تزوير

[اشرف نبوي]

تزوير

زوروا التاريخ

أقطعوا صفحات كتير

واكتبوهم من جديد

علموا كل الولاد

أن سيدنا ابو لهب

مش شخص واحد

ده ألف شخص

بينط في كل صفحه

بألف وش وألف شكل

أبو لهب دجال كبير

أخطر ألف من مره

م اللي اتكتب

جوه صفحات التاريخ

ابو لهب ابو الف وش

يعرف يغش

عشان كده

بقي أمير

وشغلته تاجر حمير

وكمان وزير

طيار ..غفير..

أو حتي كوتش

باله طويل

وبخبرته

عارف يكون ملك الحمير

لكن بيكره جهلهم

علشان كده ديما يسافر

ويسيبلهم بلد الحمير

ابو لهب راجل خطير

له ألف ساعد

ميت مساعد

دجال وطوشي

يبيع ولاده وارضهم

مهم حمير

والبيع حلال في اللي رضي

في الاصل أنه ينحني

أو يبقي واحد م الحمير

فمتكتبوش عن الحقيقه

لانها أثبات خطير

علي إننا ممكن نغور

من وش سيدنا أبو لهب

بس المهم منزعجوش

منبصلوش في لقمته

ولا نرفع العين الحسوده

لجل ما تدوم نعمته

ومتزعلوش

ولا تغضبوش من شخطته

مانتو رضيتوا من زمان

بوس جزمته

فخلاص بقه

وطوا كمان

والحسوا كل التراب

عشان ما تنضف سكته

ويكون سعيد

راضي وتضحك سحنته

أصله خلاص قرر

يورث عزبته

بحميرها وبكل اللي فيها

لكن هياخد فرشته

علشان ناوي ينام

نومه الاخير

ناوي يسلم عهدته

أشرف نبوي

[ربيحة الرفاعي]

وطوا كمان
والحسوا كل التراب
عشان ما تنضف سكته
ويكون سعيد
راضي وتضحك سحنته
أصله خلاص قرر
يورث عزبته
بحميرها وبكل اللي فيها
لكن هياخد فرشته
علشان ناوي ينام
نومه الاخير
ناوي يسلم عهدته
أشرف نبوي ...
أيها الحر صاحب الفكر والقلم المناضل
بشوق نترقب حرفك
وبلهفة نتلقفه
ففيه في كل مرة إبهار مختلف

دمت مبدعا

[محمد الشحات محمد]

الضاحك الباكي

أشرف نبوي

استمتعتُ هنا كثيراً ، و لي سؤال

هل مَنْ سيتسلم العهدة من نفس النوعية ، أم أنه مجرد وريث؟

تحية لقلمك أخي الفاضل

مودتي

[ربيحة الرفاعي]

الضاحك الباكي

أشرف نبوي

استمتعتُ هنا كثيراً ، و لي سؤال

هل مَنْ سيتسلم العهدة من نفس النوعية ، أم أنه مجرد وريث؟

تحية لقلمك أخي الفاضل

مودتي


بشويش عليه
دَ انت كده هَتودرُه
هَيضيع يا عم ونخسرُه
لو قال كمان ...
هيغيب ورا الشمس فثواني
والعذاب هَيغيرَه
خليه في حالَه بلاش عذاب
على أيه يا عم بتسألُه

[محمد الشحات محمد]

بشويش عليه
دَ انت كده هَتودرُه
هَيضيع يا عم ونخسرُه
لو قال كمان ...
هيغيب ورا الشمس فثواني
والعذاب هَيغيرَه
خليه في حالَه بلاش عذاب
على أيه يا عم بتسألُه


على إيه صحيح

عامّي وْ فصيح

ممنوع نصيح

هيّه الحياة ..

مش ناقصة فعلاً بهدلةْ

و جلا فْ جلاَ

بعدين يا أشرف ينقلوك

بعدين تطولِ المسألة

و ياعمّ مش لازم إجابتك في الردود تصبح صريحة

عن نفسي هـ اسمع أيّ كلمة تكون من الأخت الـ ربيحة

ولادي النهاردة استسلموا

وانا حتى زاوية فْ منقلة

ميهمنيش نوع الوريث


فأكيد وريث من نوع حلال

و الكلمة عنده بألف حال


هوّه الـ جمال حلّ السؤال

و مفيش مُحال

حتى الجواب من غير قرار

و الطبْلة لبستْ مريلة

تزوير دا إيه؟

و وريثنا إيه

ألله عليه

معروف بلعب الدنجلة

.............

كفاية كده أحسن ...

[علاءالحكيم]

وكرباج
كلماتك كرباج
الاخت ربيحه خايفه عليك
وعم محمد ولعها
بس خذو بالكم
ماتغلـطوش فى عــم امـــــــين
شــــكلكوا بتــــــحبو الزنازين
شكلكوا حتودونا فى داهـــــــية
و احنا خلاص عليها واخدين
و الشتاء جاي يعنى خلاص
الــمسألة حبة بطاطين
واللي هايجرى ياما بيجرى
دقنا الذل ومش خايفين

[اشرف نبوي]

ربيحه الرفاعي

كنت اجد متعه في احرفكم التي انسابت كنهر رقراق فلم ارد ان ارد او اقطع سيل الحروف

لكنكم توقفتكم عن سكب العطر بصفحتي

كم اذدانت وتلالأت صفحتي بجميل احرفكم

لكم كل التحيه والتقدير


اشرف نبوي

[اشرف نبوي]

الجميل بحرفه

محمد الشحات

رديت قبل ما احاول ارد

وقلت كل الحكاية المدهشه
اللي بيحاولوا يقولوها
ويصورولنا دورنا خلاص
وعضمنا محتاج قرقشه

يا سيدي هي مصر من ربع قرن صارت زنزانه كبيره
مش مهم مين اللي بره والا جوه كلنا في الهم مصريين

تحياتي

اشرف نبوي

[اشرف نبوي]

علاء الحكيم

ثورة هي ياسيدي ما نحتاجه ثوره

ولا شيء سواها

ادعو لها من قلبي ومستعد للموت في سبيل رفع الظلم عن وطن اهين كثيرا وبيع


تحياتي
اشرف نبوي

[الطنطاوي الحسيني]

ولا تغضبوش من شخطته
مانتو رضيتوا من زمان
بوس جزمته
فخلاص بقه
وطوا كمان
والحسوا كل التراب
عشان ما تنضف سكته
ويكون سعيد
راضي وتضحك سحنته
أصله خلاص قرر
يورث عزبته
بحميرها وبكل اللي فيها
لكن هياخد فرشته
علشان ناوي ينام
نومه الاخير
ناوي يسلم عهدته

كلمات ضخمة
وسلخ ذاتي
على ظهر من نسى ان له كرامة
ودين وتاريخ
تحياتي اخي وتقديري ايه المبدع

[إسلام شعله]

يسلم قلمك يا فنان

شاعر صحيح
لكن صريح

[اشرف نبوي]

الطنطاوي الحسيني

لكن اتظن اننا سنستفيق يا اخي

انا املي ان نستفيق فقد اوجعنا ظهرنا

تحياتي

اشرف نبوي

[اشرف نبوي]

اسلام شعله

الشكر لك ايها الجميل بودك ودفء حرفك

تحياتي وتقديري

اشرف نبوي

[هاني جمال الدين حلمي]

بديعٌ هو النـّص .. وكذلك تلكَ المساجلة الرائعة فيما بينكم

دمتم جميعاً بكل خير

[اشرف نبوي]

هاني جمال الدين حلمي

كل التحيه لقلمك الرقيق

تحياتي

اشرف نبوي