مين يصـــــدَّق

[محمد نديم]

مين يصـــــدَّق


مين يصدق إني حيّ؟
لما غبتي وغاب نداكي الصبح كله.

مين يصدق إني وردة ما فتّحتش.
وشوك معشش في الغصون
والجنينة اتبدلت رمل وعطش.
وفضلت وحدي ف السكون.
ألف ….
أدوُر
أدور
وتاهت خطوتي
ف شـِباك خيوط العنكبوت
غريب وبابك مش لاقيه
مجنون وتاهت من عنيا سكتك
ونسيت عناوين البيوت
وفضلت
ألف ….
ألف
أدووووووووور
عطشان ومشتاق لك كتير
مشتاق لغيمة تزور ورودي من عينيكي …
مشتاق لهمسة من شفايفك
تحيي فيا العمر كله
ويختفي صوت السكوت
مين يصدق …؟
لما رحتي ....
قلت أدوب وسط البشر
ويتوه غنايا ف الزحام
وتدوب ملامحي ف الوشوش

مع إنهم ضحكوا لي زي صديق بشوش،

من غير ملامحك يا حبيبتي ،
بحس كل الناس وحوش

وأنا الغريب
فضلت
ألف
ألف
أدور
وقلت يمكن
في الليالي أشوف عيونك نجمتين

والقلب يبكي النبض فيه

ف الليل بحايل قلبي زي الأم

لما تروح تحايل طفلها.

ونهاري بفضل أهدهده

وأقوله اصبر واحتسب
الشمس مش حتغيب كتير
مين يصدق؟
لما غبتي ...
لقيتني صرخة في الفراغ
البرد ياكل جتتي
والحزن هو رفيق ليالي وحدتي.
وأنا اللي حيران في الزمن

بين ليل يفوت ... ونهار يفوت
ياريتني عارف أعيش لوحدي
يارتني عارف حتى أموت
ومين يصدق؟
إن حتى مرايتي
لما ببص فيها … بشوفك انتي ...
واشوف ملامحي بتختفي ..

وألاقي وشي بينزوي .....

ومش مصدق ...
مش مصدق
اني حبيتك أوي.

[ربيحة الرفاعي]

رقيقة وشجية وفي لحنها عذوبة
هذا لقائي الول بحرفك ... وساحرص على ان لا يكون الخير

دمت مبدعا

[محمد نديم]

رقيقة وشجية وفي لحنها عذوبة
هذا لقائي الأول بحرفك ... وساحرص على ان لا يكون الأخير

دمت مبدعا
أهـــــــــــــــــــــــ ــلا بك دائما أ. ربيحة وعلى الرحب والسعة.

[الطنطاوي الحسيني]

مين يصدق إني حيّ؟
لما غبتي وغاب نداكي الصبح كله.
مين يصدق إني وردة ما فتّحتش.
وشوك معشش في الغصون
والجنينة اتبدلت رمل وعطش.
وفضلت وحدي ف السكون.
ألف ….
أدوُر
أدور
وتاهت خطوتي
ف شـِباك خيوط العنكبوت
غريب وبابك مش لاقيه
مجنون وتاهت من عنيا سكتك
ونسيت عناوين البيوت

السلام عليكم ورحمة الله وبركاته
سلمت لنا من الموت يا شاعر
اخي محمد النديم الشاعر الصب
قصيدة للتثبيت تقديرا وإبداعا وترحيبا
اهلا وسهلا بألقك وإبداعك بيننا ايها الكريم الفاضل
تحياتي وتقديري
ودمت مبدعا رائعا

[غازى كلخ]

محمد نديم..

والكلام طالع من قلب عاشق

صادق سليم

يدخل القلب يداويه

ويشفى من جرحو الأليم

لو يلاقي في يوم حبيبو

قول ..... ربك كريم

[ناديه محمد الجابي]

ما أجملها من قصيدة نابضة بالعذوبة والرقة
زفرة شعرية من قلب محب عاشق بإحساس ومشاعر
وجرس يعزف على أوتار ذائقة القلوب.
بوركت وجميل حرفك.
:vio::cup::005: