قالو انكسر الجنيه ليه؟

[فتحى نجم]

وقف الجنيه والدولار في ساحة العولمة
قامت مشاجرة ما بينهم.. وتحكـّمت معلمة
قام المعلم دولار.. كسر الجنيه بالقول
قاله مالكش كيان .. عيان ومش معدول
فاتك زمان الفّتْونة .. لكن أنا .. لسه لجدري أساس
برفع في قيمتك ونزّل .. وأنخر في قوت الناس
قاله الجنيه آمين..
عفوك يا سيدنا الدولار أنا كلي طوع أمرك
فعلا يا سيدنا أنا مين..
أنت الجدار والسند .. ومالكني طول عمرك
إنت اللي عندك كل قدرة واقتدار..
وف ساحة العولمة بصّت عيونك
ليها شنة وانتصار .. جبروت يخوّف أي عملة
.. إش حال أنا .. أنا إيه أنا .. كان ليا صاحب وإنحنى
.. إنت صحابك توّجوك بالعمل
وأنا صحابي لبّسوني الآه .. إنت كيانك بالعقول إكتمل
وأنا صاحبي نايم فر عقله وتاه
.. وبيشتري بيا بضاعة مش أصيلة
وبيحتنب صنعة بلاده .. وزادها نيله
.. إنه سبب ديا الرزيلة
عفوك يا مولانا الدولار..
ولاد بلدنا لسة نايمة ف ليل طويل
حضن المكاتب ده هدفهم جيل وجيل..
صوت المكن ليهم ضجيج على كتفهم الفاس تقيل
فازاي يواجهوا (جات) بينذر بانفتاح
ويحسنوا في انتاج .. يزغرط له الصباح
عفوك يا مولانا الدولار.. أنا خوفي منك خوف جريح
نازف كيانه نزف زاحف للضريح
وأنت اللي في إيديك القرار
عفوك يا مولانا الدولار برنيطك الدهبي خلاص
فاردة قلوعها ف كل راس .. غلطان أنا ..
فاسمحلي أرجوك بالتماس .. أغفر جراءتي عليك
وهات أبوس يدك.. خوفي بهت على صورتي
ما بقتش أن قدك .. وبقيت تخذني إرتجافة
لما أشوف أدك .. ما بقاش مجال للمشاجرة
دا المعركة محسومة .. أنت الجبابرة تهابك
وأن هيبتي معدومة .. ولبست توب الو يل
عفوك يا سيدنا الدولار
طبّت قوي كفتك والساحة فضيت ليك
ليك حق تكسر دماغي .. أنا إيه عشان أعاديك..

[الطنطاوي الحسيني]

طبّت قوي كفتك والساحة فضيت ليك
ليك حق تكسر دماغي .. أنا إيه عشان أعاديك..

أخي الحبيب نجم الشاعر النجم
سلام الله عليك ورحمته وبركاته
قصيدة مبدعة حقا
فكرا وتصويرا وانزالا للواقع
دعني اثبيتها تقديرا وابداعا وافك الآخرى تماشيا مع الشروط
اخوك
دمت مبدعا رائعا

[رفعت زيتون]

.

سمعنا عن الشعر السياسي

اما الإقتصادي فهو جديد

قصيدة جميلة لك أجمل تحية

.

[فتحى نجم]

اشكركم على المداخلة تحياتى الحارة

[ربيحة الرفاعي]

لك حق تكسر دماغي
أنا إيه عشان أعاديك

حرف ساخر ونص موفق كعادتك
أطربت جرسا ومعنى

دمت بألق شاعرنا

[نداء غريب صبري]

قصيدة جميلة أخي الشاعر فتحي نجم

شكرا لك

بوركت

[آمال المصري]

كانت مشاجرة غير متكافئة والنصر فيها كما اعتدنا ليس للحق ولكن للأقوى
وماكان للجنيه إلا أن يبوس القدم ويبدي الندم على غلطته في حق ....!
ماتعة جميلة كعهدنا بك شاعرنا الرائع
دام ألقك
ومرحبا بك في واحتك
تحاياي

[عايد راشد احمد]

السلام عليكم ورحمة الله

شاعرنا المبدع

كانت الكلمات لينة وسهلة طوعتها باقتدار وجاء نص سلس معبر

بورك الجهد والقلم

تقبل مروري وتحيتي

[محمد محمود محمد شعبان]

جميلة أخي
وفكرتها رائعة
توقظ الضمائر ، وتحفز الهمم
بوركت أخانا الكريم


تحيتي

حمادة الشاعر
أديب ، وشاعر