المساعد الشخصي الرقمي

مشاهدة النسخة كاملة : شفتش بلد ؟


سيد الموجى
27-09-2010, 02:40 PM
شُفتش بلد ؟


شفتش بلد000الونش فيها بيتسرق ؟
شفتش بلد 000 الأصل فى سفنها الغرق ؟
شفتش بلد ماتعيرش للسكة الحديد
أى اهتمام إلا إذا القطر اتحرق ؟
شفتش بلد أراضيها صحرا واهلها
بيخضروا صحارى جيرانهم بالعرق ؟
شفتش بلد تصرف على جراج أربعين
مليون جنيه وتهدّه خوفا م القلق ؟
شفتش بلد فيها الكبار فوق القانون
وبدون خجل سايبة المواطن يتفلق ؟
شفتش بلد وزراءها تجار أو رجال
أعمال بياخدوا عمولة رسمى وع الملأ ؟
شفتش بلد نوابها جوه البرلمان
بيناموا ويسيبوا القوانين تنسلق ؟
شفتش بلد بتجدد الخدمة لألفين
مستشار يا خدوا مكفآت بالغلق ؟
وشبابها على رأى المثل خرموا الودان
مستنظرين وعد الحكومة بالحلق ؟
شفتش بلد من يوم ما عملوها بلد
وقفة محلك سر عند المفترق ؟
شفتش بلد فيها العجايب كلها ؟
لو كنت بلدياتى إوعى تقول لى لأ !
آمال المصري
27-09-2010, 03:44 PM
يبقا أنت أكيد أكيد في مصر
عشت وشفت بس يارب كفا
رائعة متمردة قصيدتك سيدي الفاضل
دام يراعك ناطقا بالحق
ودمت طيبا
تقديري الكبير
محمد الشحات محمد
27-09-2010, 05:10 PM
:004:

لم أعرف الإجابة ..


عرفتها ..

مشربتش من نيلها ..

حل آخر

المصريين أهمه ..

حل ثالث ، و إن لم يعجبكَ حلّها أنت

أنا تاج العلاء في مفرق الشرق

...............

سيد الموجي

أحسنتَ في رسم الصورة

و لن أقول "لأ"

مودتي و تقديري
ربيحة الرفاعي
27-09-2010, 09:55 PM
جمال ووضوح وحروف وصفت نبض شارع عربي
تجد نسخة منه بتعديلات طفيفة
حيثما تلتفت في دنيا أهل الضاد

حرف يستحق المتابعة
دمت بألق
سيد الموجى
29-09-2010, 12:24 PM
يبقا أنت أكيد أكيد في مصر
عشت وشفت بس يارب كفا
رائعة متمردة قصيدتك سيدي الفاضل
دام يراعك ناطقا بالحق
ودمت طيبا
تقديري الكبير


عزيزتى / رنيم
أشكر لك كلماتك الرقيقة
وسعدت كثيرا بوجودك بصفحتى المتواضعة
دمت بخير
سيد الموجى
29-09-2010, 12:35 PM
:004:


لم أعرف الإجابة ..



عرفتها ..


مشربتش من نيلها ..


حل آخر


المصريين أهمه ..


حل ثالث ، و إن لم يعجبكَ حلّها أنت


أنا تاج العلاء في مفرق الشرق


...............


سيد الموجي


أحسنتَ في رسم الصورة


و لن أقول "لأ"


مودتي و تقديري



كلنا شربنا من نيلها قبل وبعد التلوث ، وهتفنا المصريين اهمّا فى حالتى الانكسار والانتصار ، وقال حافظ إبراهيم بلسانها أنا تاج العلاء فى مفرق الشرق وصدقناه وصفقنا له ثم كان ما كان ولم يبق بإمكاننا الآن إلا أن نقول يا حبيبتى يا مصر
000000000000000000
وجودك هنا أسعدنى أيها الحبيب / محمد الشحات محمد
دمت بكل خير
سيد الموجى
29-09-2010, 12:41 PM
جمال ووضوح وحروف وصفت نبض شارع عربي
تجد نسخة منه بتعديلات طفيفة
حيثما تلتفت في دنيا أهل الضاد

حرف يستحق المتابعة
دمت بألق

الجمال كله لديك يا / ربيحة
وكما قال الشاعر: كلنا فى الهم شرق
ودى واحترامى
علاءالحكيم
04-10-2010, 11:22 PM
الرائع الفاضل...سيد الموجي
سلام الله عليك
بصراحه احنا شفنا وعرفنا المرض بس للاسف مش لاقين الدواء
ونقول...مهما الزمان يكسر في ايدك قلتك
وفرانه تاكل غلتك
مهما الزمان يسرق خطان جلبيتك او طرحتك

مهما العوازل يابهيه يقتلوا الضحكه علي وش الزمان
ويبدلوا الربان
ويزورولك غنوتك
او يرسمولك خطوتك
ويغيرولك سكتك
راح تفضلي........................اقوي..واك بر من الزمان


خالص ودي وتقديري اخي الفاضل
وفي انتظار المزيد
سيد الموجى
07-10-2010, 02:52 PM
الشاعر الجميل / علاء الحكيم
أشكر لك هذه المشاركة الجميلة
لافض فوك ولك منى خالص الود
محمود إبراهيم
09-10-2010, 09:34 PM
أنا مصرى من ها البلد :)