حنين الفيروز
17-06-2010, 10:44 PM
الخوف ملك
والصمت مارد طال شتات الروح
ما بين كابوس الوهم وحلم جامح
م فضلشى منه غير حروف
من غير معالم
يعالم
بمفردات الحلم ده
خطاويك نحاس
وطبول
وليل
وصليل حروف متمرده
تقطع وريد الحلم من خد الشروق
وندوق مرار البعد--- ساعات وئيده
تشد من عين السما
عفريت
يبل ريقه من شعاع النار ويفتل
مشنقه لعصفور سجين
بين الضلوع
سرقه الأنين م الزقزقه
نفسك ف ايه--؟؟
نفسى
أهرب منه ليه
نفسى
أنعس بين كفوفه حبيتن
هى اخر أمنياتى
هى اخر عهدى بيه
يامركبى
يامركبى المنسيه فوق رمال الهجر غوصى
أنا جاهزه اموت
أنا عشت لحظة بعمر عمرى
حتى احتييت
وامتطيت
مهرة خيالى للبراح بجناح أمل
ولا كانشى غير صبار بيسقى
الشوق نخيل
وعيون بتبلع مركبى
يا طيور مهاجره للربيع حسيت بخوف القزم فيا
م الوحشه ف الحلم الوسيع
فانوسى تاه
والمارد اللى مش شيفاه عمال بيكبر
حاولت اشق الارض واهرب من سكونى
حدفت قلبى فوق جبين النخل عش
والنخل عااااالى
وجناحى طايح ع الواحات
موجوع بيعصر بين رحايا الوجد دمعه
والخوف ملك
بيقود سفينة عجزنا
فنمووووووت وتطول المسافه
حرمان وخوف
وأمنيات
فوق الرفوف
ياما كان نفسك تطوف الجنه بيا
ياما كانت تنهيدات الشوق تنسم
تمر حنه ف الكفوف
بس كان خوفى وخوفك
خوف ملك
والملك
يكسب
ملك
---
تحياتى
حنين
والصمت مارد طال شتات الروح
ما بين كابوس الوهم وحلم جامح
م فضلشى منه غير حروف
من غير معالم
يعالم
بمفردات الحلم ده
خطاويك نحاس
وطبول
وليل
وصليل حروف متمرده
تقطع وريد الحلم من خد الشروق
وندوق مرار البعد--- ساعات وئيده
تشد من عين السما
عفريت
يبل ريقه من شعاع النار ويفتل
مشنقه لعصفور سجين
بين الضلوع
سرقه الأنين م الزقزقه
نفسك ف ايه--؟؟
نفسى
أهرب منه ليه
نفسى
أنعس بين كفوفه حبيتن
هى اخر أمنياتى
هى اخر عهدى بيه
يامركبى
يامركبى المنسيه فوق رمال الهجر غوصى
أنا جاهزه اموت
أنا عشت لحظة بعمر عمرى
حتى احتييت
وامتطيت
مهرة خيالى للبراح بجناح أمل
ولا كانشى غير صبار بيسقى
الشوق نخيل
وعيون بتبلع مركبى
يا طيور مهاجره للربيع حسيت بخوف القزم فيا
م الوحشه ف الحلم الوسيع
فانوسى تاه
والمارد اللى مش شيفاه عمال بيكبر
حاولت اشق الارض واهرب من سكونى
حدفت قلبى فوق جبين النخل عش
والنخل عااااالى
وجناحى طايح ع الواحات
موجوع بيعصر بين رحايا الوجد دمعه
والخوف ملك
بيقود سفينة عجزنا
فنمووووووت وتطول المسافه
حرمان وخوف
وأمنيات
فوق الرفوف
ياما كان نفسك تطوف الجنه بيا
ياما كانت تنهيدات الشوق تنسم
تمر حنه ف الكفوف
بس كان خوفى وخوفك
خوف ملك
والملك
يكسب
ملك
---
تحياتى
حنين