محمد الشحات محمد
06-05-2010, 06:22 AM
حالم بالتلاتة
بـِفْلاشْ بَِاك ْ .. كُن قُدَّامك .. وانت وراك .
تِصَوَّر بعد ما تحمَّضْ
تبطّل شعر وتْغمّضْ
تقول للكلمة تتمضمض
وتنطق ليه ؟
أداة تنبيه
وكانْ ياما كانْ .. وقبل زمانْ
صحيتْ م النوم ْ ..
وخير شُفتِكْ .. تَلَتْ أحلام ْ
وكنِّي اليوم
ويبدأ حلمي يتَّاخرْ .. ، وم الأخرْ ..
بحبِّك ..بس مش عارف أقولِّكْ إيهْ
قَطَفْت الليل على شْموعِكْ
زرعت البحر في قْلوعِك
كتبت السحر بدْموعِك
مع سْبوعِك .. ياريت تقريهْ
بحبِّك .. فوق سكون الرمز سكَّنَّي ..,
ومكِّنِّي .. وباحلم فيهْ
بلمسةْْ إيدكِ الدًّافْيه ْ
وضحكةْْ قلبكِ الصَّافيهْ
في حُضْنِك شوق بِيَتْمَخْتَرْ
مفيش اخطر من الورد اللي في خْدودِك ْ
ورمشِك كُحْلته حْدودك ْ
وبسمةْ حقّ في جْبينك ْ
بِتقْرِيها مع وْرودِكْ
كأنك لوحة مكتوبة .. بتتجمِّلْ
وكل الخلق تتأمِّلّ ..,
في لبلابك ْ ..، وضلاّيتِك ْ
يريتك تفردي ملايتك ْ
سلام أخضر على عْيونك .. بيتمايل ْ
مبيخافشي .. من المايل
لأن الحب ربّاني
ورباني الهوى اكمنِّكْ
- وآه ِمنَّك –
هدى القلب اللي متعطّرْ
وشايفك لمّا بتمطّر ..
شفايفك كلمة بتسطّر .. ،
وبتسيطر على الكون زيّ تسبيحه ْ
وتسريحه .. تبيّن جوّه شريان الشجر إسمك
شهادة حق ْ
قصيدة شعر ْ
قصيدة شعر .. حبّة حب .. روح فرسانْ
منى وْإيمانْ .. كمانْ برهانْ
يعلِّم سجدة الإنسان إذا صلى ّ
ما شاء اللهْ
يابنتي عليكي اسم الله ْ
وجنْبِك سورِة الرحمن ْ
وآية الكرسي والفاتحهْ
بتعوزتين .. تسرسب " مرحباً أهلاً "
و " بالأحضان " ... نرجّع بكره لامبارح ْ
أمل طارح
ونجمع قسمة ليل ونهارْ
أنا سارح مع التيار ْ
بفكّر حتى في الكوشه
وصورتِك تِرسم اللفّه .. مع الزفـّهْ
ويُخطب عَنْترِك عَبْله ْ
بدون دِبلهْ
عشان أرجع .. ، وترجع لعبة النِّبْلة ْ
ومين قدِّك
يا بنت الكلمة والقِبلة ْ
ودعوة قلب جوَّه قََََََزَازْ
مع الحب اللى باتْ ألغازْ
يا موعد بس بالصُّدْفهْ
وطلعة شمس لو تِدْفَى
وع المْرفا الجنون يرسي .. ،
ويرسم دعوتُه وْينسى المُشبَّه .. ،
والمشبه بيه ْ
تِرَعرَعْ حلمنا الواعي استعارتِك .. ،
والمجاز تلقيه ْ
كناية وتورية وتشبيه ْ
أداة تنبيه ْ
وقال إيه ".. بابي هات بُوسَهْ
وحته بطعم بسبوسه
ومن فضلك .. أنا كبيره ْ
خلاص متقولشي ننوسه "
يا بنت الـــ ..
بـ ... حِبِّك معنوي ومحسُوس ْ
ومش ممسُوس ْ
وتشهد فكرة وعْيالي
ودعْيالي
يكون سهمك قُصاد سهمي
وبتساهمي
وحبك عذري بيفتّح ْ
و يفتح لما بيضَمِّك قلم مكسور من السِّنه ْ
ويبعت رنه على السُّنه ْ
شجن دايب مع الحِنَّه
جديد ْ في جديد ْ
وقبل الوقفه ييجي العيد ْ
دَخَلتِ الكَدْر ما تهمّي
ولا يهِّمك ..
