهوجي....

(دبش) الزعيم انحرف

لا عايز يلم الدور

ولا بالهزيمة اعترف

يا عم يا قهوجي

اعلن لنا الاخبار

مين فاز... ومين انهزم

مين كمل المشوار

دا الباشا .. رهن الفاس

والكنبة والمزمار

والطولة مفتوحة

واللعب لعب كبار

يا عم يا مفتري

حاسب من الشطاااار ..

م عادش يا محترم

غير لحمنا والدااار

... وااااااااااااه....

لو لحمنا ينشري

ويلفت الانظار

خدو كله واوقف هنا

سيب بكرة وسط الدار

يمكن العتمة تطرح

في الفجر الف نهار

يا عم يا مفتري

حاسب من الشطار

[الطنطاوي الحسيني]

مش باقي غير نهرنا
يبيعو للملاعين
لأ بس فالح ينغلب
ويقول سلام وكلام
واوراقوا ضاعت يعيني قدام يهود ملاعيب
باين عليه غلبان ولسة مش لعيب
ثمانين سنة مكبرش
طب راح يوصل إيه
هو اللي متعلمش
في السن ديت ايه
والشعر ويا النيل
رايح على المقبرة
على بر شط النيل
قاعدة ومتحيرة
الماية ناشفة والإحساس د صفصافة
بترمي ورقها ع السكك
منحوسة متعفرة
وعجبي يا خالد
/
كنت اتمنى عليك تغوص شوية بجرأة حتى تفضح ضعف اللعيب ده
دمت بكامل ابداعك

[ربيحة الرفاعي]

دا الباشا .. رهن الفاس
والكنبة والمزمار
والطَوْلة مفتوحة
واللعب لعب كبار
يا عم يا مفتري
حاسب من الشطاااار ..
سيطلع النهار ..
وسيدفع الباشا ثمن ما رهن وباع
فالأمة المرتهنة ستصحوا من غفوتها طال اليل أم قصر

حس بديع لا فض فوك
دمت متألقا

[آمال المصري]

إيه ده ياأستاذ خالد كان ودي أتعلم العامية لأرد بشعر
ماشاء الله عليك لكن ياعمنا الكبير الأستاذ الطنطاوي زد فوق الثمانين اثنين
هدية جميلة لعيد الميلاد
تقديري أستاذي

[هيثم محمد علي]

يا خااااااااااالد يا شاااااااعر
ايه الجمال ده كله
والله مبدع وجميل ولعيب
في عامية او في فصيح
المشكلة يا خالد انه لا هو لعيب والمفروض انه كبر على اللعب
ومع ذلك مش عارف يا اخي مش عاوز يعتزل ليه ويريح الملاعب منه وكمان الجماهير
بس انت شغال في العامي ومقرتش ليك فصيح من زماااااان
اكيد كاتب حاجات جميلة بس بخلان عليها بيها
انا مستني منك حاجة فصيحة يا خالد
وحشتني اشعارك يا راااجل

[خالد الهواري]

مش باقي غير نهرنا
يبيعو للملاعين
لأ بس فالح ينغلب
ويقول سلام وكلام
واوراقوا ضاعت يعيني قدام يهود ملاعيب
باين عليه غلبان ولسة مش لعيب
ثمانين سنة مكبرش
طب راح يوصل إيه
هو اللي متعلمش
في السن ديت ايه
والشعر ويا النيل
رايح على المقبرة
على بر شط النيل
قاعدة ومتحيرة
الماية ناشفة والإحساس د صفصافة
بترمي ورقها ع السكك
منحوسة متعفرة
وعجبي يا خالد
/
كنت اتمنى عليك تغوص شوية بجرأة حتى تفضح ضعف اللعيب ده
دمت بكامل ابداعك

..........

