مش هتزعل

[محمود موسى]

سبتها وعدّيت طريق الزحمة



ماشي ف إيدي وردة وكل قطفة للورق



فيها انعكاس..:



مش هتزعل.. لأ هتزعل..



مش هتزعل..لأ هتزعل..



الكلام كان كله م الأول هزار..



بس وارد كلمة منه تخون ذكاءها



أو تكون من غير ما تتأكد خدتها بانكسار



أصلي عارف قد إيه إحساسها عامل



زي ريشة من جناح الناي



إذا رفرف على سمع الحزانَى ومنه إحساس البكا



مايفُوت قلوب الناس عمار



اسألوني..



كل تنهيد الجناين جنبها ما يجيش في نظرة



تزرع الكتمان بحزن وهي من كتر الصفا



ما بتشتكيش..



يبقى ليه أستنى كلمة؟



أو أسيب الدمعة تنزل من عينيها ف سكة ضلمة؟



مش كفاية اَبعت رسالة وأكتب العنوان "بحبك"



أو "وحشتيني" اللي جايز تبقى للروح المسامحة:



أسبرين..



الحكاية ف إن صوت البعد غادر



والحروف من وحشة الطول في المسافة



غدّارين..



يبقى واجب..



لما اشيل م الوقت تجعيدة سكوته



وتكتمل دايرة لقانا..



وقت ما نوْصل بإحساسنا كما المعتاد ونعْلَى..



وقت ما نضَفَّر بإيدنا في السما شَعر السحاب..



إنّي أنقل أي كلمة معتمة لزاوية إضاءة



قبل إحساسي الأناني ف لحظة يصْحَى



يقول لي: مالك من يدوبك كلمة كبّرت الحكاية



ومن تشابيك الهوا بتغزل لها بإيدك طاقية وهي ما تركز كده



فألقاني متحير بَداري ف كل ده



ولساها نفس الوردة دبلانة ف إيديا



وكل قطفة من الورق فيها انعكاس:



مش هتزعل.. لأ هتزعل



مش هتزعل..

[ربيحة الرفاعي]

سوء طالع يحرمني الوصول لبديع حرفك وبي طاقة لعمل
أقرأك فأحلق في جماليات الحرف وروعة الحس
لكنني اعجز عن رد يليق بهذا الجمال

دمت متألقا

[الطنطاوي الحسيني]

سبتها وعدّيت طريق الزحمة



ماشي ف إيدي وردة وكل قطفة للورق



فيها انعكاس..:



مش هتزعل.. لأ هتزعل..



مش هتزعل..لأ هتزعل..



الكلام كان كله م الأول هزار..



بس وارد كلمة منه تخون ذكاءها



أو تكون من غير ما تتأكد خدتها بانكسار



أصلي عارف قد إيه إحساسها عامل



زي ريشة من جناح الناي



إذا رفرف على سمع الحزانَى ومنه إحساس البكا



مايفُوت قلوب الناس عمار



اسألوني..



كل تنهيد الجناين جنبها ما يجيش في نظرة



تزرع الكتمان بحزن وهي من كتر الصفا



ما بتشتكيش..



يبقى ليه أستنى كلمة؟



أو أسيب الدمعة تنزل من عينيها ف سكة ضلمة؟



مش كفاية اَبعت رسالة وأكتب العنوان "بحبك"



أو "وحشتيني" اللي جايز تبقى للروح المسامحة:



أسبرين..



الحكاية ف إن صوت البعد غادر



والحروف من وحشة الطول في المسافة



غدّارين..



يبقى واجب..



لما اشيل م الوقت تجعيدة سكوته



وتكتمل دايرة لقانا..



وقت ما نوْصل بإحساسنا كما المعتاد ونعْلَى..



وقت ما نضَفَّر بإيدنا في السما شَعر السحاب..



إنّي أنقل أي كلمة معتمة لزاوية إضاءة



قبل إحساسي الأناني ف لحظة يصْحَى



يقول لي: مالك من يدوبك كلمة كبّرت الحكاية



ومن تشابيك الهوا بتغزل لها بإيدك طاقية وهي ما تركز كده



فألقاني متحير بَداري ف كل ده



ولساها نفس الوردة دبلانة ف إيديا



وكل قطفة من الورق فيها انعكاس:



مش هتزعل.. لأ هتزعل



مش هتزعل..

اخي الحبيب محمود موسى
سلام الله عليك ايها المبدع
طيب يا أخي طالما أنت حلو التصوير والتلميح والنسج كده
م دخلها منفردة حتى يتسنى لنا تثبيتها والتعلم منها
صراحة جميلة جدا وبعيدة عن الغموض ووصف الداء والدواء في التعامل مع القوارير
والله انت مبدع يا محمود بالعامية نفسي اشوفك بمثلها في الفصيح وادري انك رائع به
اخي الحبيب شكرا لروحك الجميلة ولإبداعك الأصيل وهذه الوصفة يحتاجها كل خاطب وعاقد وزوج
تحياتي

[الطنطاوي الحسيني]

ماذا فعلت انا
ظننت اني اعلق على المثبتة -لما يجبيوا في سيرتك
اعتذر اخي
والقصيدة للتثبيت تقديرا وابداعا ولكن بعد فك الفوقية
دمت للشعر الجميل وللقصد النبيل اخي محمود موسى

[محمود موسى]

سوء طالع يحرمني الوصول لبديع حرفك وبي طاقة لعمل
أقرأك فأحلق في جماليات الحرف وروعة الحس
لكنني اعجز عن رد يليق بهذا الجمال

دمت متألقا

أختنا الكريمة

بل ذوقك هو من يجعلنا في عجز عن الرد

جزيتِ الخير كله :)

[محمد الشحات محمد]

(مش هتزعل) ...

إذا قُلْتُ لكَ أين أنتَ أيها الرائع الشاعر الصديق ؟

و إن "زعلت" .. ، لقد كنتَ مَنْ سبق و "زعّلتها منك" ..

تعاتب نفسكَ ؟

أم الوردة هي التي مُرهف الإحساس؟

أم لأنك شاعر نقي كما شهدت الــ "رؤى" المتألقة ؟

شكراً لما أمتعْتنا بهمس الحب و عطر الشعر

أخي الشاعر المتألق/ محمود موسى

صباحُكَ ورد و رسالات مودة

[محمود موسى]

اخي الحبيب محمود موسى
سلام الله عليك ايها المبدع
طيب يا أخي طالما أنت حلو التصوير والتلميح والنسج كده
م دخلها منفردة حتى يتسنى لنا تثبيتها والتعلم منها
صراحة جميلة جدا وبعيدة عن الغموض ووصف الداء والدواء في التعامل مع القوارير
والله انت مبدع يا محمود بالعامية نفسي اشوفك بمثلها في الفصيح وادري انك رائع به
اخي الحبيب شكرا لروحك الجميلة ولإبداعك الأصيل وهذه الوصفة يحتاجها كل خاطب وعاقد وزوج
تحياتي
ربنا يعزك يا عمنا
هي الحالة دي وإن كان الأنسب في تناولها العامية ولكن نكررها في الفصحى علشان عيونك انت تؤمر.. وإن كان كمان الرمزيون احتكروني في الفصحى واللي كان كان ^_^

دمت بود