مش خيار

[اشرف نبوي]

مش خيار

النيل مبارك

والاهرامات ثابته وراسخه

بالمبارك

و الأغاني في الاذاعه

برضه مبارك

حتي القرايه للجميع صارت مبارك

متغيروا العلم الغريب

وتعلقوا صورة مبارك

ونقول مبارك

حتي النشيد غيروه

خلوه يبقي نشيد

سيدنا مبارك

والمصانع والميادين والشوارع غيروها

والمدارس والمحطات بدلوها

خلو كل شيء مبارك

لجل ما يزيد التقدم

والنور يعم

كله مبارك

خلوه مبارك

وامسحوا أسم الشهور

خلو فيه واحد مبارك

عشان نعيش عصر التبرك

والمبارك

والصور والاعلانات

حتي المسلسل أفيون البيوت

خلوه مبارك

بس أوعو حد يلمح في المسلسل

شحات جعان

ازاي جعان؟ وأزاي مبارك ؟

أو تظهر الصوره مريض

أو حد نايم ع الرصيف في أي شارع

أو مشاكس من بتوع

التظاهر والا وقفات الأحتجاج

أحسن يبوظ الهيلمان

وأوعو كمان يظهر م المعارضه واد جبان

بلاش رتوش

واتعلموا رسم أبتسامه ع الوشوش

وحضروا لمولد الانتخاب

مولد سيدنا ال مبارك

اللي جلنا بعد ماستنينا خمسه

بعد خمسه وخمسه خمسه

سنين كتار

وبمزاجنا أوبجزمه

هو قاعد

مش خيار

اشرف نبوي

[الطنطاوي الحسيني]

القهر يجعل الإنسان يقول في حالات وعيه القليلة
ما إن عاد للاوعي استهجنه
هذا الكبت والقهر والرمز هنا ينزل على كل ظالم وجائر ومذل شعبه وما أكثرهم بيننا
ترى هل هم الداء ام الدواء لأمة قاربت ان تموت فيها النخوة إلا من بصيص حمية
الإبداع يفوق الجمال إذا لم يكن مباشرا مباشرة تخرجه من نطاق ابداعه
تحياتي اخي النبوي
ونسأل الله أن يصلح الحال والآحوال وأن يعيننا على تغيير أنفسنا حتى يغير ما بنا
دمت مبدعا

[علاءالحكيم]

بلاش رتوش
واتعلموا رسم أبتسامه ع الوشوش
وحضروا لمولد الانتخاب
مولد سيدنا ال مبارك
اللي جلنا بعد ماستنينا خمسه
بعد خمسه وخمسه خمسه
سنين كتار
وبمزاجنا أوبجزمه
هو قاعد
مش خيار

بارك الله فيك اخي الفاضل
وادعو الله ان يرزقنا الله الصلاح
ودوام الحال من المحال
كل الود اخي

[اشرف نبوي]

الطنطاوي الحسيني

صدقت ففي أحيان كثيره نفقد الوعي ونحن نصرخ بهستيريا بعد ان يعينا الظلم ونصبح غير قادرين علي التمييز

هذا حال أمه بأثرها

نسأل الله ان يزيح الغمه

تحياتي

اشرف نبوي

[اشرف نبوي]

علاء الحكيم

اللهم امين

ارزقنا صلاح انفسنا

وارزقنا من بعده صلاح ولاة امورنا

لك خالص الود

اشرف نبوي

[غازى كلخ]

أشرف نبوي....... يابن المحروسه

ليه السوسه بتنخر في نخاع العظم !؟؟

لمّا الأنفاس تكون محبوسه

والأحاسيس مكتومه ومكبوسه

والناس ما تعرف غير النوح واللطم

يبقى التغيير ح يتوه ونظل ف حوسه

والظالم ح يدندل رجليه.ويتألّه صنم الظلم ؟!!!!!!

[آمال المصري]

اللي جلنا بعد ماستنينا خمسه
بعد خمسه وخمسه خمسه

أستاذ أشرف نبوي ...
قلمك دائما يصفع بالحقيقة المرة التي تعجز ألسنة الغلابة عن التفوه بها
رغم ذلك أجدني ابتسم بحسرة على حالنا
ولكن بصمت الخوف
تُرى متى تتوالى الخمسات المباركة ؟
تقديري لك سيدي ولقلمك الذي يعري الحقائق
دون زيف

[ربيحة الرفاعي]

قرأت هنا حوارا باهرا زاد جمال القصيد جمالا
دمتم مبدعين

[اشرف نبوي]

غازي كلخ

( ليه السوسه بتنخر ف نخاع العظم )

لأن الصمت صار ديدننا وارتضينا بكل الوان الجور دون ان نحرك ساكنا

تحياتي ايها الجميل

اشرف نبوي

[اشرف نبوي]

رنيم مصطفي

عطر المنتدي الذي يتناثر برقه حرفه

مضت خمسه بعد خمسه بعد خمسه وخمسه عجاف

وننتظر ولو خمسة واحده تحمل بين طياتها الخير لامتنا

اشكر لك طيب حرفك وبهاؤه


أشرف نبوي

[اشرف نبوي]

ربيحة الرفاعي

ودام تواجدك العذب ومتابعتك الراقيه يا سيدة الرقه


تحياتي

اشرف نبوي

[علاءالحكيم]

اخي الفاصل الرائع ..... اشرف
سلام الله عليك
اليك بعض الكلمات مني وارجوا ان تسموا الي ذائقتك
ياعم امين..والله بحبك.. مش

فهمين

يامهنيني.ومدلعني

وف عز الضلمه بتزرعني

واكل قوتي. وملوعني

وف عز صيامي.مجوعني

ومعريني.ومبهدلني

حتي ف مداسي.مبيعني

ناهب بيتي.ومضيعني

حتي الشغل كمان.صيعني

عم امين..ياعم امين.ضاعت الهيبه ومش

نفعين

اكلي فبطنك بتشلهولي

والميه تعنها ف غربال

قلمي الكاتب كسرهولي

والظالم ال ايه....زجال

حتي الماضي بتمسحهولي

والحاضر بقي ف النسيان

وتصورني وتكدرني

لما افرح.تبقي زعلان

وتشيكني وتشكشكني

ودي..غزه فقلبي بتوحعني

سايب غيري ناهب خيري

وامشي الخطوه..ترجعني

عم امين..ياعم امين

والله ياسيدي الناس نايمين

سبلي بهيه ياعم امين

وشيل النغمه..الحن حزين

مرر حالنا وبيحللنا

واحنا عملين مش فاهمين

بهيه ابيه.قاعده وديمه

انت وغيرك..مش ديمين

اه لو صرخت شيئ م الثانيه

هتلاقي ولادها.. حاضرين

شفت قلب بهيه الصافي

افتح..هتلاقي....جمال

ولا الماسا فصدربهيه

بتولد...انوار...في الحال

عاشت ليهم..عاشت بيهم

رجاله..مش لعب عيال

حافظوا عليهاوباسوا ايديها

واتحدوا...ابن الدجال

عم امين..ياعم امين

خف شويه الناس صبرين

انفض ايدك..وابعد عنها

مش هانسبها للاحفاد

هي الصابره..هي الصمده

وف ظلمها بتكون.. جلاد

اصحا فوق ياعم امين

دي الصحبه حبة فاسدين

وان كانت دامت..والله مادامت

واسال كل...... البني ادمين

الا بهيه ياعم امين

كل ولادها عيال وعرين

فيهم ناسك..فيهم عابد

فيهم عاشق نام ف الطين

فيهم اللي حرر بيتها

وفيهم اللي قتل حيتها

فيهم شاعر يكتب كلمه

يشعل بيها قلب الامه

خالص ودي وتقديري

[اشرف نبوي]

علاء الحكيم

انرت زاويتي بفيض حرفك

كل الشكر علي كلماتك الرائعه

خالص مودتي

اشرف نبوي