شكرا يا عم طنطاوي
دي مكانتش اضافة
دي كانت قصيدة
تستاهل التثبيت

[أحمد موسي]

هههههههههه
والله يا خلود انت عسل
وشعرك عسل زيك سوى
أتمنى أن اقرأ لك الأفضل دوما
وهرفع لك نص حالا لعيونك انت وعمي طنطاوي
تحيتي

[خالد الهواري]

سيطلع النهار ..
وسيدفع الباشا ثمن ما رهن وباع
فالأمة المرتهنة ستصحوا من غفوتها طال اليل أم قصر

حس بديع لا فض فوك
دمت متألقا



شكرا لمداخلاتك استاذتي وبارك الله فيك
فدائما ما اجدك هنا
مما يجعلني سعيد بالحضور فلا تحرمينا منه لا حرمك الله من طيب عزيز

[خالد الهواري]

إيه ده ياأستاذ خالد كان ودي أتعلم العامية لأرد بشعر
ماشاء الله عليك لكن ياعمنا الكبير الأستاذ الطنطاوي زد فوق الثمانين اثنين
هدية جميلة لعيد الميلاد
تقديري أستاذي



رنيم
انت الشعر يمشي علي الارض
فلا داعي لان تتعلمين نفسك
وما كان هنا جميلا هو جميل الا كلماتك
فقد عانقت الطيور في السماء وعلقت علي قلبي ملاين الكلمات المنمقة بالشكر لك
فشكرا شكرا حتي يمل الشكر من شكرك

[علاءالحكيم]

الرائع الحبيب خالد الهواري

اجمل تحيه

سلمت يمينك

ايه الجمال ده حريف واللهي ياخالد

لعبة معلم

تحيه لك ولقلمك المحترف


علاء الحكيم

[محمد عبد القادر]

العنوان حكاية لوحده يا خالد
و النص قرأته حوالى مرتين تلاتة و مشبعتش
و مش هعلق دلوقتى
عشان أنا عايز أفوووووق من اللى أنا فيه الأول
و ليا عودة متأنية مع النص :)
كل التحية
و
لنا لقاء

[خالد الهواري]

يا خااااااااااالد يا شاااااااعر
ايه الجمال ده كله
والله مبدع وجميل ولعيب
في عامية او في فصيح
المشكلة يا خالد انه لا هو لعيب والمفروض انه كبر على اللعب
ومع ذلك مش عارف يا اخي مش عاوز يعتزل ليه ويريح الملاعب منه وكمان الجماهير
بس انت شغال في العامي ومقرتش ليك فصيح من زماااااان
اكيد كاتب حاجات جميلة بس بخلان عليها بيها
انا مستني منك حاجة فصيحة يا خالد
وحشتني اشعارك يا راااجل

فقط انحني اما هذه العاطفة الصادقة من اخي هيثم
ولا اعلق فهو يعرف ما ي قلبي
واما طلبك فعلي الخاص ان شاء ربي
لنا حوار
حوله
انت
تعلمه
وتعرفه

علي عيونك حقول الشعر
واستني رموشك تفتح الموضوع
كلام موزن ومتستف
ومتزين بضحكة قلبك الصافي
دهب صافي
ومستني عبير الحرف يتمدد
علي كتافي
ومش وافي
لكلمة حب من قلبك الصافي
يا صحب عمري وحروفي
بخاف لاغلط تشوف خوفي
عشان الشعر متستف علي رفوفي
ومستني الاماني تكون
يكون موزون
وتفهمني..
عيونك الحلوين
علي شوفي
اشوف خوفي
الاقي البسمة
في كسوفي
وف ظهوري وف خسوفي
عشان خطرك
يا اجمل
صحبة ف كفوفي

[الطنطاوي الحسيني]

السلام عليكم ورحمة الله وبركاته
عدت إليك يا بطل مرة اخرى
مش مجاملة القصيدة رائعة رغم اني كنت اتمنى الغوص اكتر
ولكنها تستأهل التثبيت ابداعا وتقديرا

[حسام محمد حسين]

أبدعت أخي خالد في طريقة اللعب

دمتَ مبدعاً

[هيثم محمد علي]