لقيت عمِّك بِينْدَهْلي : -
" ما تصحَى الفجر هيأدن ْ "
_ . _ . _ . _
ويدخل حِلْمِنا التاني
سألت الشيخْ
في كلمة وْ رد ّ قال :- " هايلْ ...
يا حِلمَك أصله متفسَّرْ .. ، ومتيسَّرْ ..
هتربط كلمة ويّاها ..
وهيَّاها ... بِِدايْتََك بسّ مش طايلْ"
مسكْت الصورة أياها
قريت تنويه: -
" وكِيف تِقدرْ .. ومهْرَك من دهب سايلْ
يا عقلك في العِدل مايلْ
أقولَّك .. لأه مش قايلْ
ها تعمل إيه ؟! "
في لمحة عين .. وِحَكَّة كَبْرَتَة أحبابْ
فًتحْت البابْ
وشُفْتِك لمَّا بترُدِّي ..
كلام موزون ، ومتْحمِّل على المذهب ْ
دخل كوبليه مع المذهب
وغنوه فْ رقص بنُّوتهْ
وزغروتهْ .. حِلِي حَالي
رَبطْْت الماضي بالحالي
ومستقبل أخدْنا مْعاهْ
كمان عشناهْ
وإيه معناه ْ
حساب جاري .. وساري الدفع والتمويلْ
وكان حتى الرصيد فايدهْ
شموع قايدة
دليل تضليل ْ
عُروض أسعارْ .. بيوت تنهار
ملوش تعليل
عَروض .. تَفْعيل –
جديد .. تنميل
سنين عايدهْ
وشِلْتِ الكلية والزايدهْ
وضَغْط السُّكّر اتسممْ مع الأيامْ
منين وازّاي .. ، وإمتى بكامْ ؟؟؟
_ . _ . _ . _
ويرْكب تالتِ الأحلامْ
وفي الأضحى يموت إِعدام ْ
و ِيـِعدِم ألف كام خَدَّام ْ
تُخشّ الدنيا قلب صمامْ
وتبقى اللقمة طَعْم صيام ْ
وملح فْ عيش .. نعيش في سلام ْ
غرام .. بغرام ْ
تبات ونباتْ
يجوز نِحلم .. ومرَِّة نباتْ
في مُدّة حمل بتْساوي ...
سبع كلمات
وننقُش في الجبل عرفات ْ
وإمتى السبت يبقى تلاتْ ؟!
يجوزْ .. جُزْ .. جازْ
بحبٍِّك إنت سيكا وجازْ
وطن هزَّاز ْ
بيرسم مُشَتَرك فجأةْ
كََسَر برواز
أتاري الكرسي كان قزّازْ
وجِرْيتْ شفرة فوق خدَِّّيْ
وبتعدِّي على يدِّيْ
لمَحْت النعش بيهدِّي ْ
وكان مكتوب عليه دارفور ْ
هرم بيفورْ
نغم داير مع الطرحة ..،
وع الداير دموع جارحة
ونيل محفور بيتعاجبْ
ويندَهْ رِمْشه للحاجب ْ
ويسقي من الآلم سنّ القلم فرحة ْ
عَلَم يَافِتْ صَبَحْ أشْفُور ْ
ونَمْبر فُور ْ
ولِسّه الدورْ
يا نهر الأرض مُخْتلَّة ْ
ضفيرة البنت مُحْتلَّة ْ
بلسعةْ سُوطْ .. ،
وصوت تَمْوِيه ْ
وضُهْر فْ عصْر .. قصْر وتِيهْ
يَدُوب تعشق ْ
تِدوب تلحق ْ
تِصَوَّر بعد ما تحمَّضْ
تبطّل شعر وتْغمّضْ
تقول للكلمة تتمضمض
وتنطق ليه ؟
وتشبع لومْ
وتغْرق .. ، وانتَ حالِمْ بالتلاتة فْ يوم ْ
يا موج ساخنْ
عليك تِبْردْ في وقت لزومْ
أكيد مفهوم ْ
تِسِكِّت حتى فنّ العوم ْ
صحِيتْ م النومْ
أداة ْ تنبيه ْ
بحبِّك ..بس مش عارف أقولِّكْ إيهْ
بـِفْلاشْ بَِاك ْ .. كُن قُدَّامك .. وانت وراك .
