ماتش مسَجَّل

[محمود موسى]

الأخبار من أول صفحة..



ومرورًا بعمود تحليلي وتفاصيل حادثة وكام تقرير..



بتحسسني بإني بتابع ماتش مسَجَّل..



شُفت نتيجته امّا اتذاعت من ست شهور..



نفس الجبهة ونفس عناصر بتناور



علشان الجبهة التانية تسَلِّم..



و فـ لحظة وللخَلْف يدور ترتيب الأول



يبقى أخير..



بس الفرق الواضح جدًّا..



إن الحارس.. مابقاش واقف جنب المرمى



علشان أصله مافيش للعارضة حديد يتدَقّْ..



تيجي ازاي؟



ماهو ده الفرق!



***



جاي في النشرة:



إن ولاد العم دعُونا ف يوم جَمَعونا



حوالين سُفْرة..



حطوا لنا اللحم المتلَغَّم بالمَعلوم.



إوعى تقول لي إنه هيتزحلق من طبقه وهيميل



على ودنك ويقول (حاسب أنا مسموم)!



فهمني جنابك –لا مؤاخذة- اللحم هينطق



علشان مين؟؟



يا حضرات المنتفعين.



لو باسْم الأمثال صدَّقنا



قُمْنا طبَخنا السم ودُقنا نقول الناس هتصدق بردو



اننا شاطرين..



المسموم لو حتى اتكلم ع السُّفرة هنحلف



مِن بَعْد الموتة بلحظة بإن الصوت



كان جايب آخر الدنيا ودونًا عن طوب الأرض



ماكناش سامعين..



طب واشمعنى اتكلم مرة



وقال لـ"مُحَمَّد" كلمة حق؟



لسة بقول لك ماهو ده الفرق!



مع إنه لا كان بالنسبة له الماتش مسَجَّل..



ولا شاف الأحداث بالكلمة ف كُتُب السيرة..



كل الفارِق..



إن "مُحَمَّد" كان بيشوف الكون ببصيرة..



زي البَحَّار اللي بيقْسِم ضهر الموج..



يتفرع له البحر شوارع بين شطّين..



أو فريقين..!



لو محتار في عددهم.. عِدْ



لو هتقيسها بمين يتطَوَّع يبقى "مُهاجم" زَيَّك.. عِدْ



لو هتقيسها بكام قاصد يتعدي حدوده



وخَد إنذاره وسَلّم.. عِدْ



بس هقول لك: "كم مِن فِئةٍ" لا تَرجو لله وقارًا



قام سابهم للدنيا تسَمِّن فيهم..



لجل ما يسْبَق سيف الدهر إليهم فجأة..



بس انا زي ما مرة سألتك هو اللحم هينطق



ويقول "أنا متسمم" علشان مين؟



جاي دلوقتي وبردو بقول لك:



طب والدهر يجَرَّد سيفه من الغِمْد ويحصد رقابيهم



علشان مين؟!

[محمود موسى]

إن ولاد العم دعُونا ف يوم جَمَعونا


حوالينا سُفْرة..


هي "حوالين" مش "حوالينا"
أرجو من إخواني المشرفين تعديلها :)

[آمال المصري]

رائعة من رواعك سيدي المكرم
أكبر من أي رد يقال
للتثبيت لينهل من روعتها العابرون
دام لنا حرفك السامق
ودمت طيبا
تقديري الكبير

[ربيحة الرفاعي]

بس الفرق الواضح جدًّا..
إن الحارس.. مابقاش واقف جنب المرمى
علشان أصله مافيش للعارضة حديد يتدَقّْ..
تيجي ازاي؟
ماهو ده الفرق!
***
جاي في النشرة:
إن ولاد العم دعُونا ف يوم جَمَعونا
حوالين سُفْرة..
حطوا لنا اللحم المتلَغَّم بالمَعلوم.
إوعى تقول لي إنه هيتزحلق من طبقه وهيميل
على ودنك ويقول (حاسب أنا مسموم)!
فهمني جنابك –لا مؤاخذة- اللحم هينطق
علشان مين؟؟
***
بس هقول لك: "كم مِن فِئةٍ" لا تَرجو لله وقارًا
قام سابهم للدنيا تسَمِّن فيهم..
لجل ما يسْبَق سيف الدهر إليهم فجأة..
بس انا زي ما مرة سألتك هو اللحم هينطق
ويقول "أنا متسمم" علشان مين؟
جاي دلوقتي وبردو بقول لك:
طب والدهر يجَرَّد سيفه من الغِمْد ويحصد رقابيهم
علشان مين؟!

أللـــــه
ساحر هذا الحرف بجمالية جرسه وتمكن الشاعر من فكرة نصه

وانا برضك بسأ ل وبقول لك
طب والساسةْ المنبطحين !!
قصدي السادةْ اللي على دماغ أهلنا قاعدين
بيبيعوا ويشتروا فِ بلادنا ودم ولادنا ...
علشان مين

دمت متألقا شاعرنا

[محمود موسى]

رائعة من رواعك سيدي المكرم
أكبر من أي رد يقال
للتثبيت لينهل من روعتها العابرون
دام لنا حرفك السامق
ودمت طيبا
تقديري الكبير

دُمتُم برقيكم الذي يحبس الحرف عن مكافأته :)

شكرا لك رنيم

..

[محمود موسى]

أللـــــه
ساحر هذا الحرف بجمالية جرسه وتمكن الشاعر من فكرة نصه

وانا برضك بسأ ل وبقول لك
طب والساسةْ المنبطحين !!
قصدي السادةْ اللي على دماغ أهلنا قاعدين
بيبيعوا ويشتروا فِ بلادنا ودم ولادنا ...
علشان مين

دمت متألقا شاعرنا
ربيحة
التي تسرني دائما بتفاعلاتها المبدَعة
لكِ مني فائق التقدير والاحترام :)

[الطنطاوي الحسيني]

يا رائع الفكر والإحساسواليراع والإبداعخلينا اعيش معاها تاني واعود لك بتعليق يليقتحياتي وشكري لهذا الآلق

[محمود موسى]

يا رائع الفكر والإحساسواليراع والإبداعخلينا اعيش معاها تاني واعود لك بتعليق يليقتحياتي وشكري لهذا الآلق
وأنا مازلت بانتظار عودتك البهية يا أستاذ طنطاوي :)

[إسلام شعله]

سلمت يمينك يا شاعر الواحةدمت بود