فقط انحني اما هذه العاطفة الصادقة من اخي هيثم
ولا اعلق فهو يعرف ما ي قلبي
واما طلبك فعلي الخاص ان شاء ربي
لنا حوار
حوله
انت
تعلمه
وتعرفه

علي عيونك حقول الشعر
واستني رموشك تفتح الموضوع
كلام موزن ومتستف
ومتزين بضحكة قلبك الصافي
دهب صافي
ومستني عبير الحرف يتمدد
علي كتافي
ومش وافي
لكلمة حب من قلبك الصافي
يا صحب عمري وحروفي
بخاف لاغلط تشوف خوفي
عشان الشعر متستف علي رفوفي
ومستني الاماني تكون
يكون موزون
وتفهمني..
عيونك الحلوين
علي شوفي
اشوف خوفي
الاقي البسمة
في كسوفي
وف ظهوري وف خسوفي
عشان خطرك
يا اجمل


صحبة ف كفوفي


وايه يعني غلطت في يوم
ومين غير النبي معصوم
عاوز تكتب
يا اخويا اكتب
ولا يهمك
طلاما الفكر مش مسموم
وايه يعني عيوب القاف
وكسر الوزن مش معدوم
في كل الشعر والاشعار
كسور ياما
وانا قبلك
غلطت كتير
وياما اغلط
وبعدينا
كتير يغلط
ونتعلم
طالما الحلم مش ممنوع
وهتلاقي كتير اشعار
وموزونة
ومرسومة
ولكن زي الصنم جامد
ولا صورة ولا موضوع
ومين ينساك
ومين يقدر
يشيل الحلم من جواك
ومين ينسى كتير اشعار
هداها الشعر من جواك

[خالد الهواري]

هههههههههه
والله يا خلود انت عسل
وشعرك عسل زيك سوى
أتمنى أن اقرأ لك الأفضل دوما
وهرفع لك نص حالا لعيونك انت وعمي طنطاوي
تحيتي


مش حرد عليك
مانتا عارف اني عارض عليك القصيدة يا عم احمد قبل النشر

[خالد الهواري]

العنوان حكاية لوحده يا خالد
و النص قرأته حوالى مرتين تلاتة و مشبعتش
و مش هعلق دلوقتى
عشان أنا عايز أفوووووق من اللى أنا فيه الأول
و ليا عودة متأنية مع النص :)
كل التحية
و
لنا لقاء

اعتز برايك اخي محمد
واضعه نبراس علي راسي

[خالد الهواري]

السلام عليكم ورحمة الله وبركاته
عدت إليك يا بطل مرة اخرى
مش مجاملة القصيدة رائعة رغم اني كنت اتمنى الغوص اكتر
ولكنها تستأهل التثبيت ابداعا وتقديرا

مذا اقول يا عم طنطاوي
اصبحت عشقا يا صديقي

[خالد الهواري]

أبدعت أخي خالد في طريقة اللعب

دمتَ مبدعاً

]
شكرا للتواصل
خالد الهواري[/size]

[خالد الهواري]

وايه يعني غلطت في يوم
ومين غير النبي معصوم
عاوز تكتب
يا اخويا اكتب
ولا يهمك
طلاما الفكر مش مسموم
وايه يعني عيوب القاف
وكسر الوزن مش معدوم
في كل الشعر والاشعار
كسور ياما
وانا قبلك
غلطت كتير
وياما اغلط
وبعدينا
كتير يغلط
ونتعلم
طالما الحلم مش ممنوع
وهتلاقي كتير اشعار
وموزونة
ومرسومة
ولكن زي الصنم جامد
ولا صورة ولا موضوع
ومين ينساك
ومين يقدر
يشيل الحلم من جواك
ومين ينسى كتير اشعار
هداها الشعر من جواك


لنا ان شاء الله لقاء فانا احتاجك يا صديقي
ان راسلتني علي الخاص فانه اولي