تِصَوَّر بعد ما تحمَّضْ
تبطّل شعر وتْغمّضْ
تقول للكلمة تتمضمض
وتنطق ليه ؟
أداة تنبيه
وكانْ ياما كانْ .. وقبل زمانْ
صحيتْ م النوم ْ ..
وخير شُفتِكْ .. تَلَتْ أحلام ْ
وكنِّي اليوم
ويبدأ حلمي يتَّاخرْ .. ، وم الأخرْ ..
بحبِّك ..بس مش عارف أقولِّكْ إيهْ
قَطَفْت الليل على شْموعِكْ
زرعت البحر في قْلوعِك
كتبت السحر بدْموعِك
مع سْبوعِك .. ياريت تقريهْ
بحبِّك .. فوق سكون الرمز سكَّنَّي ..,
ومكِّنِّي .. وباحلم فيهْ
بلمسةْْ إيدكِ الدًّافْيه ْ
وضحكةْْ قلبكِ الصَّافيهْ
في حُضْنِك شوق بِيَتْمَخْتَرْ
مفيش اخطر من الورد اللي في خْدودِك ْ
ورمشِك كُحْلته حْدودك ْ
وبسمةْ حقّ في جْبينك ْ
بِتقْرِيها مع وْرودِكْ
كأنك لوحة مكتوبة .. بتتجمِّلْ
وكل الخلق تتأمِّلّ ..,
في لبلابك ْ ..، وضلاّيتِك ْ
يريتك تفردي ملايتك ْ
سلام أخضر على عْيونك .. بيتمايل ْ
مبيخافشي .. من المايل
لأن الحب ربّاني
ورباني الهوى اكمنِّكْ
- وآه ِمنَّك –
هدى القلب اللي متعطّرْ
وشايفك لمّا بتمطّر ..
شفايفك كلمة بتسطّر .. ،
وبتسيطر على الكون زيّ تسبيحه ْ
وتسريحه .. تبيّن جوّه شريان الشجر إسمك
شهادة حق ْ
قصيدة شعر ْ
قصيدة شعر .. حبّة حب .. روح فرسانْ
منى وْإيمانْ .. كمانْ برهانْ
يعلِّم سجدة الإنسان إذا صلى ّ
ما شاء اللهْ
يابنتي عليكي اسم الله ْ
وجنْبِك سورِة الرحمن ْ
وآية الكرسي والفاتحهْ
بتعوزتين .. تسرسب " مرحباً أهلاً "
و " بالأحضان " ... نرجّع بكره لامبارح ْ
أمل طارح
ونجمع قسمة ليل ونهارْ
أنا سارح مع التيار ْ
بفكّر حتى في الكوشه
وصورتِك تِرسم اللفّه .. مع الزفـّهْ
ويُخطب عَنْترِك عَبْله ْ
بدون دِبلهْ
عشان أرجع .. ، وترجع لعبة النِّبْلة ْ
ومين قدِّك
يا بنت الكلمة والقِبلة ْ
ودعوة قلب جوَّه قََََََزَازْ
مع الحب اللى باتْ ألغازْ
يا موعد بس بالصُّدْفهْ
وطلعة شمس لو تِدْفَى
وع المْرفا الجنون يرسي .. ،
ويرسم دعوتُه وْينسى المُشبَّه .. ،
والمشبه بيه ْ
تِرَعرَعْ حلمنا الواعي استعارتِك .. ،
والمجاز تلقيه ْ
كناية وتورية وتشبيه ْ
أداة تنبيه ْ
وقال إيه ".. بابي هات بُوسَهْ
وحته بطعم بسبوسه
ومن فضلك .. أنا كبيره ْ
خلاص متقولشي ننوسه "
يا بنت الـــ ..
بـ ... حِبِّك معنوي ومحسُوس ْ
ومش ممسُوس ْ
وتشهد فكرة وعْيالي
ودعْيالي
يكون سهمك قُصاد سهمي
وبتساهمي
وحبك عذري بيفتّح ْ
و يفتح لما بيضَمِّك قلم مكسور من السِّنه ْ
ويبعت رنه على السُّنه ْ
شجن دايب مع الحِنَّه
جديد ْ في جديد ْ
وقبل الوقفه ييجي العيد ْ
دَخَلتِ الكَدْر ما تهمّي
ولا يهِّمك ..
لقيت عمِّك بِينْدَهْلي : -
" ما تصحَى الفجر هيأدن ْ "
_ . _ . _ . _
ويدخل حِلْمِنا التاني
سألت الشيخْ
في كلمة وْ رد ّ قال :- " هايلْ ...
يا حِلمَك أصله متفسَّرْ .. ، ومتيسَّرْ ..
هتربط كلمة ويّاها ..
وهيَّاها ... بِِدايْتََك بسّ مش طايلْ"
مسكْت الصورة أياها
قريت تنويه: -
" وكِيف تِقدرْ .. ومهْرَك من دهب سايلْ
يا عقلك في العِدل مايلْ
أقولَّك .. لأه مش قايلْ
ها تعمل إيه ؟! "
في لمحة عين .. وِحَكَّة كَبْرَتَة أحبابْ
فًتحْت البابْ
وشُفْتِك لمَّا بترُدِّي ..
كلام موزون ، ومتْحمِّل على المذهب ْ
دخل كوبليه مع المذهب
وغنوه فْ رقص بنُّوتهْ
وزغروتهْ .. حِلِي حَالي
رَبطْْت الماضي بالحالي
ومستقبل أخدْنا مْعاهْ
كمان عشناهْ
وإيه معناه ْ
حساب جاري .. وساري الدفع والتمويلْ
وكان حتى الرصيد فايدهْ
شموع قايدة
دليل تضليل ْ
عُروض أسعارْ .. بيوت تنهار
ملوش تعليل
عَروض .. تَفْعيل –
جديد .. تنميل
سنين عايدهْ
وشِلْتِ الكلية والزايدهْ
وضَغْط السُّكّر اتسممْ مع الأيامْ
منين وازّاي .. ، وإمتى بكامْ ؟؟؟
_ . _ . _ . _
ويرْكب تالتِ الأحلامْ
وفي الأضحى يموت إِعدام ْ
و ِيـِعدِم ألف كام خَدَّام ْ
تُخشّ الدنيا قلب صمامْ
وتبقى اللقمة طَعْم صيام ْ
وملح فْ عيش .. نعيش في سلام ْ
غرام .. بغرام ْ
تبات ونباتْ
يجوز نِحلم .. ومرَِّة نباتْ
في مُدّة حمل بتْساوي ...
سبع كلمات
وننقُش في الجبل عرفات ْ
وإمتى السبت يبقى تلاتْ ؟!
يجوزْ .. جُزْ .. جازْ
بحبٍِّك إنت سيكا وجازْ
وطن هزَّاز ْ
بيرسم مُشَتَرك فجأةْ
كََسَر برواز
أتاري الكرسي كان قزّازْ
وجِرْيتْ شفرة فوق خدَِّّيْ
وبتعدِّي على يدِّيْ
لمَحْت النعش بيهدِّي ْ
وكان مكتوب عليه دارفور ْ
هرم بيفورْ
نغم داير مع الطرحة ..،
وع الداير دموع جارحة
ونيل محفور بيتعاجبْ
ويندَهْ رِمْشه للحاجب ْ
ويسقي من الآلم سنّ القلم فرحة ْ
عَلَم يَافِتْ صَبَحْ أشْفُور ْ
ونَمْبر فُور ْ
ولِسّه الدورْ
يا نهر الأرض مُخْتلَّة ْ
ضفيرة البنت مُحْتلَّة ْ
بلسعةْ سُوطْ .. ،
وصوت تَمْوِيه ْ
وضُهْر فْ عصْر .. قصْر وتِيهْ
يَدُوب تعشق ْ
تِدوب تلحق ْ
تِصَوَّر بعد ما تحمَّضْ
تبطّل شعر وتْغمّضْ
تقول للكلمة تتمضمض
وتنطق ليه ؟
وتشبع لومْ
وتغْرق .. ، وانتَ حالِمْ بالتلاتة فْ يوم ْ
يا موج ساخنْ
عليك تِبْردْ في وقت لزومْ
أكيد مفهوم ْ
تِسِكِّت حتى فنّ العوم ْ
صحِيتْ م النومْ
أداة ْ تنبيه ْ
بحبِّك ..بس مش عارف أقولِّكْ إيهْ